Արևմուտքում մեծ աղմուկ է բարձրացել «Սարմատի» հաջող արձակումից հետո. Պեսկով

ՌԴ նախագահի մամուլի քարտուղար Դմիտրի Պեսկովը հայտնել է, որ արևմտյան մամուլում մեծ աղմուկ է բարձրացել «Սարմատ» հրթիռային համալիրի հաջող արձակումից հետո:

Երեքշաբթի օրը Ռազմավարական նշանակության հրթիռային զորքերի հրամանատար Սերգեյ Կարակաևը ՌԴ նախագահ Վլադիմիր Պուտինին զեկուցել է «Սարմատ» հրթիռային համալիրի հաջող փորձնական արձակման մասին: Երկրի ղեկավարը նշել է, որ «Սարմատի» պարամետրերը հնարավորություն են տալիս հաղթահարել հակահրթիռային պաշտպանության բոլոր գոյություն ունեցող և հեռանկարային համակարգերը:

«Պաշտոնական արձագանք, անկեղծ ասած, չեմ տեսել, բայց մամուլում շատ աղմուկ կա, շատ դատարկախոսություններ: Ոմանք ասում են, որ ընդունում են իրականությունը՝ որ ռուսներին իսկապես հաջողվել է այդպիսով երաշխավորել իրենց անվտանգությունը երկար տարիներ առաջ, ինչը համապատասխանում է իրականությանը. ոմանք էլ փորձում են, այսպես ասած, նսեմացնել «Սարմատի» տեխնիկական բնութագրերը, ինչը չի համապատասխանում իրականությանը»,- ասել է Պեսկովը լրագրողներին՝ պատասխանելով հարցին, թե արդյոք եղել են արձագանքներ բարեկամ և ոչ բարեկամ երկրներից «Սարմատի» արձակումից հետո:

Նա նշել է, որ կենդանի արձագանքը վկայում է այն մասին, որ աշխարհում ընդունում են «Սարմատ» հրթիռային համալիրի արձակման նշանակությունը: