Ցուցարարները կրկին փակել են Թբիլիսիի կենտրոնական պողոտան

Ցուցարարները կրկին հավաքվել են Թբիլիսիի կենտրոնում՝ Ռուսթավելիի պողոտայում՝ Վրաստանի խորհրդարանի շենքի դիմաց։ Ակցիան կազմակերպվում է արդեն 12-րդ օրը, այս մասին հայտնում է «ՌԻԱ նովոստի»-ի թղթակիցը։

Ոստիկանությունը չի միջամտում տեղի ունեցողին, այլ միայն արգելափակել է մեքենաների շարժը Ռուսթավելի պողոտայով։

Ընդդիմության բողոքի հերթական շարքը Վրաստանում սկսվել է նոյեմբերի 28-ին այն բանից հետո, երբ վարչապետ Իրակլի Կոբախիձեն հայտարարեց Եվրամիությանը երկրի անդամակցության շուրջ բանակցությունների մեկնարկը մինչև 2028 թվականը դադարեցնելու որոշման մասին։ Բողոքի ակցիայի մասնակիցներն օգտագործում են ճայթրուկներ, քարեր, շշեր։ Հաղորդվում է, որ ջարդերի վայրում հայտնաբերվել են Մոլոտովի կոկտեյլներ։ Անվտանգության ուժերը պատասխանում են՝ օգտագործելով հատուկ միջոցներ, այդ թվում՝ ջրցան մեքենաներ։