Դուբայում հայ մարզիկը նոկաուտի է ենթարկել վենեսուելացի Բաստարդոյին, որը մինչև այս անպարտելի էր

Հայաստանի բռնցքամարտի ֆեդերացիան հայտարարություն է տարածել, որում նշվում է․ 

«Հայաստանի բռնցքամարտի ֆեդերացիան շնորհավորում է Հովհաննես Բաչկովին WBA Continental չեմպիոնական գոտին նվաճելու կապակցությամբ։

Դուբայում կայացած «Paddy’s day boxing show»-ի ընթացքում հայ մարզիկը երկրորդ ռաունդում նոկաուտի ենթարկեց վենեսուելացի Ջոս Ռիվաս Բաստարդոյին, որը մինչև այս անպարտելի էր պրոֆեսիոնալ ռինգում։

Վստահ ենք, որ Հովհաննես Բաչկովը դեռ ավելի մեծ ռինգեր ու տիտղոսներ է նվաճելու»։