Լրահոս

2022-03-05
  • Img default alt hy
    Միջազգային
    Մեխիկոյում կհանվեն կորոնավիրուսի դեմ սահմանված բոլոր պատժամիջոցները
    Մեքսիկայի մայրաքաղաք Մեխիկոյի իշխանությունները որոշում են ընդունել մարտի 7-ից հանել կորոնավիրուսի դեմ գործող բոլոր սահմանափակումները: «Արմենպրես»-ի փոխանցմամբ, այս մասին հայտնել է քաղաքապետ Կլաուդիա Շեյնբաումը: Նա տեղեկացրել է, որ բոլոր տեսակի գործունեությունները, այդ թվում և ուսուցումն արդեն կարող են իրականացվել առանց սահմանափակումների: Պաշտոնական տվյալներով, Մեխիկոյի 15 տարեկանից բարձր բնակիչների 98 տոկոսը, որը կազմում է շուրջ 7.33 մլն մարդ, կորոնավիրուսի դեմ լիարժեք պատվաստված է, իսկ բուստերային պատվաստում ստացել է 6 մլն մարդ:
    13:16
    05.03.22
    Ավելին
  • Img default alt hy
    Հայաստան
    Նոր օլիգարխ՝ ՔՊ հովանու ներքո․ Hraparak.am
    hraparak.am-ը գրում է․ «Քաղաքացիական պայմանագիր» կուսակցությունը Նարեկ Նալբանդյանի դեմքով իր սրտի օլիգարխն է կերտում՝ ասում են վերջինիս ճանաչողները: Եթե Նարեկ Նալբանդյան անունը ոչինչ չի ասում, հիշեցնենք, որ նա վերջերս 5 միլիարդ դրամով ձեռք է բերել «Գոլդեն փելես» հյուրանոցը: Ընդ որում, ձեռք է բերել վարկային միջոցների հաշվին, այսինքն՝ բանկերն են աջակցել, որ նա նման թանկ գնում անի՝ պարզերես անելով իշխանություններին եւ հասարակությանն ապացուցելով, որ ապօրինի գույքի բռնագանձում ասվածը միֆ չէ՝ դա իրականացվում է, գույքը ոչ միայն բռնագանձում են, այլեւ վաճառում, եւ պետական բյուջեն դրանից շահում է։ Մինչեւ գործարար ոլորտ մտնելը Նարեկ Նալբանդյանը սովորական քննիչ է եղել եւ սերտ կապեր է ունեցել նախորդ իշխանությունների երեւելի դեմքերի հետ: 2018 թվականից հետո Նարեկի տերերը փոխվեցին. հիմա նա «պրիզնատ է գալիս» միայն իշխող ՔՊ-ին ու հատկապես Պետական վերահսկողական ծառայության պետ Ռոմանոս Պետրոսյանի եղբորը: «Իրար պաչ ու պռոշտիով են բարեւում»,- ասաց կողմերին լավ ճանաչող զրուցակիցս, ըստ որի՝ Նարեկի նոր տերերն ուզում են «փոքր քննիչից մեծ օլիգարխ ստանալ»: Հիշեցնենք, որ ձվի շուկայում դեմպինգի իրականացումը եւս կապվում է նորահայտ օլիգարխի՝ Նարեկ Նալբանդյանի անվան ու նրա տնօրինության տակ անցած «Շիրակ» թռչնաֆաբրիկայի հետ: «Ձվի գինն իջեցրել է ընդհուպ մինչեւ 25 դրամ: Ճիշտ է՝ խանութներ կան, որ իրենց հեղինակությունը պահելու համար չեն էժանացնում, բայց, մեծ հաշվով, այն նույնիսկ ինքնարժեքից ցածր գնով է վաճառվում: Ինչպե՞ս դա կարող է լինել, եթե ձվի ինքնարժեքը 30-35 դրամ է, կերն էլ՝ ներմուծվող»,- հարցնում է զրուցակիցս: Հիշեցնենք, որ այս դեմպինգի պատճառով մի քանի օր առաջ «Լուսակերտ» թռչնաբուծարանի աշխատողները բողոքի ակցիա էին անում, եւ հավերն էլ նվիրեցին գյուղացիներին, քանի որ այլեւս չեն կարողանում կերակրել եւ առհասարակ՝ գոյատեւել։ Բայց ամենազարմանալին այն է, որ թռչնակերն ամենաթանկ գնով հենց Նարեկ Նալբանդյանն է ձեռք բերում: Ըստ զրուցակցիս՝ նա այն գնում է Երեւանում գտնվող «Արդանե» կոչվող ընկերությունից: «Այսինքն՝ ինքնարժեքն իր վրա ավելի թանկ է նստում, բայց ձուն ամենաէժանն է վաճառում: Գիտեմ, որ օրական 100-150 հազար դոլար տակ է տալիս ու չի տրտնջում, որովհետեւ տերերը լուսավոր ապագա են խոստացել: Հիմա մինուսով կաշխատի, որ հետո ֆաբրիկաներն արհեստականորեն սնանկացման գնան, ու ինքն աճուրդով դրանք ձեռք բերի: Սկսել է խոշորներից: Երբ թռչնաշուկան ամբողջությամբ իր վերահսկողությանն անցնի, ձվի գինը կբարձրացնի, մեկ տարի էլ որ ձուն 100 դրամով ծախի, կորցրածը հետ կբերի»: Զրուցակցիս փոխանցմամբ՝ Նարեկ Նալբանդյանին անխոցելի օլիգարխ են դարձնում կառավարության թողտվությամբ․ «Բացի «Գոլդեն փելեսից», նրան են պատկանում նաեւ «Շիրակ» թռչնաֆաբրիկան, երկու ալրաղաց, տրանսպորտային մեկ ընկերություն, որոնք այս պահին աշխատում են մինուսով: Ինքն էլ հարկերից ազատված է»: Իսկ Նալբանդյանները երեք եղբայր են՝ Նարեկը փոքրն է։ Նրանք տարիներ առաջ ստեղծել են «ՄԱՆ հոլդինգը», որը զբաղվել է ոչ միայն թռչնաբուծությամբ, այլեւ անասնակերերի ու ալյուրի արտադրությամբ («Նալբանդյան ալյուր»), կազմակերպել է սպիրտի արտադրություն, տնտեսական ապրանքների ներմուծում եւ մանրամեծածախ առեւտուր, բեռնատար մեքենաների վերանորոգում: «Գյումրի հավկիթ»-ը եւ «Նոր Լուսակերտ հավկիթ»-ը նույնպես «ՄԱՆ հոլդինգին» են պատկանել: Եղբայրներն անգամ մի փորձ են արել քաղաքականությամբ զբաղվելու՝ 2016թ. ՏԻՄ ընտրություններին մասնակցել է եղբայրներից մեկը՝ Աշոտ Նալբանդյանը։ Ապա, չնայած իրենք վստահ են, որ Նալբանդյանը հաղթել է, սակայն հաղթանակը շնորհվել է ՀՀԿ-ական թեկնածուին: Եղբայրներից ավագը՝ Միհրանը, բնակվում է Ռուսաստանում, զբաղվում է հյուրանոցային բիզնեսով: Բայց նաեւ լուրեր կան, որ եղբայրների հարաբերություններն ինչ-որ պահից դադարել են ջերմ լինելուց, եւ նրանց ճանապարհները բաժանվել են։ Այժմ ասպարեզում է կրտսեր եղբայրը, որն իր ՔՊ-ական կապերի շնորհիվ կամաց համալրում է Հայաստանի խոշոր բիզնեսմենների շարքերը։
    13:11
    05.03.22
    Ավելին
  • Img default alt hy
    Միջազգային
    CNN-ը, BBC-ն, CBS-ը, ABC-ն և Bloomberg-ը դադարեցնում են աշխատանքը ՌԴ-ում
    CNN, BBC, CBS, ABC և Bloomberg միջազգային լրատվականները և գործակալությունները դադարեցնում են աշխատանքը ՌԴ-ում։ Այդ քայլը պայմանավորված է ՌԴ նախագահ Վլադիմիր Պուտինի կողմից մի քանի օրենքների ստորագրման հետ, որոնք «ուղղված են խոսքի ազատության հետագա սահմանափակմանը Ռուսաստանում»։ Դա կապված է ՌԴ «Զանգվածային լրատվության միջոցների մասին» օրենքում փոփոխությունների հետ, որոնք արգելում են ՌԴ զինված ուժերի մասին կեղծ տեղեկություններ տարածել և որի համար մինչև 15 տարվա ազատազրկում կարող է սպառնալ։ ՌԴ Պետդուման քրեականացրել է ռուսական բանակի մասին ֆեյքերի համար պատասխանատվությունը։ Եթե ֆեյքը տարածվում է կազմակերպված խմբի շրջանակում կամ ուղեկցվում է ապացույցների կեղծմամբ, պատժի առավելագույն չափը 10 տարի ազատազրկումն է։ Եթե ոչ հիմնավոր տեղեկատվության տարածումը ծանր հետևանքների է հանգեցնում, ապա պատիժը կարող է հասնել 15 տարվա ազատազրկման։ «CNN-ը դադարեցնում է հեռարձակումը Ռուսաստանում, մենք դեռևս շարունակում ենք գնահատել իրավիճակն ու մեր հետագա գործողությունները»,- ասել է ամերիկյան գործակալության ներկայացուցիչը, հայտնում է Deutsche Welle-ն։ «Օրենսդրական փոփոխությունները, կարծես, քրեականացնում են անկախ լրագրությունը։ Դա այլ ընտրություն չի թողնում՝ ստիպված ենք կասեցնել BBC News-ի բոլոր լրագրողների և օժանդակ անձնակազմի գործունեությունը ՌԴ-ում, քանի դեռ գնահատում ենք այդ անցանկալի շրջադարձի բոլոր հետևանքները»,-ասել է իր հայտարարության մեջ BBC-ի գլխավոր տնօրեն Թիմ Դևին։
    12:59
    05.03.22
    Ավելին
  • Img default alt hy
    Միջազգային
    505 միավոր հատուկ ռազմական ավտոմեքենաներ, 56 ԱԹՍ․ ՌԴ ՊՆ
    Ռուսաստանի Զինված ուժերը Ուկրաինայում իրականացվող ռազմական հատուկ գործողության մեկնարկից սկսած՝ ոչնչացրել են 2037 ռազմական օբյեկտ և ենթակառուցվածք։ Այս մասին հայտնել է ՌԴ ՊՆ խոսնակ գեներալ Իգոր Կոնաշենկովը։ Ուկրաինական զինուժին պատկանող և ռուսական կողմի կողմից ոչնչացված ռազմական օբյեկտներից ու ենթակառուցվածքների 71-ը եղել են կառավարման կենտրոններ կամ կապի հանգույցներ, 98-ը С-300, "Бук М-1" եւ "Оса" համակարգեր, 61-ը ռադիոլոկացիոն կայաններ։ Ոչնչացվել է նաեւ 66 ինքնաթիռ, որից 3-ը օդում, 708 տանկ եւ այլ զրահամեքենա, 74 հարվածային կրակի ռեակտիվ համակարգեր, 261 դաշտային հրետանային համակարգեր եւ ականանետներ, 505 միավոր հատուկ ռազմական ավտոմեքենաներ, 56 անօդաչու թռչող սարքեր, ինչպես նաեւ Ժիտոմիրում ոչնչացվել է եւ NLOW հակատանկային հրթիռային համակարգերի մեծ պահեստ։ Ռուսական կողմը չի դադարեցնում հարվածները ուկրաինական ռազմական օբյեկտների եւ ռազմական ենթակառուցվածքների վրա։ Գիշերվա ընթացքում ԴԺՀ ուժերը 27 կմ առաջխաղացում են ունեցել։
    12:56
    05.03.22
    Ավելին
  • Img default alt hy
    Տարածաշրջան
    Վրաստանում արձանագրվել է կորոնավիրուսի 3 033 նոր դեպք
    Վրաստանում արձանագրվել է կորոնավիրուսի 3 033 նոր դեպք: Այս մասին տեղեկատվությունը քիչ առաջ հրապարակվել է stopcov.ge կայքում, փոխացում է 1TV.ge-ն։ Վերջին 24 ժամվա ընթացքում երկրում ապաքինվել է 8 118 մարդ: Վերջին օր ու գիշերվա ընթացքում կորոնավիրուսից մահացել է 32 հիվանդ: Վերջին 24 ժամվա ընթացքում երկրում կատարվել է 19 680 թեստ, այստեղից 16 416-ը արագ, իսկ 3 264-ը «ՊՇՌ» թեստով: Երկրում կորոնավիրուսի բացահայտման դրականության ցուցանիշներն են. Օրականը՝ 15.41 տոկոս, վերջին 14 օրվանը՝ 21.6 տոկոս, իսկ վերջին 7 օրվանը՝ 17.64 տոկոս: Ընդհանուր առմամբ Վրաստանում գրանցվել է կորոնավիրուսային վարակի 1 623 672 դեպք, որից 1 547 531 հիվանդ ապաքինվել է, 16 338-ը ՝ մահացել: Ընդհանուր առմամբ պատվաստվել է 2 825 035 մարդ, օրեկան 1034։ Երեկ, մարտի 4-ին Վրաստանում արձանագրվել էր կորոնավիրուսի 1365 նոր դեպք, ապաքինվել է 9 790 պացիենտ, մահացել 32 մարդ:
    12:52
    05.03.22
    Ավելին
  • Img default alt hy
    Միջազգային
    ՄԻԵԴ-ը չի բավարարել Դոնբասի բնակիչների ներկայացրած 5588 բողոքները
    Մարդու իրավունքների եվրոպական դատարանը 2015 թվականից ի վեր Դոնբասի բնակիչների ներկայացրած 5588 բողոքների և հայցերի վերաբերյալ որևէ որոշում չի կայացրել։ Տեղեկությունը ՌԻԱ Նովոստիին է հայտնել «Արդար պաշտպանություն» ՀԿ վարչության անդամ, իրավապաշտպան Սերգեյ Եֆրեմովը։ Այս ամբողջ ընթացքում մեզ մոտ դատավարություններ են ընթանում։ ՄԻԵԴ–ը որևէ ժամկետներով սահմանափակված չէ, որևէ տեղ գրված չէ որքան է այնտեղ նվազագույն կամ առավելագույն ժամկետը, որքան ժամանակ այդ դատարանը կարող է ուսումնասիրել այս կամ այն բողոքը։ Որոշակի առաջընթաց եղել է անցած տարի, երբ որոշ բողոքների վերաբերյալ ՄԻԵԴ–ից սկսել են լրացուցիչ հարցեր ներկայացել։ Անուղղակի ձևով սա կարող է մատնանշել այն, որ գործնականում որոշակի նախապատրաստություն է գնում կոնկրետ դատավարությունների վերաբերյալ։
    12:48
    05.03.22
    Ավելին
  • Img default alt hy
    Հասարակական
    Պապիկյանը հրաժարվել է պատասխանել Հոկտեմբերի 27-ի բացահայտման մասին հարցին
    ՀՀ պաշտպանության նախարար Սուրեն Պապիկյանը այսօր` մարտի 5-ին, Սպարապետ Վազգեն Սարգսյանի ծննդյան օրը, պաշտպանության փոխնախարարների հետ այցելեց Եռաբլուր եւ ծաղիկներ խոնարհեց Վազգեն Սարգսյանի շիրմին: Այնուհետեւ նա շրջեց Եռաբլուրում եւ ծաղիկներ խոնարհեց արցախյան 44-օրյա պատերազմում զոհվածների շիրիմներին: Լրագրողի հարցին, թե ինչ է արվել Հոկտեմբերի 27-ը բացահայտելու ուղղությամբ այս 4 տարիներին, Սուրեն Պապիկյանը չպատասխանեց: Նշենք, որ Սուրեն Պապիկյանը Պաշտպանության նախարար նշանակվելուց հետո հիմնականում խուսափում է լրագրողների հարցերին պատասխանելուց:
    12:46
    05.03.22
    Ավելին
  • Img default alt hy
    Միջազգային
    Կիևի շուրջ իրավիճակը լարված է, բնակիչներին կոչ է արվել մնալ ապաստարաններում
    Ուկրաինայի մայրաքաղաք Կիևում օդային տագնապ է հայտարարվել: Կիևի քաղաքային պետական վարչությունը հորդորել է բոլոր բնակիչներին շտապ տեղափոխվել ապաստարաններ: «Արմենպրես»-ի հաղորդմամբ՝ «Ուկրինֆորմ»-ը տեղեկացնում է, որ Կիևի ռազմական վարչակազմի ղեկավար Նիկոլայ Ժիրնովը հայտնել է, որ Կիևի շուրջ իրավիճակը շարունակում է լարված մնալ: «Կիևի շուրջ իրավիճակն այսօր շատ լարված է, մենք անում ենք բոլոր անհրաժեշտ գործողություները պաշտպանության համար: Այն սիրտն է մեր երկրի, մշակույթի, պատմության, մեր պետականության կենտրոնն է: Այն սուրբ վայր է յուրաքանչյուր ուկրաինացու համար: Մինչ օրս մայրաքաղաքի մուտքերը հաստատակամորեն պաշտպանում են Ուկրաինայի զինված ուժերի ստորաբաժանումները»,-ասել է Նիկոլայ Ժիրնովը: Նա տեղեկացրել է, որ ենթակառուցվածքների հետ կապված նախապատրաստական ծավալուն աշխատանք է տարվել ՝ ճանապարհների արգելապատնեշներ, հենակետեր, օբյեկտների ականապատում: Նա վստահություն է հայտնել, որ հակառակորդին չի հաջողի մտնել քաղաք:
    12:42
    05.03.22
    Ավելին
  • Img default alt hy
    Հայաստան
    Փոխվարչապետ Մաթևոսյանը հանրային լողափերի համար չափորոշիչները լավարկելու հանձնարարական է տվել
    Փոխվարչապետ Համբարձում Մաթևոսյանի գլխավորությամբ, շահագրգիռ պետական մարմինների ղեկավարների ու ներկայացուցիչների մասնակցությամբ, մարտի 4-ին տեղի է ունեցել խորհրդակցություն՝ հանրային լողափերի և Սևան-Լճաշեն ճեմուղու նախագծի վերաբերյալ: Այս մասին հայտնում են ՀՀ կառավարությունից: Փոխվարչապետի խոսքով՝ Կառավարությունն իր մի շարք որոշումներով, հանրության բոլոր շերտերի համար հասանելի հանգստի հնարավորություն տալու նպատակով, ստեղծել է հանրային ութ լողափ, բայց ներկայում դրանցից կահավորված և շահագործման են հանձնված միայն երեքը։ Այդ երեք լողափերի սպասարկումը պատվիրակվել է մասնավոր ընկերության, որն իրականացրել է բարեկարգման ու կահավորման աշխատանքներ․ նախատեսվում է կառուցել նաև ճեմուղի, նոր ավտոկայանատեղի, տեղադրել նոր տաղավարներ և շվաքարաններ, ինչպես նաև պատշաճ կերպով կազմակերպել աղբահանության աշխատանքները: Փաստելով, որ հանրության շրջանում հանրային լողափերի նկատմամբ կա հետաքրքրություն՝ փոխվարչապետը հանձնարարել է իրավասու մարմիններին գույքագրել առկա դժգոհությունները, կարճ ժամանակում շտկել քաղաքացիների կողմից բարձրացված խնդիրները, ինչպես նաև քայլեր ձեռնարկել, որ հանրային լողափն իրապես բոլորի համար լինի հասանելի։ Հանրային լողափերի հասանելիությունը բարձրացնելու նպատակով խորհրդակցության ժամանակ քննարկվել է մյուս հինգ լողափերը շահագործման հանձնելու, ինչպես նաև Լճափ, Շորժա, Նորատուս և Մարտունի համայնքներում ևս 4 նոր հանրային լողափեր ստեղծելու, հանրային բոլոր լողափերի համար չափորոշիչները լավարկելու հնարավորության հարցը, ինչպես նաև ներկայացվել են «Սևան» ազգային պարկի Լճաշեն-Սևանի թերակղզի հատվածի գոտևորման նախագիծը, դրա իրականացման հետ կապված խնդիրներն ու լուծման տարբերակները։
    12:37
    05.03.22
    Ավելին
  • Img default alt hy
    Միջազգային
    PayPal վճարային համակարգը դադարեցրել է աշխատանքը Ռուսաստանում
    PayPal էլեկտրոնային վճարային համակարգը դադարեցրել է ծառայությունների մատուցումը Ռուսաստանում՝ Ուկրաինայում Ռուսաստանի Դաշնության հատուկ ռազմական գործողության ֆոնին։ Այս մասին ասվում է ընկերության հայտարարության մեջ։ «Ներկայիս պայմաններում մենք դադարեցնում ենք PayPal-ի աշխատանքը Ռուսաստանում», - ասել է PayPal-ի գործադիր տնօրեն Դեն Շուլմանը։ Նա նաև հավելել է, որ ընկերությունն աջակցում է միջազգային հանրությանը՝ դատապարտելով Ուկրաինայում ռազմական գործողությունը։
    12:25
    05.03.22
    Ավելին
  • Img default alt hy
    Հասարակական
    Ավտովթարից մահացել է լրագրող Անահիտ Դանիելյանը
    Երեկ՝ մարտի 4-ի երեկոյան Գորիս֊Ստեփանակերտ ավտոճանապարհին տեղի ունեցած ողբերգական ավտովթարի հետևանքով 45 տարեկան հասակում մահացել է լրագրող Անահիտ Դանիելյանը։ Անահիտ Նիկոլայի Դանիելյանը ծնվել է Ստեփանակերտ քաղաքում, 1977 թվականին: 2007թ. Ստեփանակերտի մամուլի ակումբի անդամ է եղել: 2003թ. ավարտել է Երևանի մենեջմենթի համալսարանի Ստեփանակերտի մասնաճյուղը: Աշխատել է «Ազատ Արցախ (2003-2005թթ.), 168 ժամ (2005-2006թթ.), «Դե-մո» (2006-2009թթ.), «Հետք» (2006-2009թթ.) թերթերի խմբագրություններում` որպես թղթակից: 2008-ից «Արմեդիա» տեղեկատվական-վերլուծական գործակալության թղթակիցն է եղել, 2009-ից՝ «Անալիտիկոն» ամսագրի սրբագրիչ: 2010-ից «Երկիր» օրաթերթի թղթակիցն էր Արցախում: Հայաստանի հանրային հեռուստատեսությունում անցել է 10-օրյա վերապատրաստում և դարձել «Ռեալ քաղաքականություն» հաղորդաշարի «Հայացք Ստեփանակերտից» մասի պատասխանատուն (2010թ.): Վերջին շրջանում աշխատակցում էր media.am կայքին: Անահիտ Դանիելյանը 2018-2020թթ. ոչ ֆորմալ կրթական ծրագրով մեդիադասընթացներ էր անցկացնում ԱրՊՀ «Լրագրություն» կրթական ծրագրի ուսանողների համար։ Մեծ է նրա ներդրումը վերջին տարիներին ԱրՊՀ-ում «Լրագրություն» կրթական ծրագրով սովորող ուսանողների մասնագիտական կայացման գործում։ Նա Արցախի առաջին լրատվական կայքի՝ «Karabakh֊open.info»-ի հիմնադիրն էր։ 5-րդ ալիքի անձնակազմը ցավակցում է Անահիտ Դանիելյանի հարազատներին և լրագրողական համայնքին։
    12:22
    05.03.22
    Ավելին
  • Img default alt hy
    Հայաստան
    Ալագյազ-Ապարան ավտոճանապարհին վթար է եղել. կան տուժածներ
    Մարտի 5-ին, ժամը 11:02-ին Ճգնաժամային կառավարման ազգային կենտրոն տեղեկություն է ստացվել, որ ԱԻՆ ՓԾ Արագածոտնի մարզային փրկարարական վարչության հրշեջ-փրկարարական ջոկատի մարտական հաշվարկը այլ կանչից վերադարձի ճանապարհին Արագած-Ապարան ավտոճանապարհին նկատել է ՃՏՊ: Պարզվել է, որ Ալագյազ-Ապարան ավտոճանապարհի 2-րդ կմ-ին բախվել են «Nissan» և Էջմիածին-Վանաձոր երթուղին սպասարկող «GAZel» մակնիշների ավտոմեքենաները։ Փրկարարները հոսանքազրկել են ավտոմեքենաները, փակել «GAZel» մակնիշի ավտոմեքենայի գազի բալոնի փականը, «GAZel» մակնիշի ավտոմեքենայից դուրս բերել մեկ տուժածի և մոտեցրել շտապօգնության ավտոմեքենային. վերջինս և ևս 5 տուժած հոսպիտալացվել են Ապարանի ԲԿ:
    12:21
    05.03.22
    Ավելին
  • Img default alt hy
    Հասարակական
    Մաքսանենգ ճանապարհով ներկրված թմրամիջոցների իրացումը կանխվել է
    Քրեական ոստիկանության թմրամիջոցների անօրինական շրջանառության դեմ պայքարի վարչությունում ստացված օպերատիվ տվյալներն իրացնելիս, ԱԱԾ, ՊԵԿ մաքսանենգության դեմ պայքարի վարչության, ինչպես և ոստիկանության Մաշտոցի բաժնի ծառայողների հետ համագործակցելով, փետրվարի 22-ին հայտնաբերվեց ու, մաքսանենգ ճանապարհով Հայաստան ապօրինի թմրանյութ ներկրելու, պահելու և իրացնելու կասկածանքով, բերման ենթարկվեց 25-ամյա մի երիտասարդ։ Նրա խուզարկությամբ հայտնաբերվեց la casa de papel գրառմամբ՝ 100, 50 էքստազի տեսակի թմրամիջոցի՝ 50 հաբ, LSD տեսակի թմրամիջոցի՝ 100 հաբ, LSD տեսակի թմրամիջոցի բյուրեղներ՝ 53 գրամից ավելի և 9 գրամ հալուցինոգեն սնկից պատրաստված թմրամիջոց՝ շոկոլադի տեսքով։ 25-ամյա երիտասարդի հայտնածով՝ հայտնաբերվածը ձեռք է բերել մաքսանենգ ճանապարհով և պետք է փոխանցեր 26-ամյա մի երիտասարդի, որպեսզի դրանք «տելեգրամի» միջոցով իրացվեին։ Լայնածավալ օպերատիվ-հետախուզական միջոցառումների շնորհիվ պարզվեց 26-ամյա երիտասարդի ինքնությունը։ Նա փետրվարի 23-ին հայտնաբերվեց ու բերման ենթարկվեց ոստիկանության Մաշտոցի բաժին։ Միջոցառումները շարունակվեցին։ Իրավապահները խուզարկեցին 26-ամյա երիտասարդի կողմից շահագործվող շինությունը։ Խուզարկությամբ հայտնաբերվեցին 19 գրամից ավելի մարիխուանա և 3 գրամից ավելի հալուցինոգեն սունկ։ Հարուցվել է քրեական գործ։ Նշանակվել են փորձաքննություններ։ 25-ամյա երիտասարդը ձերբակալվել է, 26 տարեկանը՝ կալանավորվել։
    12:16
    05.03.22
    Ավելին
  • Արցախ
    Արցախում կորոնավիրուսային հիվանդության 12 նոր դեպք է գրանցվել
    Մարտի 4-ի դրությամբ կատարվել 102 թեստավորում, որի արդյունքում Արցախում կորոնավիրուսային հիվանդության 12 նոր դեպք է գրանցվել։ Կորոնավիրուսային հիվանդությամբ այս պահին ստացիոնար բուժում է ստանում 39 վարակակիր: Այսպիսով, 2022 թվականին կատարվել է 9726 թեստավորում, հաստատվել է կորոնավիրուսային հիվանդության ընդհանուր 3008 դեպք: Ընդհանուր առմամբ, կորոնավիրուսի հետևանքով մահվան 38 դեպք է արձանագրվել: Արցախի Հանրապետության առողջապահության նախարարությունը կրկին հորդորում է հետևել ցուցումներին՝ նոր բռնկումներից խուսափելու և օր առաջ կորոնավիրուսային վարակը հաղթահարելու համար:
    12:08
    05.03.22
    Ավելին
  • Img default alt hy
    Միջազգային
    Իլոն Մասկը հարաժարվել է անջատել ռուսական լրատվական ալիքները. «Ես խոսքի բացարձակ ազատության կողմնակից եմ»
    Ամերիկացի գործարար Իլոն Մասկը հայտարարել է, որ Starlink-ը հրաժարվում է արգելափակել ռուսական լրատվական ալիքները՝ չնայած «որոշ պետությունների» խնդրանքներին։ «Որոշ երկրների (ոչ Ուկրաինայի) կառավարությունները Starlink-ին խնդրել են արգելափակել ռուսական լրատվական աղբյուրները: Մենք դա կանենք միայն զենքի սպառնալիքով։ Կներեք, որ ես խոսքի բացարձակ ազատության կողմնակից եմ», - գրել է նա Twitter-ի իր էջում։
    12:01
    05.03.22
    Ավելին
  • Img default alt hy
    Հայաստան
    Քաղաքապետը հետևել է Ծիծեռնակաբերդի բարձունքի համայնքապատկան տարածքի մաքրման աշխատանքներին
    Ծիծեռնակաբերդի բարձունքի՝ համայնքին պատկանող 8.5 հա տարածքում գարնանը նախատեսվում է ծառատունկ կազմակերպել: Հայտնում է Երևանի քաղաքապետարանը։ Մինչ այդ, Երևանի քաղաքապետի հանձնարարությամբ համայնքապատկան հատվածում լայն թափով սանիտարական մաքրման աշխատանքներ են մեկնարկել: Դեռևս 2019թ. նախանշված մասշտաբային նախագիծը գործնական փուլ է մտել այս տարի, ընթացքին տեղում հետևել է քաղաքապետ Հրաչյա Սարգսյանը: Տարիներ շարունակ անխնամ մնացած անտառային գոտին կարգի բերելու համար աշխատանքներում շուրջ 160 աշխատակից է ներգրավվել: Ծրագրի շրջանակում տարածքից արդեն իսկ շուրջ 180 մեքենա աղբ է տեղափոխվել:
    11:58
    05.03.22
    Ավելին
  • Img default alt hy
    Հասարակական
    Ուկրաինայում ՀՀ դեսպանության աշխատողները տեղափոխվել են Լվով և Ուժգորոդ
    Անվտանգության նկատառումներից ելնելով՝ Ուկրաինայում ՀՀ դեսպանության աշխատակիցները Կիևից տեղափոխվել են Լվով և Ուժգորոդ, որտեղից շարունակելու են ամբողջ ծավալով աշխատել ու սպասարկել ՀՀ քաղաքացիներին։ Այդ մասին ասվում է ՀՀ ԱԳՆ ֆեյսբուքյան էջում։ «Ուկրաինայում ՀՀ դեսպանությունը եզակի դեսպանություններից է, որ այս ամբողջ ընթացքում ամբողջ կազմով աշխատել և սպասարկել է մեր հայրենակիցներին, և շարունակելու է դա անել արդեն նոր տեղակայման վայրերից»,- ասվում է գրառման մեջ: Դեսպանությունը հիշեցրել է, որ ՀՀ քաղաքացիներին հյուպատոսական աջակցություն և այլ խնդիրների հետ կապված խորհրդատվություն տրամադրելու նպատակով կոնտակտային համարները և էլփոստի հասցեն գործում են։
    11:56
    05.03.22
    Ավելին
  • Img default alt hy
    Միջազգային
    Ռուս ռազմագերիների հարազատներին սպառնում են հեռախոսով. Մոսկալկովա
    Ուկրաինայում գերեվարված ռուս զինծառայողների հարազատները տարբեր համարներից հաղորդագրություններ են ստանում, որոնցում նրանցից պահանջում են փողոց դուրս գալ և ցույցեր անել։ Տեղեկությունը հայտնում է ՌԴ-ում մարդու իրավունքների հանձնակատար Տատյանա Մոսկալկովան։ «Ես դիմումներ եմ ստացել Ուկրաինայում գերության մեջ գտնվող տղաների հարազատներից։ Նրանց հեռախոսներում, ինչպես բոլորիս մոտ, կան հարազատների, ընկերների, ծանոթների համարներ։ Վրեժխնդրության, սպանության սպառնալիքներով այս մարդկանցից պահանջում են դուրս գալ փողոցային ցույցերի։ Ոչ մի սրբություն չունեն»,- Instagram-ի իր էջում գրել է նա։ Անվտանգության նկատառումներից ելնելով նա չի նշել զինվորականների անունները: Չնայած սպառնալիքներին հարազատներն իրենց մեջ քաջություն են գտնում և չեն տրվում սադրանքներին։ Մարդիկ ենթարկվում են աննախադեպ տեղեկատվական հարձակումների և ահաբեկման։ Անկասկած, թվայնացումը դարձել է ժամանակակից աշխարհի ամենաազդեցիկ ուժերից մեկը. մարդիկ ենթարկվում են տեղեկատվական աննախադեպ գրոհների, որոնց նպատակը մարդկանց մեջ խուճապ տարածելն է... «Նման հաղորդագրություններ են ստանում նաև իմ աշխատակիցները», - ասել է Մոսկալկովան և հորդորել չտրվել նման սադրանքներին։
    11:48
    05.03.22
    Ավելին
  • Img default alt hy
    Հայաստան
    Վազգեն Սարգսյանն այսօր կդառնար 63 տարեկան
    «Բանակն ազգի ինքնաճանաչման հայելին է, բոլոր հայերի ծնունդն է, հայության հավաքական կերպարն է, նրա պատասխանատվությունը, նրա պատմության վերագնահատումը և հայացքը ապագային։ Սիրուն խոսքեր չեմ ասում, ընդամենը ճշմարտությունն եմ ասում...» Հայաստանի ու Արցախի ազգային հերոս, սպարապետ Վազգեն Սարգսյանն այսօր կդառնար 63 տարեկան... Վազգենն իր ամբողջ էությամբ հայ էր՝ նվիրված իր երկրին ու ժողովրդին: Նրա միակ սերը հայրենիքն էր ու հայոց բանակը, որի արդյունքում էլ կազմավորվեց և հետագայում նրա անունը կրեց ՀՀ ՊՆ Վ.Սարգսյանի անվան ռազմական ուսումնարանը, այժմ՝ համալսարան: Նա ժողովրդի հիշողության մեջ մնացել է որպես հայրենիքի ու հատկապես` բանակաշինության նվիրյալ։
    11:45
    05.03.22
    Ավելին