Լրահոս

2022-04-11
  • Img default alt hy
    Քաղաքական
    Հայկ Մարությանի մասին գրառումս էմոցիոնալ պոռթկում էր, ներելու լիմիտը այդտեղ սպառվեց․ Ալեն Սիմոնյան
    Ես ուզում եմ ներողություն խնդրել իմ և Հայկ Մարությանի ընդհանուր ընկերներից, հանրությունից, որ իրենք ականատես եղան իմ էմոցիոնալ պոռթկմանը, դա էմոցիոնալ պոռթկում էր և այդտեղ ես ավելի շատ որպես ընկեր էի վիրավորված։ Այս մասին «Ազատություն TV»-ի տաղավարում ֆեյսբուքյան ասուլիսի ժամանակ, պատասխանելով օգտատերերից մեկի այն հարցին՝ ինչ հարաբերություններ ունի Հայկ Մարությանի հետ և որն էր նրան կոշտ գրառմամբ պատասխանելու պատճառը, ասաց ԱԺ նախագահ Ալեն Սիմոնյանը։ «Ես էմոցիոնալ մարդ եմ և եթե կարող եմ մեկին կարեկցել, օգնել, մի տեղ էլ զայրանալ, ապա կարող եմ շատ ծանր տանել այն, որ իմ ընկերը, ում հետ ես ճանապարհ եմ անցել, որին շատ բաներ ներել եմ և որի հետ ընդամենը 10 օր առաջ խոսել էի որպես ընկեր, իր հեռանալուց փորձում է ամեն ինչ մի կողմ դնել և շահարկել ինձ, իմ անունը։ Անկեղծ ասած ներելու և անտեսելու լիմիտը այդտեղ սպառվեց և գտա, որ այդ բաները պետք է ասեմ։ Նորից եմ ասում ցավում եմ, ընդունում եմ, որ էմոցիոնալ էի։ Այս ընթացքում ես իր հետ չեմ փշվել, իրեն ու իր ընտանիքին միայն լավն եմ ցանկանում, թող շարունակի իր գործունեությունը, իր մոտ դա կարծում եմ ավելի լավ կստացվի և չեմ ցանկանում այլևս իր մասին խոսել։ Ներել-չներելու հարց չկա, իր հետ կապված բոլոր խնդիրների ժամանակ միշտ առաջինն եմ եղել իր հետ կապված հարվածը իմ վրա վերցնելու, ինչո՞ւ էր պետք այդ օրը իմ մասին խոսել»,- ասաց Սիմոնյանը։
    18:03
    11.04.22
    Ավելին
  • Img default alt hy
    Քաղաքական
    Ես չեմ գնում Արցախ, որպեսզի առիթ փնտրելով չկրակեն մեր գյուղացիների վրա, Ալենը ինչ ուժեղ տղա էր․ Ալեն Սիմոնյան
    Բանակցային այս փուլում նպատակահարմար չեմ գտնում Լեռնային Ղարաբաղի Հանապետություն տերմինը։ Այս մասին «ԱզատությունTV»-ի տաղավարում ֆեյսբուքյան ասուլիսի ժամանակ պատասխանելով օգտատերերից մեկի հարցին, ասաց ԱԺ նախագահ Ալեն Սիմոնյանը։ Անդրադառնալով հարցին՝ ինչու ինքը և իրենց իշխանության ներկայացուցիչները չեն այցելում Արցախ, Սիմոնյանը պատասխանեց․ «Ես չեմ գնում, որպեսզի դա սադրանքի առիթ չդառնա։ Մեկ-մեկ այնպիսի հարցեր են լինում, որ ես զարմանում եմ՝ այդտեղ միտում կա, թե՞ չհասկանալով են արվում։ Ամեն օր սադրանք է տեղի ունենում, վիճակը լարված է, եթե ես պետք է գնամ այնտեղ և ադրբեջանցիները առիթ փնտրելով կրակեն մեր գյուղացիների վրա, ինչի համար է պետք դա անել, արժե՞ նման բան անել, որ հետո ասեն տեսաք՝ Ալենը ինչ ուժեղ տղա էր։ Ինչի համար է դա պետք, եթե այս նուրբ ժամանակահատվածում ես կարող եմ հրահրել որևէ բան։ Համարում եմ, որ դա սխալ է, գնում են բանակցություններ և ես չպետք է առիթ տամ գեթ մեկ կրակոց ավելի անելու»,- ասաց Սիմոնյանը։ Նա նշեց, որ իշխանական պաշտոնյաները այցելում են Արցախ։
    17:55
    11.04.22
    Ավելին
  • Img default alt hy
    Զինված ուժեր
    Հրետանավորներն անցկացրել են գործնական պարապմունքներ
    N զորամիավորման հրետանային ստորաբաժանումների զինծառայողների հետ ապրիլի 11-ին անցկացվել են գործնական պարապմունքներ։ Անձնակազմը հաջողությամբ կատարել է առաջադրված կրակային խնդիրները և անվրեպ խոցել պայմանական հակառակորդի թիրախները։
    17:48
    11.04.22
    Ավելին
  • Img default alt hy
    Հայաստան
    Կամրջի վնասման հետևանքով Լուսագյուղ-Երասխահուն ճանապարհը փակ է բեռնատարների համար
    Արտակարգ իրավիճակների նախարարությունը տեղեկացնում է, որ ՀՀ տարածքում կան փակ ավտոճանապարհներ։ Փակ են Արագածոտնի մարզում «Ամբերդ» բարձրլեռնային օդերևութաբանական կայանից դեպի Ամբերդ ամրոց և Քարի լիճ տանող ավտոճանապարհները: Մ3 ավտոճանապարհի Արմավիրի մարզի Լուսագյուղ-Երասխահուն հատվածում գտնվող կամրջի վնասման հետևանքով ճանապարհահատվածը փակ է բեռնատարների համար․ գործում է Ակնաշեն-Գայ-Մեծամոր-Ջրառատ այլընտրանքային ավտոճանապարհը։
    17:47
    11.04.22
    Ավելին
  • Img default alt hy
    Հասարակական
    Պաշտոնյա դառնալուց հետո իմ կյանքի որակը փոխվել է․ Ալեն Սիմոնյան
    Ազգային ժողովի նախագահ Ալեն Սիմոնյանը հերքում է իր անվան հետ կապվող մի շարք տեղեկությունները, այդ թվում, որ իրեն սպասարկող մեքենան զրահապատ է, 200 հազար դոլար արժե և այլն: «Ես զրահապատ մեքենա չունեմ, ինձ երեք մեքենա չի ուղեկցում, և այդ մեքենան չարժե 200 հազար դոլար, արժե ավելի քիչ», - «Ազատության» «Ֆեյսբուքյան ասուլիսի» շրջանակներում հայտարարեց Ալեն Սիմոնյանը: Հատվածներ՝ ԱԺ նախագահի հետ ասուլիսից. «Պաշտոնյա դառնալուց հետո իմ կյանքի որակը, իմ ազատությունը փոխվել է միայն դեպի վատը» Օգտատերերը հետաքրքրվել էին, թե ինչո՞ւ են պետական միջոցներից թանկարժեք մեքենաներ գնում և ոչ օրինակ` բանակի համար ծախսեր անում: «Ես զրահապատ մեքենա չունեմ, ինձ երեք մեքենա չի ուղեկցում, և այդ մեքենան չարժե 200 հազար դոլար, արժե ավելի քիչ, և այդ ծուռ հայելիների աշխարհում ապրելը, որը Ֆեյսբուքը հիմա վերցրել է իր վրա, և իմ անվան հետ կապված շահարկումները, որ մոդայիկ են դարձել, պետք է դադարեն, և մարդիկ պետք է ուշադրություն չդարձնեն, որովհետև այն ամենը, ինչ լսում եմ իմ մասին, արդեն մեր ընկերական շրջանակում բազմաթիվ կատակների թեմա է դարձել», - ի պատասխան ասաց ԱԺ նախագահ Ալեն Սիմոնյանը: «Ինձ համար պետական պաշտոնյա դառնալուց հետո իմ կյանքի որակը, իմ ազատությունը փոխվել է միայն դեպի վատը, դա իմ ընտրությունը չի` անվտանգության աշխատակիցները: Իմ ամբողջ օրվա կռիվը դա է, որ ես չեմ ուզում, ես ուզում եմ հեծանիվ քշել: Մի անգամ դա արեցի, տղաները ստիպված եղան, մեկը հետևիցս վազում էր, ստիպված կանգնեցին… Ինձ եթե մի բան է պատահում, օրենքի բերում իրենք պատասխանատվության են ենթարկվում», - պարզաբանեց Սիմոնյանը:
    17:30
    11.04.22
    Ավելին
  • Հասարակական
    Շահումով խաղեր խաղացողների թիվը 2018-20 թվականներին ավելացել է. նրանց մեջ երեխաներ կան
    Շահումով խաղեր խաղացողների թիվը 2018-2020 թվականներին ավելացել է գրեթե 2,5 անգամ: Վիճակագրությունը խորհրդարանում՝ Ֆինանսավարկային և բյուջետային հարցերի մշտական հանձնաժողովի նիստում, ներկայացրել է Ազգային ժողովի «Հայաստան» խմբակցության քարտուղար Արծվիկ Մինասյանը:
    17:27
    11.04.22
    Ավելին
  • Img default alt hy
    Քաղաքական
    Ես իրավունք չունեմ այդ հարցին պատասխանել․ Սիմոնյանը՝ Արցախը Ադրբեջանի մաս համարելու մասին
    Իրավունք չունեմ այդ հարցին պատասխանելու, որովհետև հիմա մտնում ենք բանակցությունների մեջ։ Այս մասին «Ազատություն TV»-ի եթերում ֆեյսբուքյան ասուլիսի ժամանակ պատասխանելով այն հարցին՝ Արցախը համարո՞ւմ է Ադրբեջանի ամբողջականության մաս, թե ոչ, ասաց ԱԺ նախագահ Ալեն Սիմոնյանը։ «Պառլամենտական երկրի ԱԺ նախագահի կողմից նման կոնկրետ դիրքորոշում դնելը և բանակցությունների գնալը կարող է ազդեցություն ունենալ բանակցությունների բուն բովանդակության վրա»,- ասաց Սիմոնյանը։
    17:20
    11.04.22
    Ավելին
  • Img default alt hy
    Միջազգային
    Թխամորթ դագաղագործների մասնակցությամբ մեմը վաճառվել է 1 միլիոն դոլարով
    Coffin dance վիդեոմեմը, որում նկարահանվել են Գանայից դագաղագործներ, աճուրդում NTF տոկենի տեսքով վաճառվել է 1,04 միլիոն դոլարով։ Մեմի NFT տարբերակը ներկայացրել են Բենջամին Աիդուն եւ Մեթյու Օրդրիքը, որոնք օրիգինալ հոլովակը հրապարակել էին YouTube-ում։ Աճուրդի կազմակերպիչները հենց դագաղածործներն ու ուկրաինական «Bads» գործակալությունն էին։ Ստացված գումարի մեկ չորրորդը կնվիրաբերեն ուկրաինական բարեգործական հիմնադրամին, նույնքան գումար բաժին կհասնի նաեւ գործակալությանը։ Գումարի կեսը կստանան տեսանյութի մասնակիցները։ Coffin Dance-ը համացանցում հայտնիություն է ձեռք բերել 2020թ․-ին։ Բենջամին Աիդուն, իր հերթին հոլովակում գլխավոր դերակատարներից մեկն է։
    17:14
    11.04.22
    Ավելին
  • Img default alt hy
    Հայաստան
    Փաշինյանի օրոք որևէ բողոքի ակցիա ժողովրդի օգտին չի ավարտվել․ «Yerevan.today»
    Օրեր առաջ բողոքի ակցիա էին իրականացնում Երևանի Չեխովի անվան N 55 դպրոցի ուսուցիչները և աշակերտները: Նրանք պահանջում էին տնօրենի պաշտոնում թողնել իրենց նախընտրած թեկնածուին, ոչ թե ինչպես մամուլն է գրում՝ Տիգրան Ավինյանի հովանավորյալին, որը նշանակվել է ԺՊ: Քաղաքապետարանից, սակայն, նրանց մերժեցին՝ ասելով, որ որոշումն անփոփոխ է: Շաբաթներ առաջ էլ վարորդներն էին դուրս եկել փողոց: Թանկացել էր ԱՊՊԱ-ն: Կառավարությունից ապահովագրողների բյուրո ակցիաներ, ավտոերթեր, փակված փողոցներ: Բայց այս դեպքում ևս իշխանությունն անդրդվելի էր: Որոշումն ընդունված է, փոփոխման ենթակա չէ: Սա միայն վերջին շրջանի ակցիաների հանգուցալուծումը չէ: Այս իշխանության օրոք անկախ թեմայից, յուրաքանչյուր բողոքի ակցիա չի հասնում իր նպատակին: Մեծ մասամբ երիտասարդների միջոցով իշխանության եկած ուժը ընդառաջ չգնաց անգամ դիմորդներին, երբ նրանցից շատերը այս իշխանության որոշումների արդյունքում դուրս էր մնացել Բուհից: Դիմորդներին տարան-բերեցին, բողոքի ակցիան պիտակավորեցին, մասնակիցներին մեղադրեցին, հետո համալսարանի փոխարեն ճանապարհեցին տուն: Նույնը տեղի ունեցավ նաև, երբ որոշեցին բողոքի ձայն բարձրացնել 3 միլիոն վարչապետերից գյուղացիներն ու ֆերմերները: Նրանք բողոքում էին սպանդանոցային մորթի դեմ: Կառավարությունը ասաց հուլիսի 1-ից մտնում է ուժի մեջ և վերջ։ Դեպքերը բազմաթիվ են ու ոչ մի պարագայում ակցիա անողները հաջողություն չեն ունենում։ Իշխանությունն արդեն անտեսում է ոչ միայն ժողովրդի բողոքի ձայնը, այլ նաև ազատ կամարտահայտությունը: Տիմ ընտրությունների ժամանակ մի շարք քաղաքներում ժողովուրդը չցանկացավ տեսնել Փաշինյանի թիմակիցներին, ընտրեց իր թեկնածուին: Իսկ իշխանությունը եղունգներով ճանկռելով զավթեց իշխանությունն այդ քաղաքներում: Հաղթած քաղաքապետերին կալանավորեցին, գործարքների գնացին, օրենքի փոփոխություններ մտցրին: Մի խոսքով, ամեն ինչ արեցին, որ ժողովրդի քվեն դառնա առոչինչ: Իսկ նախկինում ժողովուրդը, որը, ինչպես ասում էին, պատանդ էր իշխանությունների ձեռքին, անգամ չէր կարողանում բողոքի ձայն բարցրացնել, իր անհնազադությունը ցույց տալ, արի ու տես, որ կարողացավ հոսանքի գնի բարձրացումը կանխել, տրանսպորտի թանկացումը թույլ չտալ, հանքի շահագործում կանխել, զբոսայգում բուտիկների տեղադրում կանխել, պարտադիր կուտակայինի օրենքը հետաձգել։ Բազմաթիվ դեպքեր կարելի է հիշել այսպես կոչված՝ նախկիններից, որ քաղաքացիները դուրս են եկել բողոքի ցույցերի և կառավարությունը գնացել է զիջումների։ Իսկ Նիկոլ Փաշինյանի կառավարության պարագայում զիջումն անհնար է․ հասարակության ձայնը, կարծիքը անտեսված է։ Ստացվում է, որ ժողովրդադավրության բաստիոնին արդեն ժողովուրդը պետք չէ, էլ չեն սիրում ու խոնարհվում, անում են, ինչ ուզում են, ինչպես իրենց է հարմար, բայց դե այդ ամենը ժողովրդի համար է լոզունգի ներքո:
    17:08
    11.04.22
    Ավելին
  • Img default alt hy
    Միջազգային
    Ժամանակավորապես կարգելվի «Կինդեր» ապրանքանիշի շոկոլադի և շոկոլադային արտադրանքի ներմուծումը Հայաստան
    ՀՀ սննդամթերքի անվտանգության տեսչական մարմինը, ուսումնասիրելով տեղեկատվությունն այն մասին, որ Եվրոպական մի շարք երկրներում արձանագրվել են շոկոլադի, մասնավորապես՝ «Կինդեր» շոկոլադե ձվերի, օգտագործման արդյունքում սալմոնելայով վարակվելու տասնյակ դեպքեր՝ վերահսկողական միջոցառումներ է սկսել «Կինդեր» ապրանքանիշի շոկոլադի և շոկոլադային արտադրանքի նկատմամբ։ Նշված ապրանքանիշը ներկրող երկու կազմակերպություններում՝ «Սլավ Գրուպ» ՓԲԸ-ում (ներկրում է Ռուսաստանից) և «ՍԱՍ Գրուպ» ՍՊԸ-ում (ներկրում է Գերմանիայից) իրականացվում է պետական վերահսկողություն՝ ստուգում, որի շրջանակներում ընկերություններում առկա խմբաքանակներից կկատարվի նմուշառում և կներկայացվի լաբորատոր փորձաքննության: Տրվել է նաև Գերմանիայից ներկրվող «Կինդեր» ապրանքանիշի շոկոլադի և շոկոլադային արտադրանքի ներմուծման ժամանակավոր արգելանքի հրաման: Լաբորատոր փորձարկումների արդյունքները կհրապարակվեն։
    17:03
    11.04.22
    Ավելին
  • Img default alt hy
    Առողջապահական
    Անահիտ Ավանեսյանը Ֆրանսիայում մասնակցել է Պատվաստանյութերի և իմունիզացիայի դաշինքի խորհրդի նիստին
    Առողջապահության նախարար Անահիտ Ավանեսյանը Ֆրանսիայի Հանրապետությունում մասնակցել է Պատվաստանյութերի և իմունիզացիայի գլոբալ դաշինքի (GAVI) խորհրդի նիստին` որպես Եվրոպական տարածաշրջանը ներկայացնող խորհրդի անդամ: Նիստի ընթացքում ծավալվել են աշխատանքային քննարկումներ, հատուկ ուշադրության է արժանացել երկրների միջև համագործակցության ամրապնդման անհրաժեշտությունը։ Զարգացող երկրների ձայնը միասնական և լսելի դարձնելու նպատակով խորհրդի անդամները, նախագահ Ժոզե Մանուէլ Բարոզուի գլխավորությամբ, առաջարկել են ստեղծել «Իրականացնող երկրների» մի խումբ` բաղկացած խորհրդի բոլոր անդամներից, նրանց փոխարինողներից և կոմիտեների պատվիրակներից։ Անահիտ Ավանեսյանը հատուկ ընդգծել է միջին եկամուտ ունեցող երկրների համար Պատվաստանյութերի և իմունիզացիայի գլոբալ դաշինքի ռազմավարության փաստացի իրականացման կարևորությունը ընթացիկ ժամանակահատվածում: --00--ՀԶ
    16:55
    11.04.22
    Ավելին
  • Img default alt hy
    Հասարակական
    Պատգամավոր Հայկ Սարգսյանի կինը հարսանիքի ժամանակ դոլարներ է նետում օդ. «Tert.am»
    «Tert.am»-ը ֆեյսբուքյան իր էջում տեսանյութ է հրապարակել։
    16:49
    11.04.22
    Ավելին
  • Արտաքին քաղաքականություն
    Բաքուն մեղադրում է ՀՀ ԱԳՆ-ին՝ «հարաբերությունները կարգավորելու ցանկության բացակայության համար»
    Ադրբեջանի արտաքին քաղաքական գերատեսչությունը մեղադրել է Հայաստանի արտգործնախարարությանը հարաբերությունները կարգավորելու ցանկության բացակայության համար:
    16:47
    11.04.22
    Ավելին
  • Img default alt hy
    Հասարակական
    Սրանք ընդամենը գլխաքանակ են, կոկորդիլոս ընտրողներ են․ «Oragir.news»
    «Oragir.news»-ը գրում է․ «Շաբաթավերջին վարչապետի մոտ քննարկել են գարնան գյուղատնտեսական աշխատանքների կազմակերպմանը վերաբերող հարցեր: Վարչապետը նշել է, որ քննարկելու են գարնան գյուղատնտեսական աշխատանքների հետ կապված հարցեր, որ տեսնեն, թե ինչ իրադրություն ունենք, ինչ կանխատեսումներ ունենք, մանավանդ պարենային անվտանգության առումով. «Նաև մտքեր փոխանակենք գյուղատնտեսության ոլորտում մեր ունեցած ծրագրերի վերաբերյալ»: Վարչապետին զեկուցվել է պարարտանյութի, դիզվառելիքի, սերմացուի շուկաներում ընթացիկ իրավիճակի, մշակովի հողատարածքների ծավալի, ջրամբարների լցվածության, ոռոգման համակարգի վիճակի վերաբերյալ: Պատասխանատուները ներկայացրել են այս ուղղություններով իրականացվող մշտադիտարկումների արդյունքները և գնահատականները: Առաջին հայացքից հերթական, շարքային թվացող, գյուղատնտեսական աշխատանքների կազմակերպմանը վերաբերող հաղորդագրություն է։ Իրականում պաշտոնական, կառավարության մակարդակով դրսևորվող ցինիզմ է գյուղատնտեսության, գյուղացու և ընդհանրապես երկրի նկատմամբ։ Եթե նման բովանդակությամբ հաղորդագրություն տարածվեր դեկտեմբերին, հունվարին, նույնիսկ փետրվարի առաջին տասնօրյակում, նորմալ կընկալվեր և տրամաբանական կլիներ։ Մինչդեռ ապրիլի 8-ին, երբ օրացույցով անգամ գարունը «կիսվել» է, և մայիսի սկզբներից փաստացի ամառ է, կառավարությունում նոր միայն հիշել են, որ գարնան գյուղատնտեսական աշխատանքների ուղղությամբ պետք է քննարկում իրականացնեն։ Եվ ոչ թե նախապատրաստական աշխատանքների ընթացքն են քննարկել, այլ ընդամենը գյուղատնտեսական աշխատանքների հետ կապված հարցեր։ Այս քննարկումից ընդամենը մեկ օր առաջ ոլորտի պատասխանատուին հիշեցնում են գարնանացանի սերմացու չլինելու մասին, որին «դե եկող շաբաթ գնում եմ Մոսկվա, տեսնենք էլի, մի բան կանենք, համ էլ անցած տարի էլ չհասցրինք, հետո...» ոճի մեջ պատասխան է հնչեցնում։ Ամբողջ Եվրոպան մարտի կեսերից սկսած փոթորկվում է պարարտանյութերի թանկանալու պատճառով. Իսպանիա, Պորտուգալիա, Իտալիա, Բելգիա՝ ամենուր գյուղացի-ֆերմերները բառիս բուն իմաստով լցվել են փողոցները, ճանապարհներ են փակում, ուլտիմատում ներկայացնում կառավարություններին՝ պահանջելով սուբսիդավորված մատչելի պարարտանյութով ապահովել իրենց: Մեզանում նույն ընթացքում կառավարության հանձնարարականով դեռ մարտի սկզբներին գյուղացուց գումարներ են հավաքում, որ հավաքվածին համապատասխան կառավարությունն էլ սուբսիդավորում իրականացնի, ու պարարտանյութ ներկրվի։ Մի ամիս անց, բացարձակապես ոչինչ չարած, որոշ պնդումներով՝ այդ փողերը ինչ-որ տեղեր շրջանառության մեջ դրած, վերադարձնում են առանց որևէ պարզաբանման։ Անհասկանալի պատճառներով սուբսիդավորման գործընթացը ձախողվել է։ Սովետմիության օրոք հանրապետությունում ոռոգման ջուրը գյուղերին տրվում էր ամենաուշը մարտի 10-ին։ Անկախության տարիներին՝ ապրիլի 1-ին։ Ապրիլի 8-ին կառավարությունում «քննարկում են» գյուղատնտեսությանը վերաբերող հարցեր, ու ոչ մի խոսք այն մասին, որ ոչ միայն ոռոգման ջուրը չի մատակարարվել, ինչի հետևանքով հանրապետությունում այս օրերին տնկված հարյուրավոր հա-ներով պտղատու այգիները ջրվել են բառիս բուն իմաստով դույլերով, տարբեր տարաներով, բաքերով, մարդատար ու բեռնատար մեքենաներով կրելով, մյուս կողմից էլ՝ ջուր չլինելու պատճառով մինչ օրս մարդիկ չեն կարողանում բազմամյա խոտաբույսերի ցանք իրականացնել։ Ցավոք, ոչ միայն ջրի պատճառով։ Մեզանում մշակվող որոշ բազմամյա խոտաբույսերի սերմեր ևս չեն ճարվում հանրապետությունում։ Բայց դա իշխանությունների համար հարցի անհետաքրքիր կողմն է։ Ապրիլի 11-ի դրությամբ ամբողջ հանրապետությունում 20 հազար հա-անոց ոռոգման համակարգից անգամ 20 կմ ջրատար չի մաքրվել։ Առաջիկայում մեկ օրով կամ մի քանի ժամով ջրատարներում ջուր բաց կթողնեն, որը, քշելով աշնանից մնացած աղբը, տարբեր հատվածներում խցանումներ կառաջացնի, որոնք էլ մեկ-երկու օրում կմաքրեն, ու դրա դիմաց հարյուր միլիոնավոր դրամներ դուրս կգրվեն «ոռոգման համակարգերի մաքրում» տողով։ Ժամանակին, ըստ Փաշինյանի, այս համակարգում փողերը լափում էին, նաև այս մեխանիզմով։ Բայց, ի տարբերություն սրանց, այն ժամանակ դա արվում էր մարտի կեսերին, ու ժամանակին ջուր էին տալիս։ Եվ ի տարբերություն սրանց, նրանք պրոֆեսիոնալ էին, գիտեին երբ, ինչ քանակով ջուրը տալ ու խցանումները որտեղ սպասել։ Քանի որ հիմա արդեն նախկիններից մարդ չեն թողել, ամեն ինչ արվում է անպատասխանատու ու թափթփված ձևով։ Մի շարք գործոնների արդյունքում մինչև 2020թ.-ի գարնանը վարուցանքի մեխանիզացիոն աշխատանքները որոշակիորեն էժանացել էին։ Տեղեր կային, որ 1 հա-ի վարի գինը նվազել էր մինչև 30-35 հազար դրամ։ Այս օրերին 1 հա-ն վարում են 60-70 հազար դրամով։ Եվ այս իրավիճակում կառավարությունում քննարկում են պարարտանյութի, դիզվառելիքի, սերմացուի, ոռոգման համակարգի վիճակի վերաբերյալ հարցեր։ Ու գյուղացուն, ժողովրդին՝ ոչ մի խոսք, թե ինչ եզրահանգումների են եկել, ինչ սպասել՝ ջուր, պարարտանյութ, վառելիք երբևիցե կլինեն, թե ոչ։ Իսկ գյուղացին ով է, որ իրենք պետք է սրան զեկուցեն, թե ինչ կլինի։ Շատ էլ որ ասեցին՝ երեք միլիոն վարչապետ։ Գյուղացին իսպանացին է, իտալացին, բելգիացին, որ իրենց իրավունքների շրջանակներում «խեղդում է» իրենց կառավարություններին, պահանջում իրենց հասանելիքը։ Հայաստանի գյուղացին, նրանցից տասնապատիկ, հարյուրապատիկ վատ վիճակում գտնվելով հանդերձ, այս օրերին կոկորդիլոս է ընտրում։ Ուրեմն կառավարությունը կարող է ոչ միայն գյուղին ու գյուղատնտեսությանը վերաբերող հարցերն ընդամենը ձևական կողմը պահելու նպատակով քննարկել ու ոչ միայն ապրիլի կեսերին, այլև կարող է ընդհանրապես չքննարկել։ Որովհետև հատկապես գյուղացիներին սիրելի այս կառավարության համար սրանք ընդամենը գլխաքանակ են, կոկորդիլոս ընտրողներ ու ոչ երբեք իրենց իրավունքի հարկն իմացող «քաղաքացիներ»»։
    16:32
    11.04.22
    Ավելին
  • Հայաստան
    Արցախի դրոշը՝ Հայաստանի տարբեր քաղաքներում
    «Հայաստանում շարունակվում է Արցախի պետական դրոշի հաղթարշավը»,- ֆեյսբուքյան իր էջում գրել է «Հայաստան» դաշինքի անդամ, ԱԺ փոխնախագահ Իշխան Սաղաթելյանը: Նա տեղեկացնում է, որ Արցախի դրոշը տեղադրվել է նաև Չարենցավանում, Գյումրիում, Աբովյանում, Սևանում, Արմավիրում ու Էջմիածնում։
    16:25
    11.04.22
    Ավելին
  • Img default alt hy
    Հայաստան
    «Գեոպրոմայնինգ Գոլդ»-ն անուղղակի հաստատում է կառավարության հետ կոռուպցիոն գործարքների մեջ լինելը. «Փաստինֆո»
    Փաշինյանի ստորագրած կապիտուլյացիոն ակտի ստորագրումից հետո Սոթքի հանքավայրի ճնշող մեծ մասը կորցրած «Գեոպրոմայնինգ Գոլդ» ընկերությունը, հիմնական բաժնետեր Տրոցենկոյի՝ ՀՀ կառավարության հետ քաղաքական կոռուպցիոն գործարքից հետո, «մոռացել է» կրած վնասների մասին, գրում է «Փաստինֆո»-ն։ «2020թ նոյեմբերի 9-ի եռակողմ հայտարարության արդյունքում Սոթքի հանքի մի մասն անցել է ադրբեջանական վերահսկողության տակ։ Մասնավորապես՝ բրիտանական Անգլո Աժիան Մայնինգ ընկերությունը հայտարարել էր՝ հանքավայրի ավելի քան 75%-ը գտնվում է Ադրբեջանի զինված ուժերի վերահսկողության ներքո և Գեոպրոմայնինգ Գոլդ ընկերությունը Սոթքում չի իրականացնում որևէ աշխատանք։ Փորձագիտական շրջանակների կողմից գնահատականներ էին հնչում, որ «Գեոպրոմայնինգն» ունի իրավական բոլոր հիմքերը միջազգային արբիտրաժային դատարան դիմելու համար, քանի որ ՀՀ կառավարության գործողությունների հետևանքով կրել է զգալի նյութական վնաս։ «Ջի Փարթներս» իրավաբանական ընկերության տնօրեն Սարգիս Գրիգորյանը Sputnik Արմենիայի հետ զրույցում չէր բացառում այն հեռանկարը, երբ ներդրողներն իրենց վնասի դիմաց միջազգային դատական ատյաններում ահռելի փոխհատուցման պահանջներ կներկայացնեն Հայաստանի դեմ` կնքված միջազգային համաձայնագրերի շրջանակում։ Ընդ որում` հնարավոր պահանջվելիք փոխհատուցման գումարը, ըստ նրա, կարող է կազմել 3 մլրդ դոլարից մինչև 5 մլրդ դոլար, ինչը վճարվելու է Հայաստանի հարկատուների հաշվին։ Ու հանկարծ տեղի է ունենում բիզնեսի վերաբաշխում. խիստ կասկածելի հանգամանքներում Զանգեզուրի պղնձամոլիբդենային ընկերության բաժնետոմսերի մեծ մասը, առանց մյուս բաժնետերերի գիտության ու համաձայնության, վաճառվում է «Գեոպրոմայնինգ Գոլդ» ընկերության բաժնետեր Ռոման Տրոցենկոյին, նույն ինքը՝ Ռուսաստանում, ըստ ռուսական մամուլի, պետական մարմինների միջամտությամբ, բիզնեսներ խլելու գործում վարպետացած ռուս օլիգարխ Ռոման Տրոցենկոյին, ինչի հետո կարծես լռության մատնվեց Սոթքում կրած վնասների հանգամանքը։ «Փաստինֆո»-ն դեռևս մարտի 16-ին գրավոր հարցում է ուղարկել «Գեոպրոմայնինգ» ԲԲԸ նախագահ Ռոման Խուդոլիին՝ կապված կապիտուլյացիոն ակտի հետևանքով ընկերության իրավունքների խախտման, կրած վնասների, Սոթքի հանքի շահագործման հարցերի առնչությամբ, սակայն ընկերությունը կասկածելի գործարքների արդյունքում այլևս չունի որևէ ասելիք։ Ընկերությանը, մասնավորապես, խնդրել էինք հայտնել, թե Ռուսաստանի, Հայաստանի և Ադրբեջանի ղեկավարների 2020 թ. նոյեմբերի 9-ի համատեղ հայտարարությամբ ամրագրված դրույթների իրականացման արդյունքում GeoProMining ընկերության շահերն ու իրավունքները արդյոք խախտվել են, որքան է կազմել ընկերության կրած վնասը։ Խնդրել էինք առանձին նշել փաստացի կրած նյութական վնասի չափը և թե որքան եկամուտից է զրկվել նշված եռակողմ հայտարարության արդյունքում հանքի տարածքի մի մասը ադրբեջանական հսկողությանը հանձնելու հետևանքով, ինչ քայլեր են ձեռնարկել ընկերության խախտված իրավունքները պաշտպանելու, կրած կորուստների դիմաց փոխհատուցում ստանալու համար: Փորձել էինք պաշտոնապես պարզել, թե որն է պատճառը, որ փոխհատուցման հարցով հայց չեն ներկայացրել միջազգային համապատասխան ֆինանսական կառույցներին, արբիտրաժային դատարան՝ ընդդեմ ՀՀ կառավարության, առավել ևս, երբ փորձագետների գնահատմամբ, ընկերությունն ուներ հայցը շահելու գրեթե երաշխավորված հնարավորություններ: Հետաքրքրվել էինք նաև, թե որևէ ձևաչափով ՀՀ իշխանությունների հետ գրավոր կամ բանավոր, պաշտոնապես կամ ոչ պաշտոնապես քննարկվել է արդյոք Սոթքի հանքի շահագործման անհնարինության, հասցված վնասների փոխհատուցման, անձնակազմի պահպանման, հանքի շահագործման ընթացքում անվտանգության ապահովման և հարակից այլ հարցեր: Ընդ որում, տեղեկություններ կան, որ, այնուամենայնիվ, մտադրություն և որոշում ունեցել են ՀՀ կառավարությունից փոխհատուցում պահանջելու հայց ներկայացնել, սակայն 2021 թ. ընթացքում հրաժարվել են այդ մտքից և մենք հետաքրքրվել ենք, թե որն է որոշումը վերանայելու դրդապատճառը, և արդյոք այն կապ ունի ընկերության կողմից ԶՊՄԿ մասնաբաժնի ձեռքբերման գործարքի հետ: Մեկ այլ հարցով փորձել էինք պարզել, թե մեծ վնասներ կրած ընկերության՝ ՀՀ կառավարության նկատմամբ շռայլությունն ինչով է պայմանավորված։ Ընկերությունը զրկվել է Սոթքի ոսկու հանքի պաշարների 75 տոկոսը շահագործելու հնարավորությունից և ըստ այդմ` համապատասխան ծավալի ակնկալվող եկամուտներից, սակայն Գեոպրոմայնինգ ընկերությունը 2021 թ. Սեպտեմբերին, գործարքին զուգահեռ, հայտնեց, որ աշխատատեղեր չի կրճատելու, իսկ սեպտեմբերի 30-ին կնքված ԶՊՄԿ գործարքով անգամ ՀՀ կառավարությանը փաստացի նվիրաբերեց նոր ձեռքբերած ակտիվի զգալի մասնաբաժինը: Բացի այդ՝ ընկերությանը հիշեցրել ենք, որ Ադրբեջանի ղեկավարությունը, որը տարիներ շարունակ հայտարարում էր Սոթքի հանքավայրի շահագործման հետ կապված «Գեոպրոմայնիգին» դատի տալու մասին և Զանգեզուրի Պղնձամոլիբդենային կոմբինատի կողմից էկոլոգիական խնդիրների առաջացման մասին, ընկերության խմբին պատկանող «Արդյունաբերական ընկերության» կողմից ԶՄՊԿ-ի մասնաբաժին ձեռք բերելուց հետո դադարեցրեց նման հայտարարություններով հանդես գալը և փորձել ենք պարզել, թե ինչով են դա պայմանավորում, որևէ աշխատանք կատարվե՞լ է արդյոք Ադրբեջանի հետ հարաբերությունների կարգավորելու ուղղությամբ։ Գեոպրոմայնինգ ընկերությունը ձգձգելով խուսափել է պատասխանել նշված հարցերին՝ դրանով իսկ անուղղակի հաստատելով ՀՀ ներկայիս իշխանությունների հետ ստվերային պայմանավորվածությունների մասին մեր կասկածները, կոռուպցիոն գործարքի գնալու հանգամանքը։ Հիշեցնենք՝ դեռևս 2021 թվականի օգոստոսին դատարանը վարույթ էր ընդունել ԶՊՄԿ բաժնետոմսերի 12.5 տոկոսի սեփականատիրոջ հայցը՝ ԶՊՄԿ ընդհանուր բաժնետոմսերի 75%-ի վաճառքի դեպքում դրանք ձեռքբերելու նախապատվությունը տալ իրեն՝ որպես բաժնետեր։ Իսկ որպես հայցի ապ ահովման միջոց ներկայացրել նաև բաժնետոմսերի վաճառքի վրա արգելանք դնելու մասին միջնորդություն, ինչը բավարարվել էր։ Ու մինչ դատարանը քննության առարկա կդարձներ բուն հայցը՝ սեպտեմբերի վերջերին մեկ այլ դատարան անհապաղ նիստ է հրավիրել ու վերացրել 75 տոկոս ու բաժնետոմսերի վրա դրված արգելանքը, ինչից հաշված ժամեր անց հայտնի է դարձել, որ դրանք ձեռք է բերել Տրոցենկոն ու անգամ հասցրել մի մասը նվիրել ՀՀ կառավարությանը, իսկ թե ինչի դիմաց պարզ չէ», - գրել է կայքը:
    16:23
    11.04.22
    Ավելին
  • Img default alt hy
    Արցախ
    Հրապարակվել է Արցախի ՄԻՊ-ի տարեկան հաղորդումը
    Արցախի Հանրապետության մարդու իրավունքների պաշտպանը հրապարակել է «2021 թվականի գործունեության, ինչպես նաև մարդու իրավունքների և ազատությունների պաշտպանության վիճակի մասին» տարեկան հաղորդումը։  Հաղորդումը բաղկացած է 14 բաժիններից, որոնցում ըստ առանձին բաժինների ներկայացված են՝  Մարդու իրավունքների պաշտպանի գործունեության ընդհանուր բնութագիրը և հիմնական ուղղությունները։ Պաշտպանի քննարկմանը ներկայացված դիմումների և բողոքների վիճակագրական տվյալները։ Անձնական (քաղաքացիական) և քաղաքական իրավունքների և ազատությունների վերաբերյալ դիմումների և բողոքների ուսումնասիրության և քննարկման արդյունքները։  Սոցիալական և տնտեսական իրավունքների և ազատությունների պաշտպանության վերաբերյալ դիմումների և բողոքների ուսումնասիրության և քննարկման արդյունքները։ Պաշտպանի գործունեությունը խոշտանգումների և այլ դաժան, անմարդկային կամ արժանապատվությունը նվաստացնող վերաբերմունքի կամ պատժի կանխարգելման ոլորտում։ Հաշմանդամություն ունեցող անձանց իրավունքների և ազատությունների պաշտպանության վիճակը և այդ բնագավառում Պաշտպանի գործունեությունը։  Երեխաների իրավունքների և ազատությունների պաշտպանության վիճակը և այդ բնագավառում Պաշտպանի գործունեությունը։ Պաշտպանի գործունեությունը հասարակության խոցելի խմբերին պատկանող անձանց իրավունքների և ազատությունների պաշտպանության բնագավառում։  Զինծառայողների և նրանց ընտանիքի անդամների իրավունքների և ազատությունների պաշտպանության վիճակը։ Հանրային ծառայությունների ոլորտում սպառողների իրավունքներն ու ազատությունները։ Պաշտպանի գործունեությունը օրենսդրության կատարելագործման բնագավառում։ Ադրբեջանի հանցավոր գործողությունների հետևանքով Արցախի ժողովրդի իրավունքների կոպտագույն խախտումները, Պաշտպանի հայտարարություններն ու արտահերթ զեկույցները։ Պաշտպանի ներքին և արտաքին համագործակցությունը։ Պաշտպանի գործունեությունը մարդու իրավունքների և ազատությունների հանրային իրազեկման բնագավառում։ «2021 թվականի գործունեության, ինչպես նաև մարդու իրավունքների և ազատությունների պաշտպանության վիճակի մասին» տարեկան հաղորդումը Պաշտպանի կողմից ուղարկվել է ԱՀ Ազգային ժողով։ Օրենքով սահմանված կարգով Հաղորդումը ներկայացվելու է նաև պետական իրավասու մարմիններին և հասարակական կազմակերպություններին։ Ամբողջական հոդվածը կարող եք կարդալ այս հասցեով՝ : https://hraparak.am/post/b8dc5917411ce2f07336dd20876a55a5 © 2008 - 2021 «Հրապարակ օրաթերթ»
    16:16
    11.04.22
    Ավելին
  • Img default alt hy
    Հայաստան
    Դոլարի փոխարժեքը շարունակում է նվազել. եվրոն մի փոքր թանկացել է
    ԱՄՆ դոլարի փոխարժեքն այսօր՝ ապրիլի 11-ին, կազմել է 474.84 դրամ՝ նախորդ օրվա համեմատ նվազել է 0.85 դրամով: Այդ մասին տեղեկանում ենք Կենտրոնական բանկի պաշտոնական կայքից։ Եվրոյի փոխարժեքը կազմել է 518.15 դրամ (աճել է 0.36 դրամով), բրիտանական ֆունտի փոխարժեքը կազմել է 619.43 դրամ (նվազել է 0.96 դրամով), իսկ ռուսական ռուբլու փոխարժեքը կազմել է 6.06 դրամ (նվազել է 0.31 դրամով):
    16:10
    11.04.22
    Ավելին
  • Img default alt hy
    Երևան
    Ապրիլի 11-ից նոր ավտոբուսների վարորդները կմանրեն գումարը՝ 100 դրամանոցն արկղը գցելու համար
    Հաշվի առնելով քաղաքային տրանսպորտում 100 դրամանոց մետաղադրամների մեծ պահանջարկը` ապրիլի 11-ից համայնքային բոլոր նոր ավտոբուսների և միկրոավտոբուսների վարորդներն իրենց մոտ կունենան որոշակի քանակությամբ մանրադրամ, տեղեկացնում է Երևանի քաղաքապետարանը: Մինչ օրս 100 դրամանոց չունենալու դեպքում քաղաքացին չէր կարող օգտվել տրանսպորտի այդ ձևից կամ գումարը տալիս էր վարորդին, ինչը դժգոհություն էր առաջացնում։ Քաղաքապետ Հրաչյա Սարգսյանը գործակարգավարական խորհրդակցության ժամանակ ոլորտի պատասխանատուներից հետաքրքրվել է՝ կարո՞ղ են արդեն քաղաքացիները դրամը մանրել: «Երևանի ավտոբուս» ՓԲԸ տնօրեն Էլբակ Թարփոշյանը զեկուցել է, որ առկա մանրադրամները կազմում են օրական շրջանառության ընդամենը 15%-ը, ուստի կարևոր է, որ քաղաքացիները, նախքան միասնական տոմսային համակարգի անցնելը, ունենան 100 դրամանոցներ:
    15:56
    11.04.22
    Ավելին
  • Img default alt hy
    Արցախ
    Արցախի ՄԻՊ-ից այցելել են Խրամորթից տեղահանված ընտանիքներին
    Արցախի Հանրապետության մարդու իրավունքների պաշտպանի ներկայացուցիչներն այցելել են Ասկերանի շրջանի Խրամորթ համայնքից տեղահանված և Այգեստան գյուղում ժամանակավոր բնակություն հաստատած ընտանիքներին: Արձագանքելով Մարդու իրավունքների պաշտպանի նախորդ գրառմանը՝ այցի շրջանակներում ՄԻՊ ներկայացուցիչներին են միացել նաև Արցախում գործող «Էմպատիա» հոգեկան առողջության կենտրոնի հոգեբանները։ Պաշտպանի ներկայացուցիչների կողմից դիտարկվել են տեղահանված և ժամանակավորապես Այգեստան գյուղում բնակություն հաստատած ընտանիքների՝ կանանց, երեխաների և տարեցների կեցության պայմանները, սնունդը, հոգեբանական վիճակը: ՄԻՊ աշխատակազմի կողմից տեղահանվածներն իրազեկվել են ստեղծված իրավիճակում Կառավարության համապատասխան ծրագրերի մասին՝ ուղղված նրանց սոցիալ-հոգեբանական իրավիճակի մեղմացմանը։ Արձանագրված խնդիրները Պաշտպանի կողմից ներկայացվել են պետական լիազոր մարմիններին։
    15:50
    11.04.22
    Ավելին