Լրահոս

2022-03-05
  • Img default alt hy
    Հայաստան
    «Գյումրի» ԲԿ-ի քովիդ բաժանմունքը փակվել է
    «Գյումրի» բժշկական կենտրոնի քովիդ բաժանմունքը փակվել է՝ պայմանավորված կորոնավիրուսի տարածման տեմպերի որոշակի նվազմամբ: Այս մասին «Արմենպրես»-ին տեղելացրեց Շիրակի մարզպետարանի առողջապահության վարչության պետի պարտականությունները կատարող Լեյլի Ասլանյանը: «Այս պահին ամբուլատոր բուժառուների թիվը ևս նվազել է: Նոր բուժառուների առկայության դեպքում ուղեգրումը կկատարվի ՀՀ առողջապահության նախարարության տրիաժ բաժանմունքի կողմից»,-նշեց Լեյլի Ասլանյանը՝ հիշեցնելով, որ «Գյումրի» ԲԿ-ի քովիդ բաժանմունքը վերաբացվել էր փետրվարի 16-ին: Անդրադառնալով մարզում պատվաստման գործընթացին՝ պատասխանատուն տեղեկացրեց, որ այս պահի դրությամբ Շիրակում առաջին դեղաչափով պատվաստված է 18-ից բարձր տարիք ունեցող ազգաբնակչության 44.3 տոկոսը՝ 77.943 մարդ: Երկրորդ դեղաչափը ստացել է 65.857 մարդ:
    16:48
    05.03.22
    Ավելին
  • Img default alt hy
    Հայաստան
    Գյուղացիներին խնդրել եմ հող մշակել․ Վահան Քերոբյան
    Այսօր սահմանապահ Խաչիկ գյուղում քաղաքացիների հետ քննարկել ենք զարգացման պլանները։ Գյուղացիներին խնդրել եմ հնարավորինս շատ հող մշակել։ Այս մասին իր ֆեյսբուքյան էջում գրառում է կատարել ՀՀ Էկոնոմիկայի նախարար Վահան Քերոբյանը։
    16:38
    05.03.22
    Ավելին
  • Img default alt hy
    Միջազգային
    Ռուսաստանից հեռացող ընկերությունների տեղը կզբաղեցնեն նոր ընկերություններ՝ այլ երկրներից․ Պեսկով
    Ռուսաստանից հեռացող օտարերկրյա ընկերությունների տեղը կզբաղեցնեն նոր ընկերություններ, ճեպազրույցի ժամանակ հայտարարել է ՌԴ նախագահի մամուլի խոսնակ Դմիտրի Պեսկովը՝ պատասխանելով հարցին, թե ի՞նչ է մտածում Ռուսաստանը՝ երկրում տարբեր ընկերությունների գործունեության դադարեցման վերաբերյալ։ «Որոշ տեղերում մենք նրանց շատ կսպասենք, որոշ տեղերում՝ ավելի քիչ, որովհետև այդ ընկերությունների տեղը կզբաղեցնեն այլ ընկերություններ՝ այլ երկրներից։ Դա սովորական տնտեսական պրոցես է»,- ասել է Պեսկովը։
    16:31
    05.03.22
    Ավելին
  • Img default alt hy
    Միջազգային
    Լեհաստանում կստեղծվի «Ուկրաինայում ռազմական հանցագործությունների փաստագրման» կենտրոն
    Լեհաստանը ստեղծում է «Ուկրաինայում ռազմական հանցագործությունների փաստագրման» կենտրոն, հայտարարել է արտգործնախարար Զբիգնև Ռաուն։
    16:26
    05.03.22
    Ավելին
  • Img default alt hy
    Միջազգային
    Թուրքիան ակնկալում է իր քաղաքացիներն Ուկրաինայից տարհանել Ռուսաստանի տարածքով
    Թուրքիան բանակցություններ է վարում Ռուսաստանի տարածքով իր քաղաքացիներին Ուկրաինայից տարհանելու նպատակով միջանցք ստեղծելու հնարավորության վերաբերյալ: Ինչպես փոխանցում է «Արմենպրես»-ը, այս մասին Բաքվում Ադրբեջանի արտգործնախարարի հետ համատեղ ասուլիսի ընթացքում հայտարարել է Թուրքիայի ԱԳ նախարար Մևլութ Չավուշօղլուն: «Այսօր կան տարածքներ, որտեղ գործում է կրակի ժամանակավոր դադարեցումը: Մենք ցանկանում ենք, որ կրակի դադարեցման ռեժիմը լինի շարունակական և գործի Ուկրաինայի ողջ տարածքում: Մենք շարունակում ենք մեր քաղաքացիների տարհանման գործընթացը, ավելի քան 11 հազար քաղաքացիներ են տարհանվել: Բանակցություններ են ընթանում տարհանման նպատակով միջանցքների, այդ թվում և Ռուսաստանի տարածքով, ստեղծման ուղղությամբ: Այսօր Ուկրաինայի տարբեր շրջաններից ակնկալվում է ավտոբուսներով 400 քաղաքացու տարհանում»,- հայտարարել է Չավուշօղլուն:
    16:19
    05.03.22
    Ավելին
  • Img default alt hy
    Միջազգային
    Ռուսաստանն Ուկրաինայից չի ստացել ժամկետներ հաջորդ հանդիպման վերաբերյալ. Լավրով
    Ռուսական կողմն Ուկրաինայից դեռևս տեղեկություններ չի ստացել բանակցությունների երրորդ փուլի անցկացման ժամկետների վերաբերյալ: Ինչպես փոխանցում է «Արմենպրես»-ը, այս մասին մամուլի ասուլիսի ժամանակ հայտարարել է ՌԴ արտգործնախարար Սերգեյ Լավրովը: «Դեռևս նոր ժամկետներ չենք ստացել: Ինչպես հայտնի էր մեր ուկրաինացի գործընկերներին, մենք պատրաստ էինք դեռ երեկ երեկոյան անցկացնելու երրորդ փուլը»,- ասել է Լավրովը: Նա հայտարարել է, որ Ռուսաստանի և Ուկրաինայի միջև բանակցությունների հեռանկարի հետ կապված իրադրությունը տարօրինակ է թվում, քանի որ ուկրաինական կողմն անընդհատ պատճառներ է փնտրում հետաձգելու հերթական հանդիպումը: «Թվում է՝ բոլորը հետաքրքրված են հնարավորինս արագ հասնելու համաձայնության իրադրության կարգավորման շուրջ: Սակայն մյուս կողմից, թվում է՝ ամենաշահագրգիռ կողմը՝ ուկրաինականը, մշտապես ինչ-որ պատրվակներ է հորինում՝ հետաձգելու հերթական հանդիպումը»,- ասել է ԱԳ նախարարը:
    16:12
    05.03.22
    Ավելին
  • Img default alt hy
    Միջազգային
    2 տարվա ընթացքում Բելառուսը Ռուսաստանում իր նավահանգիստը կունենա․ Լուկաշենկո
    2 տարվա ընթացքում Բելառուսը Ռուսաստանում իր նավահանգիստը կունենա, հայտարարել է Բելառուի նախագահ Ալեքսանդր Լուկաշենկոն։ «ՌԴ նախագահ Վլադիմիր Պուտինի հետ քննարկել ենք այդ հարցը՝ դեռ մինչև հակամարտությունը։ Խոսքը նավահանգստային օբյեկտի կառուցման մասին է։ 2 տարվա ընթացքում մենք Ռուսաստանում մեր նավահանգիստը կունենանք, մեր ապրանքները կբեռնենք այնտեղ՝ մեր նավահանգստում», Լուկաշենկոյի խոսքերն է մեջբերել БелТА գործակալությունը։
    16:11
    05.03.22
    Ավելին
  • Միջազգային
    «Ուկրաինական կողմի բոլոր զոհերի պատճառը լինելու է ձեր թուլությունը». Զելենսկին դժգոհ է ՆԱՏՕ-ից
    Զելենսկին հայտարարել է, որ Ուկրաինայի երկինքը չփակելով ՆԱՏՕ-ն ցույց է տալիս իր թուլությունը: Ուկրաինայի նախագահը դժգոհել է, որ Դաշինքը վախենում է ուղիղ հակամարտել Ռուսաստանի հետ:
    16:08
    05.03.22
    Ավելին
  • Img default alt hy
    Միջազգային
    Վստահ եմ՝ շուտով կասենք մարդկանց, վերադարձեք, սպառնալիքներ չկան. Զելենսկի
    Ուկրաինայի նախագահ Վլադիմիր Զելենսկին հայտարարել է, որ Ուկրաինային հաջողվել է թույլ չտալ հումանիտար ճգնաժամ Լեհաստանի հետ Ուկրանիայի սահմանին: «Արմենպրես»-ի հաղորդմամբ՝ «Украинская правда»-ն տեղեկացնում է, որ այս մասին Ուկրաինայի նախագահ Վլադիմիր Զելենսկին ասել է ժողովրդին ուղղված իր ուղերձում: «Մեզ հաջողվեց թույլ չտալ հումանիտար ճգնաժամ սահմանին: Հաջողվեց իրավիճակն այնպես համակարգել, որ հազարավոր կանայք ու երեխաներ ստանան արժանի վերաբերմունք: Ոչ ոք չի հարցնում, թե նրանք ինչ ազգության ու հավատի են: Փաստացի այսօր մենք բարեկամ Լեհաստանի հետ չունենք սահման, որովհետև մենք միասին բարու կողմնակից ենք: Մեզ սահմաններ պետք չեն»,- ասել է Վլադիմիր Զելենսկին՝ շնորհակալություն հայտնելով Լեհաստանի նախագահին աջակցության համար: Ուկրաինայի նախագահը վստահություն է հայտնել, որ շուտով երկրում իրավիճակը կկարգավորվի և քաղաքացիները կկարողանան վերադառնալ իրենց տները: «Ես վստահ եմ, որ շուտով մենք կարող ենք ասել մեր ժողովրդին՝ վերադարձեք: Վերադարձեք Լեհաստանից, Ռումինիայից, Սլովակիայից և այլ բարեկամ երկրներից: Վերադարձեք, որովհետև այլևս վտանգ չկա»,-ասել է նախագահը: Զելենսկին նաև տեղեկացրել է, որ իշխանությունները մտածում են այն մասին, թե ինչպես վերականգնել ուկրաինական քաղաքներն ու տնտեսությունները պատերազմից հետո:
    16:01
    05.03.22
    Ավելին
  • Img default alt hy
    Հասարակական
    Վլադիմիր Կարապետյանը մանրամասներ է ներկայացրել Ուկրաինայում տիրող իրավիճակի և ՀՀ դեսպանության աշխատանքի վերաբերյալ
    Ուկրաինայում ՀՀ արտակարգ և լիազոր դեսպան Վլադիմիր Կարապետյանը մանրամասներ է ներկայացրել Ուկրաինայում ծավալվող իրադարձությունների, դեսպանության կողմից կատարած և կատարվող աշխատանքների մասին: «Արմենպրես»-ի հետ զրույցում Վլադիմիր Կարապետյանը հայտնել է, որ Ներկա պահին Ուկրաինայի տարբեր՝ հյուսիսային, արևելյան և հարավային մասերում, այդ թվում մայրաքաղաք Կիևի մատույցներում շարունակվում են մարտերը: Դեսպանը հայտնել է, որ դեսպանության ողջ անձնակազմը մշտական, շուրջօրյա կապի մեջ է ՀՀ քաղաքացիների հետ, տրամադրում է խորհրդատվական օգնություն Ուկրաինայից Հայաստան մեկնելու ուղիների և հնարավորությունների վերաբերյալ, ձևակերպում և տրամադրում է այդ նպատակով անհրաժեշտ փաստաթղթեր: Ի՞նչպես են ընթանում այժմ իրադարձություններն Ուկրաինայում Ներկա պահին Ուկրաինայի տարբեր՝ հյուսիսային, արևելյան և հարավային մասերում, այդ թվում մայրաքաղաք Կիևի մատույցներում շարունակվում են մարտերը: Մարտի 3-ին Բելառուսում տեղի է ունեցել ռուս-ուկրաինական բանակցությունների երկրորդ փուլը, որի արդյունքում ձեռք են բերվել որոշ հուսադրող պայմանավորվածություններ, մասնավորապես՝ քաղաքացիական բնակչության դուրսբերման հումանիտար միջանցքների և դրանց գործարկման վայրերում մարտական գործողությունների ժամանակավոր դադարեցման վերաբերյալ: Հայաստանը հայտնել է իր դիրքորոշումը այս հարցով և մեծ հույսեր ունի, որ բանակցային սեղանի շուրջ հնարավոր կլինի խնդիրները հանգուցալուծել։ Գիտենք, որ դեռեւս ռազմական գործողությունները սկսվելուց առաջ Կիեւում որոշ դեսպանություններ տարհանեցին նախ դիվանագետների ընտանիքի անդամներին, ապա դիվանագետներին։ Ինչպիսի քաղաքականություն է որդեգրել այս առումով Հայաստանը։ Ուկրաինայում ՀՀ դիվանագիտական ներկայացուցչությունը եղել է այն եզակի դեսպանություններից (Կիևում կա 100 դիվանագիտական ներկայացուցչություն), որը ռազմական գործողությունների մեկնարկի պահից ամբողջ կազմով գտնվել է Կիևում և իրականացրել է իր գործառույթները ողջ ծավալով։ Դեսպանությունը նաև մշտական կապի մեջ է եղել ՀՀ քաղաքացիների, այլ երկրների քաղաքացիություն ունեցող ազգությամբ հայերի և տեղական իշխանությունների հետ: Պայմանավորված Կիևի շուրջ իրավիճակի վատթարացմամբ, անվտանգության ապահովման նկատառումներից և Կիևում աշխատանքն իրականացնելու անհնարինությունից ելնելով՝ ՀՀ ԱԳ նախարարի որոշմամբ դեսպանը և դիվանագիտական անձնակազմը տեղափոխվել և մարտի 4-ից ժամանակավորապես աշխատում են Լվով քաղաքից: Ներկա պահին Լվովում արդեն բացվել է հյուպատոսական կետ՝ ՀՀ քաղաքացիներին օժանդակություն ցուցաբերելու նպատակով: Վաղվանից հյուպատոսական կետ կբացվի նաև Ուժգորոդում։ Ի՞նչ է անում դեսպանությունը ՀՀ քաղաքացիներին օգնելու համար։ Դեսպանության ողջ անձնակազմը մշտական, շուրջօրյա կապի մեջ է ՀՀ քաղաքացիների հետ, տրամադրում է խորհրդատվական օգնություն Ուկրաինայից Հայաստան մեկնելու ուղիների և հնարավորությունների վերաբերյալ, ձևակերպում և տրամադրում է այդ նպատակով անհրաժեշտ փաստաթղթեր: Դեսպանությունը, համեստ հնարավորությունների սահմանում, Ուկրաինայում հայ համայնքի հետ միասին, օգնել է այն մարդկանց, որոնք ցանկացել են լքել իրենց տները, քաղաքները։ Հարկ է հաշվի առնել կարևոր մի հանգամանք. Ուկրաինայում է բնակվում մի քանի հարյուր հազար հայ և նրանց զգալի մասը Հայաստանի քաղաքացիներ են։ Սա ասում եմ, որ պատկերացնեք, թե ինչ ռեժիմով և ծանրաբեռնվածությամբ է գործել դեսպանությունը Կիևում․ անդադար զանգեր (պատասխանել ենք մի քանի հազարին հասնող զանգերի), քաղաքացիների տասնյակ այցելություններ ու օժանդակության դիմումներ։ Որևէ դեսպանություն, ոչ թե մեր նման՝ համեմատաբար փոքր, այլ շատ ավելի մեծ, չուներ այն ծավալի ծանրաբեռնվածությունը, որքան ունեցել է մեր դեսպանությունը` հաշվի առնելով համայնքի մեծությունը և դիմումների քանակը։ Եվ ամբողջ այս աշխատանքը կատարվել է պատերազմական իրավիճակում․ օրվա ընթացքում 10-15 անգամ հնչող օդային տագնապի ազդանշանների, պայթյունների, կրակոցների, խստագույն պարետային ժամի պայմաններում։ Դեսպանության դիվանագետներից երկուսը պատերազմի առաջին օրերից սկսած գիշերել են ապաստարաններում, պատսպարվելով շուրջբոլորը տեղի ունեցող պայթյուններից ու կրակոցներից և հաճախ հենց ապաստարանից շփվել են մեր հայրենակիցների հետ, ընդունել զանգեր ու տվել խորհուրդներ։ Այսօր էլ դեսպանությունը շուրջօրյա ռեժիմով շարունակում է իր ծառայությունը՝ տրամադրելով թե՛ խորհրդատվություն և թե՛ համապատասխան դեպքերում ՀՀ վերադարձի վկայականներ այն քաղաքացիներին, որոնք չունեն այս պահին վավեր ՀՀ քաղաքացու անձնագիր՝ Ուկրաինայի սահմանը հատելու համար: Դեսպանությունը, հնարավորության սահմաններում, նաև օժանդակում է տարատեսակ բարդ իրավիճակներում հայտնված ՀՀ քաղաքացիներին: Հատուկ ուզում եմ նշել ԱԳՆ ղեկավարության հոգատար վերաբերմունքը բարդ վիճակում հայտնված մեր հայրենակիցների նկատմամբ։ Այս օրերին մեր ստացած բոլոր ցուցումների ու հրահանգների միակ ուղղվածությունը ու նպատակը մեր քաղաքացիներն են և նրանց պատշաճ օգնություն տրամադրելու միջոցներին են վերաբերում։ Գիտեք նաև, որ ՀՀ ԱԳՆ ջանքերով Լեհաստանը, Սլովակիան, Ռումինիան, Մոլդովան, Հունգարիան, Ուկրաինայից դուրս եկող ՀՀ քաղաքացիներին թույլատրել են հատել իրենց ցամաքային սահմանային անցակետերն առանց վիզայի։ Բացի այդ, նշյալ երկրների՝ Ուկրաինայի հետ սահմանային հատվածներում աշխատում են ՀՀ դիվանագետներ՝ օժանդակելով օգնության կարիքը ունեցող մեր հայրենակիցներին։ Քանի ՀՀ քաղաքացի կա Ուկրաինայում, արդյո՞ք աջակցություն ցուցաբերվում է նաեւ Ուկրաինայի քաղաքացի հայերին Հստակ թիվը հնարավոր չէ ասել, քանզի քաղաքացիների միայն չնչին մասն է հյուպատոսական հաշվառում անցնում, որը կամավոր գործընթաց է: Ինչ վերաբերվում է Ուկրաինայի քաղաքացի հանդիսացող հայերին, պետք է նշենք, որ զանգերի զգալի մասը ստանում ենք նաև Ուկրաինայի քաղաքացիներից: Ցանկանում եմ հիշեցնել ՀՀ ԱԳՆ հայտարարությունը, որ Հայաստանը պատրաստ է հյուրընկալել Ուկրաինայից ժամանող հայերին։ Մենք նաև պատրաստ ենք ՀՀ սահմանը հատող Ուկրաինայի քաղաքացիություն ունեցող անձանց տրամադրել անհրաժեշտ օգնություն՝ անկախ նրանց ազգությունից:
    15:59
    05.03.22
    Ավելին
  • Img default alt hy
    Միջազգային
    Հնդկաստանում կորոնավիրուսի դեմ պատվաստվել է 15-18 տարեկան ավելի քան 3 մլն մարդ
    Հնդկաստանի 15-18 տարեկան բնակչության շրջանում ավելի քան 3 մլն մարդ կորոնավիրուսի դեմ լիարժեք պատվաստում է անցել: Ինչպես փոխանցում է «Արմենպրես»-ը, այս մասին հայտարարել է առողջապահության և ընտանեկան բարօրության նախարար Մանսուկխ Մանդավիյան: Կորոնավիրուսի դեմ դեռահասների պատվաստման գործընթացը Հնդկաստանում մեկնարկել է 2022 թվականի հունվարի սկզբին: Օգտագործվում է հնդկական Bharat Biotech ընկերության Covaxin պատվաստանյութը: Իշխանությունները մտադիր են արդեն մարտից սկսել 12-14 տարեկանների պատվաստման գործընթացը: Առողջապահության համաշխարհային կազմակերպության տվյալներով՝ Հնդկաստանն ԱՄՆ-ից հետո երկրորդն է աշխարհում կորոնավիրուսով վարակումների թվով: Համավարակի մեկնարկից ի վեր այստեղ կորոնավիրուսից վարակվել է շուրջ 43 մլն մարդ: Կորոնավիրուսի հետևանքով մահացության ցուցանիշներով երկիրը երրորդն է՝ շուրջ 515 հազար մարդ:
    15:52
    05.03.22
    Ավելին
  • Img default alt hy
    Հասարակական
    Գարիկ Սարգսյանը սկսել է ակնհայտ անօրինական գործունեություններ իրականացնել. հայտարարություն
    «Իմ հզոր համայնք» կուսակցությունը հայտարարություն է տարածել, որում մասնավորապես ասված է․ «Վեդի խոշորացված համայնքի ղեկավարի ժամանակավոր պաշտոնակատար Գարիկ Սարգսյանը սկսել է ակնհայտ անօրինական գործունեություններ իրականացնել. խոսքը վերաբերում է մանկապարտեզները քաղաքականացնելուն։ Գարիկ Սարգսյանը ապօրինի որոշումներ է կայացրել և աշխատանքից ազատել է թիվ 1 և թիվ 2 մանկապարտեզների տնօրեններին, իսկ թիվ 3 մանկապարտեզի տնօրենին խիստ նկատողություն է հայտարարել, նա աշխատանքից ազատել է նաև համայնքի գեղարվեստի դպրոցի տնօրենին։ Գարիկ Սարգսյանի այս որոշումները կրում են բացառապես քաղաքական բնույթ։ «Իմ հզոր համայնք» կուսակցությունը, Վեդի խոշորացված համայնքի ղեկավարի թեկնածու Սպարտակ Թարթիկյանի գլխավորությամբ դատապարտում է նմանօրինակ երեւույթները, որոնք ավելի են խորացնում երկրում առկա ճգնաժամերը»։
    15:36
    05.03.22
    Ավելին
  • Img default alt hy
    Միջազգային
    Էվակուացիայից հետո միայն հնարավոր կլինի խոսել բանակցությունները շարունակելու մասին․ Զելենսկի
    Ուկրաինայի նախագահ Վլադիմիր Զելենսկին հայտարարել է, որ մարտի 5-ին խաղաղ բնակչության տարհանման միջոցառումների արդյունքներն ամփոփելուց հետո միայն կարելի է խոսել Ռուսաստանի հետ բանակցությունները շարունակելու մասին։ «Մենք մեր կողմից ամեն ինչ անում ենք, որպեսզի պայմանավորվածությունը գործի։ Դա այսօրվա ամենակարևոր խնդիրներից է։ Կտեսնենք՝ հնարավոր է արդյոք առաջ շարժվել բանակցային գործընթացում», - հայտարարել է Զելենսկին տեսաուղերձում։
    15:26
    05.03.22
    Ավելին
  • Img default alt hy
    Հասարակական
    Առաջին աշխատանքային այցս ՀՀ սահմաններից դուրս կատարեցի․ Հռիփսիմմե Գրիգորյան
    Մարտի 4-ին ՀՀ մարդու իրավունքների պաշտոնում առաջին աշխատանքային այցս ՀՀ սահմաններից դուրս կատարեցի դեպի Արցախ: Այցի ընթացքում հանդիպումներ եմ ունեցել Արցախի պաշտոնյաների հետ, հանդիպել եմ սահմանամերձ գյուղի բնակիչների ու տեղական ինքնակառավարման մարմինների պատասխանատուների, ծանոթացել նրանց խնդիրներին, այցելել եմ տեղահանված արցախահայության ժամանակավոր բնակության վայր, զրուցել բնակիչների հետ, ծանոթացել նրանց կարիքներին: Հանդիպումներս սկսեցի արցախյան գործընկերոջս գրասենյակում: Արցախի մարդու իրավունքների պաշտպան Գեղամ Ստեփանյանի հետ և մեր աշխատակազմերի մասնակցությամբ մանրամասն քննարկեցինք և նախանշեցինք առաջիկա համագործակցության երեք կարևոր ուղղությունները. Հայաստանում հաստատված տեղահանված արցախահայության, ներառյալ ազատազրկված անձանց իրավունքների պաշտպանությունը, ադրբեջանական իշխանությունների հայատյացության քաղաքականության փաստերի հավաքագրումն ու միջազգային իրավասու մարմիններին ներկայացումը, ինչպես նաև Արցախի Պաշտպանի հաստատության ինստիտուցիոնալ զարգացմանը նպաստելը՝ տարբեր մեխանիզմներով: Պարոն Ստեփանյանի հետ հայտնել ենք փոխադարձ հանձնառություն՝ շարունակելու հաստատությունների՝ արդեն ավանդույթ դարձած սերտ համագործակցությունը: Աշխատանքային այցի ընթացքում ջերմ ընդունելության եմ արժանացել Արցախի Հանրապետության նախագահ Արայիկ Հարությունյանի կողմից։ Հանդիպման ընթացքում քննարկել ենք մարդու իրավունքների պաշտպանության ոլորտում Հայաստանի և Արցախի պաշտպանների փոխհամագործակցությանը վերաբերող մի շարք հարցեր: Այնուհետև հանդիպել եմ Ազգային ժողովի նախագահի տեղակալ Գագիկ Բաղունցի հետ: Հանդիպման ընթացքում անդրադարձել ենք պաշտպանի հաստատությունների առջև դրված մարտահրավերներին ու հնարավորություններին առնչվող հարցերին, ապա հանդիպումը շարունակել ենք ընդլայնված կազմով՝ խորհրդարանի խմբակցությունների ղեկավարների և մշտական հանձնաժողովների նախագահների մասնակցությամբ՝ ունեցել մտքերի խիստ օգտակար փոխանակում։
    15:25
    05.03.22
    Ավելին
  • Img default alt hy
    Հասարակական
    Ուկրաինայիում հայերն ակտիվորեն ներգրավված են կարիքավորներին օգնելու գործում
    Ուկրաինայի մայրաքաղաք Կիևում իրավիճակը հանգիստ է, սակայն լարված է արվարձաններում: «Արմենպրես»-ի հետ զրույցում՝ այս մասին նշել է ուկրաինահայ քաղաքական վերլուծաբան Մարատ Հակոբյանը, ով բնակվում է Կիևում: Նրա խոսքով՝ այժմ արվարձաններից բնակիչները դուրս են բերվում: «Կիևի արվարձաններից բնակիչներին տեղափոխում են քաղաք: Արդեն մեկ շաբաթ նրանք մնացել էին ռազմական գործողությունների թատերաբեմում: Երեկ մեծ քանակությամբ մարդիկ դուրս եկան: Ընդհանուր առմամբ, քաղաքում պատերազմական իրավիճակին բնորոշ պայմաններ են, որոշ հարցերում էլ նույնիսկ լավ: Ասեմ, որ քաղաքում բոլոր անհրաժետ պարագաները կան՝ջուր, լույս, ինտերնետ: Խանութներում կան ապրանքներ: Առաջին օրերին, թերևս, հերթեր կային, սակայն այսօր այդ առումով թեթև է: Հաշվի առնենք նաև այն, որ մի որոշ մասը դուրս է եկել քաղաքից: Ինչ վերաբերում է անվտանգության հարցերին, ապա մեր ընտանիքն այս ընթացքում ապաստարան չի գնացել, բայց բարձրահարկ շենքերի բնակիչների համար ամենաճիշտն ապաստարաններն են: Մարդիկ սկսել են սովորել պատերազմական իրավիճակին», - ասել է Մարատ Հակոբյանը: Մարատ Հակոբյանը նշել է, որ պատերազմի առաջին իսկ օրվանից հայերը՝ Ուկրաինայի հայերի միության համակարգմամբ ներգրավված են եղել թե հումանիտար հարցերի կազմակերպման, թե պաշտպանական գործընթացներում: Օգնում են զորքին, փախստականներին, կարիքավորներին: Տրամադրում են մթերք, պատրաստի ուտեստներ, առաջին անհրաժեշտության ապրանքներ: Մանրամասները՝ սկզբնաղբյուր կայքում։
    15:18
    05.03.22
    Ավելին
  • Img default alt hy
    Հասարակական
    Հաճախակիացրել է Ադրբեջանից Լեհաստան ուղևորվող խիստ կասկածելի բեռով օդանավերի թիվը․ իրանագետ
    Իրանագետ Վարդան Ոսկանյանը տելեգրամյան իր ալիքում գրել է․ «Ռուսաստանի Արտաքին հետախուզության ծառայությունը հայտարարել է, որ մերձավորարևելյան ծայրահեղական ահաբեկիչները և վարձկաններն Ուկրաինա են տեղափոխվում Լեհաստանի տարածքով։ Այս համատեքստում ուշագրավ է, որ Ուկրաինայում մարտական գործողությունների մեկնարկին՝ դեռևս փետրվարին, Իրանի Իսլամական հեղափոխության պահապանների կորպուսի անունով գործող ոչ պաշտոնական թվիթերյան էջը հայտարարություն էր տարածել Ադրբեջանի տարածքում մերձավորարևելյան ծայրահեղական ահաբեկիչների գործունեւթյան անթույլատրելիության մասին։ Իրականում կարծես խոսքը հենց այն ահաբեկիչների մասին է, որոնք Ադրբեջան կոչվող արհեստածին կազմավորման տարածք էին տեղափոխվել 44-օրյա պատերազմի ժամանակահատվածում և որոնց հետագա «ճակատագիրն» այդպես էլ անհայտ էր մնում։ Մինչդեռ, Ուկրաինա իբր «հումանիտար» օգնության առաքման պատրվակով Բաքվի բռնապետական վարչախումբը հաճախակիացրել է Ադրբեջանից Լեհաստան ուղևորվող խիստ կասկածելի բեռով օդանավերի թիվը, որոնցում կարող են լինել ոչ միայն զենք և ռազմամթերք, այլ նաև հենց մերձավորարևելյան ահաբեկիչների խմբեր։
    15:12
    05.03.22
    Ավելին
  • Img default alt hy
    Առողջապահական
    Աղի քանակի նվազեցումը կարևոր քայլ է մի շարք հիվանդությունների առաջացման ռիսկը կրճատելու համար. ԱՆ
    Առողջապահության նախարարության համար գերակա խնդիր է ոչ վարակիչ հիվանդությունների (ՈՎՀ) դեմ պայքարը: Ինչպես ամբողջ աշխարհում, այնպես էլ Հայաստանում դրանք են բնակչության հիվանդացության և մահացության հիմնական պատճառը, նշված է ՀՀ առողջապահության նախարարության հաղորդագրության մեջ: Նշվում է՝ 2020 թվականի պաշտոնական տվյալների համաձայն` ընդհանուր մահացության կառուցվածքում, առավել տարածված չորս ՈՎՀ-ից (արյան շրջանառության համակարգի հիվանդություններ` 47.3% (ԱՇՀՀ), չարորակ նորագոյացություններ 14,8% (ՉՆ), շաքարային դիաբետ` 1․3% (ՇԴ) և թոքերի քրոնիկ օբստրուկտիվ հիվանդություններ` 1.1% (ԹՔՕՀ)) մահացությունը կազմում է շուրջ 70%։ Ապացուցողական բժշկության տվյալները վկայում են, որ ՈՎՀ զարգացումը պայմանավորված է ապրելակերպի առանձնահատկություններով, մասնավորապես` բնակչության ռիսկային վարքագծով (ծխախոտի օգտագործում, անառողջ սննդակարգ, կերակրի աղի չարաշահում, ալկոհոլի օգտագործում, ֆիզիկական թերակտիվություն և այլն)։ Հավելյալ աղի օգտագործումը հանգեցնում է զարկերակային հիպերթենզիայի, կաթվածների առաջացման, երիկամների ֆունկցիայի խանգարման և ընդհանուր առողջության վատթարացման: Միջազգային տվյալների համաձայն` բնակչության շրջանում տարեկան օգտագործվում է շուրջ 7 կգ աղ կամ աղային թանձրուկներ, որի արդյունքում օրգանիզմում նատրիումի քանակությունը գերազանցում է սահմանված նորմը: Հիմնվելով բազմաթիվ հետազոտությունների արդյունքների վրա` Առողջապահության համաշխարհային կազմակերպությունը (ԱՀԿ) խորհուրդ է տալիս նվազեցնել օրական օգտագործվող աղի չափաբաժինը՝ հասցնելով այն մինչև 2-3 գրամի, որը 13%-ով նվազեցնում է սրտամկանի կաթվածների առաջացումը: Ըստ ԱՀԿ-ի՝ կերակրի աղի քանակը չպետք է գերազանցի օրական 5 գրամը (օրական <2 գրամ նատրիումին համարժեք), մինչդեռ Հայաստանում դրա օգտագործման ծավալը կրկնակի գերազանցում է ԱՀԿ-ի սահմանած շեմը: STEPS մեթոդաբանությամբ 2016-2017 թվականներին իրականացված հետազոտության տվյալներով` չափահաս բնակչության 35%-ը սնվելիս մշտապես կամ հաճախ աղ է ավելացնում սննդին (տղամարդկանց 40.3%-ը և կանանց 30.1%-ը), իսկ 71%-ը տանը կերակուր պատրաստելիս մշտապես աղ է ավելացնում: Բնակչության 10-ից 3-ն օգտագործում են մեծ քանակությամբ վերամշակված աղի սնունդ: Բնակչության 21.5%-ը նշել է, որ շատ կամ չափից շատ աղ կամ աղային թանձրուկներ է օգտագործում: Աղի ընդունման նվազեցումը ԱՀԿ-ի կողմից ճանաչվում է որպես առաջարկվող ամենածախսարդյունավետ միջամտություններից մեկը, որն ուղղված է ոչ վարակիչ հիվանդությունների տարածվածության նվազեցմանը: Ըստ ԱՀԿ-ի առաջարկությունների` բնակչության շրջանում աղի օգտագործման կրճատմանը կարելի է հասնել՝ իրականացնելով ինչպես մի շարք ռազմավարական, այնպես էլ պրակտիկ տեղական միջոցառումներ: Այդ միջոցառումներից է, օրինակ՝ աղի օգտագործման նվազեցման համար նպաստավոր միջավայրի ստեղծումը, այդ թվում՝ հանրային սննդի հաստատությունների սեղաններից աղամանների հեռացումը: Մեր սննդակարգում աղի քանակի նվազեցումը կարևոր քայլ է սրտանոթային հիվանդությունների (հիպերտոնիայի, ինսուլտի, սրտի անբավարարության և սրտի այլ հիվանդությունների) և երիկամների քրոնիկ հիվանդության առաջացման ռիսկը կրճատելու համար:
    14:56
    05.03.22
    Ավելին
  • Img default alt hy
    Միջազգային
    ՌԴ դեսպանությունը ռուսալեզու բնակչության դեմ խտրականության դրսևորումների հարցով նոտա է հղել Գերմանիայի ԱԳՆ-ին
    Գերմանիայում Ռուսաստանի դեսպանությունը բողոքի նոտա է հղել այդ երկրի արտաքին գործերի նախարարություն՝ կապված ռուսաստանցիների դեմ կիրառվող խտրականության հետ: «Արմենպրես»-ի փոխանցմամբ, այս մասին հայտնել է Գերմանիայում ՌԴ դեսպան Սերգեյ Նեչաևը: «Անհրաժեշտ է, որ Գերմանիայի կառավարությունն ուժեղ ազդակներ ուղղի տեղական իշխանություններին՝ քաղաքային, կոմունալ, տարածաշրջանային ծառայություններին, որպեսզի դադարեցվի այս խտրականությունը: Գերմանիայի ԱԳՆ-ին ուղարկվել է դեսպանության նոտան»,- հայտնել է Նեչաևը «Россия-24»-ի եթերում: Նա ընդգծել է, որ դեսպանությունը ռուսաստանցիների կողմից հարյուրավոր դիմումներ է ստանում այն մասին, որ ռուսալեզու բնակչության դեմ խտրականություն է ցուցաբերվում: «Ցավալի է, որ սա վերաբերում է նաև գերմանական դպրոցներում սովորող երեխաներին»,- նշել է դեսպանը՝ հայտնելով, որ խառնամուսնություններից ծնված երեխաները տարատեսակ հոգեբանական բռնությունների են ենթարկվում: Սերգեյ Նեչաևը տեղեկացրել է, որ չնայած հնչեցվող սպառնալիքներին, դեսպանությունն աշխատում է սովորական ռեժիմով:
    14:48
    05.03.22
    Ավելին
  • Img default alt hy
    Միջազգային
    Սպանվել է ուկրաինական կողմից բանակցողներից մեկը
    Ուկրաինայի անվտանգության ծառայության կողմից ձերբակալության ժամանակ սպանվել է ուկրաինական կողմից բանակցողներից մեկը՝ Դենիս Կիրեևը․ գրում է RT-ն՝ ուկրաինական լրատվամիջոցներին և պատգամավոր Դուբինսկիին հղումով։ Տեղեկատվության այլ աղբյուր և հաստատում դեռ չկա։ Սպանված Դենիս Կիրեևը մասնակցել է բանակցությունների առաջին փուլին, երկրորդին՝ ոչ։ Ուկրաինայում նրան կասկածում էին պետական դավաճանության մեջ։
    14:47
    05.03.22
    Ավելին
  • Img default alt hy
    Միջազգային
    Հայաստանի հարցով Թուրքիայի հատուկ բանագնացը մեկնել է Բաքու
    Հայաստանի հետ հարաբերությունների կարգավորման հարցով Թուրքիայի հատուկ բանագնաց Սերդար Քըլըչն Ադրբեջանում է։ Ադրբեջանական ԱՊԱ գործակալությունը փոխանցում է, որ Ադրբեջանում է նաև Թուրքիայի արտգործնախարար Մևլութ Չավուշօղլուն։ Սերդար Քըլըչն ընդգրկված է արտգործնախարարի գլխավորած պատվիրակության կազմում։
    14:42
    05.03.22
    Ավելին