Լրահոս

2022-04-09
  • Img default alt hy
    Հասարակական
    26 տարեկան տղան նետվել է Կիևյան կամրջից
    Այսօր՝ ապրիլի 8-ին, ինքնասպանություն է տեղի ունեցել Երևանում: Ժամը 16:30-ի սահմաններում ոստիկանության Մաշտոցի բաժին և ոստիկանության Դավթաշենի բաժանմունք ահազանգ է ստացվել, որ Կիևյան կամրջի տակ տղամարդու դի կա: Ինչպես դեպքի վայրից հայտնում է ֆոտոլրագրող Գագիկ Շամշյանը, ժամանել է ոստիկանության Մաշտոցի բաժնի օպերատիվ խումբը՝ բաժնի պետ Անդրանիկ Շահբազյանի, բաժնի պետի օպերատիվ գծով տեղակալ Արկադի Սահակյանի և ոստիկանության Դավթաշենի բաժանմունքի պետ Արմեն Հարությունյանի գլխավորությամբ: Օպերատիվորեն ժամանել է նաև Արտակարգ իրավիճակների նախարարության փրկարար ծառայության թիվ 7 հրշեջ-փրկարարական ջոկատից 1 մարտական հաշվարկ: Ժամանել են նաև ՀՀ ոստիկանության պարեկային ծառայության Երևանի գնդի 3-րդ գումարտակի 2-րդ վաշտի պարեկները՝ գումարտակի հրամանատար Գոռ Առաքելյանի, վաշտի համանատար Գեղամ Եփրեմյանի գլխավորությամբ: Պարեկներ Ազատ Մարտիրոսյանն ու Վահան Հակոբյանը սահմանազատել են տարածքը և սպասում են՝ մինչև ժամանի դատական բժիշկը: Այս պահին դեպքի վայրում զննություն է կատարում Հայաստանի քննչական կոմիտեի Երևան քաղաքի քննչական վարչության Աջափնյակ և Դավթաշեն վարչական շրջանների քննչական բաժնի խումբը՝ բաժնի պետի տեղակալ Ռոման Մախմուդյանի, հատկապես կարևոր գործերով ավագ քննիչներ Հենրիկ Սահրադյանի և Ռազմիկ Մինասյանի գլխավորությամբ: Տեղում քննչական աշխատանքները ղեկավարող Հ. Սահրադյանի կողմից նյութեր են նախապատրաստվում: Մինչ կսպասեին դատաբժշկի ժամանմանը, ոստիկանության Մաշտոցի բաժնի քրեական հետախուզության բաժանմունքի օերլիազորները՝ բաժանմունքի պետ Գևորգ Պողոսյանի գլխավորությանբ, օպերատիվ տեղեկութուններով պարզել են, որ մահացածը Կոտայքի մարզի բնակիչ, 26-ամյա Կարեն Հ.-ն էր: Քննիչի որոշմամբ նշանակվել է դիակի դատաբժշկական փորձաքննություն:
    10:41
    09.04.22
    Ավելին
  • Img default alt hy
    Հայաստան
    Աղի փոխարեն օգտագործեք կանաչի․ ԱՆ
    ՀՀ առողջապահության նախարարությունը հիմա էլ հորդորում է առողջ լինելու համար շատ օգտագործել կանաչիներ, սահմանափակել վերամշակված մթերքների օգտագործումը․
    10:37
    09.04.22
    Ավելին
  • Img default alt hy
    Քաղաքական
    Ինչպես փլուզել պետությունը. Փաշինյանի էֆեկտը․ Անդրանիկ Թևանյան
    Ապրիլի 6-ին տեղի ունեցած բրյուսելյան հանդիպումից անմիջապես հետո կարծիք հայտնեցի, որ Արևմուտքի միջնորդությամբ, Թուրքիայի ակտիվ դերակատարմամբ, Ալիևի մասնակցությամբ ու Փաշինյանի համաձայնությամբ Ռուսաստանին մեր տարածաշրջանից դուրս մղելու, Արցախն Ադրբեջանի կազմում թողնելու և Հայաստանը կիսապետություն սարքելու գործընթաց է մեկնարկել, գրել է «Հայաստան» խմբակցության պատգամավոր Անդրանիկ Թևանյանը։ «Անունը դրել են «խաղաղության դարաշրջան», բայց բերում են հայաթափում ու պարտություն՝ մեռելային խաղաղություն։ ԵԱՀԿ Մինսկի խմբի համանախագահության գործունեության փաստացի դադարեցման վերաբերյալ ՌԴ արտգործնախարար Լավրովի հայտարարությունը եկավ ամրապնդելու այդ կարծիքը։ Դատելով ամենից՝ հարավային Կովկասը վերածվում է Արևմուտք–Ռուսաստան սուր մրցակցության գոտու՝ Թուրքիայի զգալի ներգրավմամբ։ Այդ սրությունը հատկապես դրսևորվելու է Հայաստանում ու Արցախում։ ԵԱՀԿ Մինսկի խմբի համանախագահության միջնորդական առաքելության տապալումը թուրք–ադրբեջանական զույգի օրակարգում էր տասնամյակներ շարունակ ու նրանք հիմա հասան իրենց նպատակին մեծամասամբ Նիկոլ Փաշինյանի գործունեության շնորհիվ։ Նախ Արցախի հարցում բանակցությունները Փաշինյանը 2018–ից սկսած մտցրեց փակուղի ու բերեց պատերազմ, պարտություն։ Պատերազմից հետո ամբողջությամբ սկսեց սպասարկել թուրք-ադրբեջանական օրակարգը։ Բրյուսելում էլ համաձայնելով թուրք-ադրբեջանական օրակարգին ու Արևմուտքի մոդերատորությանը՝ նպաստեց ԵԱՀԿ Մինսկի խմբի համանախագահության ձևաչափի փլուզմանը՝ Ռուսաստանին գործընթացից դուրս թողնելու հեռանկարով»։
    10:31
    09.04.22
    Ավելին
  • Img default alt hy
    Քաղաքական
    Ղալումյանների «Ոսկե ձկնիկ» ռեստորանը վերաբացվել է․ «Հրապարակ»
    «Հրապարակ» թերթը գրում է. «Ղալումյանների ռեստորանը վերաբացվել է Հավանաբար քչերը գիտեն, որ իշխանական պատգամավոր, Նիկոլ Փաշինյանի քավոր Վահե Ղալումյանն Իջեւանում` հեղափոխությունից հետո, ռեստորան է կառուցել: Այն կոչվում է «Ոսկե ձկնիկ»: Իջեւանում գտնվող երկհարկանի ռեստորանը, որն ունի նաեւ բացօթյա տաղավարներ, 2020 թվականից չէր գործում` փակ էր, սակայն օրերս տեղեկացանք, որ այն վերաբացվել է: Մենք զանգահարեցինք պատգամավոր Վահե Ղալումյանին, ով հաստատեց լուրը, ապա նշեց, որ ինքը չի հասցնում զբաղվել այդ հարցերով, այլ ընտանիքն է զբաղվում: «Էս վերջերս, մի քանի օր առաջ, ինչքան գիտեմ, բացել են, ես չեմ զբաղվում, ես Իջեւանում չեմ լինում»,- նշեց պատգամավորը: Ո՞վ է այժմ ռեստորանի հարցերով զբաղվում։ «Ընտանիքի անդամները։ Չգիտեմ էլ՝ մեր ընտանեկան բիզնեսն ա դա, ռեստորանը 2020 թվականին փակվել էր կորոնավիրուսի պատճառով»,- եզրափակեց Վահե Ղալումյանը»:
    10:19
    09.04.22
    Ավելին
  • Img default alt hy
    Քաղաքական
    Ներքին «գզվռտոցները» ձեռնտու են Փաշինյանին․ «Փաստ»
    «Փաստ» օրաթերթը գրում է. «Վերջին շրջանում շատ է խոսվում այն մասին, որ իշխող թիմի ներսում տարաձայնությունների պակաս չկա։ Ավելին, իշխող թիմում գնալով էլ ավելի է խորանում գոյություն ունեցող բևեռացումը և միմյանց նկատմամբ խոր անվստահությունը։ «Փաստ» թերթի տեղեկություններով, բանը հասել է նրան, որ առանձին ՔՊ-ականներ խորհրդարանում որոշ դեպքերում անգամ ընդդիմադիր պատգամավորների մոտ են դժգոհում իրենց թիմակիցներից՝ բողոքելով հատկապես ցինիկ ու մեծամիտ պահվածքից։ Նրանք դժգոհ են, որ առանց այդ էլ դժվար են «մարդամեջ» դուրս գալիս, իսկ իրենց մի շարք թիմակիցների նման պահվածքից ուղղակի «գետինն են մտնում»: Խորհրդարանական մեր աղբյուրի փոխանցմամբ, իշխանական պատգամավորները շատ հաճախ անգամ խուսափում են միմյանց հետ ուղղակի շփումից։ Ավելին, ըստ տեղեկությունների, իշխանության խորհրդարանական «սաստավում» իսկական հիերարխիկ աստիճանակարգություն է տիրում։ Պարզվում է, որ թիմի ներսում կան «տասնապետներ», որոնք ունեն իրենց առանձին բլոկները և հիմնական քննարկումներն անցկացնում են հենց այդ ձևաչափով, նրանք ընդհանուր իշխանական քաղաքականության և քննարկվող հարցերի վերաբերյալ ունեն սեփական «մինի թիմային» մոտեցումները։ Իշխանությանը մոտ կանգնած մեր աղբյուրն էլ փոխանցել է, որ, ճիշտ է, ընդհանուր թիմն առայժմ ենթարկվում է Նիկոլ Փաշինյանին, ավելին, այս ներքին «գզվռտոցները» ձեռնտու են նրան, սակայն, ըստ առկա տրամադրությունների, դա ժամանակավոր է բնույթ է կրում և ցանկացած պահի կարող է վիճակն անվերահսկելի դառնալ»: Ամբողջական հոդվածը կարող եք կարդալ այս հասցեով՝ : https://hraparak.am/post/a0bf2c72569196ffbdff035e14096b43?fbclid=IwAR0bvBz3i4PFtbMztBAwKDLNhrFRnDrL5SncAJSwxMAR0ulYux1-zFxkyPE © 2008 - 2021 «Հրապարակ օրաթերթ»
    10:14
    09.04.22
    Ավելին
  • Img default alt hy
    Հայաստան
    Բա թուրք-ադրբեջանական շահերի սպասարկումը պոզով, թե պոչով է լինում․ Ագնեսա Խամոյան
    Նախ դու Ադրբեջանից 5 սկզբունք-պահանջներ ես ստանում, հետո դրանք իբր լրացումներով ուղարկում ԵԱՀԿ Մինսկի խմբին, հետո Բրյուսելում Շառլ Միշելի քավորությամբ Ալիեւի հետ հանդիպում ես անցկացնում ու բառ անգամ չես խոսում Մինսկի խմբից, «թաղում» Մինսկի խումբը ու երբ Լավրովն արձանագրում է, որ արեւմուտքը չեղարկել է Մինսկի խմբի եռանախագահությունը(Նիկոլ Փաշինյանի քավորությամբ), շատ «միամիտ» «հայտնագործում ես», որ Լավրովը սխալ է ընկալել իրավիճակը։ Բա թուրք-ադրբեջանական շահերի սպասարկումը պոզով, թե պոչով է լինում։
    09:57
    09.04.22
    Ավելին
  • Img default alt hy
    Իրավական
    Արամ Վարդևանյանը երեք նոր հայց է նախապատրաստում՝ ուղարկելու ՍԴ․ «Հրապարակ»
    «Հրապարակ» թերթը գրում է. «ԱԺ «Հայաստան» խմբակցության պատգամավոր, իրավաբան, ՍԴ դիմելու «չեմպիոն» Արամ Վարդեւանյանը հերթական հայցերն է նախապատրաստում՝ ուղարկելու ՍԴ։ ԱԺ նախագահի ընտրության արդյունքներն ու մյուս հարցերը ՍԴ-ում վիճարկելուց հետո այս անգամ էլ մտադիր է վիճարկել երեք տարբեր օրենքների սահմանադրականության հարցը։ Առաջինը վերաբերում է վարորդների համար խնդիր առաջացնող տուգանային միավորների կամ բալային համակարգի մասին օրենքին, երբ խախտման դեպքում, վարչական պատասխանատվությունից զատ, վարորդներից նաեւ բալեր են հանվում, ինչի հետեւանքով նրանք կարող են զրկվել վարորդական իրավունքից։ Երկրորդը դատավորներին կարգապահական պատասխանատվության ենթարկելու հիմքերի հարցում են սահմանադրականության հետ կապված խնդիր տեսել եւ դա են փորձելու պարզել ՍԴ-ում։ Երրորդը վերաբերում է դատական տուրքերի շեշտակի բարձրացմանը, ընդ որում՝ այս հարցը դիտարկելու են գնումների ոլորտի հետ փոխկապակցված։ Չորրորդ հայցն էլ է նախապատրաստվում՝ կապված քրեական դատավարության օրենսգրքի հետ, սկսած նրանից՝ դատախա՞զը, թե՞ դատարանը պետք է մեղադրանքը պարզաբանելու գործառույթն իրականացնի։ Ի դեպ, այս խնդիրն առկա է տասնամյակներ շարունակ, եւ մեղադրողին դատավորին հավասարեցնելու ավանդույթը գալիս է դեռ սովետական իրավաբանությունից։ Ըստ Վարդեւանյանի՝ ՍԴ-ն դրա վերաբերյալ երբեք որոշում չի ունեցել։ Պատգամավորը մեզ ասաց, որ այս հայցերից երեքն արդեն ավարտում է, եւ առաջիկա շաբաթվա ընթացքում կուղարկեն ՍԴ»:
    09:55
    09.04.22
    Ավելին
  • Img default alt hy
    Քաղաքական
    Կրքեր Սյունիքում. Ամեն մեկն ուզում է «վերևներում» ցույց տալ, որ «ռուլիտ անողն» ինքն է. «Հրապարակ»
    «Հրապարակ» թերթը գրում է. «Չնայած պատերազմի սպառնալիքը շարունակում է կախված մնալ Հայաստանի եւ Արցախի գլխին, ինչի մասին անցած շաբաթ կառավարության նիստում ահազանգեց նաեւ վարչապետ Նիկոլ Փաշինյանը, սակայն դա չի խանգարում, որ իշխանությունը սեւեռվի համայնքները զավթելու գործի վրա։ Այսօր ՔՊ-ական սյունեցի պատգամավորներն ու կուսակցության վարչության անդամներից մի քանիսն այցելելու են Սյունիքի մարզ, մասնավորապես, լինելու են Գորիսում, Սիսիանում, Կապանում, Քաջարանում։ Սյունիքի մեր աղբյուրների փոխանցմամբ՝ այցի նպատակը կուսակցական ակտիվի հետ հանդիպումն է, կուսակցական աշխատանքները եւ մասնավորապես աշնանը մարզում սպասվող ՏԻՄ ընտրությունները։ Բանն այն է, որ Քաջարանում եւ Սիսիանում լրանում է համայնքապետերի պաշտոնավարման ժամկետը, եւ ՔՊ-ական ակտիվն ամիսներ առաջ լծվել է այդ համայնքները նվաճելու գործին, աշխատանքի բաժանում է կատարել, մարզային ակտիվին մոբիլիզացրել, որ այս համայնքները չարժանանան Գորիսի, Կապանի եւ Սյունիքի մյուս համայնքների ճակատագրին։ Հիշեցնենք, որ անցած տարվա աշնանը Սյունիքի մի շարք համայնքներում ՏԻՄ ընտրություններում իշխանությունները խայտառակ ֆիասկո գրանցեցին, բացառությամբ Տեղ համայնքի, որտեղ հաղթեց այն ժամանակվա գործող մարզպետ Մելիքսեթ Պողոսյանի քրոջ որդին։ Խոշորացված բոլոր համայնքներում ՔՊ-ական թեկնածուները պարտություն կրեցին։ Հիմա հերթը Սիսիանինն ու Քաջարանինն է։ Ընդ որում, վերջինիս համայնքապետ՝ ընդդիմադիր Մանվել Փարամազյանի նկատմամբ իշխանությունները տեւական ժամանակ է՝ քրեական հետապնդում են իրականացնում, իսկ Սիսիանի նախկին համայնքապետ, այժմ «Հայաստան» դաշինքի պատգամավոր Արթուր Սարգսյանին փոխարինեցին Արմեն Հակոբջանյանով, որը համայնքի ղեկավարի ժամանակավոր պաշտոնակատարն է։ Հենց նրան էլ դիտարկում են համայնքի ղեկավարի թեկնածու՝ Հակոբջանյանը սյունեցի պատգամավոր Կարեն Համբարձումյանի բարեկամն է։ Ըստ լուրերի՝ Քաջարանում էլ ՔՊ-ն դիտարկում է Գառնիկ Պետրոսյանի թեկնածությունը, որը նախկին մարզպետ Մելիքսեթ Պողոսյանի խորհրդականն էր, իսկ հիմա օգնում է նորանշանակ Ռոբերտ Ղուկասյանին։ Կհաջողի՞ արդյոք իշխանությունն այս անգամ Սյունիքում, ցույց կտա ժամանակը, սակայն մեր աղբյուրներն ասում են, որ կուսակցական մարզային կառույցում տիրող խժդժությունները լավատեսություն չեն հաղորդում։ Սյունիքի ՔՊ-ականների շրջանում, պարզվում է՝ լարված մթնոլորտ է, դիրքային պայքար, հատկապես սյունեցի կուսակցականներից յուրաքանչյուրն ուզում է ամրապնդել իր դիրքերը եւ «վերեւներում» ցույց տալ, որ մարզում «ռուլիտ անողն» ինքն է։ Այսօրվա հանդիպման նախաձեռնողը՝ այսպես կոչված, «քավորը», պատգամավոր Դավիթ Դանիելյանն է՝ Կապանի ՔՊ-ական պարտված թեկնածուն, ով, սակայն, վարչապետի աշխատակազմի ղեկավար Արայիկ Հարությունյանի սանիկը եւ սիրելին լինելու շնորհիվ «պռախոդ» է ստացել։ Մինչ այդ մարզային «տասովկաներն» իրականացրել է նախկին փոխմարզպետ Նարեկ Բաբայանը, սակայն վերջերս ազատվելով պաշտոնից՝ տեղափոխվել է ԶՊՄԿ՝ դառնալով խորհրդի անդամ։ Բաբայանը Նիկոլ Փաշինյանի վստահելի անձանցից է եղել, սակայն իրավիճակը փոխվել է վերջերս։ Մեզ ասացին՝ Դավիթ Դանիելյանն Արայիկ Հարությունյանի միջոցով կարողացել է վերջինիս հետին պլան մղել եւ ինքն առաջին պլան գալ։ Արայիկ Հարությունյանն էլ ամեն ինչ անում է, որ սանիկին՝ Դանիելյանին, ՔՊ վարչություն մտցնի, սրանով է պայմանավորված նաեւ Դանիելյանի ակտիվությունը։ Իսկ ՔՊ վարչության ընտրությունները սարերի ետեւում չեն։ Իհարկե, մյուս պատգամավորները դիմադրում են, օրինակ, Արմեն Խաչատրյանը շարունակում է «կառավարել» Գորիսը, անգամ հանցավոր խումբ է հովանավորում, Կարեն Համբարձումյանը՝ Կապանը։ Ի դեպ, Խաչատրյանն ամեն ինչ անում էր նաեւ, որ մարզպետարանում իր մարդն ունենար՝ ի դեմս փոխմարզպետ Կարո Ավանեսյանի, սակայն վարչապետի որոշմամբ երեկ Ավանեսյանն ազատվել է զբաղեցրած պաշտոնից։ Մենք օրերս գրել էինք, որ փոխմարզպետի վերաբերյալ Հակակոռուպցիոն կոմիտեում գործ կա հարուցված՝ ոչ պատշաճ հայտարարագիր ներկայացնելու հիմքով։ Իսկ երեկ փոխմարզպետը գնացել է աշխատանքի եւ իմացել, որ ազատվել է աշխատանքից։ Ե վ չնայած ներթիմային խժդժություններին, Նիկոլ Փաշինյանը գտել է ՏԻՄ ընտրություններում բոլորին համախմբելու՝ մեկ նպատակի ծառայեցնելու ճանապարհը․ ինչպես Վեդիի ընտրություններից առաջ սպառնաց Արարատի մարզպետին, որ Գարիկ Սարգսյանի ձախողման դեպքում Սեդրակ Թեւոնյանը կզրկվի մարզպետի պաշտոնից, նույնը կանի նաեւ այստեղ»:
    09:53
    09.04.22
    Ավելին
  • Img default alt hy
    Հասարակական
    ՔՊ-ում այնքան էլ միանշանակ չի ընդունվում Ավինյանի թեկնածությունը. շատերը կարծում են, որ նա չի անցնի. «Հրապարակ»
    «Հրապարակ» օրաթերթը գրում է․ «Նախկին փոխվարչապետ, Երևանի քաղաքապետի ՔՊ-ական թեկնածու Տիգրան Ավինյանն արդեն սկսել է ավագանու արտահերթ ընտրությունների քարոզարշավը։ Վերջին օրերին նա ակտիվ հանդիպումներ է ունենում տարբեր անձանց և կուսակտիվի հետ։ Նախորդ օրն Էրեբունիում էր, մի քանի օր առաջ՝ Արաբկիրում, մեդալ էր շնորհում Տիգրան Մանսուրյանին և այլն։ ՔՊ-ական աղբյուրների փոխանցմամբ, Երևանի ընտրությունները կարող են այս տարի կայանալ, գուցե անգամ՝ մինչև աշուն, քանի դեռ կուսակցությունը որոշակի ռեյտինգ ունի։ Բայց ՔՊ-ում այնքան էլ միանշանակ չի ընդունվում Ավինյանի թեկնածությունը՝ շատերը կարծում են, որ նա չի անցնի։ Ավինյանին դեմ է, մասնավորապես՝ Խաչատուր Սուքիասյանը, ով վիրավորված է Փաշինյանից, որ նա 33-ամյա Ավինյանին նախընտրել է իրենից։ Նա չի մոռացել, որ Ավինյանը բացահայտ քննադատեց ՔՊ-ին՝ Սուքիասյանին ԱԺ ցուցակ մտցնելու համար (բիզնեսը քաղաքականություն բերելու համար), և ինքն էլ դուրս գալով կառավարությունից՝ հրաժարվեց մասնակցել ընտրություններին։ Երևանի քաղաքապետի պաշտոնին հավակնում է նաև գործող քաղաքապետ Հրաչյա Սարգսյանը, ով փորձում է բարձրացնել իր ռեյտինգը և ապացուցել, որ ինքն ավելի շատ ձայն կստանա, քան Ավինյանը»:
    09:46
    09.04.22
    Ավելին
2022-04-08
  • Մշակույթ
    Մութ ճանապարհ՝ դեպի մարդու ներսը. «Արտ-կվարտալ»
    Արտ-կվարտալ: Այսպես է կոչվում այն վայրը, որտեղ այսուհետ կարող են հավաքվել արվեստագետները, շփվել, զրուցել, արվեստի գործեր ստեղծել: Ցուցահանդեսը բաց է, այցելուներին է սպասում 22 արվեստագետի 35 աշխատանք:
    23:21
    08.04.22
    Ավելին
  • Img default alt hy
    Հայաստան
    Տիգրան Հակոբյանը էրոտիկայից լավ չի հասկանում․ «Oragir.news»
    Հանրային հեռուստատեսության և ռադիոյի հանձնաժողովի նախագահ Տիգրան Հակոբյանի պատկերացումներն էրոտիկայի մասին շատ հետաքրքիր ու կասկածելի են։ Բանն այն է, որ «Oragir.news»-ի հարցումը հրապարակելու համար ՀՌՀ-ն տուգանել է «5-րդ ալիքին»՝ պատճառաբանելով, որ էրոտիկ բնույթի նյութեր են հեռարձակվել ժամը 24։00-ից շուտ։ «Oragir.news»-ը ոստիկանությանը գրավոր հարցում էր ուղարկել՝ դրանում զետեղելով բառերի և արտահայտությունների մի ցուցակ և հարցնելով, թե դրանցից որո՞նք կարելի է օգտագործել վարչապետ Նիկոլ Փաշինյանի և այլ պաշտոնյաների մասին արտահայտվելիս, որպեսզի ոստիկանությունը դա չհամարի ծանր վիրավորանք և քրգործի համար նյութեր չնախապատրաստի, ապա մեր հարցումն ու ոստիկանության պատասխանը հրապարակել էինք։ «5-րդ ալիքը» այդ հարցման հիման վրա ռեպորտաժ էր պատրաստել, ռեպորտաժում ընդամենը 2-3 վայրկյան երևում է հարցումի տեքստը, որի վրա այդ ընթացքում ոչինչ կարդալ հնարավոր չէ, սակայն ՀՌՀ-ն դա համարել է էրոտիկ նյութի հաղորդում և հեռուստաընկերությանը տուգանել է։ «Oragir.news»-ի հետ զրույցում «5-րդ ալիքի» գործադիր տնօրեն Հարություն Հարությունյանն ասել է, որ ՀՌՀ-ն որոշման մեջ յուրովի է մեկնաբանել մեր հարցման մեջ տեղ գտած բառերը և դրանք համարել երեխաների հոգեբանության վրա ազդեցություն ունեցող, էրոտիկ. «Հանձնաժողովը մեզ տուգանել է անչափահասների առողջության, մտավոր և ֆիզիկական զարգացման դաստիարակության վրա հնարավոր բացասական ազդեցություն ունեցող հաղորդում հեռարձակելու համար: Հատկանշական է, որ հանձնաժողովը «Oragir.news»-ի՝ ոստիկանության հարցումը և ոստիկանության պաշտոնական պատասխանը դիտել է որպես էրոտիկ բնույթի հաղորդում: Տեսանյութում լրագրողը խուսափել է հնչեցնել բոլոր այն մակդիրները, որ նշված է եղել այդ նամակում, ուղղակի կես վայրկյանի չափով այն երևացել է հեռուստացույցի էկրանից՝ համակարգչի մոնիտորի անցումով, որը, ի դեպ, համարյա անտեսանելի է, բայց քանի որ անհրաժեշտ էր ինչ-որ ձև գտնել տուգանելու համար, գտել են այդ ձևը: Հանձնաժողովի որոշման մեջ հետաքրքիր ձևակերպումներ կան. օրինակ, մեջբերեմ՝ «Իվ Գանդոն՝ ֆանտաստ գրողի իմաստով» կամ ««Ստամբուլի բիճ»՝ «Ստամբուլի ապօրինի զավակ», և այլն: Ինձ ոչ թե այդ՝ Աղայանի բառարանով ձևակերպումների պարզաբանումն է անհանգստացնում, այլ որ մեզ տուգանում են «անչափահասների առողջության, մտավոր և ֆիզիկական զարգացման դաստիարակության վրա հնարավոր բացասական ազդեցություն ունեցող հաղորդում» հոդվածով և առաջարկում են նման հաղորդումները հեռարձակել 24:00-18:00-ն ընկած ժամանակահատվածում: Այսինքն՝ հանձնաժողովը լրատվական-վերլուծական հաղորդման ժամանակ պատրաստած, թեկուզ պամֆլետային ոճով, բայց խնդիրը իրազեկող ռեպորտաժը դասում է էրոտիկ ժանրի ֆիլմի կամ հաղորդման շարքին»,- ասաց Հարությունյանը։ «Oragir.news»-ի հարցին՝ ի՞նչ է պատասխանել Տիգրան Հակոբյանը, երբ լսել է իր պարզաբանումներն ու պատասխանները, Հարությունյանն ասել է. «Ոչ միայն Տիգրան Հակոբյանը, այլև հանձնաժողովի գերակշռող մեծամասնությունը իրենց ասելիքը դրսևորեցին քվեարկությամբ, իսկ հանձնաժողովի նիստը շատ էմոցիոնալ դրսևորումներով հարուստ էր թե իրենց և թե իմ կողմից: Մենք իրար չէինք հասկանում, և բնական է, որ այդպես պետք է լիներ: Ես խոսում էի լրագրության մասին, իրենք՝ էրոտիկ ժանրի հաղորդման: Իրենք իրենց խնդիրն էին լուծում, իսկ ես հայտնվել էի Դոն Քիշոթի դերում՝ անիմաստ պայքարում էի հողմաղացների դեմ»։ «Oragir.news»ը գրում է, որ փաստորեն Տիգրան Հակոբյանը էրոտիկայից լավ չի հասկանում, եթե 20-րդ դարի ֆրանսիացի ֆանտաստ գրողի անուն-ազգանունը նրա մոտ ասոցացվում է էրոտիկայի հետ։ «Կամ, օրինակ, տարօրինակ է, որ Տիգրան Հակոբյանը թուրք գրող Էլիֆ Շաֆաքի «Ստամբուլի բիճը» վեպը ստուգաբանել է որպես «Ստամբուլի ապօրինի զավակ» և դրա համար տուգանել է հեռուստաընկերությանը, հավանաբար ՀՌՀ նախագահը ստեղծագործությանը պարզապես ծանոթ չէ։ Հետաքրքիր է նաև, թե այսքան նրբազգաց ՀՌՀ նախագահը ինչ ապրումներ է ունենում, երբ երկրի ղեկավարն ասում է՝ «բռնելու եմ, շինեմ», «պետք լինի՝ ուրիշ բան էլ թափ կտամ», կամ, օրինակ, երբ վարչապետի հատուկ հանձնարարությունների գծով ներկայիս դեսպանն ԱԺ նախագահին ասում է՝ «անբարոյականի վաստակ», իսկ ԱԺ նախագահն էլ վերջինիս՝ «քաղաքական տրյապկա»։ Եվս մի քանի մեջբերում հեռուստաեթերից, որոնք Տիգրան Հակոբյանը հավանաբար չի լսել կամ լսել է՝ չլսելու է տվել։ Մեջբերումները ամենահայտնի հումորային ծրագրերից մեկից՝ «women’s club»-ից են: «Ուրեմն էն կողքի սենյակում մարմնավաճառ ա պառկած, մտի մոտը, աչքերդ կբացվի»։ «Ամենաանհասկանալին իմ համար՝ էդ ո՞նց պուտանկեն դարձավ անհատական մերսող»։ Լիլի Մորտոն ասում է. «Տրենեռ, ես բողոք ունեմ, ես էլ չեմ ուզում, որ մենք մաշկագույն գնդակով խաղանք, որովհետև էդ մրցակիցը խառնում, գլխով խփում, տալիս-կապտացնում ա». այդ պահին ձեռքով ցույց է տալիս կրծքերը։ «Եթե աղջիկդ ըտենց շարունակեր ռոք երգել, ոտը ռոքից պոկելու էի»։ «Էս պուտ-պուտ շորերովն էլ Անկան ա, ինքը մեր գեղի միակ պուտպուտանկան ա»։ «Էսի ոնց որ արդեն իմ անձի հանդեպ գիպսագառդոնություն եք անում»։ «Մալիֆիսենտա՞, իսկ Մալիֆիսենտան տալիֆիսե՞նտ ա»։ Փաստորեն Տիգրան Հակոբյանը սրանց մեջ էրոտիկա չի տեսնում, այս հայտարարությունները չի ֆիքսել, իսկ լրատվական թողարկման մեջ կես վայրկյանում էկրանին երևացող Իվ Գանդոնին անմիջապես նկատել է»։
    23:10
    08.04.22
    Ավելին
  • Img default alt hy
    Հայաստան
    Պայթուցիկ սարքի ահազանգ՝ «Զվարթնոց» օդանավակայանում. զանգահարողն ասել է, որ սարքը ինքնաթիռում է տեղադրված
    Քիչ առաջ հերթական ահազանգն է ստացվել Արտակարգ իրավիճակների նախարարության փրկարար ծառայության 911 և ՀՀ ոստիկանության օպերատիվ կառավարման կենտրոններ, որ «Զվարթնոց» միջազգային օդանավակայանում «Red Wings» ավիաընկերության կողմից Մոսկվա-Երևան թռիչքը սպասարկող ինքնաթիռում, որն արդեն վայրէջք է կատարել, պայթուցիկ սարք է տեղադրված։ Ժամանել են ԱԻՆ ՓԾ հրշեջ-փրկարարական ջոկատներ, սակրավորներ: Պատրաստվում են տարածքը զննել, իսկ ուղևորները անվտանգ դուրս են եկել, ուղեբեռները ստացել են, ինքնաթիռն էլ տեղափոխվել է անվտանգ տարածք: Ոստիկանությունը պարզում է ահազանգողի ինքնությունը:
    23:05
    08.04.22
    Ավելին
  • Միջազգային
    Դիակներ՝ Մարիուպոլի փողոցներում. Մոսկվան պնդում է, որ Կիևը սադրում է
    Ռուսաստանի պաշտպանության նախարարությունը շարունակում է հերքել Կիևի տարածած տեղեկությունները, թե իրենց ուժերը ոչ ռազմական օբյեկտներ են թիրախավորում: Կիևը այսօր մեղադրել է Մոսկվային Կրամատորսկի երկաթուղային կայարանին հարվածելու համար: Ռուսաստանի պաշտպանական գերատեսչությունը պնդում է, թե Տոչկա-Ու հրթիռները, որոնց բեկորները հայնտաբերվել են կայարանի տարածքում, կիրառում է ուկրաինական բանակը:
    23:03
    08.04.22
    Ավելին
  • Img default alt hy
    Հասարակական
    Հնարավոր է՝ Ներսես Պողոսյանը գնա երկրից
    Irakanum.am-ը Ներսես Պողոսյանից հետաքրքրվեց, թե ինչու՞ է աշխատանքից ազատվելու դիմում ներկայացրել, ինչին ի պատասխան արդեն նախկին թաղապետն ասաց, թե այդպես է ուզել։ «Ոչ մի բան չի եղել, այդպես եմ ուզել»,- նշեց նա։ Հարցին, թե ինչով ե՞ք զբաղվելու Պողոսյանն ասաց․ «Չգիտեմ դեռ, միգուցե գնամ երկրից, տարբեր բաներ կան, հազար բան կա։ Միգուցե ստեղ ինչ-որ բիզնես․․ չգիտեմ, դեռ չեմ որոշել։ Հիմա հանգսանալու եմ»։
    23:00
    08.04.22
    Ավելին
  • Img default alt hy
    Հայաստան
    Ռումբի ահազանգ՝ Կոմիտասի պողոտայի շենքերից մեկից․ տեղում աշխատում են իրավապահները
    Այսօր Երևանի տարբեր հատվածներից ռումբի ահազանգեր էին ստացվել։ Tert.am-ի թղթակիցը հայտնում է, որ այս պահին ահազանգ է ստացվել նաև, որ ռումբ է տեղադրված Կոմիտաս 23 շենքում, բնակիչները տարհանվել են, ժամանել են շտապօգնության, ոստիկանության ու փրկարար ծառայությունները։
    22:49
    08.04.22
    Ավելին
  • Հայաստան
    Սննդի բացօթյա կետերում ծխելու արգելքը «քննարկման ենթակա է». ռեստորանները վնասներ ունեն
    Մեկ ամիս էլ չկա, որ բացօթյա սրճարաններում գործում է ծխելու արգելքը, բայց տնտեսվարողներն արդեն 15-ից 20 տոկոսի վնաս են կրել: Ռեստորանների միության նախագահն է այս մասին հայտարարել՝ խորհրդարանում՝ աղմկահարույց օրենքի շուրջ քննարկման ժամանակ: Օրենքն ուժի մեջ մտնելուց 25 օր անց՝ իշխանական պատգամավոր Բաբկեն Թունյանն ասել է՝ «փակ տարածքների մասով թեման փակ է, մյուս քննադատությունների հետ կապված օրենքը կարելի է քննարկել»:
    22:40
    08.04.22
    Ավելին
  • Տարածաշրջան
    Լավրովը հայտարարում է՝ «ՄԽ համանախագահ եռյակը գոյություն չունի». Միրզոյանն «այլ ազդակներ է ստացել»
    Մոտ 3 տասնամյակ Ղարաբաղյան հակամարտության կարգավորման միակ միջնորդի ԵԱՀԿ Միսկի խմբի եռանախագահությունը չեղարկվել է ու մեղավորը Արևմուտքն է: Ռուսաստանի արտգործնախարար Սերգեյ Լավրովը Արարատ Միրզոյանի հետ համատեղ ասուլիսում է այսպիսի սկանդալային հայտարարություն արել՝ շեշտելով, որ Ֆրանսիան ու Միացյալ Նահնագները հրաժարվել են համագործակցել Ռուսաստանի հետ ԵԱՀԿ Մինսկի խմբում: Ըստ Լավրովի՝ Արևմուտքը զոհաբերել է արաբաղյան խնդրի կարգավորումը Ռուսաստանի հետ տարաձայնությունների, իր խոսքով, «ռուսաֆոբիայի» պատճառով:
    22:38
    08.04.22
    Ավելին
  • Իրավական
    Վճռաբեկ դատարանը որոշել է, որ Փաշինյանն արդար է. «փութաջան» արդարադատություն
    Վճռաբեկ դատարանը Մարտի 1-ի գործով արդարացրել է Հայաստանի վարչապետ Նիկոլ Փաշինյանին: Նրան արդարացնելու պահանջով գլխավոր դատախազ Արթուր Դավթյանն էր դիմել Վճռաբեկ ատյան: Որպես հիմնավորում Դավթյանը դատարան էր ներկայացրել «Փաշինյանն ընդդեմ Հայաստանի» գործով՝ Եվրադատարանի վճիռը: «Եվրադատարանի որոշումը բավարար չէ վճիռ կայացնելու համար, վճռաբեկ դատարանը պետք է նոր քննություն սկսեր»,- հայտարարել է «Հայաստան» խմբակցության սահմանադրագետ-պատգամավոր Արամ Վարդևանյանը:
    22:38
    08.04.22
    Ավելին
  • Img default alt hy
    Հասարակական
    Սննդի կետերում ծխելու արգելքից հետո այցելուներն ավելացել են, մարդիկ շնորհակալություն են հայտնում․ Էկոնոմիկայի փոխնախարար
    Մենք կողմ ենք եղել, որպեսզի ծխելու համար լինի տարանջատված միջավայր սննդի կետերում, որովհետև մարդիկ գալիս են հենց այդ նպատակով և այստեղ ոչ ոքի իրավունքները չեն խախտվում։ Այս մասին ԱԺ-ում անրային սննդի օբյեկտներում ծխելու արգելքի մասին քննարկման ժամանակ ասաց Էկոնոմիկային փոխնախարար Անի Իսպիրյանը։ «Եթե նայում ենք գործարար միջավայրի տեսանկյունից, շատ կարևոր է կանխատեսելիությունը, և մշտական փոփոխությունները կարող են բացասական ազդեցություն ունենալ։ Ուստի, քանի որ օրենքը արդեն ընդունված է, պետք է թողնել անփոփոխ, որովհետև տնտեսվարողները արդեն համապատասխանեցրել են իրենց գործունեությունը այս օրենքին։ Կարծիքներ եղան, որ բացասական կարծիքներ են հնչեցվում։ Եթե կարծիքներից ենք խոսում, ապա ունենք շատ հակառակ՝ դրական կարծիքներ և՛ հաճախորդների և տնտեսվարողների կողմից, մարդիկ գալիս շնորհակալություն են հայտնում, որովհետև սննդի օբյեկտներում հաճախորդների շրջանակներ են ավելացել»,- ասց փոխնախարարը։
    22:12
    08.04.22
    Ավելին
  • Հայաստան
    Բաքուն «Արցախն է վերցնում», Երևանը խաղաղություն է ուզում. ո՞րն է Փաշինյանի օրակարգը
    Փաշինյան-Ալիև Բրյուսելյան հանդիպման արդյունքը ևս մեկ անգամ ապացուցեց, որ Հայաստանի վարչապետը Ադրբեջանի նախագահի հետ հանդիպման էր գնացել՝ առանց սեփական օրակարգի: Հայ փորձագետներն ահազանգում են՝ սպասվող Խաղաղության համաձայնագրով Ադրբեջանը վերջնականապես կփակի արցախյան հակամարտության էջը: Իսկ Երևանը շարունակում է լռել անգամ հիմա, երբ՝ Բաքվի առաջարկած 5 կետերում չկան ո՛չ Արցախ, ո՛չ արցախյան հակամարտություն բառերը:
    21:34
    08.04.22
    Ավելին