Լրահոս

2022-02-05
  • Img default alt hy
    Հայաստան
    Հունվարին Գեղարքունիքի մարզում ծնվել է 112 երեխա
    ՀՀ Գեղարքունիքի մարզպետարանի առողջապահության և սոցիալական ապահովության վարչության առողջապահության բաժնի կողմից տրամադրած տեղեկատվության համաձայն 2022 թվականի հունվար ամսին Գեղարքունիքի մարզում ծնվել է 112 երեխա, որից 58-ը՝ տղա, 54-ը՝ աղջիկ: Ծնունդներից 23-ը գրանցվել է Գավառի, 22-ը՝ Սևանի բժշկական կենտրոններում, 42-ը՝ Մարտունու ծննդատանը, 17-ը՝ Վարդենիսի հիվանդանոցում, 7-ը՝ Ճամբարակի առողջության կենտրոնում: Նորածիններից 1-ը Երևան քաղաքից է, 1-ը՝ Արցախից:
    21:57
    05.02.22
    Ավելին
  • Img default alt hy
    Հայաստան
    Հրդեհ է բռնկվել Դիլիջանի Կենտրոնական բանկին հարակից տարածքում. այրվել է 33 հա խոտածածկույթ
    Փետրվարի 5-ին, ժամը 14:58-ին Տավուշի մարզային ճգնաժամային կառավարման կենտրոն ահազանգ է ստացվել, որ հրդեհ է բռնկվել Դիլիջանի Կենտրոնական բանկին հարակից տարածքում։ Այս մասին հայտնում են ՀՀ ԱԻՆ-ից: Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։ Հրդեհը մեկուսացվել է ժամը 17։53-ին, մարվել՝ 18։15-ին։ Երեք օջախով այրվել է մոտ 33 հա խոտածածկույթ և ջերմահարվել՝ մոտ 120 եղևնի։ Կիսվել
    21:54
    05.02.22
    Ավելին
  • Img default alt hy
    Հայաստան
    Դանակահարություն՝ Պտղնի գյուղի դիսկո-ակումբի դիմաց. բժիշկները պայքարում են 28-ամյա և 25-ամյա վիրավորների կյանքի համար
    Երեկ՝ փետրվարի 4-ին, դանակահարության դեպք է տեղի ունեցել Կոտայքի մարզում, հայտնում է «shamshyan.com»-ը։ Ժամը 05:00-ի սահմաններում, «Աբովյան» բժշկական կենտրոնից ոստիկանության Կոտայքի բաժին ահազանգ է ստացվել, որ «ձախից հետին անօթային գծով կրծքավանդակի ծակած վերք» և «ձախից գլխի ճակատային շրջանի կտրած վերք, ձախից հետին անօթային գծով, մեջքի գոտկային շրջանի, աջից ազդրի հետին մակերեսի երրորդականի ծակած վերքեր» ախտորոշմամբ իրենց մոտ են տեղափոխվել 2 քաղաքացի: Հիվանդանոցում բժիշկները ոստիկաններին հայտնել են, որ վիրավորներն ի վիճակի չեն կատարվածի մասին բացատրություն տալու: Մինչ բժիշկները պայքարում էին նրանց կյանքի համար, ոստիկանները պարզել են, որ վիրավորներն են՝ Երևան քաղաքի բնակիչներ, 28-ամյա Աշոտ Խաչատրյանն ու 25-ամյա Նարեկ Վարդանյանը: Վերջինս այնուհետև «Աբովյան» բժշկական կենտրոնից տեղափոխվել է «Արմենիա» բժշկական կենտրոն: Ոստիկանության Կոտայքի բաժնի քրեական հետախուզությոան և համայնքային ոստիկանության բաժանմունքների ծառայողները պարզել են, որ նույն օրը՝ ժամը 04:30-ի սահմաններում, վերջիններս գտնվել են Պտղնի համայնքի վարչական տարածքում գտնվող «Լանա» գիշերային դիսկո-ակումբում, որից հետո ակումբի դիմացից նրանք մարմնական վնասվածքներով տեղափոխվել են հիվանդանոց:
    21:41
    05.02.22
    Ավելին
  • Img default alt hy
    Հասարակական
    15-ամյա տղան դանակահարել է 17-ամյա երկու պատանիներին
    Փետրվարի 2-ին, ժամը 14.55-ին, հիվանդանոցից ոստիկանության Արաբկիրի բաժնում հաղորդում է ստացվել, որ «ձախ ազդրի հետին մակերեսի ծակած վերք» ախտորոշմամբ բուժօգնության է տեղափոխվել 17-ամյա մի պատանի։ Րոպեներ անց ստացվել է ևս մեկ հիվանդանոցային ահազանգ՝ «կրծքավանդակի աջ հատվածի կտրած-ծակած վերք» ախտորոշմամբ բուժօգնության էր տեղափոխվել 17-ամյա մեկ այլ պատանի։ Ոստիկանության Արաբկիրի բաժնի, Երևան քաղաքի վարչության ԱԳ և ԸԲԿ և Քանաքեռ-Զեյթունի բաժնի ծառայողների համատեղ ձեռնարկած օպերատիվ-հետախուզական միջոցառումների շնորհիվ պարզվել է, որ նույն օրը, ժամը 13.40-ի սահմաններում, Թբիլիսյան խճուղու հարակից տարածքում մի խումբ պատանիների մասնակցությամբ վիճաբանություն է եղել։ Ծեծկռտուքի ընթացքում 15-ամյա պատանին դանակով խփել է տուժածներին՝ պատճառելով վնասվածքներ: Վիճաբանության մասնակիցների ինքնությունը պարզվել է, նրանք բերվել են ոստիկանություն։ Նշանակվել է դատաբժշկական փորձաքննություն: Քննությունը շարունակվում է։
    21:11
    05.02.22
    Ավելին
  • Img default alt hy
    Տարածաշրջան
    Թուրքիայի առողջապահության նախարարությունը խոսել է Էրդողանի առողջական վիճակի մասին
    Թուրքիայի նախագահ Թայիփ Էրդողանի եւ նրա կնոջ՝ Էմինե Էրդողանի առողջական վիճակը, ովքեր վարակվել են «օմիկրոնով», լավ է, չի խանգարում նրանց աշխատանքին, հայտարարել է երկրի առողջապահության նախարար Ֆահրեթին Կոջան, փոխանցում է «ՌԻԱ Նովոստին»։ Ավելի վաղ նախագահ Էրդողանը հայտարարել էր, որ ինքը եւ իր կինը վարակվել են կորոնավիրուսի «օմիկրոն» շտամով, հիվանդությունը, Թուրքիայի ղեկավարի խոսքով, թեթեւ է ընթանում։ «Նրանց առողջական վիճակը բավական լավ է, չի խանգարում նրանց աշխատանքին։ Եւս մեկ անգամ լավագույն մաղթանքներս եմ հղում նրանց»,- գրել է Կոջան Тwitter-ում:
    20:45
    05.02.22
    Ավելին
  • Img default alt hy
    Հայաստան
    Դժբախտ դեպք Ծաղկաձորում. 14 տարեկան տղա է մահացել
    Այսօր դժբախտ դեպք է տեղի ունեցել Ծաղկաձորում: 14-ամյա տղան դահուկ վարելիս ընկել է և մահացել: Տեղեկությունը հայտնում է «hraparak.am»-ը։ Ճոպանուղուց մանրամասներ չեն հայտնել, միայն ասել են, որ դեպքի հետ կապված քննարկում են անում, ավելի ուշ մանրամասներ կհայտնեն: Ծաղկաձորի քաղաքապետարանի աշխատակազմի ղեկավարը լրատվամիջոցի հետ զրույցում ասել է, որ դահուկներով սահելիս տղան ընկել է ու վնասել գլուխը։ «Հագին եղել է պաշտպանիչ գլխարկ, հագուստ դահուկ քշելու համար, ցավոք այնպես է ընկել, որ գլուխը վնասել է, և տղայի կյանքը փրկել չի հաջողվել»,- նշել է նա: Լրատվամիջոցին պատմել են, որ տղան ազգությամբ հայ է, սակայն ապրում էր Գերմանիայում, բարեկամը հրավիրել էր Հայաստան, տղան եկել էր հանգստանալու: Մի քանի օր դահուկավարի հետ սովորել է վարել, իսկ այսօր մենակ է եղել։ ՀՀ արտակարգ իրավիճակների նախարարությունից «Սպուտնիկ Արմենիա»-ին հայտնել են, որ դեպքի վերաբերյալ ահազանգ չեն ստացել։
    20:30
    05.02.22
    Ավելին
  • Img default alt hy
    Հասարակական
    15 տարի հետախուզման մեջ գտնվող 65-ամյա կինը ներկայացել է ոստիկանություն
    Ոստիկանության Մաշտոցի բաժնի ՔՀԲ ծառայողների բացատրական աշխատանքի շնորհիվ փետրվարի 4-ին բաժին է ներկայացել 65-ամյա Սուսաննա Կ.-ն, որը 2007 թ. փետրվարի 14-ից հետախուզվում էր ՀՀ քրեական օրենսգրքի 178-րդ հոդվածի (Խարդախությունը) մեղադրանքով: Այս մասին հայտնում են ՀՀ Ոստիկանությունից: Խափանման միջոց չի կիրառվել:
    20:11
    05.02.22
    Ավելին
  • Img default alt hy
    Հասարակական
    Շղթայական ավտովթար՝ Երևանում. ՀՀ ՊՆ ծառայողը տեղափոխվել է հիվանդանոց
    Երեկ՝ փետրվարի 4-ին, շղթայական ավտովթար է տեղի ունեցել Երևանում, տեղեկացնում է «shamshyan.com»-ը։ Ժամը 12:55-ի սահմաններում, Իսակովի պողոտա և Ամերիկյան փողոցի խաչմերուկում բախվել են Երևանի բնակիչ, 43-ամյա Գայանե Ս.-ի վարած Renault մակնիշի, Արմավիրի մարզի բնակիչ, 25-ամյա Գոռ Խ.-ի վարած Mazda մակնիշի, Երևանի բնակիչներ, 66-ամյա Ոսկան Գ.-ի վարած Nissan մակնիշի, 42-ամյա Էդիկ Բ.-ի վարած Opel մակնիշի և Արմավիրի մարզի բնակիչ, 28-ամյա Ռաֆիկ Բաղդասարյանի Volkswagen մակնիշի ավտոմեքենաները: Վթարի հետևանքով Volkswagen-ի ուղևոր, Արմավիրի մարզի բնակիչ, 43-ամյա Զոհրապ Ա.-ն, մարմնական վնասվածքներով տեղափոխվել է «Աստղիկ» բժշկական կենտրոն: Շամշյանի տեղեկություններով՝ վիրավորը ծառայում է ՀՀ ՊՆ N զորամասում:
    20:02
    05.02.22
    Ավելին
  • Img default alt hy
    Հասարակական
    Պայմանագրային երեք զինծառայողներ տեղափոխվել են հիվանդանոց․ խոշոր վթար՝ Սյունիքի մարզում
    Այսօր՝ փետրվարի 5-ին, ավտովթար է տեղի ունեցել Սյունիքի մարզում, հայտնում է «shamshyan.com»-ը։ Ժամը 10:40-ի սահմաններում, Տավուշի մարզի բնակիչ, 27-ամյա Հայկ Պ.-ն, իր վարած BMW մակնիշի ավտոմեքենայով, Գորիս-Ստեփանակերտ ավտոճանապարհի 9-րդ կմ հատվածում, դուրս է եկել հանդիպակած երթևեկելի գոտի, բախվել Երևանի բնակիչ, 37-ամյա Հովհաննես Գ.-ի վարած Mercedes G-500 մակնիշի ավտոմեքենային, այնուհետև իր ավտոմեքենայի հետնամասով բախվել Արարատի մարզի բնակիչ, 62-ամյա Սպարտակ Օ.-ի վարած ЗИЛ-ММЗ մակնիշի ավտոմեքենային: Վթարի հետևանքով BMW-ի ուղևորներ, Գավառի բնակիչ, 24-ամյա Ռուստամ Պ.-ն, Արարատի մարզի բնակիչ, 33-ամյա Կարապետ Կ.-ն և Լոռու մարզի բնակիչ, 29-ամյա Շալիկո Ս.-ն, մարմնական վնասվածքներով տեղափոխվել են «Գորիս» բժշկական կենտրոն: Շամշյանի տեղեկություններով՝ վարորդներից Հայկ Պ.-ն, հիվանդանոց տեղափոխված Ռուստամ Պ.-ն, Կարապետ Կ.-ն և Շալիկո Ս.-ն ծառայում են Արցախի Պաշտպանության Բանակի N զորամասում՝ որպես պայմանագրային զինծառայողներ:
    19:50
    05.02.22
    Ավելին
  • Img default alt hy
    Հասարակական
    Հայ աղջիկ, տան աղջիկ․ Լևոն Արոնյանի սիրելին լուսանկարներ է հրապարակել
    Գրոսմայստեր Լևոն Արոնյանի կինը՝ Անիտա Այվազյանը, շախմատիստի քրոջ հետ լուսանկար է հրապարակել, որում կանայք խմոր են գրտնակում։ «Հայ աղջիկ, տան աղջիկ. Լևոնի քրոջ հետ թխում ենք»,- հրապարակված լուսանկարն այսպես է մեկնաբանել Անիտան։ Լևոնն ու Անիտան այժմ բնակվում են Սենտ Լուիսում (ԱՄՆ)։ 2020թ․ մարտի 31-ին ավտովթարից մահացավ նրա կինը՝ 33-ամյա Արիանա Կաոիլին։ Արոնյանն ու Կաոիլին հանդիպում էին 2006 թվականից, բայց ամուսնացել էին 2017-ին։ Մի քանի ամիս անց հայտնի դարձավ, որ Արոնյանը նոր ընտրյալ ունի` Անիտա Այվազյանը։
    19:41
    05.02.22
    Ավելին
  • Img default alt hy
    Հասարակական
    Դատավորների շրջանում բունտ է հասունանում
    Դատավորների շրջանում լուրջ դժգոհություն է հասունացել ԲԴԽ անդամ-դատավորների նկատմամբ, որոնք փաստացի անցել են իշխանության «սրի տակով», գրում է «Փաստինֆո»-ն։ Ըստ լրատվամիջոցի՝ համբերության բաժակը լցրել է հատկապես Սյունիքի մարզի ընդհանուր իրավասության դատարանի դատավոր Բախշիյանին անձեռնմխելիությունից զրկելու և կալանավորելու թույլտվություն տալու վերաբերյալ գլխավոր դատախազի միջնորդությունների քննարկման ժամանակ նրանց ցուցաբերած վարքագիծը։ Որոշումն ընդունվել է միաձայն և ԲԴԽ անդամ դատավորները ցանկության դեպքում կարող էին կանխել քաղաքական հետապնդումը դատավորի նկատմամբ, սակայն նրանք ոչ միայն թույլ են տվել, որ իրականացվի ապօրինի քրեական հետապնդում, այլ նաև, որ կալանավորվի դատավորը՝ չարած հանցանքի համար։ Փաստաբան Արսեն Սարդարյանի հայտարարությունը, որ դատավորները պետք է քննարկեն ԲԴԽ անդամ-դատավորներին անվստահություն հայտնելու հարցը, լուրջ արձագանք է գտել ու բացառված չէ, որ առաջիկայում այդ հարցը բարձրացվի։ Այսօր ԲԴԽ անդամ են հանդիսանում ՀՀ վերաքննիչ քաղաքացիական դատարանի դատավոր Անի Մխիթարյանը, Գեղարքունիքի մարզի առաջին ատյանի ընդհանուր իրավասության դատարանի դատավոր Սերգեյ Չիչոյանը, Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի դատավոր Մեսրոպ Մակյանը, ՀՀ վճռաբեկ դատարանի քաղաքացիական և վարչական պալատի դատավոր Ստեփան Միքայելյանը։ Պարզվում է, այս դատավորներից ոմանց վերաբերյալ ԱԱԾ-ն հավաքել է բավականին լուրջ «կոմպրոմատներ», որոնք էլ գործի են դրվում՝ քվեարկությունների ժամանակ ցանկալի արդյունքներն ապահովելու համար, իսկ որոշների դեպքում էլ Ջհանգիրյանը «կացնային» ճնշումները փոխարինել է գայթակղիչ առաջարկներով, այդ թվում՝ կարիերային առաջխաղացմամբ՝ խոստանալով Վճռաբեկ դատարանի դատավորի պաշտոնը։ Ընդ որում՝ գայթակղիչ առաջարկով հրապուրվել է մի դատավոր, որը, նախքան ԲԴԽ անդամ դառնալը, վայելում էր հարգանք գործընկերների շրջանում, իսկ հիմա միացել է իշխանությունների կամքը կատարողներին։ Ստացվում է՝ ԲԴԽ-ն, որը ստեղծված է դատական իշխանության անկախությունը երաշխավորելու համար, ինքն է դառնում պատուհաս՝ անկախ դատավորների համար։ Ինչպես հայտնի է՝ 93 դատավոր մասնակցել է ստորագրահավաքին՝ պահանջելով Դատավորների ընդհանուր արտահերթ ժողով հրավիրել՝ օրակարգում ընդգրկելով հետևյալ հարցերը. -դատական իշխանության և դատավորների նկատմամբ իրենց գործունեության կապակցությամբ ճնշումների բացառման վերաբերյալ դատավորների ընդհանուր ժողովի կողմից հայտարարություն հրապարակելը, -դատավորների անկախության իրական երաշխավորման կապակցությամբ համապատասխան միջոցառումներ ձեռնարկելը: Չի բացառվում, որ ԲԴԽ դատավոր-անդամներին անվստահություն հայտնեն՝ Դատավորների ընդհանուր ժողովի ընթացքում։
    19:11
    05.02.22
    Ավելին
  • Img default alt hy
    Հասարակական
    Արթուր Վանեցյանը և Տիգրան Աբրահամյանը հանդիպել են Արցախի խորհրդարանի «Արդարություն» խմբակցության ներկայացուցիչներին
    Փետրվարի 5-ին ՀՀ Ազգային ժողովի «Պատիվ ունեմ» խմբակցության ղեկավար Արթուր Վանեցյանը և խմբակցության անդամ Տիգրան Աբրահամյանը Երևանում հանդիպել են Արցախի Հանրապետության Ազգային ժողովի «Արդարություն» խմբակցության ղեկավար Դավիթ Գալստյանին և խմբակցության քարտուղար Մետաքսե Հակոբյանին: Այս մասին տեղեկացնում են «Պատիվ ունեմ» խմբակցությունից։ Կողմերը քննարկել են Լեռնային Ղարաբաղի հակամարտության խաղաղ կարգավորմանը, Արցախի Հանրապետության անվտանգությանը, սոցիալական պաշտպանության ապահովմանը, երկու խմբակցությունների համագործակցությանը, ինչպես նաև Արցախի Հանրապետության Ազգային ժողովում շրջանառության մեջ դրված «Բռնազավթված տարածքների մասին» ԱՀ օրենքի նախագծին վերաբերող հարցեր: Պատգամավորները պայմանավորվել են առաջիկայում տարբեր ձևաչափերով կազմակերպել քննարկումներ Արցախի Հանրապետության ժողովրդի ինքնորոշման իրավունքի իրացման և Արցախի անվտանգության ամրապնդման հարցերի շուրջ
    18:06
    05.02.22
    Ավելին
  • Img default alt hy
    Հասարակական
    Ռոբերտ Քոչարյանն ու Սերժ Սարգսյանը մասնակցում էին Արթուր Գրիգորյանի հոգեհանգստի արարողությանը
    Ժ17:00-ից մեկնարկել է երգիչ, երգահան Արթուր Գրիգորյանի հոգեհանգստի արարողությունը Արամ Խաչատրյան համերգասրահում, որին մասնակցում են նաև ՀՀ երկրորդ և երրորդ նախագահներ Ռոբերտ Քոչարյանը, Սերժ Սարգսյանը, Բակո Սահակյանը։ Վերջին հրաժեշտը` փետրվարի 6-ին, ժամը 11:00-13:00, նույն վայրից: ՀՀ ժողովրդական արտիստը երկարատև հիվանդությունից կյանքից հեռացել է փետրվարի 4-ին, հիվանդանոցում: ՀՀ վարչապետի որոշմամբ ստեղծվել է Արթուր Գրիգորյանի հուղարկավորության կազմակերպման կառավարական հանձնաժողով`ՀՀ ԿԳՄՍ նախարար Վահրամ Դումանյանի նախագահությամբ:
    17:19
    05.02.22
    Ավելին
  • Img default alt hy
    Միջազգային
    Էրդողանն ու նրա կինը վարակվել են կորոնավիրուսով
    Թուրքիայի նախագահ Ռեջեփ Թայիբ Էրդողանը և նրա կինը վարակվել են Կորոնավիրուսով։ Այս մասին հայտնում է ՏԱՍՍ-ը։ «Էրդողանը հայտնել է, որ ինքն ու կինը վարակվել են Կորոնավիրուսի «օմիկրոն» շտամով»,- գրել է լրատվական գործակալությունը։
    16:55
    05.02.22
    Ավելին
  • Img default alt hy
    Միջազգային
    Սի Ծինփինը Գուրբանգուլի Բերդիմուհամեդովին առաջարկել է նավթագազային ոլորտում Չինաստանի և Թուրքմենստանի համագործակցությունը բոլորովին նոր մակարդակի հասցնել
    Չինաստանի Ժողովրդական Հանրապետության նախագահ Սի Ծինփինը Թուրքմենստանի նախագահ Գուրբանգուլի Բերդիմուհամեդովին առաջարկել է նավթագազային ոլորտում երկկողմ համագործակցությունը «բոլորովին նոր մակարդակի հասցնել»։ Ինչպես հայտնում է Չինաստանի ԱԳ նախարարությունը, Սի Ծինփինն ասել է, որ Չինաստանն ու Թուրքմենստանը պատրաստ են ակտիվ աշխատել կարճաժամկետ և երկարաժամկետ փոխգործակցությանն առնչվող հարցերի շրջանակը հստակեցնելու ուղղությամբ, «ավելի մեծ կշիռ հաղորդել գազի ոլորտում համագործակցությանը, ընդլայնել այն, նշված ոլորտում համագործակցությունը հասցնել բոլորովին նոր մակարդակի»։ Չինաստանի նախագահն ընդգծել է նաև, որ Պեկինը ձգտում է փոխշահավետ գործընկերության՝ Աշխաբադի հետ, կողմ է գազի մատակարարումների հարցում Թուրքմենստանի հետ համագործակցության ընդլայնմանը։ Դիմելով Թուրքմենստանի նախագահ Գուրբանգուլի Բերդիմուհամեդովին՝ Սի Ծինփինն ասել է․ «Չին-թուրքմենական համագործակցությունը գազի ոլորտում խթանող ազդեցություն է ունեցել մեր երկրների սոցիալ-տնտեսական զարգացման վրա։ Չինաստանը, անկախ միջազգային ասպարեզում իրավիճակի փոփոխություններից, կմնա Թուրքմենստանի հուսալի բարեկամն ու գործընկերը։ Պատրաստ ենք փոխգործակցել, ամրապնդել փոխշահավետ համագործակցությունը՝ բոլոր ուղղություններով»։
    16:25
    05.02.22
    Ավելին
  • Img default alt hy
    Միջազգային
    Ահազանգ է ստացվել, որ «Շերեմետևո» օդանավակայանում ականներ կան
    Ահազանգ է ստացվել, որ Մոսկվայի «Շերեմետևո» օդանավակայանից չվերթներ իրականացնող 4 ինքնաթիռ և տերմինալի տարածքներն «ականապատված են», հայտնում է «Ռիա Նովոստի»-ն՝ վկայակոչելով ՌԴ-ի արտակարգ իրավիճակների ծառայությանը։ Նույն աղբյուրի փոխանցմամբ՝ ահազանգն անհայտ անձից է ստացվել։ «Շերեմետևո օդանավակայան անանուն հաղորդում է ստացվել չվերթ իրականացնող 4 ինքնաթիռի և B տերմինալի՝ ընդհանուր օգտագործման տարածքի ականապատման մասին»,- ասել է գործակալության զրուցակիցը։
    16:10
    05.02.22
    Ավելին
  • Img default alt hy
    Հայաստան
    ԶԻԼ-130-ը բախվել է բետոնե արգելապատնեշներին, կողաշրջվել, վարորդի դին հայտնաբերվել է դրսում
    Այսօր՝ փետրվարի 5-ին, ողբերգական ավտովթար է տեղի ունեցել Արագածոտնի մարզում, հայտնում է «shamshyan.com»-ը։ Ժամը 11։40-ի սահմաններում ԶԻԼ-130 մակնիշի ավտոմեքենան Երևան-Գյումրի ավտոճանապարհի 58 կմ հատվածում, դեպի Երևան ընթանալիս, դուրս է եկել ճանապարհի երթևեկելի գոտուց, բախվել ճանապարհին տեղադրված բետոնե մի քանի արգելապատնեշների և կողաշրջված վիճակում մասամբ հայտնվել ձորի եզրին։ Վթարի հետևանքով վարորդը տեղում մահացել է։ Նրա դին հայտնաբերվել է ավտոմեքենայից դուրս։
    15:14
    05.02.22
    Ավելին
  • Img default alt hy
    Շոու բիզնես
    «Նա վերահսկելու մոլուցք ունի». Քիմ Քարդաշյանը պատասխանել է նախկին ամուսնուն
    Ամերիկացի ռեփեր Քանյե Ուեսթն ու հեռուստաաստղ Քիմ Քարդաշյանը չեն կարողանում խաղաղ ճանապարհով ամուսնալուծվել։ Նախկին ամուսիններն անցել են հրապարակային վեճերի ու փոխադարձ մեղադրանքների, սակայն, ի տարբերություն ռեփերի, Քարդաշյանը կարողանում էր զսպել իրեն` անտեսելով նախկին ամուսնու մեղադրանքներն ու կշտամբանքները, որոնք նա ներկայացնում էր հարցազրույցներում ու սոցցանցերում: Քիմի համբերությունը հատել է, երբ Ուեսթը հրապարակավ հայտարարել է, որ իրեն դուրս չի գալիս դստեր՝ Նորթի պահվածքը։ «Քանի որ սա իմ առաջին ամուսնալուծությունն է, ես պետք է իմանամ` ինչպես վարվել այն դեպքում, երբ դուստրս իմ կամքին հակառակ TikTok-ում հրապարակում է անում»,- գրել է Ուեսթը Instagram-ում։ Քիմը պատասխանել է նրան` շեշտելով, որ նախկին ամուսնու հարձակումները հարցազրույցներում ու սոցիալական ցանցերում ավելի վիրավորական են, քան TikTok-ի ցանկացած տեսանյութ: «Որպես մեր երեխաների մայր և հիմնական խնամակալ` անում եմ հնարավոր ամեն բան, որպեսզի պաշտպանեմ մեր դստերը, ինչպես նաև թույլ եմ տալիս, որ նա մեծահասակների հսկողությամբ իրեն դրսևորի այն միջավայրում, որում ինքն է ուզում։ Դա նրան երջանկացնում է։ Քանյեն վերահսկելու ու իրավիճակը շահարկելու մոլուցք ունի, ընդ որում՝ բացասական ձևով ու հրապարակավ, իսկ դա միայն ավելի մեծ ցավ է պատճառում բոլորին»,- գրել է նա։ Քարդաշյանը նշել է` ի սկզբանե կողմ է եղել, որ նախկին ամուսնու հետ առողջ հարաբերություններ պահպանվեն, բայց Քանյեն բարդացնում է իրավիճակը:
    14:53
    05.02.22
    Ավելին