Լրահոս
Սպորտ
23:00
19.09.23
44

120 հազար խաղաղ բնակիչ ենթարկվում է Ադրբեջանի ռազմական հարձակմանը Լեռնային Ղարաբաղում․ Հենրիխ Մխիթարյան

Img default alt hy

Հայաստանի ֆուտբոլի ազգային հավաքականի նախկին ֆուտբոլիստ և Միլանի «Ինտեր»-ի կիսապաշտպան Հենրիխ Մխիթարյանն անդրադարձել է Արցախի դեմ Ադրբեջանի լայնածավալ ռազմական ագրեսիային՝ նշելով, որ 120 հազար մարդ, այդ թվում՝ 30 հազար երեխաներ ռազմական հարձակման են ենթարկվել Ադրբեջանի կողմից։

«Լեռնային Ղարաբաղում 120 հազար քաղաքացիական անձինք, այդ թվում՝ 30 հազար երեխաներ, ռազմական հարձակման են ենթարկվել։ Ադրբեջանը սկսել է Լեռնային Ղարաբաղի դեմ պատերազմը՝ հրետակոծելով խաղաղ բնակչությանը և քաղաքացիական ենթակառուցվածքները՝ 9-ամյսա կանխամտածված շրջափակումից, սովահարություն հարուցելուց և հումանիտար օգնության հասանելիության ապահովումը մերժելուց հետո։ Ինպես ասել են փորձագետները՝ սա ցեղասպանություն է։ Ես կոչ եմ անում իմ երկրպագուներին, սպորտային աշխարհին և մեդիայի գործընկերներին օգնել խաղաղությունը վերականգնելու ձայնը տարածելու հարցում։ Երեխաները չեն կարող թիրախ լինել, և արդեն 1 երեխա սպանվել է, 11-ը՝ վիրավորվել»,- «Ֆեյսբուք»-ի իր էջում գրել է Մխիթարյանը։

Ադրբեջանը սեպտեմբերի 19-ին լայնածավալ հարձակում է սկսել Լեռնային Ղարաբաղի դեմ՝ հրետակոծելով և հրթիռակոծելով խաղաղ բնակավայրերը, թիրախավորելով խաղաղ բնակչությանը։ Ադրբեջանը նաև առաջխաղացման փորձեր է ձեռնարկել տարբեր ուղղություններով։ Պաշտպանության բանակը հայտնել է, որ համառ դիմադրություն է ցույց տալիս։