• USD 387.24 ֏
  • EUR 411.87 ֏
  • RUB 4.03 ֏
5TV
Լրահոս
Քաղաքական
22:18
19.09.23
35

Ադրբեջանի գործողությունները նպատակ են հետապնդում ԼՂ-ն ենթարկել էթնիկ զտումների․ Միրզոյանը՝ Լատվիայի ԱԳ նախարարին

Img default alt hy

Սեպտեմբերի 19-ին Նյու Յորքում ՄԱԿ Գլխավոր Ասամբլեայի 78-րդ նստաշրջանի շրջանակներում ՀՀ արտաքին գործերի նախարար Արարատ Միրզոյանը հանդիպում է ունեցել Լատվիայի Հանրապետության արտաքին գործերի նախարար Կրիսյանիս Կարինսի հետ:

Հանդիպման ընթացքում քննարկվել են Հարավային Կովկասում անվտանգության ու կայունության հարցեր: Նախարար Միրզոյանը ներկայացրել է նույն օրն առավոտյան Ադրբեջանի կողմից Լեռնային Ղարաբաղի ժողովրդի դեմ սանձազերծած լայնամաշտաբ ագրեսիայի մանրամասները:

Արարատ Միրզոյանը շեշտել է, որ Ադրբեջանի այս և նախորդ գործողություններն բացահայտ նպատակ են հետապնդում ԼՂ-ն ենթարկել էթնիկ զտումների։

Արարատ Միրզոյանն ընդգծել է միջազգային գործընկերների, այդ թվում՝ ԵՄ անդամ երկրների կողմից հստակ և աներկբա քայլեր իրականացնելու հրատապությունը՝ կանխելու Ադրբեջանի կողմից զանգվածային ոճրագործությունները:

Կարդացեք նաև
Հետևեք մեզ
©2023 5TV
Բոլոր իրավունքները պաշտպանված են Մեջբերումներ անելիս ակտիվ հղումը կայքին պարտադիր է։ Հրապարակումների հեղինակների կարծիքը ոչ միշտ կարող է համընկնել խմբագրության կարծիքի հետ։