• USD 387.28 ֏
  • EUR 414.12 ֏
  • RUB 4.76 ֏
5TV
Լրահոս
Քաղաքական
20:00
25.05.23
37

ԵՄ-ի երկրները սառեցրել են ՌԴ Կենտրոնական բանկի ավելի քան 200 միլիարդ եվրոյի ակտիվներ

Img default alt hy

ԵՄ-ի երկրները Եվրահանձնաժողովին զեկուցել են Ռուսաստանի Կենտրոնական բանկի ավելի քան 200 միլիարդ եվրոյի ակտիվների սառեցման մասին: «Արմենպրես»-ի փոխանցմամբ՝ այս մասին Բրյուսելում կայացած ճեպազրույցում հայտնել է ԵՀ-ի ներկայացուցիչ Քրիստիան Վիգանդը։

«Ռուսաստանի դեմ պատժամիջոցների 10-րդ փաթեթում նոր պահանջներ էին մտցվել օպերատորների և անդամ երկրների համար՝ Ռուսաստանի Կենտրոնական բանկի սառեցված ակտիվների և պահուստների մասին Եվրահանձնաժողովին հաշվետվություն ներկայացնելու շուրջ: Նման հաշվետվության վերջնաժամկետը մայիսի 12-ն էր: ԵՄ-ի երկրները հաշվետվություն են ներկայացրել Ռուսաստանի Կենտրոնական բանկի ավելի քան 200 միլիարդ եվրոյի սառեցված ակտիվների մասին», - նրա խոսքերն է մեջբերում «РИА Новости» գործակալությունը։

Իսկ թե որքան գումար է սառեցվել եվրոպական յուրաքանչյուր երկրում, Եվրահանձնաժողովի ներկայացուցիչն առաջարկել է այդ հարցն ուղղել Եվրամիության երկրներին։

Կարդացեք նաև
Հետևեք մեզ
©2023 5TV
Բոլոր իրավունքները պաշտպանված են Մեջբերումներ անելիս ակտիվ հղումը կայքին պարտադիր է։ Հրապարակումների հեղինակների կարծիքը ոչ միշտ կարող է համընկնել խմբագրության կարծիքի հետ։