Հետախուզական արբանյակներից մինչև խեցգետնով պելմենի. Կիմ Չեն Ընը միշտ Պուտինի կողքին է

Կարծես թե իրականանում են արևմտյան մամուլի կանխատեսումները: Հյուսիսային Կորեայի առաջնորդը Ռուսաստանում Պուտինի հետ հանդիպմանը հայտարարել է, որ Մոսկվան ու Փհենյանը հիմք են դնում ռազմավարական համագործակցությանը: Կիմ Չեն Ընը նաև ասել է, որ սատարում է Մոսկվայի ռազմական գործողությունները Ուկրաինայում: Բայց դա չի նշանակում, թե Ուկրաինայի հետ սահմանին Հյուսիսային Կորեայի զինծառայողներ են տեղակայվելու: Կրեմլի խոսնակը վստահեցնում է, որ Պուտին-Ըն հանդիպմանը նման հարց չի քննարկվել: Արևմտյան մամուլն էր օրերս գրել, թե հյուսիսկորեացի գրեթե 100 հազար զինվորականներ են տեղակայվելու ռուս-ուկրաինական սահմանին: