Իրանը գերժամանակակից զենք է կենտրոնացնում Արաքսի ափին. Թեհրանի «կյանքի ու մահվան» խնդիրը

Սյունիքի սահմանին Ադրբեջանի զորաշարժը և Արևմուտքի հետ Հայաստանի դիվանագիտական սիրախաղը ստիպել են Իրանին լրջորեն անհանգստանալ:

Իրանի նախագահի քաղաքական հարցերով տեղակալն է մանրամասներ պատմել Փաշինյան-Ռայիսի այսօրվա հեռախոսազրույցի մասին: Իրանի նախագահը կոպիտ մեսիջներ է հղել, ասել է «համագործակցությունը օտարների հետ, նրանց հետ վարժանքները և կասկածելի ճամփորդությունները ավելի են բարդացնում իրավիճակը»։

Հավանաբար նկատի ունի հայ-ամերիկյան սպասվող զորախաղերը և Աննա Հակոբյանի՝ Կիև կատարած այցը, որոնք լարվածություն էին առաջացրել նաև հայ-ռուսական հարաբերություններում: Որ տարածաշրջանում սահմանների անկանխատեսելի փոփոխություններ չլինեն, Իրանը գերժամանակակից սպառազինություն է կենտրոնացրում Արաքս գետի ափին: