Ուրիշի հողերից եք կպել, ի՞նչ եք ուզում. տավուշյան սպասվող աղետի ՔՊ-ական հիմնավորումները

Տավուշի 4 գյուղերի ճակատագիրը դեռևս անորոշ է: Նիկոլ Փաշինյանը չի շտապում Ոսկեպար վերադառնալ՝ տավուշցիներին իրավիճակը ներկայացնելու: Ըստ ՔՊ-ականների՝ այցը ուշանում է, բայց վարչապետի օրակարգում է շարունակում մնալ: Խորհրդարանում Հայաստանի փոխվարչապետ Մհեր Գրիգորյանի հետ փակ նիստում հարցուպատասխանից հետո ընդդիմությունը համոզվել է, որ Հայաստանի ու Ադրբեջանի սահմանազատման հանձնաժողովները համաձայնություն չունեն Տավուշի տարածքների վերաբերյալ: Հետևաբար 4 գյուղեր հանձնելու որոշումը կայացվել է այլ օղակում: