Լրահոս
Ֆիլմեր
14:15
30.06.23
372

Ովքեր կմիանան «Կաղամարի խաղը» սերիալի 2-րդ եթերաշրջանին

Img default alt hy

«Showbiz»-ի փոխանցմամբ՝ Netflix-ի «Կաղամարի խաղը» համաշխարհային հիթն ավարտել է իր երկրորդ սեզոնի քասթինգը, գրում է The Hollywood reporter-ը։

Ութ դերասաններ՝ Փաք Գյու Յոնը, Ջո Յու Ռին, Կան Էյ Սիմը, Լի Դեյվիդը, Լի Ջին Վուկը, Չոյ Սեն Հյոն, Ռո Ջե Վոն և Վոն Ջի Ան, ստորագրել են սերիալում նկարահանվելու պայմանագիր: Նրանք միանում են Լի Ջոն Ջեին, Լի Բյոն Հունին, Հվան Ջուն Հոյին և Գոն Յուին, ինչպես նաև նորեկներ Յիմ Սի Վանին, Կան Հա Նոլին, Փաք Սոն Հունին և Յան Դոն Գինին, որոնք հայտարարվել էին հունիսի սկզբին:

Երկրորդ սեզոնի արտադրությունը նախատեսվում է սկսել այս տարվա վերջին: Սերիալի ստեղծող, ռեժիսոր և գործադիր պրոդյուսեր Հվան Դոն Հյոկը կնկարահանի նոր եթերաշրջանի յուրաքանչյուր դրվագը։

«Կաղամարի խաղի» պրեմիերան տեղի ունեցավ 2021 թվականի հոկտեմբերին և դարձավ Netflix-ի բոլոր ժամանակների ամենամեծ սերիալը՝ և՛ դիտված ժամերի առումով (2,2 միլիարդ ամբողջ աշխարհում՝ առաջին 13 շաբաթների ընթացքում), և՛ ըստ հեռարձակողի դիտումների նոր թարմացված ցուցանիշի։ Սերիալը 2022 թվականին արժանացել է վեց «Էմմի» մրցանակի։

Գործադիր տնօրեն Հվանը սերիալի պրոդյուսերն է Կիմ Ջի Յանի հետ միասին: