Թուրքիայի առողջապահության նախարարությունը խոսել է Էրդողանի առողջական վիճակի մասին

Թուրքիայի նախագահ Թայիփ Էրդողանի և նրա կնոջ՝ Էմինե Էրդողանի առողջական վիճակը, ովքեր վարակվել են «օմիկրոնով», լավ է, չի խանգարում նրանց աշխատանքին, հայտարարել է երկրի առողջապահության նախարար Ֆահրեթին Կոջան, հայտնում է «ՌԻԱ Նովոստին»։

Ավելի վաղ նախագահ Էրդողանը հայտարարել էր, որ ինքը և իր կինը վարակվել են կորոնավիրուսի «օմիկրոն» շտամով, հիվանդությունը, Թուրքիայի ղեկավարի խոսքով, թեթև է ընթանում։

«Նրանց առողջական վիճակը բավական լավ է, չի խանգարում նրանց աշխատանքին։ Եվս մեկ անգամ լավագույն մաղթանքներս եմ հղում նրանց»,- գրել է Կոջան Тwitter-ում: