Վետոյի իրավունքի չեղարկումը կդառնա ԵՄ-ի վերջի սկիզբը․ Սլովակիայի վարչապետ

Եվրոմիության անդամ պետությունների վետոյի իրավունքի վերացումը կդառնա համայնքի վերջի սկիզբը։ Նման կարծիք է հայտնել Սլովակիայի վարչապետ Ռոբերտ Ֆիցոն՝ ընդլայնման հարցերով եվրոկոմիսար Մարտա Կոսի հետ հանդիպման ժամանակ։ Այս մասին ասվում է կառավարության ղեկավարի ֆեյսբուքյան էջում։

«Սլովակիայի համար սա սկզբունքային նշանակության հարց է», - նշել է վարչապետը։ «ԵՄ-ում սկզբունքային թեմաների շուրջ վետոյի իրավունքի չեղարկումը կդառնա համայնքի վերջի սկիզբը»։

Ֆիցոն հավաստիացրել է Կոսին, որ Սլովակիան աջակցում է ԵՄ նոր երկրների ընդունման գործընթացին, սակայն միայն թեկնածու պետություններին ներկայացվող բոլոր պահանջների կատարման դեպքում։ Միևնույն ժամանակ, նա մտահոգություն է հայտնել Սերբիայի նկատմամբ Բրյուսելի՝ իր կարծիքով անարդար մոտեցման վերաբերյալ, որը պատրաստ է դառնալ եվրոպական համայնքի անդամ։