Խայտառակ բլե՞ֆ կամ դատարկ ջեբով ո՞ւր ես գնում, Փանո՛ս. եվրաօրինագծի առաջին «այո»-ն

Արդյո՞ք մոտենում է Հայաստանը Եվրամիությանը: Այսօր Ազգային ժողովն առաջին ընթերցմամբ ընդունել է եվրաօրինագիծը՝ միայն ՔՊ-ական պատգամավորների 63 կողմ ձայներով: Բայց ընդդիմության պնդմամբ՝ Հայաստանը այս քայլով չի մոտենում Եվրամիությանը, որովհետև դա ո՛չ իրավական, ո՛չ էլ քաղաքական առումով այն ճանապարհը չէ, որով պետք է անցնել եվրոպական ընտանիքի մաս դառնալու համար: Այդ հիմնավորումները «Հայաստան» խմբակցությունը հրապարակել է: Իսկ խորհրդարանի դահլիճում ընդդիմադիր պատգամավորները վստահեցրել են, որ Հայաստանի իշխանությունը խաբում է ժողովրդին եվրոինտեգրման օրակարգով՝ առաջիկա ընտրություններում ձայներ հավաքելու համար: