Լրահոս

Խեղված մարմիններ, մասունքներ է Իսրայելը փոխանցել Գազային: 45 պաղեստինցու մարմինների մեծ մասն անճանաչելի է, նրանց ինքնությունը պարզելու համար նույնականացում պետք է արվի: Իսրայելն ու ՀԱՄԱՍ-ը շարունակում են գերիների փոխանակումը:

«Մեր ձևով» ժողովրդական շարժումը կոչ է անում միավորվել և բարձրացնել  արդարության ձայնը՝ ազգային արժեքների ու ինքնության պաշտպանության համար:

«Ես երեկ Լուրերն էի նայել և իմացել, որ հաղորդում է եղել հանցագործության մասին և հաղորդմանը եղել է արձագանք»: Այսպես է արձագանքել Նիկոլ Փաշինյանը Արագածոտնի թեմի առանորդ Մկրտիչ սրբազանի և 12 հոգևորականների ձերբակալության վերաբերյալ հարցին: 

Բնակչության շրջանում համացանցային հարթակների թիրախավորմամբ քաղաքացիների համակարգչային տվյալներն առանց օրենքով կամ պայմանագրով կամ իրավաչափ այլ հիմքով նախատեսված թույլտվության մուտքագրելու, փոփոխելու, ոչնչացնելու, ուղեփակելու (մեկուսացնելու) կամ համակարգչի, համակարգչային համակարգի կամ համակարգչային ցանցի աշխատանքի նկատմամբ որևէ այլ եղանակով ներգործելու միջոցով հարձակման դեպքերը վերջին ժամանակահատվածում ստացել են տարածում, այս մասին հայտարարում են ԱԱԾ-ից։

Հայլուր 15։30 Դանակահարությամբ ավարտված ծեծկռտուքի ժամանակ նաև կրակոցնե՞ր են հնչել. մանրամասներ

«Նախ սկսենք նրանից, որ իմ կողմից Հայ Առաքելական եկեղեցու վրա հարձակում չկա։ Ես ուզում եմ, որ մենք արձանագրենք հետևյալը՝ Հայաստանյայց առաքելական սուրբ եկեղեցու թղթերում որևէ տեղ գրված չէ, որ կաթողիկոսի պաշտոնում գտնվող անձը և եկեղեցին նույնական են։ Որևէ տեղ գրված չէ, որ եպիսկոպոսն ու եկեղեցին նույնական են»,- կառավարության այսօրվա նիստից հետո լրագրողներին ասաց Նիկոլ Փաշինյանը։

Աշոտ Մինասյանը, ապօրինի կերպով հրազեն, ռազմամթերք, պայթուցիկ նյութեր և պայթուցիկ սարքեր ձեռք բերելու, փոխադրելու ու պահելու համար, դատապարտվել է 2 տարի ժամկետով ազատազրկման. Վերաքննիչ քրեական դատարանը մասնակի բավարարել է Գլխավոր դատախազության բողոքը և փոփոխել Սյունիքի մարզի առաջին ատյանի ընդհանուր իրավասության դատարանի՝ 2024 թվականի դեկտեմբերի 26-ի դատավճիռը՝ վերացնելով Աշոտ Մինասյանի նկատմամբ նշանակված պատիժը պայմանականորեն չկիրառելու մասին դատական ակտը:

Հայոց եկեղեցու պահպանության համահայկական խորհուրդը խորը վրդովմունքով ու անհանգստությամբ է հետևում վերջին զարգացումներին, երբ Հայաստանի իշխանությունները ձեռնամուխ են եղել աննախադեպ գործողությունների՝ ուղղված Հայ Առաքելական Սուրբ Եկեղեցու ծառայողների դեմ։ Միայն վերջին օրերին իշխանությունների կողմից բռնի մեթոդներով կատարվել են խուզարկություններ Եկեղեցու կառուցվածքներում և մի շարք հոգևորականների բնակարաններում, ինչի արդյունքում Արագածոտնի թեմի առաջնորդ Գերաշնորհ Տեր Մկրտիչ եպիսկոպոս Պռոշյանը և առնվազն երկու այլ հոգևորականներ (Թեմի դիվանապետ Տեր Գարեգին քահանա Արսենյանը և առաջնորդարանի գլխավոր հաշվապահը) ապօրինաբար ձերբակալվել են։ Ընդհանուր առմամբ, Արագածոտնի թեմից բերման է ենթարկվել 12 հոգևորական և թեմի մի շարք աշխատակիցներ։ Նշված բոլոր հոգևորականները փաստացի դարձել են քաղաքական հետապնդման թիրախ միայն այն բանի համար, որ 2021 թվականի ընդդիմության բողոքի ակցիաների ընթացքում կատարել են իրենց քաղաքացիական պարտքը՝ արտահայտելով ցավն ու բողոքը հայրենի երկրում տեղի ունեցող իրադարձությունների նկատմամբ։

«Հուդայություն է, ուրիշ ոչ մի բան»,- հարցին, թե ինչպե՞ս կբնութագրի Տեր Արամ քահանայի կողմից Մկրտիչ սրբազանի դեմ ցուցմունք տալը, պատասխանեց Հայ առաքելական եկեղեցու Գուգարաց թեմի առաջնորդ Հովնան եպիսկոպոս Հակոբյանը: Սրբազան հայրը համոզված է, որ Տեր Արամը այդ ցուցմունքը իշխանությունների հրահանգով է տվել: 

Եվս մեկ բարձրաստիճան հոգևորական է հայտնվել ճաղերի հետևում: Արագածոտնի թեմի առաջնորդ Մկրտիչ եպիսկոպոս Պռոշյանին 2 ամսով կալանավորելու քննիչի միջնորդությունը բավարարել է առաջին ատյանի դատավոր Կարեն Ֆարխոյանը, որը քննում է նաև Բագրաստ Սրբազանի և նրա 17 աջակիցների գործը: 

Մասյացոտնի թեմի Դալարի սուրբ Աստվածածին եկեղեցու հոգևոր հովիվ Տեր Զարեհ քահանա Աշուրյանը խոսք է հղել Արագածոտնի թեմի առաջնորդ Մկրտիչ Սրբազանին, որին իշխանությունները երկու ամսով կալանավորել են։

Գյումրու նախկին ռադիոգործարանի շենքում 9 անձ է ապրում, այդ թվում՝ անչափահասներ, բոլորն էլ սոցիալապես անապահով։

Քրեական վարույթի շրջանակներում հարցաքննվել է Հովհաննավանքի հոգևոր հովիվ Տեր Արամ քահանա Ասատրյանը: 

Երևանում հոկտեմբերի 16-ի ցերեկը, 17-21-ին սպասվում է առանց տեղումների եղանակ։ Այս մասին հայտնում են «Հիդրոօդերևութաբանության և մոնիթորինգի կենտրոն» ՊՈԱԿ-ից:

ՀՀ վարչապետը Նիկոլ Փաշինյանը ԵՄ-ում ՀՀ ներկայացուցչությանը կից ՀՀ պաշտպանության հարցերով կցորդ է նշանակել Վարդան Հովակիմյանին։ Համապատասխան որոշումը հրապարակված է կառավարության պաշտոնական կայքէջում՝ «վարչապետի որոշումներ» բաժնում։

Գործարար Սամվել Կարապետյանը կմնա կալանքի տակ ևս մեկ ամիս: Ավելի քան երկու օր գործը քննած դատավոր Վահե Դոլմազյանը մասամբ է բավարարել քննիչի միջնորդությունը: Սամվել Կարապետյանին առաջադրված նոր տնտեսական բնույթի մեղադրանքները նույնիսկ կասկածի շեմը չեն հաղթահարել, ասել է Կարապետյանի փաստաբանը:

«Դատապարտյալների հիվանդանոց» քրեակատարողական հիմնարկի գործունեությունը կդադարեցվի։ Այս մասին համապատասխան որոշումն ընդունվել է  ՀՀ կառավարության այսօրվա նիստի ժամանակ։

Էլեկտրական շարժիչով ավտոբուսների, մարդատար մեքենաների, մոտոցիկլետների, մոպեդների համար գործող ԱԱՀ–ից ազատման արտոնությունը կառավարությունը երկարաձգեց ևս 1 տարով։

ՀՀ հակակոռուպցիոն կոմիտեում քննված քրեական վարույթով իրականացված նախաքննությամբ հիմնավորվել է, որ ՀՀ շրջակա միջավայրի նախարարության էկոպարեկային ծառայության Տավուշի մարզային վարչության Իջևանի և Արծվաբերդի տեղամասի գլխավոր էկոպարեկը նույն տեղամասի մեկ այլ գլխավոր էկոպարեկի հետ նախնական համաձայնությամբ՝ խմբի կազմում, մի շարք անձանց  օգտին ապօրինի անգործության համար նրանցից կաշառք են ստացել:

« Ես հիմա շատ լարված ու նեղված վիճակում եմ, ինչպես բոլոր հոգևորականները, որովհետև, ցավոք սրտի, մի մորթապաշտ հոգևորականի հարցազրույցի արդյունքում ևս մեկ թեմակալ առաջնորդ ձերբակալվել է: Զուտ որպես հոգևորական մեծ ցավ ու ափսոսանք եմ ապրում, որ Հայաստանում կարող է նման բան տեղի ունենալ»,- «5-րդ ալիք»-ի հետ զրույցում, անդրադառնալով Արագածոտնի թեմի առաջնորդ Մկրտիչ սրբազանի կալանավորմանը, ասաց  Նիժնիյ Նովգոռոդի Սուրբ Ամենափրկիչ եկեղեցու հոգևորական Տեր Սեբեոս քահանա Ղալաչյանը: