Լրահոս

Համայնքային ոստիկանության Շենգավիթի բաժնի կողմից որպես անհետ կորած որոնվում է Վոլոդյա Հարությունյանը: Նրա գտնվելու վայրի վերաբերյալ տեղեկություն ունեցողներին Ոստիկանությունից խնդրում են դիմել մոտակա բաժին կամ զանգահարել 1-02։ Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

ՊԲ նախկին հրամանատար Ջալալ Հարությունյանի դատավճռի կատարման կարգադրությունը դատարանից դուրս է եկել և անհետ կորել, Հարությունյանն էլ՝ շարունակում է մնալ ազատության մեջ։

Սկանդալ է հասունանում «Քաղաքացիական պայմանագրի» ներսում: Երեք տարի առաջ անբասիր աշխատանքի համար Երևանի քաղաքապետարանից ոսկե մեդալ ստացած Շենգավիթի նախկին թաղապետ Ռազմիկ Մկրտչյանը, որ այս պահին տնային կալանքի տակ է, դուրս է եկել «Քաղաքացիական պայմանագիր» կուսակցությունից: Ֆեյսբուքյան իր էջում Մկրտչյանը գրել է, որ վերջին ամիսներին շատ է զգացել Շենգավիթի բնակիչների անկեղծ աջակցությունն ու հավատը: Ոչ մի բառ չի գրել իր անվան շուրջ պտտվող աղմկոտ պատմությունների մասին:

Վերջինս հիվանդանոց էր տեղափոխվել հոկտեմբերի 8-ին՝ Արագածոտնի մարզում իր վարած «Mercedes» մակնիշի ավտոմեքենայով քարով բարձված «ԶԻԼ» մակնիշի բեռնատարին բախվելու հետևանքով։

«Մեր ջանքերը հատկապես կենտրոնացած են ներառական և որակյալ կրթության ապահովման, նորարարության և հետազոտությունների խթանման, մշակութային բազմազանության խթանման և երիտասարդության մասնակցության խրախուսման վրա, որոնք բոլորն էլ կայուն զարգացման կարևոր բաղադրիչներ են»,- նշել է Ժաննա Անդրեասյանը:

Նոր սպառազինություն ձեռք բերելու նպատակով Վաշինգտոն մեկնելու է պատրաստվում Ուկրաինայի նախագահը: Զելենսկին փորձելու է համոզել Թրամփին նոր պատժամիջոցներով ճնշել Պուտինին:

Տասնյակ հազարավոր մարդիկ դուրս են եկել Բրյուսելի փողոցներ՝ ի պատասխան արհմիությունների կոչի: Ցուցարարները դեմ են Բարտ դը Վևերի կոալիցիոն կառավարության կողմից նախատեսվող խնայողության միջոցառումների օրինագծին: Ցուցարարները կարծում են, որ կառավարության գործողությունները հիմնականում կվնասեն խոցելի խմբերին: Արհմիությունները վրդովված են առաջարկվող կենսաթոշակային բարեփոխմամբ, գիշերային հերթափոխի վարձատրությունը կրճատելու ծրագրով և գործազրկության նպաստների չափով:

Ձմռան նախապատրաստական, պլանային աշխատանքներ իրականացնելու նպատակով՝ հոկտեմբերի 21-ին ժամը 10:00-ից մինչև ժամը 18:00-ն, կդադարեցվի Երևան քաղաքի Կենտրոն վարչական շրջանի Սպենդիարյան, Ս․ Զորյան, Մոսկովյան փողոցներով պարփակված թաղամասի գազասպառողների, հարակից տարբեր նշանակության հանրային կազմակերպությունների գազամատակարարումը։

«Կենսաթոշակային բանավեճը միայն ֆինանսական հավասարում չէ։ Դա մեր սոցիալական պայմանագրի կարևոր մասն է։ Եվ այն նույնպես պետք է վերանայվի»,-ասել է Լեկորնյուն։

«Մեծ հաճույքով եմ ջերմորեն ողջունում Եվրահանձնաժողովի նախագահ Ուրսուլա ֆոն դեր Լեյենին Բելգրադում։ Նրա յուրաքանչյուր այցը հատուկ նշանակություն ունի Սերբիայի համար և ներկայացնում է ևս մեկ քայլ մեր երկրի և ԵՄ-ի միջև համագործակցության և վստահության ամրապնդման ուղղությամբ։ Մենք կքննարկենք մեր եվրոպական ուղու ռազմավարական կարևոր հարցեր, բարեփոխումներ, եվրոպական ընդլայնման քաղաքականության ներկայիս պահը և տարածաշրջանում խաղաղությունն ու կայունությունը պահպանելու համատեղ ջանքերը», - գրել Է Վուչիչը Instagram-ում:

Եգիպտոսի Շարմ էլ Շեյխ քաղաքում կազմակերպված խաղաղության գագաթնաժողովի կուլիսներում կուրիոզներ են եղել Հայաստանի վարչապետի շուրջ: Փաշինյանը, օրինակ, վերջապես ծանոթացել է այն նույն Դոնալդ Թրամփի հետ, որի հետ մոտ 2 ամիս առաջ փաստաթղթեր էր ստորագրել Վաշինգտոնում: Թրամփը, որ ստորագրումից հետո մի քանի անգամ մեր երկրի անվան փոխարեն Ալբանիա է ասել, իսկ Փաշինյանին անվանել՝ այն մյուս տղա, իսկապես կարող էր տեղը չբերել, թե ով է իրեն շնորհակալություն հայտնողը:

Իշխանափոխությունը տեղի է ունեցել Մադագասկարի նախագահ Անդրի Ռաձուելինայի արտասահման փախուստի մասին լուրը տարածվելուց մեկ օր անց։ 

Արամուսում ամուսինների սպանության համար կասկածվողը ժամեր հետո ևս 2 մարդու է սպանել Զովաշենի դաշտում՝ 46-ամյա մի տղամարդու և 44-ամյա մի կնոջ: Առաջին սպանությունից հետո փախուստի դիմելու համար պահանջել է 46-ամյա տղամարդու մեքենան ու մերժում ստանալուց հետո կրակել է նրա և նրա հետ եղած կնոջ վրա:

Վաղարշապատի ՏԻՄ ընտրություններն են մոտենում: Քաղաքական ուժերի առաջադրումն ավարտված է: 8 կուսակցությունների հետ 1 դաշինք է մտել ընտրապայքար: «Հաղթանակ» դաշինքը խոստանում է միանձնյա տապալել ՔՊ-ականների իշխանությունը հոգևոր մայրաքաղաքում՝ անգամ ոչ թե Գյումրու, այլ Փարաքարի ընտրությունների օրինակով:

ՀՀ պաշտպանության նախարար Սուրեն Պապիկյանը հոկտեմբերի 14-ին հանդիպել է ԱՄՆ պաշտպանական անվտանգության համագործակցության գործակալության տնօրեն Մայքլ Միլլերի հետ: Այս մասին տեղեկացնում են ՀՀ ՊՆ-ից: Քննարկվել են պաշտպանության ոլորտում Հայաստան-ԱՄՆ գործընկերության շրջանակում ՀՀ պաշտպանական բարեփոխումների աջակցության նպատակով իրականացվող ծրագրերին վերաբերող հարցեր: Կողմերը պայմանավորվածություններ են ձեռք բերել նոր նախաձեռնությունների վերաբերյալ:

Հակակոռուպցիոն դատարանի բակը շարունակում է մարդաշատ մնալ: Ջուր և աթոռներ են արդեն հայտնվել այնտեղ: Դարպասներից մեկին էլ կալանավորված գործարար Սամվել Կարապետյանի աջակիցներն ու հարազատները Արցախի դրոշն են ամրացրել: Սպասում են կալանքը երկարաձգելու միջնորդության վերաբերյալ դատարանի որոշմանը:

Չնայած Նիկոլ Փաշինյանը պնդում է, թե գերիների հարցը չի ներառվել օգոստոսի 8-ի վաշինգտոնյան փաստաթղթերում, որովհետև ինքը հույս ունի խաղաղության համաձայնագրի կնքումից էլ շուտ այդ խնդիրը լուծել, նրա քաղաքական ընդդիմախոսները վստահեցնում են, որ դա պարզ մանիպուլյացիա է:

Ինչևէ, ռազմաքաղաքական պատանդները ազատ չեն արձակվելու, որովհետև այդ դեպքում սրանց ոչ թե վարկանիշը կընկնի, այլ իրենք:

Դատարանը քննում է գործարար, բարերար Սամվել Կարապետյանի կալանքի ժամկետը երկարաձգելու հարցը։ Հակակոռուպցիոն դատարանի բակում հավաքվել են նրա աջակիցները: «Մեր ձեւով» շարժման անդամ Արեգա Հովսեփյանի խոսքով՝ իրենց ձևը փոքրիկ խմբակին օրենքի դաշտ բերելն է։ «Ժողովուրդ, մեզ հարցնում են, թե որն է ձեր ձևը, մեր ձևը օրենքի լեզվով խոսելն է, մեր ձևը փոքրիկ խմբակին օրենքի դաշտ բերելն է։ Իսկ երբ մենք իրենց հետ օրենքի լեզվով ենք խոսում, իրենք սարսափում են, ասում են՝ այդ ի՞նչ նկատի ունենք։ Ասում են՝ այդ ինչպե՞ս եք մինչև վերջ գնալու, ասում ենք՝ արդարության համար պայքարը մինչև վերջ ենք տանելու։ Մի կասկածեք, մինչև վերջ մենք արդարության համար պայքարելու ենք»,- նշել է նա։ Արեգա Հովսեփյանի խոսքով՝ հայ ազգը չի մոռանալու իր զավակի արածը հանուն հայրենիքի։ «Մենք ուրացող չենք, մենք չենք մոռանում։ Ժողովուրդ, մենք խոսում ենք միայն օրենքի մասին, խոսում ենք ձեզ հետ օրենքի դաշտ բերելու մասին,»,- ասել է Հովսեփյանը։

Հայլուր 20։30 Եւս մեկ զոհ. 6 օրում 6-րդ մարդն է սպանվել Կոտայքում