Լրահոս

Սևակ Խաչատրյանն այսօր էլ է պատասխանել լրագրողների հարցերին և հայտարարել, թե «Վաղարշապատում ընտրություններին ընդառաջ ընդդիմադիրների դեմ բռնաճնշումներ է գործադրում իշխանությունը»: «Հաղթանակ» դաշինքի ցուցակը գլխավորող Խաչատրյանը նաև վստահեցրել է, որ իշխանափոխություն է սպասվում Վաղարշապատում:

Հայտարարության մեջ ընդգծվում է, որ Պուտինը ներկայումս գտնվում է Տաջիկստանում, չնայած այն հանգամանքին, որ ՄՔԴ-ն 2023 թվականի մարտի 17-ին

Այսօր՝ հոկտեմբերի 10-ին, լարված իրավիճակ է ստեղծվել Այգեստան բնակավայրում։ Պռոշյանի կոնյակի գործարանի մասնաճյուղի մուտքի մոտ են հավաքվել 150-ից ավելի քաղաքացիներ, ովքեր արդարացիորեն պահանջում են, որպեսզի նշված գործարան ժամանի էկոնոմիկայի նախարար Գևորգ Պապոյանը։ Այս մասին գրում է Shamshyan.com-ը։ Գործարանի մոտ հավաքված քաղաքացիները Արմավիրի մարզի բնակիչներ են, և նրանց մի մասը 3 օր, մի մասը 2 օր, մի մասն էլ այսօր են՝ իրենց աճեցրած խաղողը մթերելու նպատակով, ըստ պայմանավորվածության, բերել են նշված գործարան։ Մոտ 2 կմ ուղիղ գծով բեռնատարները բեռնված խաղողով կանգնած են։ Ֆոտոլրագրողի հետ զրույցի ընթացում գյուղացիները ասում էին․ «Ըստ պայմանավորվածության խաղողը լրիվ որակյալ վիճակում բերել ենք՝ հոկտեմբերյանից հասցրել ենք այստեղ, և ըստ պայմանավորվածության 1 կգ-ը 150 դրամով պիտի հանձնենք։ Մարդիկ կան, որ 3 օր է, 2 օր է այստեղ են, բայց չեն էլ իմանում՝ արդյո՞ք կընդունեն։ Ծամծմելով են ընդունում, 5-6 մեքենա ընդունում են, հետո ասում են՝ գնում ենք ընդմիջման: Ընդմիջումից գալիս են՝ ասում են այսօր աշխատանքային ժամը վերջացել է, վաղը կընդունենք։ էդ վաղը կընդունենք էդ վաղն էլ չգիտենք երբ կգա։ Խաղողը որոշ բեռնատարների մեջ արդեն փչանումա, ծորումա, իսկ էդ դեպքում ի՞նչ ենք անելու մենք ,ասում էին 150 բերեք կընունենք, երեկ էլ սարքեցին 120 հիմա էդ 120 ով էլ չեն ընդունում, արհեստական խոչընդոտներ են ստեղծում, ձգձում են, կամ էն վատ հայի տեսակն են՝ այդկերպ գին են գցում։ էդ էկոնոմիկայի նախարարը, որ ամպագորգոռ հայտարարություններ է անում՝ 2 օրա զանգում ենք նախարարության թեժ գիծ, էլ չեն էլ պատասխանում։ Երևի մեր համարները արդեն ֆիքսել են։ Հիմա չգիտեն ինչ անենք, էստեղ խաղող բերած յուրաքանչյուր գյուղացի վարկերի տակա, վարկ ենք, վերցրել խաղող ենք աճացրել ու էսօր, ըստ պայմանավորվածության, բերել ենք որ ընդունեն։ Իրան էլ էսօր էգուց են անում։ Պարոն Էկոնոմիկայի նախարար, 5 րոպեն բավական ա, որ գաք սեփական աչքով տեսնեք, թե ոնց ա մեր արդար քրտինքով աճեցրած խաղողը փչանում։ Ինչ անենք, չենք ուզում այլ միջոցների դիմել, ուզում ենք քաղաքակիրթ ձևով, ոնց որ պայմանվորվել ենք, գործընթացը ավարտին հասցնենք։ Եվ դրա մեջ, որպես էկոնոմիկայի նախարար, դուք կարող էք ձեր լուման կարող եք ներդնել, հակառակ դեպքում, եթե կարճ ժամանակում դրական լուծում չստանանք ամբողջ բեռնատարներով գնալու ենք Երևան-Երասխ գլխավոր ճանապարհը փակենք»։

Գևորգ Ղոնյանը նշանակվել է Զինված ուժերի գլխավոր շտաբի հետախուզության գլխավոր վարչության պետի տեղակալ: Այս մասին հրամանագիր է ստորագրել նախագահ Վահագն Խաչատուրյանը։ «Հիմք ընդունելով վարչապետի առաջարկությունը` համաձայն Սահմանադրության 133-րդ հոդվածի 1-ին մասի, ինչպես նաև «Զինվորական ծառայության և զինծառայողի կարգավիճակի մասին» օրենքի 35.1-ին հոդվածի 1-ին մասի և 36-րդ հոդվածի 1-ին մասի 1-ին կետի. Գևորգ ՂՈՆՅԱՆԻՆ նշանակել Զինված ուժերի գլխավոր շտաբի հետախուզության գլխավոր վարչության պետի տեղակալ»,-նշվում է հրամանագրում:

Մայր Աթոռի բակում, ամբողջ Էջմիածնում այս օրերի ամենաքննարկվող թեմաներից է կյանքը նոյեմբերի 16-ից հետո: Այդ օրը Վաղարշապատը նոր համայնքապետ կընտրի արտահերթ ընտրություններում: Իսկ ինչպիսի՞ Վաղարշապատ են ուզում բնակիչները:

Ծանրամարտի Աշխարհի առաջնության պոկում վարժությունից Գարիկ Կարապետյանը նվաճեց փոքր բրոնզե մեդալ՝ բարձրացնելով 187 կգ։ 

Հոկտեմբերի 10-ին, ժամը 19։56-ին Արմավիրի մարզային փրկարարական վարչության ճգնաժամային կառավարման կենտրոն տեղեկություն է ստացվել, որ Վաղարշապատ քաղաքի Զվարթնոց թաղամասի սկզբնամասում տեղի է ունեցել ՃՏՊ, կա տուժած․ անհրաժեշտ է փրկարարների օգնությունը։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Պարզվել է, որ «Nissan» մակնիշի ավտոմեքենան բախվել է ճանապարհի բաժանարար բետոնե պատնեշին և կողաշրջվել։ Մինչ փրկարարների կանչի վայր հասնելը՝ վարորդը և ուղևորը հոսպիտալացվել են բժշկական կենտրոն։ Փրկարարները սահմանազատել են տարածքը, հոսանքազրկել ավտոմեքենան և փակել գազի բալոնի փականը:

Ռուսաստանի նախագահ Վլադիմիր Պուտինը Ռուսաստանի ֆուտբոլային միության առաջին փոխնախագահ, Մոսկվայի «Սպարտակ»-ի նախկին խաղացող Նիկիտա Սիմոնյանին շնորհել է Ռուսաստանի Դաշնության «Աշխատանքի հերոսի» կոչում։ «Պետությանը մատուցած հատուկ ծառայությունների, հայրենական ֆուտբոլի զարգացման և հանրահռչակման գործում ներդրած մեծ ավանդի համար շնորհել Ռուսաստանի Դաշնության Աշխատանքի հերոսի կոչում «Ռուսաստանի ֆուտբոլային միություն» ֆուտբոլի մարզական ֆեդերացիայի համառուսաստանյան հասարակական կազմակերպության առաջին փոխնախագահ Նիկիտա Պողոսի Սիմոնյանին»,- ասվում է հրամանագրում:

Թրամփի խոսքով՝ այս քայլը կխաթարի համաշխարհային շուկաների բնականոն գործունեությունը և բարդ իրավիճակ կստեղծի գրեթե բոլոր երկրների համար, այդ թվում՝ հենց Չինաստանի։

Մայր Աթոռի կարգապահական հանձնախումբը չի կարողացել ամբողջական քննարկում անցկացնել ներեկեղեցական բարքերը քննադատող քահանաների վարքի վերաբերյալ: Այսօր Մայր Աթոռից հայտնել են, որ Տեր Արամը և Տեր Տարոնը ներկա չեն եղել կարգապահական հանձնախմբի երեկվա նիստին՝ չնայած նախատեսված է եղել նրանց մասնակցությունը: Ստացվում է՝ Տեր Արամը բոյկո՞տ է սկսել Մայր Աթոռի դեմ:

Դուշանբեում տեսախցիկների առաջ գրկախառնվել են Պուտինն ու Ալիևը, և կարծես հալեցրել ռուս-ադրբեջանական հարաբերությունների մինչ այս կարծրացող սառույցը: Մոսկվայի ու Բաքվի հարաբերություններում փոփոխությունն ակնհայտ է դառնում նաև ադրբեջանական դատարանի վերջին որոշմամբ, ըստ որի՝ տնային կալանքի է տեղափոխվել Սպուտնիկ Ադրբեջանի ռուս գործադիր տնօրենը:

ՀՀ նախագահ Վահագն Խաչատուրյանը այսօր՝ հոկտեմբերի 10-ին, հրամանագիր է ստորագրել, որով Լևոն Կասյանին ազատել է զբաղեցրած պաշտոնից։ «Հիմք ընդունելով վարչապետի առաջարկությունը` համաձայն Սահմանադրության 133-րդ հոդվածի 1-ին մասի, ինչպես նաև «Զինվորական ծառայության և զինծառայողի կարգավիճակի մասին» օրենքի 40-րդ հոդվածի 3-րդ մասի. Լևոն ԿԱՍՅԱՆԻՆ ազատել Հատուկ բանակային կորպուսի շտաբի պետ-կորպուսի հրամանատարի տեղակալի պաշտոնից»,-նշվում է հրամանագրում:

«Կան չէ՞ քաղաքական պրոպագանդիստներ, որ վայ-վույները կապած բողոքում են, թե Պուտինը և Ալիևը բարիշեցին, որ իբր ադրբեջանա-ռուսական սրացումը պայմանավորված էր, և էլի մի շարք տխմարություններ։

Քրեակատարողական ծառայությունը հետևողականորեն շարունակում է իրականացնել միջոցառումներ՝ քրեակատարողական հիմնարկներ թմրամիջոցների և արգելված իրերի ներթափանցումը, ազատազրկված անձանց կողմից դրանց պահումն ու ապօրինի շրջանառությունը կանխելու և բացահայտելու նպատակով։

Կեսգիշերին Նուբարաշենի կամ ավելի հայտնի` Սովետաշենի աղբավայրում բռնկված հրդեհը սեփական աչքերով տեսնելու համար քաղաքապետ Ավինյանն այս առավոտ «շտապ» դեպքի վայր է գնացել: Հրդեհն այդ ժամանակ արդեն մարված է եղել. մի քանի ցուցում է տվել քաղաքապետը: Մի քանի ժամով Նուբարաշենի այրվող աղբավայր է գնացած Ավինյանին մոտակայքի բնակիչները առաջարկել են տեղափոխվել այդտեղ ապրելու:

Հոկտեմբերի 10-ին, ժամը 17։28-ին Լոռու մարզային փրկարարական վարչության ճգնաժամային կառավարման կենտրոն ահազանգ է ստացվել, որ Մեծ Պարնի գյուղի կողմից «Սուրբ Հովհաննես» մատուռ բարձրացող սարալանջին քաղաքացին ընկել և վնասել է ոտքը. անհրաժեշտ է փրկարարների օգնությունը։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Փրկարարները քաղաքացուն իջեցրել են սարալանջից (մոտ 1 կմ)։

Անդրադառնալով Հունգարիայի հավաքականի առաջատար Դոմինիկ Սոբոսլաիին` Մելիքյանն ընդգծեց, որ նա բարձր որակներ ունեցող ֆուտբոլիստ է, սակայն Հունգարիայի ընտրանու կազմում շատ ֆուտբոլիստներ կան, որոնք կարող են խնդիրներ լուծել:  

Նուբարաշենի կենցաղային աղբավայրում նոյեմբերի 9-ին բռնկված հրդեհի մարման աշխատանքները շարունակվում են։ Այս մասին տեղեկացնում են Ներքին գործերի նախարարությունից։ Նշվում է, որ դեպքի վայր են մեկնել ՆԳՆ փրկարար ծառայության Երևանի քաղաքային վարչության հրշեջ-փրկարարական ջոկատների վեց մարտական հաշվարկ և հրդեհաշիջման և փրկարարական աշխատանքների կազմակերպման բաժնի հերթապահ խումբը։ Հրդեհաշիջման աշխատանքներ են իրականացվել մոտ 2 հա տարածքում․ այրվում է կենցաղային աղբ։ ՆԳՆ ՓԾ տնօրեն, ՆԳ նախարարի տեղակալ, փ/ծ գեներալ-մայոր Կամո Ցուցուլյանի հանձնարարականով հրդեհի վայրում ձևավորվել է հրդեհաշիջման շտաբ՝ Երևանի քաղաքային փրկարարական վարչության պետի պարտականությունները ժամանակավոր կատարող, փ/ծ գնդապետ Զ․ Մելքոնյանի գլխավորությամբ։ ՆԳՆ-ի տվյալներով՝ հոկտեմբերի 10-ին, ժամը 18։20-ի դրությամբ, հրդեհաշիջման աշխատանքները շարունակվում են։ Աշխատանքներին ներգրավված են 5 մարտական հաշվարկ, 1 օպերատիվ խումբ, 25 փրկարար, ինչպես նաև Երևանի քաղաքապետարանի 8 բեռնատար, 3 ջրատար և 3 ինժեներական տեխնիկա։ Տեղափոխվել է 140 մեքենա հող և մղվել մոտ 200 տոննա ջուր։ Նախարարությունը հայտնել է, որ դեպքի վերաբերյալ կտրվի լրացուցիչ տեղեկատվություն։ Երևանի քաղաքապետ Տիգրան Ավինյանը «Ֆեյսբուք»-ի իր էջում հրապարակած տեսանյութում հայտարարել էր, որ բռնկված հրդեհը պատահականություն չէր, այլ դիտավորություն։ Նա տեղեկացրել էր, որ խոսել է ԱԱԾ տնօրենի և ՆԳ նախարարի հետ, և հրդեհի հետ որևէ կապ ունեցած անձ կենթարկվի պատասխանատվության օրենքի ամբողջ խստությամբ։ Քաղաքապետը նաև նշել էր, որ խստացվել է աղբավայրի մուտքի և ելքի վերահսկողությունը և շեշտել, որ այս տարի կհայտարարվի կենցաղային թափոնների վերամշակման գործարանի մրցույթի առաջին փուլը, որը մեկընդմիշտ կփակի Նուբարաշենի աղբավայրի էջը։

Գագիկ Սարգսյանի խափանման միջոցը կփոխվի տնային կալանքի։

Տավուշի մարզի գյուղերից մեկի 9-րդ դասարանի աշակերտուհու մայրը կասկածել է, որ իր 14-ամյա աղջիկը հեռախոսով սիրային նամակներ է գրում ինչ-որ տղայի։ Մայրն այդ մասին հարցումներ է արել դստերը, սակայն վերջինս ժխտել է, որ նման բան կա; Մայրը չհավատալով, հարմար պահ գտնելով՝ աղջկա ձեռքից խլել է նրա հեռախոսն և ուսումնասիրել դրա պարունակությունը Հեռախոսի մեջ աղջկան արատավորող լուսանկարներ կամ տեսանյութեր չեն եղել, լոկ՝ հեռախոսային հաղորդագրություններ։ Աղջիկը մոր տգեղ վարմունքից խիստ վիրավորված, մենակ մնալով ՝ իրենց տանը եղած, տարբեր հիվանդությունների դեմ մեծ քանակությամբ դեղերը կուլ է տվել, ցանկանալով ինքնասպան լինել։