Լրահոս

«Ժողովուրդ» օրաթերթը գրում է. «Նիկոլ Փաշինյանի իշխանությունն ակնհայտորեն փորձում է այնպես անել, որ Փարաքարի ընտրված համայնքի ղեկավար Վալոդյա Գրիգորյանի եւ նրա ընկեր, ոստիկանության օպերլիազոր Կարեն Աբրահամյանի սպանությունները համարվեն վենդետա` իսպառ փակելով մյուս հնարավոր վարկածների թեման՝ մաքրելով ՔՊ-ական Ախտոյան եղբայրներին:

«Իրավունք» թերթը գրում է. «Վաղարշապատի ընտրություններին ընդառաջ ՔՊ-ն ձեռքուոտք է ընկել. է՛լ ներկա, է՛լ նախկին բոլորին դիմում են՝ օգնություն աղերսելով:

«Փաստ» օրաթերթը գրում է. «Փաշինյանի իշխանական քարոզչամեքենան, քպական քարոզիչները, այդ թվում՝ պետական պաշտոններ զբաղեցնող, անցած հանգստյան օրերին մի կատաղի արշավ էին ծավալել՝ Փարաքար համայնքի ղեկավար Վալոդյա Գրիգորյանի և նրա հետ նույն վայրում գտնվող իր ընկերոջ սպանության հետ կապված:

«Հրապարակ» թերթը գրում է. «Պատերազմի տարելիցի օրը՝ սեպտեմբերի 27-ին, Էջմիածին քաղաքի «Նոր Դվին» ռեստորանում իշխանական էլիտայի ներկայացուցիչները՝ էկոնոմիկայի, ՏԿԵ եւ ֆինանսների նախարարները ճաշկերույթ էին կազմակերպել՝ Էջմիածնի գործարար համայնքի ներկայացուցիչների հետ:

«Ժողովուրդ» օրաթերթը գրում է. ««Ժողովուրդ» օրաթերթի բացառիկ տեղեկություններով, երբ գործարար-բարերար Սամվել Կարապետյանին Արմավիրի քրեակատարողական հիմնարկից անակնկալ տեղափոխեցին ԱԱԾ մեկուսարան, դրան նախորդել էին լուրջ իրադարձություններ։

Սպառած էլեկտրաէներգիայի, անջատումների, Ձեր իրավունքներին կամ պարտականություններին վերաբերող, ինչպես նաև այլ հարցերի առնչությամբ կարող եք զանգահարել 1-80 և 0 8000 0 180 շուրջօրյա գործող հեռախոսահամարներով:

Օրվա մամուլի հրապարակումները ժամը 11-ին, «5-րդ ալիք»-ի ուղիղ եթերում «Օրագիր» հաղորդման հեղինակ Մարիաննա Ղահրամանյանը կքննարկի միջազգայնագետ Գրիգոր Բալասանյանի հետ:

Արցախի հերոս Դավիթ Առուշանյանի մայրը՝ Լիդա Առուշանյանը գրում է․ «5 տարի առաջ այս օրը զոհվեց որդիս, մինուճարս։ Անմահացավ առանց վարանելու, այդպես էլ չնահանջելով, չփախչելով, ետ քայլ չանելով, որովհետև նահանջի տեղ չկար, ետևում Արցախն էր։ Մեր էրեխեքի կյանքի գնով պահածը շներին բաժին հասավ, շները նվիրեցին շներին, մենք մնացինք մեր ցավի հետ միայնակ։ Եվ ամեն անգամ այս օրը գալիս է, կարծես վերքիս նորից աղ են լցնում։ Լռություն ու դատարկություն է շուրջս։ Մեր զավակների արյան ու կյանքի գնով պահած հողը թղթապանակի պես հանձնում-ընդունում արեցին, իսկ մենք մնացինք սառը շիրիմաքարեր համբուրելու ու անպատասխան հարցերի հետ։ Ոչ մի մխիթարանք չկա ՀԱՅ մոր համար։ Ով համակերպվել է այս անարդարությանը կամ հայ չի, կամ էլ նորմալ մայր չի եղել։ Դավիթիս անունն ապրում է, ես ապրում եմ նրա վրեժի ծարավով ու նրա արյամբ սրբացած հողն է իմ երդումը…»։

«2022 թվականի սեպտեմբերի 21-ին «Եռաբլուր» զինվորական պանթեոնում զոհված զինծառայողների ծնողների նկատմամբ բռնություն գործադրելու վարույթով հսկող դատախազը բավարարել է վարույթն իրականացնող մարմնի միջնորդությունը և կրկին որոշում կայացրել ոստիկանների նկատմամբ հանրային քրեական հետապնդում չհարուցելու մասին։

Սեպտեմբերի 29-ին, ժամը 22։26-ին Ճգնաժամային կառավարման ազգային կենտրոն ահազանգ է ստացվել, որ հրդեհ է բռնկվել Երևան քաղաքի Պուշկինի փողոցի շենքերից մեկում։ Հրդեհի բարդության «1 ԲԻՍ» կանչով դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից չորս մարտական հաշվարկ, մեկ ավտոսանդուղք, Ճգնաժամային կառավարման ազգային կենտրոնի օպերատիվ, Հրդեհաշիջման և փրկարարական աշխատանքների կազմակերպման բաժնի և Բժշկական ապահովման հերթապահ խմբերը։ Հայտարարվել է հրդեհի բարդության «Թիվ 2» կանչ․ դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից ևս երեք մարտական հաշվարկ։ Ըստ նախնական տվյալների հրդեհը բռնկվել է եռահարկ շինությունում։ Դեպքի վայրում աշխատանքները ղեկավարում է ՆԳՆ փրկարար ծառայության տնօրեն-ներքին գործերի նախարարի տեղակալ, փ/ծ գեներալ-մայոր, Կամո Ցուցուլյանը։

Այսօր՝ սեպտեմբերի 29-ին, արտակարգ դեպք է տեղի ունեցել Երևանում։ Ժամը 16։30-ի սահմաններում Աբովյան փողոցում հրդեհ է բռնկվել Արարատի մարզի բնակիչ 28-ամյա Վահագն Ս․-ի վարած մոտոցիկլում։ Այս մասին հայտնում է Shamshyan.com-ը։ Ըստ նախնական տեղեկությունների, բարեբախտաբար տուժածներ չկան։ Դեպքի վայր են ժամանել ՀՀ Ներքին գործերի նախարարության ոստիկանության պարեկային ծառայության Երևան քաղաքի գնդի 3-րդ գումարտակի 1-ին վաշտի պարեկներ Սուրեն Հովակիմյանն ու Գևորգ Յուչինյանը, ովքեր, մինչ հրշեջների ժամանումը, պարեկային ծառայության ծառայողական ավտոմեքենայի միջից օգտագործել են կրակմարիչը և մարել կրակը։ Մոտոցիկլը ամբողջությամբ վերածվել է մոխրի։ Մոտոցիկլավարը վարորդական իրավունքի վկայական չի ունեցել, ինչի համար էլ ենթարկվել է վարչական պատասխանատվության՝ տուգանվելով 50 հազար ՀՀ դրամ։

Ի պատասխան «Երևանի զորամասերից մեկի կանանց գումարտակում տեղի ունեցած դեպքի» վերաբերյալ ԶԼՄ հարցումների՝ Պաշտպանության նախարարությունը հայտնել է, որ սեպտեմբերի 23-ին N զորամասի պայմանագրային զինծառայողը ՀՀ ՊՆ ռազմական ոստիկանությունում առերևույթ հանցանքի մասին հաղորդում է ներկայացրել, որը ուղարկվել է նախաքննական մարմին` քրեական վարույթ նախաձեռնելու հարցը լուծելու նպատակով:

Ադրբեջանում պետական ամենաբարձր մակարդակով խրախուսվող հայատյացության և ռազմատենչության ֆոնին՝ Հայաստանի վարչապետը միջազգային ամբիոններից բացառապես խաղաղասիրական ճառեր է արտասանում: Բազմաթիվ վերլուծաբանների համոզմամբ՝ իրական խաղաղության հետ որևէ կապ չունի այն, որ ՄԱԿ-ի ամբիոնից Ալիևը ևս մի քանի անգամ արտասանել է «խաղաղություն» բառը: «Նվաճողը սիրում է խոսել խաղաղության մասին, որպեսզի երկիրը գրավի»,- Փաշինյանին հիշեցնում են ընդդիմադիր գործիչները և նորից ահազանգում՝ հայ-ադրբեջանական խաղաղության թղթի տակ եղած ականների մասին:

Սեպտեմբերի 29-ին, ժամը 22։26-ին Ճգնաժամային կառավարման ազգային կենտրոն ահազանգ է ստացվել, որ հրդեհ է բռնկվել Երևան քաղաքի Պուշկինի փողոցի շենքերից մեկում։ 

Փաշինյանը ՄԱԿ-ի ամբիոնից խոսել է նաև Եվրամիությանը Հայաստանի անդամակցության մասին: Նա վստահեցրել է, որ մեր երկիրը շարժվում է եվրոպական ընտանիքին միանալու ուղղությամբ: ժողովրդավարություն, անկախ դատական համակարգ, մարդու իրավունքներ և մրցունակ տնտեսություն, փորձագետները Փաշինյանին հիշեցնում են Եվրամիությանն անդամակցության նախապայմանները, որոնք չկան այսօրվա Հայաստանում, իսկ մեծ հաշվով՝ եվրաընտանիքին միանալու՝ Հայաստանի վարչապետի հին երգը նախընտրական շոուի նոր խաղաթուղթ համարում:

Իսրայելի վարչապետ Բենիամին Նեթանյահուն հեռախոսազրույցի ժամանակ ներողություն է խնդրել Կատարի վարչապետ և արտգործնախարար Մոհամմեդ բին Աբդուլռահման ալ-Թանիից՝ սեպտեմբերի 9-ին Դոհայում արմատական ​​պաղեստինյան ՀԱՄԱՍ շարժման առաջնորդների վրա հարձակվելու պատճառով երկրի ինքնիշխանությունը խախտելու համար։ Իսրայելական հեռուստատեսության 12-րդ ալիքի տվյալներով՝ Իսրայելի վարչապետը Սպիտակ տնից զանգահարել է իր կատարցի գործընկերոջը ԱՄՆ նախագահ Դոնալդ Թրամփի ներկայությամբ։ Զրույցի ընթացքում Նեթանյահուն ափսոսանք է հայտնել հարձակման ժամանակ կատարցի անվտանգության աշխատակցի մահվան կապակցությամբ։ Հնարավոր է՝ կողմերը քննարկեն Դոհայի հարձակման համար փոխհատուցման հարցը։

Սեպտեմբերի 29-ին, ժամը 14։15-ին Սյունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ «Մեղրու սար» կոչվող հատվածում տեղի է ունեցել ՃՏՊ. անհրաժեշտ է փրկարարների օգնությունը: Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Պարզվել է, որ Մեղրի-Քաջարան ավտոճանապարհի 36-րդ կմ-ին «HOVO» մակնիշի ավտոցիստեռնը դուրս է եկել երթևեկելի հատվածից և գլորվել (մոտ 100 մետր) հարակից ձորը․ վարորդը մահացել է: Փրկարարները վարորդի դին դուրս են բերել ձորից և մոտեցրել դի տեղափոխող ավտոմեքենային:

48 ժամում երկու սպանություն է եղել մեր երկրում՝ Արմավիրում և Սյունիքում: Կիրակի երեկոյան հայտնի է դարձել, որ Կապանում 22-ամյա երիտասարդը դանակով հարվածել է երկու հոգու: 37-ամյա Յուրի Մարգարյանը հիվանդանոցում մահացել է: Շաբաթ երեկոյան էլ սպանությամբ է ավարտվել երկու համագյուղացիների վեճը Արմավիրի մարզի Արաքս գյուղում: Այս լուրերի ֆոնին, Ներքին գործերի նախարարությունը հայտարարել է, որ մեր երկրում հրազենով կատարված ծանր և առանձնապես ծանր հանցագործությունները նվազել են:

Ռումինիայի արևելքում գտնվող Տուլչա գավառում՝ Օդեսայի հետ սահմանից ոչ հեռու, հայտնաբերվել են անօդաչու թռչող սարքի բեկորներ:

Փոխվարչապետ Մհեր Գրիգորյանը հեռավար կարգով մասնակցել է ԱՊՀ պետությունների կառավարությունների ղեկավարների հերթական նիստին: Փոխվարչապետը հանդես է եկել ելույթով, ողջունել նիստի մասնակիցներին և շնորհակալություն հայտնել բելառուսական կողմին նիստի կազմակերպման համար։ ՀՀ փոխվարչապետն իր ելույթում նշել է, որ այս տարվա առաջին կիսամյակում Հայաստանի և ԱՊՀ երկրների միջև առևտրաշրջանառությունը կազմել է շուրջ 4 միլիարդ ԱՄՆ դոլար՝ արձանագրելով, որ նախորդ տարվա նույն ժամանակահատվածի համեմատ ցուցանիշները փոքր-ինչ նվազել են, և այս համատեքստում ընդգծել է կոոպերացիայի ամրապնդմանը, տնտեսությունների արդիականացմանը և նորարարությունների ներդրմանն ուղղված գործողությունների ծրագրի ժամանակին ընդունման անհրաժեշտությունը և կարևորությունը։ Փոխվարչապետն իր ելույթում նշել է նաև, որ կայուն և համապարփակ տնտեսական զարգացումն անհնար է առանց ժամանակակից ենթակառուցվածքների ստեղծման և արդյունավետ տրանսպորտային ու հաղորդակցության լոգիստիկայի հաստատման։ «Այս առումով կցանկանայի նշել, որ Հայաստանի Հանրապետությունը հանձնառու է տարածաշրջանային փոխկապակցվածության օրակարգին», - նշել է փոխվարչապետը և Ադրբեջանի վարչապետ Ալի Ասադովի ելույթին ի պատասխան հայտնել է, որ հարկ է ձեռնպահ մնալ «Զանգեզուրի միջանցք» տերմինի օգտագործումից՝ հավելելով, որ երկրների միջև ստորագրված բարձր մակարդակի փաստաթղթերի համաձայն ապաշրջափակման համատեքստում պետք է օգտագործել «Թրամփի ուղի՝ հանուն միջազգային խաղաղության և բարգավաճման» սահմանումը։ Ելույթի վերջում Մհեր Գրիգորյանը հայտնել է հայկական կողմի պատրաստակամությունը՝ շարունակելու ԱՊՀ շրջանակներում կառուցողական գործընկերության հետագա ամրապնդումը՝ խոստումնալից և փոխշահավետ նախագծերի իրականացման նպատակով։