Լրահոս

Հայաստանի պետական կամերային նվագախումբը 2026 թվականի փետրվարի 26-ից մարտի 1-ը  հյուրախաղերով կլինի Լիբանանում, որտեղ փետրվարի 27-ին ելույթով հանդես կգա Բեյրութի AUB համերգասրահում։

Իրավապահ մարմինները փաստում են՝ Հայ Առաքելական Սուրբ եկեղեցու՝ օտարերկրյա ֆինանսավորման վերաբերյալ տեղեկություններ չկան, հետևաբար, Նիկոլ Փաշինյանը հերթական սուտն է տարածել։

«Սա մեր պետական սխալ քաղաքականության կիզակետն է», - հայտարարված ջրանջատումներին անդրադառնալով՝ հայտարարել է «Ուժեղ Հայաստան» կուսակցության քաղխորհրդի անդամ Նարեկ Կարապետյանը: Ընդգծել՝ ստացվում է՝ 21-րդ դարում Երևանում մի շիշ ջուրը 7 ժամ անահասանելի է լինելու մարդկանց համար:

«Վեոլիա ջուրն» արձագանքել է ամռան գիշերները ջուրն անջատելու որոշման շուրջ մտահոգություններին՝ ըստ էության վերահաստատելով, որ մայիսի մեկից ջրամատակարարման 17-ժամյա գրաֆիկ է լինելու: Ընկերության տարածած պատասխանից հասկանում ենք, որ գիշերը ջուրն անջատելու են, որ կարողանան ցերեկային ժամերին ջրով ապահովել: Խոսքը վերաբերում է մայրաքաղաքի բոլոր 12 շրջաններին ու մարզային որոշ համայնքների: «Ջրամատակարարման գրաֆիկը փոխվում է տասնյակ հազարավոր նոր սպառողների ավելացման հաշվին»,- ընկերության տարածած հայտարարության այս նախադասությունը ապացուցում է Երևանի ավագանու ընդդիմադիր անդամի կասկածները, որ հազարավոր շինթույլտվություններն են ջրի ճգնաժամի պատճառը:

Քաղաքացի Հայկ Եղյանին ձերբակալել են «Տիկտոկում» Փաշինյանի մասին վիրավորական արտահայտություն անելու համար։ Այս մասին հայտնել է քաղաքացու շահերի պաշտպան Ռոման Երիցյանը։

«Ակնհայտ է, որ մինչև այս պահն ԱՄՆ նախագահ Թրամփը չունի Իրանի վրա հարձակման որևէ լավ ընտրանք, ինչը նրան հնարավորություն կընձեռեր իրականացնել տպավորիչ և կարճաժամկետ ռազմական գործողություն՝ հայտարարելով հերթական հաղթանակի մասին։ Հռետորաբանությունն այլ բան է, հողի վրա առկա իրականությունն՝ այլ։ Եվ թերևս հենց այս մասին են խոսում նաև պարբերաբար ԶԼՄ-ներ սպրդող այն լուրերը, թե ամերիկյան բարձրաստիճան զինվորականները չափազանց ռիսկային են համարում Իրանի վրա հարձակումը։

«Հայաստանի էլեկտրական ցանցեր» ՓԲԸ–ի տնօրենի նախկին ժամանակավոր պաշտոնակատար Դավիթ Ղազինյանը գրում է. «Վեոլիա Ջուր ՓԲԸ-ի ջրանջատումների գրաֆիկը և Հանրային ծառայությունները կարգավորող հանձնաժողովի լռությունը: Սա արդեն բացահայտ երկակի ստանդարտների քաղաքականություն է, երբ հստակ և կանխատեսելի կանոնների փոխարեն գործում է ընտրովի մոտեցում։ Նման ընտրովի «սկզբունքայնությունը» լեգիտիմացնում է անհավասար վերաբերմունքը, խաթարում է կարգավորման ինստիտուտի հեղինակությունը։ Ինչպես բազմիցս նշել եմ, Հանրային ծառայությունները կարգավորող հանձնաժողովն այս իրավիճակում ևս, անկախ չէ։

Իշխանությունը վստահեցնում է, թե ընտրության հետ կապ չունի թոշակները բարձրացնելու մասին իրենց խոստումը: Ամիսներ առաջ, երբ հայտարարում էին, որ 1000 դրամ բարձրացնելն անգամ մեծ ծախս է՝ չգիտեին, որ իրենց սպասածից 2 տոկոս ավել տնտեսական աճ են գրանցել: Ընդդիմությունը վստահ է, որ որպես ընտրակաշառք է Փաշինյանի թիմը որոշել թոշակները բարձրացնել, քանի որ հատուկ ծառայությունները պարբերաբար տեղեկացնում են Փաշինյանին, որ ինքը վարկանիշի խնդիր ունի և չի կարողանալու վերընտրվել:

 ՏԿԵ նախարար Դավիթ Խուդաթյանը քիչ առաջ գրառում է արել սոցցանցի իր էջում՝ նշելով, թե ջրամատակարարման ժամանակացույցի փոփոխություն չի լինի.

Այսօր՝ փետրվարի 25-ին, ավտովթար է տեղի ունեցել Երևանում։ Ժամը 19։00-ի սահմաններում Արցախի պողոտայում՝ թիվ 47/1 հասցեի դիմաց բախվել են «Nissan Teana» մակնիշի, «Opel Astra» մակնիշի և «Hyundai Elantra» մակնիշի ավտոմեքենաները, ինչի հետևանքով վերջինը հայտնվել է հետիոտնի համար նախատեսված մայթին։

Այսօր՝ փետրվարի 25-ին, խոշոր հրդեհ է տեղի ունեցել Արարատի մարզում։ Ժամը 17։10-ի սահմաններում ՀՀ ներքին գործերի նախարարության 112 օպերատիվ կառավարման կենտրոն ահազանգ է ստացվել, որ Ռանչպար գյուղում կուտակված անասնակեր է այրվում։

Զայրանում, հեգնում, ժպտում ու ծիծաղում են երևանցիներ մեծ մասն ընտրություններից երկու ամիս առաջ թոշակները բարձրացնելու մասին իշխող ուժի որոշման մասին լսելիս: Հիշում են Փաշինյանի՝ դեռ երեք ամիս առաջ արած հայտարարությունը, որ եթե թոշակը 10400 դրամով բարձրացնեն, ինչի վրա է թոշակառուն ծախսելու այդ գումարը: Այսօր առավոտյան արդեն Փաշինյանը շտապել է հայտնել, որ ապրիլի 1-ից կենսթոշակները բարձրանալու են:

ՀՀ ԱԳՆ-ն չի հերքում, որ Հայաստանի արտաքին գործերի նախարար Արարատ Միրզոյանը փետրվարի 13-ին Բրյուսել նամակ է հղել, որով խնդրել է արագ արձագանքման խումբ ուղարկել Երևան։

Ինչպես պետք է դիրքավորվի Հայաստանը աշխարհաքաղաքական զարգացումների ժամանակ: Համահայկական հասարակական դաշինքն է «Հայաստանի Հանրապետությունը քաղաքակրթական ընտրության առջև» թեմայով հանրային քննարկում կազմակերպել:

Հայլուր 20։30 Անսպասելի բարեգթությո՞ւն, թե՞ քաղաքական սառը հաշվարկ. Փաշինյանի երկու երեսը

Ավարտվել է Հայաստանի արտաքին գործերի նախարար Արարատ Միրզոյանի այցը Ժնև, որտեղ նա մասնակցել է ՄԱԿ մարդու իրավունքների խորհրդի և Զինաթափման համաժողովի բարձրաստիճան հատվածներին։ Այս մասին հայտնել է ՀՀ ԱԳՆ մամուլի խոսնակ Անի Բադալյանը։

Ընտրություններից երկու ամիս առաջ թոշակները բարձրացնելու իշխանության հանկարծակի որոշումը ընտրակաշառք է, թե՝ ոչ: Այս բանավեճը իրավապաշտպաննրի մի մասը լուծում է հօգուտ ընտրակաշառքի. նրանք հղում են անում քրեական օրենսգրքի 221-րդ հոդվածին, ըստ որի՝ ընտրությունների նշանակման որոշումն ուժի մեջ մտնելու օրվանից մինչև ընտրությունների արդյունքների ամփոփումը իրականացվող բարեգործությունը կարող է համարվել ընտրողների կամքի վրա ազդելու միջոց: Նույն չափանիշը պետք է կիրառվի նաև այն դեպքերում, երբ ընտրություններից առաջ հանկարծակի «ակտիվանում» է պետական սոցիալական քաղաքականությունը, նկատում է փաստաբան Էդուարդ Հովհաննիսյանը:

ՀՀ Ազգային ժողովի պատվիրակությունը փորձի փոխանակման շրջանակում փետրվարի 24-25-ը եղել է Բրյուսելում (Բելգիայի Թագավորություն): Այդ մասին հայտնում են ԱԺ-ից:

«Ընդդիմության ճնշման և իշխանության կողմից վտանգի զգացողության արդյունք էր»,- լրագրողների հետ զրույցում կենսաթոշակները բարձրացնելու վերաբերյալ իշխանության հայտարարությունն այսպես մեկնաբանեց «Ուժեղ  Հայաստան» կուսակցության քաղխորհրդի անդամ Նարեկ Կարապետյանը։

Ոստիկանության վերնախավում կադրային փոփոխություններ են եղել. պաշտոնանկ են արվել երեք փոխոստիկանապետերը, որոնք դարձել են ներքին գործերի նախարարի խորհրդականներ: Ըստ իրավապաշտպան Սերգեյ Հարությունյանի՝ վերջին օրերի աղմկոտ սպանությունների պատճառով են կադրային փոփոխություններ արվել ոստիկանությունում: Իշխանությունն ընտրություններից առաջ հանրությանը ուզում է ցույց տալ, թե չի ներում իրավապահներին հայաստանցիներին ցնցած սպանությունների պատճառով: