Լրահոս

Բալթիկ ծովում մեկնարկել են ՆԱՏՕ-ի լայնածավալ զորավարժությունները Հատկանշական է, որ դրանց մասնակցում են Ֆինլանդիան ու Շվեդիան։ «BALTOPS» ամենամյա զորավարժություններին կմասնակցեն 45 նավ, 75 ինքնաթիռ եւ ավելի քան 7 հազար զինվորական:

Այսօր հանդիպել ենք Արցախի Հանրապետության ընդդիմադիր քաղաքական ուժերի ղեկավարների հետ: Քննարկել ենք Արցախի ու Հայաստանի շուրջ ստեղծված մարտահրավերներն ու սպառնալիքները: Քննարկվել է նաև Հայաստանում առկա քաղաքական ճգնաժամի դրսևորումները: Պայմանավորվել ենք առավել կազմակերպված շարունակել նման ձևաչափով փոխադարձ համդիպումներն ու քննարկումներն, ինչպես նաև աշխատանքներ իրականացնել Արցախում, Հայաստանում և Սփյուռքում Շարժման ընդլայնման ուղղությամբ:

Դանիել, Մաքս, Ալեն. գյումրեցի Պապոյանների ընթանիքում հունիսի 4-ին 3 տղա երեխա է ծնվել: 3-րդ հղիության լուրն իմանալուց հետո 31 ամյա կինն ու ընտանիքը սպասում էին տղա երեխայի, բայց պատկերացնել անգամ չէին կարող, որ եռյակ են ունենալու։ «Հղիության երկրորդ ամսում իմացանք, որ եռյակ է, Ջավախքից վերադարձանք Գյումրի այստեղ բժիշկների վերահսկողության տակ լինելու համար, բարդություններ կային, բայց, բարեբախտաբար, հաղթահարեցինք։ Մեկ աղջիկ ունեմ և մեկ տղա, սակայն հիմա լրիվ այլ զգացողություններ են»,- ArmDaily.am-ի հետ զրույցում ասաց Զինա Ավետիսյանը։ Ծննդկանը հայտեց, որ նորածինների անունները որոշել են աղջիկն ու տղան. որդիներն իրար նման են, բայց մայրն արդեն յուրաքանչյուրին յուրովի է սիրում եւ տարբերում միմյանցից: «Մաքսը ավելի տարբերվող է, սակայն յուրաքանչյուրն իր տեղն ունի։ Չգիտեմ հետո ինչ կլինի, բայց հիմա ուզում եմ, որ զավակներս մեծանան խաղաղ ու անհոգ»,-ասում է փոքրիկների մայրիկը։ ՀՕՄ-ի Ախուրյանի մոր եւ մանկան առողջության կենտրոնի փոխտնօրեն Վահրամ Միրզոյանն էլ ArmDaily.am-ին հայտնեց, որ երեխաները 48 սմ հասակով են՝ 1900,1600, 1800 գրամ քաշով. սա համապատասխանում է հղիության ժամկետին, նորածիններին կյուվեզային ռեժիմում պահելու կարիք գրեթե չի զգացվել: «32-րդ շաբաթականից կարիք ենք զգացել ստացիոնար բուժում ապահովվելու, փորձեցինք բնական ճանապարհով ծննդաբերություն ապահովել, սակայն պտուղների դիրքով պայմանավորված չստացվեց։ Ամեն դեպքում մայրն ու զավակները ֆիզիկապես լավ են, մնում է, որ հոգեբանական աջակցություն ունենա ընտանիքը, 3 երեխային բարդ կլինի մեծացնել»,-նշեց Ախուրյանի մոր եւ մանկան առողջության կենտրոնի փոխտնօրենը։ Իսկ եռյակ լույս աշխարհ բերած Զինան ավագ որդու ու նորածինների հետ սպասում է ամուսնու և դստեր վերադարձին Ջավախքից, նրանք այսուհետև կապրեն Գյումրիում: Զինան ասում է՝ 5 երեխա մեծացնելը բարդ է լինելու, սակայն ամեն ինչ անելու են զավակների համար: «Անսովոր է, քանի որ եռյակ են, բայց հպարտ ենք, որ հայրենիքին եւս 3 ապագա զինվոր ենք տվել»,- նշում է նա: Մայրն ու որդիները, ամենայն հավանականությամբ, դուրս կգրվեն վաղը:

Վարչապետ Նիկոլ Փաշինյանի գլխավորությամբ տեղի է ունեցել Ոստիկանության բարեփոխումները համակարգող խորհրդի նիստ: Նիստում քննարկման առարկա է դարձել Ներքին գործերի նախարարության նախնական մոդելը: Արդարադատության նախարարի տեղակալ Արփինե Սարգսյանը ներկայացրել է ՆԳՆ ձևավորման ֆունկցիոնալ-կառուցվածքային քարտեզը՝ այդ համատեքստում անդրադառնալով հիմնական գործառույթներին, ստորաբաժանումներին, օրենսդրական փաթեթի քննարկման ժամանակացույցին և հարակից այլ հարցերի: Նշվել է, որ առաջարկվող մոդելը լրամշակվել է Խորհրդի նախորդ նիստում շահագրգիռ գերատեսչությունների, քաղաքացիական հասարակության կողմից ներկայացված փոխադարձ ընդունելի առաջարկներով: Թեմայի առնչությամբ ծավալվել է մտքերի փոխանակություն, արծարծվել է ստեղծվելիք ՆԳՆ կառուցվածքին և գործառույթներին, կառավարման և աշխատանքի կազմակերպման հայեցակարգին, աշխատակիցների սոցիալական ապահովության մեխանիզմներին վերաբերող հարցերի լայն շրջանակ: Վարչապետը, կարևորելով ՆԳՆ ստեղծումը, նշել է, որ Կառավարությունը նախաձեռնել է նշված բարեփոխումը՝ ինստիտուցիոնալ առումով օպտիմալ կառույց ձևավորելու և աշխատակիցների համար սոցիալական երաշխիքների հուսալի համակարգ ներդնելու նպատակով: Ըստ այդմ՝ այն պետք է ունենա ծախսարդյունավետ և հստակ, չկրկնվող գործառույթներով կառուցվածք: Կառավարության ղեկավարը հանձնարարել է պատասխանատուներին միջգերատեսչական աշխատանքային խմբի ձևաչափով քննարկել բարձրացված հարցադրումները, մշակել դրանց լուծման առաջարկներ և գաղափարներ՝ առաջ շարժվելով նախատեսված ժամանակացույցով: Հաջորդիվ, Ոստիկանության պետի տեղակալ Արա Ֆիդանյանը ներկայացրել է Ոստիկանության բարեփոխումների ռազմավարության և 2020-2022թթ. գործողությունների ծրագրի կատարման 2021թ. հաշվետվությունը և առաջիկա 6 ամսվա անելիքները: Նշվել է, որ շարունակական աշխատանքներ են իրականացվել Ռազմավարության առաջնային ուղղությունների՝ Պարեկային ծառայության ու Օպերատիվ կառավարման կենտրոնի ներդրման ուղղությամբ. 2022թ. ապրիլին Պարեկային ծառայության ստորաբաժանումներ են գործարկվել Լոռու և Շիրակի մարզերում: Նախատեսվում է մինչև տարեվերջ ՊԾ-ն գործարկել Կոտայքի, Գեղարքունիքի, Տավուշի և Արագածոտնի մարզերում: Ակնկալվում է, որ Պարեկային ծառայությունը, համաձայն Կառավարության 2021-2026թթ. գործունեության միջոցառումների ծրագրի, ՀՀ-ում ամբողջությամբ ներդրված կլինի 2024թ. ընթացքում: Մեկնարկել է նաև Օպերատիվ կառավարման կենտրոնի գործարկումը՝ Երևան քաղաքում, այժմ արդեն Լոռու և Շիրակի մարզերում, որից հետո՝ փուլային տարբերակով, ստորաբաժանումներ կստեղծվեն ողջ հանրապետությունում: Աշխատանքներ են իրականացվել նաև կրթական, միջազգային համագործակցության ոլորտում, Ոստիկանության ծառայողների վարձատրության և սոցիալական երաշխիքների համադրման, համայնքային ոստիկանության գործառութային և օրենսդրական աուդիտի ու այլ ուղղություններով: Փոխոստիկանապետը զեկուցել է նաև վարչապետի կողմից տրված հանձնարարականների կատարման մասին: Ներկայացված զեկուցումներն ընդունվել են ի գիտություն:

46-ամյա ամերիկացի ռեփեր 50 Cent-ը ծաղրել է 63-ամյա երգչուհի Մադոննայի անկեղծ լուսանկարները, ինչպես նաև նրան համեմատել այլմոլորակայինների հետ։ Արտիստը Instagram-ի իր էջում հրապարակել է երգչուհու նկարները, որոնցում Մադոննան անկողնու վրա կեցվածք է ընդունել խալաթով և արևային ակնոցով։

Կյանքից հեռացել է դերասան Վրեժ Հակոբյանը: Այս մասին տեղեկացնում է Հայաստանի թատերական գործիչների միությունը: «Խորը ցավով հայտնում ենք, որ կյանքից հեռացել է թատերական գործի կազմակերպիչ, դերասան, ՀՀ արվեստի վաստակավոր գործիչ Վրեժ Հակոբյանը։ Մեր խորին ցավակցություններն ենք հայտնում Վ. Հակոբյանի ընտանիքին, հարազատներին և գործընկերներին»,- ասված է հաղորդագրության մեջ։

Արենն է։ 2016-ին երգում է Շուշիի հայկականության մասին։ 4 տարի անց՝ 44-օրյա պատերազմում Արենը զոհվեց։ Ես չգիտեմ՝ հասցրե՞ց իմանալ Արենը, որ իր երգած Շուշին այլեւս հանձնվել է թուրքին։

95 տարեկանում մահացել է Էնն Թերներ Կուկը, որը հինգ ամսականում դարձել է մանկական սննդի Gerber ընկերության գովազդային դեմքը։ Այդ մասին ընկերությունը հայտնել է Instagram-ի իր էջում։

Հայաստանի Հանրապետության Գիտությունների ազգային ակադեմիան իր մտահոգությունն է հայտնում վերջին շրջանում Հայաստանի Հանրապետության և Արցախի Հանրապետության շուրջ ծավալվող իրադարձությունների առնչությամբ։ ԳԱԱ տարածած հայտարարութթյունում նաեւ ասվում է. «Լինելով ապաքաղաքական կառույց, որի կանոնադրական խնդիրը գիտության զարգացումն է, ակադեմիան, սակայն, չի կարող անհաղորդ մնալ մեր պետության և ազգի համար գոյաբանական քաղաքական մարտահրավերներին։ Այդպիսի մարտահրավեր է այսօր արցախահայության հնարավոր հայրենազրկման և ցեղասպանության վտանգը, որը կարմիր գիծ է մարդկության համար։ Հազարամյակների հայոց քաղաքակրթության մաս կազմող Արցախը մեր հայրենիքի անբաժան մասն է, արցախահայությունը մեր ազգի ամենաերկար պետականություն պահպանած հատվածն է, մեր արևելյան պատվարը։ Սակայն սկսած առնվազն 20-րդ դարի սկզբից՝ կովկասյան թաթարները, թուրքական շրջանակների աջակցությամբ, այնուհետև նրանց ադրբեջանցի հետնորդները գործադրում էին բոլոր ջանքերը՝ վերացնելու հայկական որևէ հետք Արցախում։ Այդ ամենն ուղեկցվում էր մարդկության դեմ իրագործվող հանցանքներով։ Այդ քաղաքականությունը շարունակվեց նաև Խորհրդային Միության փլուզումից հետո և առանձնահատուկ թափ ստացավ 2020թ. 44-օրյա պատերազմի արդյունքում ձևավորված նոր իրողությունների պայմաններում՝ փաստացի վերածվելով Ադրբեջանի Հանրապետության պաշտոնական գաղափարախոսության մի անքակտելի բաղադրիչի։ Այսօր մենք ականատես ենք այս արատավոր քաղաքականության այնպիսի բացահայտ դրսևորումների, ինչպիսիք են հայտարարագրված ծրագրերն իսպառ վերացնելու հայկական պատմամշակութային հետքն իր վերահսկողության տակ անցած նոր տարածքներում, հայատյացության սփռումը բոլոր հնարավոր միջազգային հարթակներում, պատմության զեղծարարությունը, արհամարհանքը միջազգային իրավունքի հանդեպ, մասնավորապես, ռազմագերիների հետ վարվելակերպի մասին Ժնևի կոնվենցիայի ոտնահարումը և այլն։ Ադրբեջան պետության կազմում հայտնվելու պարագայում Արցախին սպասվում է արագ հայաթափում, արցախահայությանը՝ հայրենազրկում, ցեղասպանություն։ Արցախը ոչ մի կարգավիճակով չի կարող մասը կազմել մի պետության, որն իր քաղաքացիներին արդեն մի քանի սերունդ դաստիարակում է մոլի հայատյացության մթնոլորտում։ Հայաստանի Հանրապետությունն Արցախի ժողովրդի անվտանգության և ինքնորոշման իրավունքի իրացման երաշխավորն է։ Մենք չենք կարող հրաժարվել այդ հիմնարար սկզբունքից։ Հայաստանի Հանրապետությունը, Արցախի Հանրապետությունը այսօր կանգնած են լուրջ մարտահրավերների առջև։ Հարկավոր է համախմբել մեր ողջ ներուժը՝ դիմագրավելու այդ մարտահրավերներին, լուծումներ գտնելու առաջ եկած խնդիրներին։ Գիտությունների ազգային ակադեմիան պատրաստ է ՀՀ պետական իշխանության մարմիններին տրամադրել մասնագիտական խորհրդատվություն, կարող է դառնալ այն հարթակներից մեկը, որտեղ կարող են քննարկվել համահայկական նշանակություն ունեցող հիմնահարցերը, լուծումներ և այլընտրանքային տարբերակներ առաջարկվել համահայկական օրակարգի ձևավորման համար:

Մտածենք, թե ինչպե՞ս ընտրազանգվածից նորից դառնալ Ազգ: Հիշե´նք, թե որպես Ազգ, որտե՞ղ ենք թաղել մեր առողջ բանականությունը, ազգային արժանապատվությունն ու ազնիվ ոգին: Եվ ամենակարևորը` ինչու՞ դարձանք թուրքի ու նիկոլիզմի գերի, ինչու՞ հիմարացրեցին ու սպանեցին մեզ, ինչու՞ ապուշի տեղ դրեցին ու հայրենազրկեցին մեզ, ինչու՞ հոգիներս պղտորեցին ու կռվեցրին միմյան հետ: Ինչու՞ է նիկոլիզմն ավելի կարևոր, քան մի ամբողջ Ազգ ու Հայրենիք: Ինչու՞ հայը ինքն իրեն չի հարգում, ինչու՞ է հայն այսքան խորը թքել ինքն իր վրա: Ինչու՞ է օրվա աշխատավարձը կարևոր երեխայի վաղվա ապագայից: Ինչու՞ է բարձրաստիճան սպայի կամ ոստիկիկանի պատիվը հայտնվել ոմանց ներքնաշորի մեջ: Ինչու՞ է հարևանի դղյակն ավելի տանջում և պատրաստ ենք նրան դատել բոլոր ատյաններում, բայց 5000 մատղաշ երեխաների կյանքն ու 10000ք.կմ հայրենիքը կործանածին` ասում ենք «դե ի՞նչ անի խեղճ հարիֆը»: Միթե՞ ես, որպես հայ միշտ այսպիսինն եմ եղել, ու դրա համար դարերով կորցրել եմ, դարերով մորթվել եմ, ցեղասպանվել եմ, դարերով խաբվել եմ, դարերով անարգվել եմ ու դարերով գաղթել եմ: Իսկ ե՞րբ եմ, որպես Ազգ` խելքի գալու վերջապես:

Այսօր՝ հունիսի 6-ին, ավտովթար է տեղի ունեցել Գեղարքունիքի մարզում։ Ժամը 13։15-ի սահմաններում Գավառ քաղաքի Շահումյան և Ազատության փողոցների խաչմերուկում բախվել են Գեղարքունիք մարզի բնակիչներ՝ 70-ամյա Հակոբ Կ-ի վարած Opel մակնիշի և 28-ամյա Անի Հ-ի վարած Mini Cooper մակնիշի ավտոմեքենաները։

Այսօր Ազգային ժողովի ՔՊ-ական պատգամավոր Խաչատուր Սուքիասյանը անդրադարձել է Դիմադրության շարժման ներկայացուցիչների այն պնդումներին, որ «որոշ օլիգարխներ ոստիկանների գլխարկների տակ մարդիկ ունեն»: Այսպիսի հայտարարություն Իշխան Սաղաթելյանն էր արել՝ նկատի ունենալով նաև Խաչատուր Սուքիասյանին:

«Տարածաշրջանի տրանսպորտային ուղիների ապաշրջափակումից հետո տրանսպորտային ուղիները պետք է գործեն այն երկրների ինքնիշխանության ներքո, որով անցնում են»։ Այսօր խորհրդարանում բյուջեի կատարողականի հաշվետվությունը ներկայացնելիս ասել է Արտաքին գործերի նախարար Արարատ Միրզոյանը: Նա կոմունիկացիաների ապաշրջափակման ուղղությամբ տարվող աշխատանքները անվանել է արտաքին քաղաքականության կարևոր ուղղություններից մեկը:

Երգչուհի Սիրուշոն նոր լուսանկարներ է հրապարակել և կից գրել․

Aravot.am-ը գրում է. Վահան Սուլյանի դին երկու օր առաջ ամփոփվեց Երեւանի Շահումյանի գերեզմանոցում։ Նրա ծնողները չկարողացան մասնակցել որդու հուղարկավորությանը, փոխարենը ներկա էին Սեւակ եղբայրը, երեւանաբնակ հարազատներն ու բազմաթիվ ընկերները: Մահը, եթե ժամանակին է այցելում, բոլորս կամա թե ակամա հաշտվում ենք կորստի հետ: Բոլորովին այլ է անժամանակ այցելության պարագան: Ցավի մեծության մասին չխոսենք, մանավանդ որ, 44-օրյա պատերազմը շատ երիտասարդ կյանքեր խլեց ու դեռ ունենք բազմաթիվ ռազմագերիներ, բայց դժվար է հաշտվել այն դժբախտ պատահարների ելքի հետ, որ կարող էին չլինել, եթե… Մայիսի 28-ին, Տավուշի մարզի «Թաքնված ջրվեժում» մահկանացուն կնքեց Սուրիայի Քեսաբից հայրենադարձած Վահան Սուլյանը, երբ փորձում էր իրենից առաջ սահած ընկերոջը փրկել: Ճակատագրի հեգնանքն է՝ նա փրկվեց, հայտնի լողորդ Վահանը՝ ոչ: Աճապարելուց սայթաքել՝ վայր էր ընկել, կոտրել ուսագլուխը, դաստակն ու գիտակցությունը կորցրած գահավիժել ջրվեժի ստեղծած մեծ փոսն ու խեղդվել։ Տեղանքում բազում փնտրտուքներն ու ուսումնասիրություններն անիմաստ էին, նրա դին հայտնաբերեցին միայն հաջորդ օրը՝ ջրվեժի տակ… Վահանը հոգեւոր կրթություն էր ստացել Հալեպում, սակայն չէր ձեռնադրվել, որպես կուսակրոն հոգեւորական: Հայրենիքի սերը բերել էր նրան Հայաստան: Նա արշավների մեծ սիրահար էր, գիտակ էր հայրենի բնության ամեն մի անկյանը, ոտատակ էր տվել նաեւ Արցախը: Երեւանում նա շատ դժվարություններ հաղթահարեց, ապրում էր վարձով, աշխատում էր մի քանի տեղ, սկզբում՝ բարում, իսկ զուգահեռ ինքնուրույն հաղթահարում էր ծրագրավորման դժվարությունները։ Այս բնագավառում նա շատ արագ աճեց ու մի քանի տարում դարձավ պահանջված մասնագետ: Արդեն Երեւանում բնակարան էր ընտրել, որ պետք է գներ, բազում լուսավոր ծրագրեր ուներ: Վերջերս գնել էր մեքենա ու շտապել էր ցույց տալ սիրած աղջկան։ Միասին վարել էին Երեւանի փողոցներով…

Ռազմական նշանակության օբյեկտի՝ Մետրոպոլիտենի տնօրեն է նշանակվել «ռելսը շպալից չտարբերող» տնտեսագետ-բուսաբանը

Հանրային մուլտիպլեքսում գործող երկու հեռուստաընկերություն իրենց եթերային քաղաքականությամբ համառ ջանքեր են գործադրում, որպեսզի հեռարձակման իրենց լիցենզիան առնվազն կասեցվի: Ինչ ասենք՝ իրենց ընտրած ճանապարհն է: Այսպիսի գրառմամբ էր հունիսի 3-ին իր ֆեյսբուքյան էջում հանդես եկել Հեռուստատեսության և ռադիոյի հանձնաժողովի նախագահ Տիգրան Հակոբյանը: Վերջինս թեև անուններ չէր հնչեցրել, սակայն այնքան էլ դժվար չէր կռահել այս գրառման հասցեատեր հեռուստաընկերություններին: Այս առնչությամբ Aravot.am-ի հետ զրույցում «Թի վի 5» հեռուստաընկերության գործադիր տնօրեն Հարություն Հարությունյանը մասնավորապես ասել էր. «Ես հասկանում եմ, որ ինքը կարող էր մեզ նկատի ունենալ, բայց հաշվի առնելով, թե որ օրն էր ինքը գրառումն արել… Առանձնապես մտահոգություններ ես չունեմ ու չեմ էլ մտածում դրա մասին, անկեղծ ասած: Մուլտիպլեքսում կլինենք, թե չենք լինի՝ դա մեզ ոչ տաք է պահելու, ոչ սառը: Հիմա մենք աշխատում ենք, ու եթե որևէ մեկի քիմքին հաճելի չի մեր գոյությունը, դա չի նշանակում, որ մենք դադարեցնելու ենք մեր աշխատանքը: Ինչ կլինի կամ ինքը ում նկատի ունի՝ դա ժամանակը ցույց կտա: Բայց այդ օրը, երբ ինքը այդ գրառումն արել է, մենք ընդհանրապես եթեր չենք մտել, ու որևէ լրատվական նյութ, Երևանում կատարվող իրադարձությունների որևէ լուսաբանում չի եղել, որովհետև մեր մոտ շատ մեծ վթար էր եղել, և մենք կարողացանք մի անկյունում դնել համակարգիչ ու ծրագրում դնել ֆիլմեր: Կարող է մեզ առնչվել, կարող է չառնչվել: Ինքը միշտ ինձ ասում է՝ ես հեռուստացույց չեմ նայում, կարող է ինքը մտածի այդ օրը, որ դա լավագույն առիթն է, որովհետև ոստիկանների կողմից ջարդը եղավ, լավագույն առիթն է գրել այդ մասին: Դա էլ ցույց է տալիս, որ միգուցե կա պատվեր, ու չիմանալով, որ մենք չենք հեռարձակել որևէ բան՝ գրել է»: 168.am-ը «Թի վի 5» հեռուստաընկերության գործադիր տնօրեն Հարություն Հարությունյանին հարցրեց՝ եթե ինչպես ինքն է ասում «Առավոտի» հետ զրույցում, իրեն չի հետաքրքրում՝ կզրկե՞ն «Թիվի 5»-ին լիցենզիայից, թե՞ ոչ, ինչո՞ւ մասնակցեցին մրցույթին, եթե մուլտիպլեքսում լինել-չլինելն այդքան կարևոր չէ: Հեռուստաընկերության գործադիր տնօրենը նախ նշեց, որ գուցե մի քիչ էմոցիոնալ էր իր արձագանքն էմոցիոնալ գրառմանը, բայց առաջարկեց հարցին մոտենալ այլ տեսանկյունից: «Ներկայումս թվային դաշտում գործող բոլոր թվային հարթակները, այդ թվում՝ հանրային մուլտիպլեքսը, մեզ համար գործիքներ են արտադրանքը հանրությանը հասցնելու համար: Հանրային մուլտիպլեքսի առավելությունը նրանում է, որ այն հանրային է, իսկ հանրությունը վճարում է և պետք է ստանա անկողմնակալ, նաև մնացածից տարբերվող տեղեկատվություն: Մեր կայքում գրված է մեր ուղղությունը, այն է՝ «Մենք հետևողական ենք և պատմում ենք այն ամենի մասին, ինչի մասին զգուշությամբ են խոսում կամ նախընտրում են լռել»: Կարծում եմ՝ սա է մեզ չհանդուրժելու պատճառը: Այնպես չի, որ մեր համար մուլտիպլեքսում չլինելը մի հաշիվ է»,- ասաց Հարություն Հարությունյանը: Ըստ նրա՝ բայց եթե կա հրահանգ, և դա պետք է իրականացվի, ուրեմն չպետք է լռել: «Երբ Ֆեյսբուքը սահմանափակումներ է մտցնում, մենք չենք լռում, չէ՞: Մենք բողոքներ ենք գրում, պարզաբանումներ տալիս և այլն: Այս դեպքում ևս այդպես է լինելու, ավելի ընդլայնված: Մենք ՀՌՀ-ի որ դիտարկման հետ համաձայնում ենք, ընդունում ենք մեր բացթողումը և շտկում ենք, որի հետ անհամաձայն ենք, բողոքարկում ենք դատարան: Այս դեպքում, եթե իրոք նման որոշում լինի, բնականաբար, չենք լռելու և այդքան հեշտ ու հանգիստ հանրային մուլտիպլեքսում մեր ամրագրած տեղը չենք զիջելու, չենք նվիրելու այլ ընկերության: Պայքարելու ենք բոլոր ճակատներով. թե դատական պրոցես կսկսենք, և թե կդիմենք միջազգային կառույցներին, Հայաստանում գործող դեսպանատներին և այլն: Եվ, ամենակարևորը, վստահ չեմ, որ ընթացքը, ինչի մասին գրել է ՀՌՀ նախագահը, հաճելի է «ժողովրդավարության բարձր լիգայում խաղացող» պետության համար և ծայրահեղ անհրաժեշտություն է: Ժամանակը ցույց կտա»,- ասաց Հարություն Հարութունյանը: Հարություն Հարությունյանը բացատրել էր նաև, թե ինչպես կարող են այսօրվա օրենսդրությամբ հեշտ մեղադրել հեռուստաընկերությանը ու խնդիրներ գտնել: «Տեսալսողական մեդիայի մասին օրենքում գրված է, որ մի թեմայի մասին 24%-ից ավելի իրավունք չունեն լուսաբանել: Եթե երկրում էքստրեմալ վիճակ է և ժամ առ ժամ իրադարձություն է փոխվում, մե՛կ գալիս են ԱԳՆ-ի դիմացն են ցույց անում, մե՛կ գնում են հրապարակ, մե՛կ ոստիկանների հետ բախում է լինում, անընդհատ իրադարձություններ ու զարգացումներ են, հիմա ես պետք է նստեմ կարկինով չափե՞մ, քանոնով չափեմ, բազմապատկեմ, հանեմ, ասեմ՝ լավ, այս թեմայից ավելի լավ է չխոսեմ, որ հանկարծակի օրենքը չխախտե՞մ: Լավ, օրենք գրողները չե՞ն մտածել, որ հնարավոր է՝ լինի էքստրեմալ վիճակ: Հիմա երկիրը մի ամիս է՝ գտնվում է արտակարգ իրավիճակի մեջ, ես ի՞նչ պետք է անեմ, 24%-ը պահե՞մ եթերում ու մնացած թեմաներին չանդրադառնամ: Կամ, եթե ես 24%-ը լրացրել եմ մինչև ժամը 6-ը, ժամը 7-ին միտինգ է, 7-ից հետո երթ է, ես պետք է դրանց չանդրադառնա՞մ, նորմա՞լ եք դա համարում: Օրենքը գրել են մարդիկ, ովքեր շատ քիչ առնչություն են ունեցել տեսալսողական, լրատվական ծառայությունների հետ, այնքա՜ն բան կա, որ այդ օրենքում չկա գրված: Հիմա 24%-ը անցել ենք, ասում են՝ հլը եկեք բացատրեք՝ ինչի եք խախտել օրենքը: Հասկացա, օրենքի տառին համաձայն եմ, բայց էքստրեմալ իրավիճակում պե՞տք է լինեն բոնուսներ: Չէ՞ որ մենք առաջին հերթին ոչ թե գործարար ենք, այլ՝ լրատվական»,- ասել էր նա՝ հավելելով, որ 44-օրյա պատերազմի օրերին, ինչպես նաև կորոնավիրուսի համավարակի օրերին «5-րդ ալիքը» էլի արտակարգ իրավիճակում աշխատելով՝ խախտում է արել ու գերազանցել 24%-ի լուսաբանումը, բայց այն ժամանակ նման հարց չի առաջացել, և հիմա ցույցերի լուսաբանման հետ կապված առաջանում է այդ հարցը: Հարություն Հարությունյանը նաև Տիգրան Հակոբյանի գրառման բովանդակության իրավաչափության հարցն էր բարձրացրել: «Արդյո՞ք իրավունք ունի ՀՌՀ նախագահը, որը ՀՌՀ անդամներից մեկն է, նախապես գրել նման եզրակացություն, կապ չունի, թե ում է վերաբերում: Առանց նիստ գումարելու, առանց որևէ որոշում կայացնելու՝ նա իրավունք ունի՞ կանխակալ կարծիք արտահայտել: Սա ես դիտարկում եմ իր վրա իջեցված պատվեր»,- ասել էր «5-րդ ալիքի» գործադիր տնօրենը:

Տավուշի մարզի սահմանամերձ Բարեկամավան բնակավայրում այս տարի միայն մեկ շրջանավարտ կա։ Այդ մասին Aravot.am-ի հետ զրույցում նշեց Բարեկամավանի Մայիս Ղարաքեշիշյանի անվան դպրոցի տնօրեն Հասմիկ Սմոյանը. «Սահմանապահ գյուղ ենք, թշնամու նշանառության տակ։ Արդեն որերորդ տարին է՝ 1 շրջանավարտ ունենք, բայց դա չի խանգարում սովորականի պես «Վերջին զանգ» նշել։ Այսքան տարվա մեջ ամենաշատը երեք շրջանավարտ ենք ունեցել, այս տարի էլ 3 առաջին դասարանցի ունենք։ Դպրոցում 10 հոգանոց աշխատակազմ ունենք, ամեն առարկայից՝ 1 ուսուցիչ։ Մեծ հույսեր ունենք, որ մոտ ապագայում գյուղի երիտասարդությունն էլ կավելանա, երեխաներն էլ ավարտելուց հետո չեն լքի գյուղը»։ Դպրոցի միակ շրջանավարտ Արևիկ Վիրաբյանը ևս չի պատրաստվում հեռանալ գյուղից։ Պատրաստվում է վարսահարդարություն սովորել և աշխատել գյուղում։ Հավելենք, որ դեռեւս 2016թ. Նոյեմբերյան, Կողբ եւ Այրում համայնքները խոշորացվել էին. Նոյեմբերյան քաղաքին էր միացել նաև Բերդավանը։ Ամբողջական հոդվածը կարող եք կարդալ այս հասցեով՝ https://www.aravot.am/2022/06/06/1272539/?fbclid=IwAR3EEJmujQMOzq8gvdVIZV8VuY0V0K-JMCzSWMQomqsfhah3M78C3iSC6Mo © 1998 - 2022 Առավոտ – Լուրեր Հայաստանից

ապագայում պետք չէ բացառել ՀԱՊԿ խաղաղարար առաքելության ներկայությունը Ուկրաինայի «ազատագրված տարածքներում», ինչպես նաև Դոնեցկի և Լուգանսկի Ժողովրդական Հանրապետություններում։

Հունիսի 3-ին ոստիկանության Դիլիջանի բաժնում հաղորդում տված 16-ամյա պատանին հայտնել էր, որ անհայտ անձը Գետափնյա փողոցում քաշել-պոկելով հափշտակել էր պարանոցի վզնոցի մի մասը և դիմել փախուստի: Դիլիջանի քրեական հետախույզները պարզել են, որ կողոպուտը կատարել է դիլիջանցի 16-ամյա մեկ այլ պատանի: Նա բացատրական աշխատանքի շնորհիվ ներկայացել է բաժին և խոստովանել, որ հափշտակությունն արել է ինքը: Գողոնն առգրավվել է: Կատարվում է նախաքննություն: