Լրահոս

Հայաստանի տարածքային կառավարման և ենթակառուցվածքների փոխնախարարը տեղեկություն չունի, որ Հայաստանի հետ սահմանին Ադրբեջանը կառուցում է Հորադիզ-Աղբենդ 110 կմ երկարությամբ երկաթգիծը:

Տարիներ առաջ՝ տրանսպորտի գնի թանկացման դեմ պայքարող Ալեն Սիմոնյանը դեմ չէ, որ իր երկու մեքենաների կողքին կանգնի նաև երրորդը՝ պետության հաշվին գնված 200 հազար դոլար արժողությամբ BMW-ն:

ԱԱԾ-ն հարցաքննության է կանչել «Հայաստան» դաշինքի անդամ Նարեկ Մանթաշյանի մորը, կնոջն ու քրոջը: Մանթաշյանի խոսքով՝ հերթական քաղաքական պատվերն է՝ իր նկատմամբ ճնշում գործադրելու, իրեն կալանավորելու համար: Նարեկ Մանթաշյանը մեղադրվում է 2020 թվականի նոյեմբերի 9-ին կառավարության շենքում պետական գույքը վնասելու, նաև դատախազության դիմաց բողոքի ակցիայի ժամանակ իշխանության հասցեին վիրավորանք հնչեցնելու համար:

Այսօր՝ ԵԱՀԿ նախարարական 28-րդ համաժողովի վերջին օրը Ստոքհոլմում հնարավոր է հանդիպեն Հայաստանի ու Ադրբեջանի արտգործնախարարները: Թեև քաղաքագետները որևէ ակնկալիք չունեն արտգործնախարարների հանդիպումից, նաև դեկտեմբերի 15-ին Փաշինյան-Ալիև-Միշել զրույցից, հույսները չեն կորցնում, որ կարվի ամեն ինչ՝ գոնե Մինսկի խմբի ձևաչափը պահպանելու համար:

Ռուսաստանի արտգործնախարար Սերգեյ Լավրովը Հյուսիսատլանտյան դաշինքին է մեղադրել Ուկրաինայի ագրեսիվ պահվածքը ողջունելու համար, որի պատճառով էլ Կիևը փորձում է ռազմական ճանապարհով լուծել քաղաքական հարցերը: Լավրովը Սթոքհոլմում ԵԱՀԿ երկրների արտգործնախարարների հավաքի ժամանակ հայտարարել է, որ Միացյալ Նահանգները պատրաստվում է ամերիկյան հրթիռներ ուղարկել Եվրոպա՝ փորձելով ռազմականացնել Ռուսաստանի սահմանները:

Ոստիկանության սպա Սայաթ Շիրինյանի նկատմամբ ընտրված խափանման միջոց ստորագրությունը դատարանն այսօր վերացրել է: Գործը մտել է դատաքննության փուլ:

Ադրբեջանական մամուլը մանրամասներ է հրապարակել Հորադիզ-Աղբենդ երկաթգծի շինարարության մասին: Ըստ հաղորդագրությունների՝ Բաքուն մտադիր է հաջորդ տարի ավարտել 110 կմ երկաթգծի կառուցումը:

Փետրվարից հոսանքը կթանկանա: Մասնագետները նկատում են, որ Հայաստանում հոսանք քիչ է արտադրվում: Հնարավոր է ներկրման հարց առաջանա:

Ըստ վիճակագրական ծառայության՝ 600-700-ով ավելի շատ մարդ է մահացել թագավարակից: ՊՎԾ-ն կորոնավիրուսից մահացածների թվի ճշգրտման համար ստուգումներ է սկսել:

ՆԱՏՕ-Ռուսաստան հարաբերությունները հասել են մի կետի, երբ միմյանց հասցեին փոխադարձ սպառնալքներ են հնչում: Հայ փորձագետները նկատում են, որ Ուկրաինան ՆԱՏՕ-ի համար միայն ռազմավարական գործընկեր չէ: Ըստ քաղաքագետ Ալեն Ղեւոնդյանի՝ Զելենսկին երկրի ինքնիշխանությունը հանձնել է Արևմտյան ուժերին:

Ադրբեջանի նախագահի օգնական Հիքմեթ Հաջիևը հայտարարել է, թե պաշտոնական Բաքուն պատարստ է խաղաղության համաձայնագրի շուրջ բանակցություններ սկսել Երևանի հետ: Միևնույն ժամանակ պաշտոնական Երևանից տեղեկացնում են, որ Մոսկվայում՝ փոխվարչապետների եռակողմ աշխատանքային խմբին չի հաջողվել համաձայնության հասնել:

Սուրբ Գրիգոր Լուսավորիչ Մայր եկեղեցում տեղի է ունեցել «Ցորի» զորամասի 9 զինծառայողի հոգեհանգստի արարողությունը: Ավելի քան մեկ տարվա անհայտությունից հետո 11 հրետանավորների աճյունները Ադրբեջանը հայկական կողմին էր հանձնել այս տարվա նոյեմբերի 2-ին:

«Ձայն հայրենյաց» նախաձեռնության անդամներն ու բազմաթիվ հասարակական, քաղաքական, մշակութային գործիչներ պահանջում են ազատ արձակել «Սիսական» ջոկատի հրամանատար, գնդապետ Աշոտ Մինասյանին՝ «Աշոտ երկաթ»-ին։

Նոր տարին՝ նոր տարիֆով: Յուքոմն իր հաճախորդների ու բաժանորդների համար նոր առաջարկներ ունի: «Յունիթի» տարիֆը կոնվերգենտ ծառայություն է՝ ամեն ինչ մեկ տեղում։

Ըստ տնտեսագետների, Թուրքիայից ապրանքները մտնում են Վրաստան, այնտեղից անարգել Հայաստան հասնում: Եթե հագուստը արգելված է, ապա հումք կամ սարքավորում Թուրքիայից բերել թույլատրվում է:

Խաչատուր Սուքիասյանի եղբոր նկատմամբ երկրորդ անգամ գրավ է կիրառվել: Դատարանը բավարարել է Ռոբերտ Սուքիասյանի խափանման միջոց կալանքը 55 մլն. դրամ գրավով փոխարինելու պաշտպանների միջնորդությունը:

Սյունիքի ճանապարհներին ադրբեջանական մաքսակետերից բացի նաև հայկականները կլինեն: Հայ մաքսավորներն արդեն կանգնած են, այսպիսի հայտարարություն է արել ՊԵԿ նախագահ Ռուստամ Բադասյանը: Նրա խոսքով մաքսավորները դեռ ուրիշ շինություններում են մնում, մինչև պայմաններ կստեղծվեն, բայց մինչև հիմա ոչ մի ադրբեջանական մեքենա հայկական մաքսավորների առաջով չի անցել:

Փոթորկից ուշքի չեկող Թուրքիային հիմա էլ ջրհեղեղի վտանգն է սպառնում: Օդերևութաբանները սաստիկ տեղումներ են կանխատեսել: Իսկ փոթորկի զոհերի թիվը հասել է 7-ի, վիրավորները 6 տասնյակից ավելի են: Ափամերձ շրջաններում տասնյակ նավեր են խորտակվել: