Լրահոս

Արցախում տեղակայված ռուս խաղաղապահները նոր հրամանատար կունենան. այդ պաշտոնում նշանակվել է գեներալ-լեյտենանտ Գենադի Անաշկինը: «Սպուտնիկ Արմենիայի» տեղեկություններով՝ Անաշկինին այսօր ներկայացրել են Հայաստանի պաշտպանության նախարարության ղեկավարությանը:

Հայաստանի Հանրապետությունում սեպտեմբերի 27-ին՝ ժամը 11:00-ին, կհայտարարվի մեկ րոպե լռություն՝ ի հիշատակ 2020 թվականին Ադրբեջանի կողմից Արցախի դեմ սանձազերծված 44-օրյա պատերազմում զոհված հայորդիների:

Վարչապետ Նիկոլ Փաշինյանը, որ դեռ հունիսին հայտարարում էր թե «գերիները մեզ կներեն մի ամիս, երկու ամիս ավել գերության մեջ մնալու համար», ՄԱԿ-ի Գլխավոր ասամբլեայի 76-րդ նստաշրջանի իր ելույթում մանրամասն նկարագրել է, թե ինչպես են Բաքվում խոշտանգում հայ գերիներին: Նրա խոսքով՝ Երևանը ունի խոշտանգումների անհերքելի ապացույցներ:

«Արևիկ» ազգային պարկի տարածքում հրդեհաշիջման աշխատանքները սեպտեմբերի 25-ին վերսկսվել են: ՀՀ ԱԻՆ-ը տեղեկացնում է, որ աշխատանքներին մասնակցում են 70 փրկարար ծառայող և «Զանգեզուր» կենսոլորտային համալիր ՊՈԱԿ-ի 20 աշխատակից։ Դեպքի վայրում է գտնվում ՓԾ տնօրենի տեղակալ, փ/ծ գնդապետ Տիգրան Պետրոսյանը։

Մենք  փորձում են հնարավորինս օգտվել սահմանադրական դատարան դիմելու գործիքակազմից: Այս մասին խորհրդարանում իրավաբանների հետ քննարկման ժամանակ ասաց «Հայաստան» խմբակցության պատգամավոր Արամ Վարդևանյանը: 

Ռուս խաղաղապահները տեղակայման օրվանից Բերձորում ապահովել են 65 հազար մեքենաների անվտանգ երթևեկությունը դեպի Լեռնային Ղարաբաղ և հակառակ ուղղությամբ։ Տեղեկությունը հայտնում է ՌԴ ՊՆ մամուլի ծառայությունը։

Սեպտեմբերի 24-ին ՄԱԿ Գլխավոր ասամբլեայի 76–րդ նստաշրջանի շրջանակներում ՀՀ ԱԳ նախարար Արարատ Միրզոյանը հանդիպում է ունեցել ԵՄ Արտաքին գործերի և անվտանգության քաղաքականության բարձր ներկայացուցիչ և Եվրոպական հանձնաժողովի փոխնախագահ Ժոզեպ Բոռելի հետ։

Աշխատանքից ազատվելիս աշխատողների հետ վերջնահաշվարկ չկատարելը կամ ոչ ամբողջովին կատարելն ամենատարածված խախտումներից է: Այս մասին ասվում է  ՀՀ մարդու իրավունքների պաշտպանի տարածած հայտարարությունում:

COVID-19 կորոնավիրուսով վարակման գրանցված դեպքերի թիվն աշխարհում սեպտեմբերի 24-ի առավոտվա դրությամբ կազմել է 230 միլիոն 567 հազար 44:

«Սեպտեմբերի 21-ին Հանրապետության հրապարակում կայացած միջոցառումը, որը նվիրված էր Հայաստանի Հանրապետության Անկախության 30-ամյակին, տարաբնույթ քննարկումների տեղիք տվեց: Զուգահեռ ակտիվորեն շրջանառվում են նաև ծախսված գումարների հետ կապված տարբեր թվեր:

«Փաստ» թերթը գրավոր հարցմամբ դիմել էր ՀՀ կառավարություն՝ խնդրելով պատասխանել, թե պետբյուջեից որքան գումար է տրամադրվել նշյալ միջոցառման համար: Վարչապետի աշխատակազմի տեղեկատվության և հասարակայնության հետ կապերի վարչությունից ստացել ենք պատասխան (ի դեպ, հանուն արդարության, գերօպերատիվ՝ ընդամենը 50 րոպե անց, ի տարբերություն պետական մի շարք կառույցների, որոնց համար հաճախ ընդամենը 1-2 նախադասությամբ պատասխան ուղարկելու համար նույնիսկ 5 աշխատանքային օրը բավարար չի լինում):

«Անկախության 30-ամյակին նվիրված միջոցառումը, որը տեղի է ունեցել սեպտեմբերի 21-ին ժամը 20:00-ին Երևանի Հանրապետության հրապարակում, կազմակերպել է «Դոմինո փրոդաքշն» ՍՊԸ-ն։ ՀՀ կառավարությունը վերը նշված ընկերությունից ստացել է միջոցառումն իրականացնելու ծրագիր, որն արժանացել է Հայաստանի Հանրապետության Անկախության տոնին նվիրված միջոցառումների նախապատրաստման և կազմակերպման պետական հանձնաժողովի հավանությանը։ Միաժամանակ, հայտնում ենք, որ պետական բյուջեից միջոցառումն իրականացնելու նպատակով միջոցներ չեն հատկացվել։

Նյութն ամբողջությամբ կարդացեք թերթի այսօրվա համարում։

ԵԱՀԿ ՄԽ համանախագահները հայտարարություն են տարածել․ «ԵԱՀԿ Մինսկի խմբի համանախագահները՝ Իգոր Խովաևը՝ ՌԴ, Ստեֆան Վիսկոնտին՝ Ֆրանսիա և Էնդրյու Շոֆերը՝ ԱՄՆ, Նյու Յորքում՝ ՄԱԿ-ի 76-րդ Գլխավոր վեհաժողովի շրջանակներում առանձին հանդիպումներ են ունեցել ՀՀ և Ադրբեջանի արտգործնախարարներ Արարատ Միրզոյանի և Ջեյհուն Բայրամովի հետ։

Օրվա մամուլի հրապարակումները ժ.11-ին, 5-րդ ալիքի ուղիղ եթերում «Օրագիր» հաղորդման հեղինակ Մարիաննա Ղահրամանյանը կքննարկի ԱԺ «Հայաստան» դաշինքի պատգամավոր Ագնեսա Խամոյանի հետ:

Փաստաբան Հայկ Ալումյանը, անդրադառնալով Եվրոպական դատարանի սեպտեմբերի 21-ին հրապարակված վճռին, նշում է, որ դրանում ոչ մի արտառոց բան չկա, բացի այն, որ այս վճռի մեծ մասը կայացված է հօգուտ Ռոբերտ Քոչարյանի.

Հայաստանի անվտանգության խորհրդի քարտուղարն էլ չի հերքում՝ պետք է կարգավորել հարաբերությունները Թուրքիայի հետ ու սկիզբը դնել՝ տարածաշրջանում խաղաղության նոր դարաշրջանի:

Մեկ օրում մեր երկրում ևս 18 կորոնավարակակիր է մահացել, 16-ի մահը վրա է հասել հենց թագավարակի պատճառով: