Լրահոս

Ադրբեջանի նախագահի հայտարարությունը՝ ադրբեջանական բանտերում գտնվողներից 20 000-ին համաներում շնորհելու մասին հույսեր է տվել հայ գերիների հարազատներից ոմանց: Կեղծ հոդվածներով 20 տարվա ազատազրկման դեատապարտված Վիգեն Էուլջեքչյանի կինը՝ Լինդան այդ ֆոնին հրապարակել է իր նամակը՝ ուղղված Մեհրիբան Ալիևային, հույս հայտնել, որ իր ամուսինը այդ 20 000-ից մեկը կլինի: Բայց այդպիսի հույսեր չեն տալիս հայ վերլուծաբանները: Ադրբեջանագետ Արման Բադալյանի կարծիքով՝ այդ համաներումը ամենայն հավանականությամբ վերաբերում է թեթև հանցագործությունների համար դատապարտվածներին, բայց հայերին ծանր հանցագործությունների կեղծ մեղադրանքներով են ազատազրկել Ադրբեջանի դատարանը:

«Մեր ձևով» ժողովրդական շարժման անդամները Սյունիք կատարած իրենց այցի շրջանակում բազմաթիվ հանդիպումներ են ունեցել մարզի տարբեր համայնքների բնակիչների հետ, խոսել նրանց հուզող խնդիրների մասին, բարձրացրել պետության առջև կանգնած մարտահրավերները հաղթահարելուն ուղղված իրենց տեսլականը։

Փաշինյանին ներկայացված բանակի նոր համազգեստի նմուշները «Հայլուր»-ի հարցախույզին մասնակցածների մեծ մասի սրտով չեն: Նրանց հիմնավորումն այն է, որ նուրբ, պաստելային գույները հայկական բանակի ոգուն համապատասխան չեն: Մի նախկին զինվորական անգամ դավաճան գույներ է դրանք անվանել՝ նկատի ունենալով, որ թշնամու աչքից զինծառայողին դրանք չեն թաքցնում: Զինվորական նոր համազգեստի կողմնակիցները հիմնականում նրանք են, որոնք կողմ են գործող իշխանության բոլոր հեղափոխական քայլերին:

«Սիրելի՛ քույրեր և եղբայրներ, տեղեկացնում ենք ամենքիդ՝ դեկտեմբերի 18-ին, ժամը 19:00-ին, Արագածոտնի թեմի Բյուրականի Սուրբ Հովհաննես եկեղեցում նախատեսված միասնական ժամերգությունը կտեղափոխվի և տեղի կունենա Մայր Աթոռ Սուրբ Էջմիածնում, ժամը 17:00-ին:

Նախընտրական խզումներ են սկսվել «Քաղաքացիական պայմանագրում»: Չնայած դեռ պաշտոնապես չեն հաստատվել Շիրակի մարզպետ Դավիթ Առուշանյանի պաշտոնանկության մասին լուրերը, մամուլում տեղեկություններ կան, որ իշխող թիմը նրան չի ներել, որ 7 վերք եկեղեցում Նիկոլ Փաշինյանի մասնակցությամբ պատարագը ոչ թե Շիրակի, այլ Արմավիրի թեմի հոգևորականն է մատուցել: ՔՊ-ական Հայկ Սագսյանն էլ չի ներում իր թիմակիցներին՝ իրենց նախընտրական ցուցակից դուրս թողնելու համար, պատրաստվում է բողոքարկել հանուն իր գաղափարակից Նիկոլ Փաշինյանի:

ՀՀ ԱԺ պատգամավորները կպարգևատրվեն։ «Փաստինֆո»-ի փոխանցմամբ՝ նման որոշում է ստորագրել ԱԺ նախագահ Ալեն Սիմոնյանը։

Հայլուր 20։30 Ռուսաստան-ՆԱՏՕ ուղիղ բախման վտանգը մեծանո՞ւմ է. նոր սպառնալիքներ՝ Պուտինին

Հակաահաբեկչական գործողություններ նախընտրական Թուրքիայում: Շատ վերլուծաբաններ այդ երկրում սկսված զանգվածային ձերբակալությունների ալիքը կապում են առաջիկա ընտրությունների հետ՝ հիմնավորելով, որ Էրդողանը ճանապարհից հեռացնում է մրցակիցներին ու ընդդիմախոսներին: Ձերբակալված 160 մարդկանց կեսից ավելին արդեն կալանավորվել է:

Խնդրում եմ իմ դիմումը փոխնախագահ Ալիևային չընկալել որպես քաղաքականություն ու չընդունել զայրույթով, այլ ընկալել սրտացավությամբ ու կարեկցանքով։ Այս մասին գրել է Բաքվի բանտում գտնվող Վիգեն Էուլջեքջյանի կինը՝ Լինդա Էուլջեքջյանը՝ անդրադառնալով իր՝ Մեհրիբան Ալիևային գրված դիմումի շուրջ քննադատություններին։

Դեկտեմբերի 17-ին՝ ժամը 19:35-ի դրությամբ, Գորիսի, Կապանի և Մեղրիի տարածաշրջաններում մառախուղ է, տեսանելիությունը՝ 50-60 մետր։ Այս մասին հայտնում են Ճանապարհային դեպարտամենտ հիմնադրամից։

Բաքվի ու Անկարայի՝ ռազմական փոխօգնության մասին հուշագրի վավերացման ֆոնին՝ տարածաշրջանում հնարավոր թեժացումներ են կանխատեսում շատ վերլուծաբաններ: Անկարան ու Բաքուն վերահաստատում են, որ պատրաստ են ռազմական օգնություն տալ մեկը մյուսին որևէ մեկի դեմ հարձակման դեպքում: Հարավային Կովկասում արդեն հաստատված խաղաղության մասին հայտարարությունների ֆոնին՝ բրիտանական «Էկոնոմիստ» պարբերականի հրապարակած հոդվածում 2026 թվականին որպես հավանական սրվող հակամարտություն է ներկայացվել նաև հայ-ադրբեջանականը:

ՀՀ վարչապետ Նիկոլ Փաշինյանի որոշմամբ, Աստղիկ Գրիգորյանը նշանակվել է առողջապահության նախարարի տեղակալ:

2027 թվականի հունվարի 1-ից Հայաստանում կկրճատվի մեկանգամյա օգտագործման պլաստիկ արտադրանքի գործածությունը։ Այս մասին տեղեկացնում են ՀՀ շրջակա միջավայրի նախարարությունից:

Սինդեյի Բոնդի լողափում 15 հրեաների սպանությունից 3 օր անց Իսրայելի վարչապետը հակահրեական տրամադրությունների դեմ պայքարելու կոչ է հնչեցրել՝ հորդորելով արևմտյան երկրներին պաշտպանել հրեական համայնքները: Այդ պահանջով բողոքի ալիք են բարձրացրել տարբեր երկրներում ապրող հրեաները: Աշխարհում սրված հակահրեական տրամադրություններն ապացուցում են նաև հարցումները: Ըստ ADL միջազգային կազմակերպության՝ աշխարհի չափահաս բնակչության գրեթե կեսը՝ 46 տոկոսը խորապես արմատացած հակահրեական վերաբերմունք ունի:

Դեկտեմբերի 19-ից կկատարվի երթևեկության կազմակերպման փոփոխություն Ազատության պողոտա-Բաբայան փողոց խաչմերուկում: Այս մասին հայտնում են Երևանի քաղաքապետարանից;

Հայլուր 18։30 Մեծ պայթյուն կլինի՞ եռացող Հարավային Կովկասում. սկանդալային կանխատեսումներ են արվում

ԱՄՆ դոլարի փոխարժեքն այսօր՝ դեկտեմբերի 17-ին, կազմել է 381.57 դրամ՝ նախորդ օրվա համեմատ նվազել է 0.19 դրամով: Այդ մասին տեղեկանում ենք Կենտրոնական բանկի պաշտոնական կայքից։

Ինչպես հայտնել ենք, Գյումրու քաղաքապետ Վարդան Ղուկասյանի գործով դատական նիստին ներկա ՀՀ ԱԺ «Հայաստան» խմբակցության պատգամավորներ Մհեր Մելքոնյանը, Գառնիկ Դանիելյանն ու Գեղամ Մանուկյանը երաշխավորություն են ներկայացրել դատարանին՝ Վարդան Ղուկասյանի խափանման միջոց կալանքն այլընտրանքային խափանման միջոցով փոխելու համար։

Ուկրաինայի համար միջազգային պահանջների հանձնաժողով ստեղծելու մասին նոր համաձայնագիր ստորագրելու համար Հաագայում են հավաքվել Եվրամիության և Եվրոպայի խորհրդի երկրների պատվիրակները: Հրադադարի մշտադիտարկման մեխանիզմ են նաև պատրաստվում ստեղծել ԱՄՆ-ն ու դաշնակիցները: Բայց պատերազմը դադարեցնելու բանակցությունների ֆոնին Գերմանիան և Մեծ Բրիտանիան Կիևին աջակցություն են խոստացել, առաջին հերթին՝ հակաօդային պաշտպանության ուժեղացման համար։

Քրեական ոստիկանները Ստեփանավանի բնակչի տան բակում թմրամիջոց են հայտնաբերել Քրեական ոստիկանության Լոռու մարզային վարչության ծառայողները օպերատիվ տեղեկություններ էին ստացել, որ