Լրահոս

Կալանավորված Վարդան Ղուկասյանի առաջնորդած Կոմունիստական կուսակցության ցուցակից մանդատ է ստացել փոխքաղաքապետի գործավար Սիրանուշ Մելիքյանը: Ղուկասյանին եւ ավագանու մի քանի անդամների կալանավորումից հետո իշխանությունները հետեւողականորեն աշխատում էին ցուցակի հաջորդ թեկնածուների վրա, որ կալանավորված անդամների վայր դրած մանդատները ոչ ոք չվերցնի, ճգնաժամ առաջանա, եւ իշխանությունը զավթելու հնարավորություն ստանան։

Այս պաշտոնները ոչ միայն վարչական ծանրություն են, այլեւ ուղղակիորեն առնչվում են երեխաների, պատանիների բարոյահոգեբանական միջավայրի ու իրավական գիտակցության ձեւավորմանը։ Եվ հենց այստեղ է, որ հանրային վստահության լուրջ ճեղք է առաջացել։

Հիշեցնենք, որ դեռև 2024 թվականի ԱԺ պատգամավորների 1/5-ը դիմել էր Սահմանադրական դատարան՝ այդ կետը հակասահմանադրական ճանաչելու համար: Սդ-ն հայցը վարույթ էր ընդունել, սակայն հետո կասեցրել էր վարույթն ու խորհրդատվական կարծիքի համար դիմել Վենետիկի հանձնաժողով: Մեկ տարի անց ստացվել է Հանձնաժողովի կարծիքը, այն է՝ հավաքին մասնակցելու (հավաքին մասնակցելուց հրաժարվելու) նպատակով նյութապես շահագրգռելու համար քրեական պատասխանատվություն նախատեսող նորմը հակասում է իրավական որոշակիության սկզբունքին, ինչպես նաև ազատ հավաքներ անցկացնելու ԵՄ ուղեցույցին:

«Փաշինյանի վերջին շրջանի հիմնական ներքաղաքական «զբաղմունքը», կարծես, դարձել է Եկեղեցու դեմ պայքարը։ Ամենայն հայոց եկեղեցու նկատմամբ նրա համառ ճնշման վրա ծախսվում են ժամանակն ու ռեսուրսները, այնպես որ՝ օգտակար գործերի համար ոչինչ չի մնում։ Աղբանոցներն այրվում են, օդը խեղդում է, ճանապարհները քանդվում են, պաշտոնյաները գողանում են, Ադրբեջանը նոր պահանջներ է ներկայացնում, բայց վարչապետը զբաղված է միմիայն Կաթողիկոսին նեղացնելու փորձերով։

Team Holding-ը սկսել է պարտատոմսերի վաճառք: Ընկերությունն առաջին փուլում առաջարկում է դոլարային և դրամային պարտատոմսեր։ Ներգրավված միջոցները Team Holding-ը նախատեսում է ուղղել ենթակառուցվածքային և նորարարական ծրագրերի զարգացմանը։

Դուբայում կայացել է բռնցքամարտի աշխարհի առաջնության վիճակահանությունը: Մարզաձևի տարվա գլխավոր ստուգատեսին 13 քաշային կարգում մասնակցում է 108 երկրի 428 բռնցքամարտիկ:

Թուրքիայի և Ֆրանսիայի նախագահները հեռախոսազրույց են ունեցել: Անկարայից հայտնում են, որ զրույցը տեղի է ունեցել Փարիզի նախաձեռնությամբ:

«Ցանկանում եմ ևս մեկ անգամ հայտնել իմ հիացմունքն այն ձեռքբերումների և հաջողությունների առիթով, որոնք վերջին տարիներին արձանագրել է ԱՄԷ-ն։ Հայաստանի Հանրապետությունն առանձնահատուկ կարևորություն է տալիս մեր երկրների հարաբերություններին։ Կարելի է արձանագրել, որ հատկապես վերջին տարիներին մենք իրականացնում ենք ինտենսիվ համատեղ ծրագրեր և արձանագրում ենք կոնկրետ արդյունքներ։ Առիթն օգտագործելով՝ ցանկանում եմ շնորհակալություն հայտնել նաև Ձեր կատարած աշխատանքի համար։ Համոզված եմ, որ առաջիկայում ևս մենք շատ համատեղ անելիքներ կունենանք»։

Ֆուտբոլային հետազոտությունների միջազգային կենտրոնը (CIES Football Observatory) հրապարակել է իր հերթական՝ 524-րդ շաբաթական զեկույցը՝ ներկայացնելով աշխարհի մինչև 23 տարեկան այն ֆուտբոլիստներին, ովքեր աչքի են ընկնում «ուղղահայաց խաղի» բարձր արդյունավետությամբ։ Այս մասին տեղեկանում ենք armsport.am կայքից։

Աղքատության հաղթահարման սեփական պատկերացումներն ունեցող, թոշակառուներին 63 տարեկանից հետո նոր կյանք խոստացող Փաշինյանին Երևանի փողոցներում մեղադրում են «ժուլիկության» համար: «Հայլուր»-ի հարցախույզին մասնակցած մարդիկ երկրի ղեկավարին հորդորում են աղքատությունն իրենց գլուխներում փնտրելու փոխարեն, գտնել դրա հաղթահարման առավել իրատեսական ճանապարհները, իսկ թոշակառուների կարիքների մասին հանդես չգալ մեծ փողերի հետ շփվող մարդու դիրքերից:

Հռոմի պապ Լևոն 14-րդը Լիբանան կատարած այցի ընթացքում հանդիպել է նաև Մեծի Տանն Կիլիկիո կաթողիկոս Արամ Առաջինի հետ Լիբանանի նախագահական նստավայրում։

«Դիլիջան ազգային պարկ» ՊՈԱԿ-ի տարածքում օրեր շարունակ մոլեգնած հրդեհների դեպքի առթիվ  նախաձեռնվել է քրեական վարույթ։ ՀՀ ՔԿ-ից «Փաստինֆո»-ի գրավոր հարցմանն ի պատասխան հայտնել են, որ բնության հատուկ պահպանվող տարածք հանդիսացող «Դիլիջան ազգային պարկ» ՊՈԱԿ-ի տարբեր հատվածներում 2025թ․ նոյեմբերի 21-ից բռնկված հրդեհների դեպքի առթիվ ՀՀ քննչական կոմիտեի Տավուշի մարզային քննչական վարչության Դիլիջանի քննչական բաժնում 2025թ․ դեկտեմբերի 1-ին նախաձեռնվել է քրեական վարույթ՝ ՀՀ քրեական օրենսգրքի 387-րդ հոդվածի 2-րդ մասի 4-րդ, 5-րդ և 6-րդ կետերի հատկանիշներով (Պետական, համայնքային սեփականություն հանդիսացող կամ այլ անձանց պատկանող ծառը, թուփը կամ բուսածածկն ապօրինի հատելը կամ ոչնչացնելը, որն իրականացվել է՝ բնության հատուկ պահպանվող տարածքում, հրկիզման կամ հանրավտանգ այլ եղանակով, ինչը պատճառել  է խոշոր չափերի գույքային վնաս)։

ՀՀ կենտրոնական բանկի կողմից իրականացված մոնիտորինգի արդյունքում պարզվել է, որ վերջերս կատարված զեղծարարությունների սխեմաներում հաճախորդներից գումար կորզելու նպատակով զեղծարարները ներկայացել  են Կենտրոնական բանկի անունից և կեղծ նամակների ու զանգերի միջոցով հորդորել իրենց ֆինանսական միջոցները փոխանցել այլ հաշիվների։

Գյումրիում, ըստ էության, տապալվել է կառավարման ճգնաժամ ստեղծելու՝ ՔՊ-ականների ծրագիրը: Այսօր մեկուկես ամսվա դադարից հետո կարողացել է նիստ անել հանրապետության երկրորդ քաղաքի ավագանին, քանի որ քվորումն ապահովվել է: Վարդան Ղուկասյանի ու Մարտուն Գիգորյանի թիմերը փոփոխված կազմով են ներկայացել: Մեծ դժվարություններից հետո անցկացված նիստի ամենաթեժ թեման ամանորյա զարդարանքի ֆինանսավորելու հարցերն են եղել:

«Մեր ձևով» ժողովրդական շարժման անդամ Ալեքսան Ալեքսանյանը արձագանքել է Լոռու մարզպետ Արեն Մկրտչյանին։

Արցախյան կարգավորման բանակցային փաստաթղթերի գաղտնազերծումը, որ իշխանության համոզմամբ, «կարմիր քարտ» է ընդդիմությանը, Փաշինյանի ընդդիմախոսների կարծիքով՝ հենց նրա դեմ է աշխատում: Ըստ ընդդիմության՝ այդ փաստաթղթերը ապացուցում են, որ Փաշինյանի ստացած բանակցային ժառանգության հիման վրա հնարավոր էր հասնել Արցախի ինքնավարությանը ու ոչ Ադրբեջանի կազմում: Բանակցային գաղտնազերծումների օղակից Փաշինյանի թիմը դուրս է թողել քիվեսթյան փաստաթուղթը, որի շուրջ ամենաշատն են միֆեր հյուսել իշխանականները՝ փորձելով համոզել, թե դա Մեղրին հանձնելու մասին է: Խորհրդարանական ամենամեծ ընդդիմադիր ուժը վստահեցնում է՝ եթե Փաշինյանին իսկապես ձեռնտու լիներ հրապարակել այդ փաստաթուղթը, նա ամեն գնով կգտներ այն ու կհրապարակեր, ոչ թե կհայտարարեր, թե կառավարության արխիվներում չկա Քի Վեսթի փաստաթուղթը:

Հրապարակված Մեղրին Ղարաբաղի հետ փոխանակելու հետ կապված պարբերությունը, որը  մեջբերված է Նիկոլ Փաշինյանին պատկանող «Հայկական ժամանակ»ում հրապարակված հոդվածից՝  հրապարակված 2008 թվականի նախագահական ընտրություններից 10 օր առաջ, այսինքն՝ ամբողջությամբ  ՀԱԿ քարոզչական նպատակներով, այնքան անլուրջ է։ Լավ, ո՞նց կարա մարդ, լինելով երկրի ղեկավար, այս կարգի հիմարի ու էշի տեղ դնի մեր ժողովրդին։ Այսինքն՝ դու հրապարակում ես քո սեփական թերթից հոդված, անհասկանալի, ու սա որպես բանակցային փաստաթուղթ ես ներկայացնում»,- այս մասին լրագրողների  հետ զրույցում ասաց ԱԺ «Հայաստան» խմբակցության պատգամավոր Լևոն Քոչարյանը։

Որքա՞ն գումար է ծախսվել պետական բյուջեից նոյեմբերի 14-15-ին Երևանում «Աղոթքի նախաճաշ» կազմակերպելու համար։ Պարզվում է՝ այս հարցի պատասխանը պետական գաղտնիք է։

Լրագրող Թուղչե Յըլմազի նկատմամբ «Թուրքիայի հայ երիտասարդները պատմում են․ 109 տարի շարունակվող սուգ» վերնագրով հրապարակման համար Թուրքիայի քրեական օրենսգրքի 301-րդ հոդվածի հատկանիշներով գործ է հարցուցվել: Դատական նիստը տեղի է ունեցել դեկտեմբերի 2-ին, որը սակայն հետաձգվել է մինչև 2026-ի ապրիլի 21-ը։ Այս մասին գրում է ermenihaber.am-ը։

Հայլուր 20։30 Նոր հարված՝ թոշակառուներին. կասկածելի գաղափար է առաջ քաշում Փաշինյանը