Լրահոս

Քամին՝ հարավարևմտյան՝ 2-5 մ/վ, ամպրոպի ժամանակ սպասվում է քամու ուժգնացում՝ 18-22 մ/վ արագությամբ։ Օդի ջերմաստիճանը հունիսի 14-ի ցերեկը կբարձրանա ևս 1-2, 15-16-ին աստիճանաբար կնվազի 4-7 աստիճանով։

Այսօր՝ հունիսի 14-ին, դաժան ու ողբերգական դեպք է տեղի ունեցել Լոռու մարզում: Ժամը 18:50-ի սահմաններում օպերատիվ տեղեկություններ են ստացվել, որ Վանաձոր քաղաքի Ուսանողական 4/31 շենքից որդին մորը ցած է նետել, ապա ինքն է ցած նետվել, հայտնում է Shamshyan.com-ը: 

Հայլուր 20։30 Նոր հուժկու հարձակումներ, ուժգին հակահարվածներ՝ Իրան-Իսրայել հրթիռային պատերազմում

Մահացու ռմբակոծությունները չեն դադարում. Իրանն ու Իսրայելը ավիահարվածներ են հասցնում իրար

Աղբյուրը հայտնում է, որ ջրհեղեղն առաջացել է արևադարձային փոթորիկի հետևանքով՝ քաոս առաջացնելով երկրի կենտրոնական հատվածում և խլելով մարդկային կյանքեր, տեղացիներին ստիպելով լքել իրենց տները և զգալի վնաս պատճառելով տներին և ենթակառուցվածքներին:  

Հունիսի 7-ին արտակարգ դեպք է տեղի ունեցել Արարատի մարզում։ Ժամը 13։30-ի սահմաններում տեղեկություն է ստացվել, որ Մասիս քաղաքում հայտնի Ենգիբարյանի լողավազանում վայր ընկնելու հետևանքով շտապօգնության խումբը «գանգուղեղի փակ վնասվածք, ջրահեղձ» ախտորոշմամբ «Մասիս» բժշկական կենտրոն է տեղափոխել մի երեխայի։ Ինչպես հայտնում է ֆոտոլրագրող Գագիկ Շամշյանը, ոստիկանության Մասիսի բաժնի ծառայողները պարզել են, որ բուժօգնության տեղափոխվածը Արարատի մարզի բնակիչ 10-ամյա տղա է, ով նույն օրը՝ ժամը 11։00-ի սահմաններում ընկերների հետ լողալու նպատակով գնացել է նշված լողավազան, որտեղ լողալիս ջրահեղձ լինելու հետևանքով շտապօգնության խումբը վերջինիս տեղափոխել է «Մասիս» բժշկական կենտրոն, այնուհետև՝ «Սուրբ Աստվածամայր» բժշկական կենտրոն։ Դեպքի փաստով ոստիկանության Մասիսի բաժնում փաստաթղթեր են կազմվել, որոնք փոխանցվել են ՀՀ քննչական կոմիտեի Արարատի մարզային քննչական վարչության Մասիսի քննչական բաժին։

Ամենասարսափելի սցենարը Հայաստանի համար. ի՞նչ կլինի, եթե տապալվի իրանական վարչակազմը

Հունիսի 14-ին իրանական կողմի նախաձեռնությամբ հեռախոսազրույց է տեղի ունեցել Ռուսաստանի Դաշնության արտաքին գործերի նախարար Սերգեյ Լավրովի և Իրանի Իսլամական Հանրապետության արտաքին գործերի նախարար Աբբաս Արաղչիի միջև: Ի շարունակություն հունիսի 13-ին Ռուսաստանի Դաշնության նախագահ Վլադիմիր Պուտինի և Իրանի Իսլամական Հանրապետության Նախագահ Մասուդ Փեզեշքիանի հեռախոսազրույցի՝ ռուսական կողմից կրկին ընդգծվել է, որ Մոսկվան դատապարտում է Իսրայելի կողմից Իրանի դեմ իրականացված ուժային գործողությունը՝ ի խախտումն ՄԱԿ-ի կանոնադրության և միջազգային իրավունքի նորմերի: Վերահաստատվել է Իրանի միջուկային ծրագրի շուրջ իրադրության կարգավորման, ինչպես նաև Իրանի և Իսրայելի միջև հակամարտության դեէսկալացիայի ուղղությամբ գործադրվող ջանքերին հետագայում ևս աջակցելու պատրաստակամությունը: Լավրովը ցավակցություն է հայտնել Իրանի Իսլամական Հանրապետության տարածքին հասցված հարվածների հետևանքով բազմաթիվ մարդկային զոհերի կապակցությամբ, այդ թվում՝ խաղաղ բնակիչների շրջանում:

Լուսանկարները հրապարակել է Հիդրոօդերևութաբանության և մոնիթորինգի կենտրոնի փոխտնօրեն Գագիկ Սուրենյանը։

Իսրայելի վարչապետ Բենիամին Նեթանյահուն ասել է, որ իսրայելական օդուժը շուտով կվերադառնա Թեհրանի երկինք՝ հարվածելու իրանական ռեժիմի «յուրաքանչյուր թիրախին»: «Շուտով դուք կտեսնեք Իսրայելի ռազմաօդային ուժերի ինքնաթիռները Թեհրանի երկնքում. մենք հարվածելու ենք այաթոլլահի ռեժիմի բոլոր օբյեկտներին և թիրախներին», - «ՌԻԱ Նովոստի»-ի փոխանցմամբ՝ ասել է վարչապետը ժողովրդին ուղղված տեսաուղերձում:

Արդարադատության նախարարության կողմից շրջանառության մեջ դրված «Քրեական դատավարության օրենսգրքում փոփոխություններ և լրացումներ կատարելու մասին» օրենքի նախագծով առաջարկվում է քրեական գործերով վերաքննիչ բողոքները, որպես կանոն, քննել գրավոր ընթացակարգով՝ սահմանելով որոշ բացառություններ և առավելագույնը 6+4 ամիս ժամկետ դրանց քննության համար։

Ադրբեջանի արտաքին գործերի նախարար Ջեյհուն Բայրամովը Իրանի ԱԳ նախարար Աբբաս Արաղչիի հետ ունեցած հեռախոսազրույցի ընթացքում վստահեցրել է, որ Բաքուն երբեք թույլ չի տա, որ իր տարածքն օգտագործվի Իրանի վրա հարձակումների համար։ Այս մասին նշված է Ադրբեջանի ԱԳ նախարարության տարածած հաղորդագրության մեջ։  Նշվում է, որ զրույցի ընթացքում կողմերը քննարկել են Իսրայելի կողմից Իրանի տարածքի դեմ ձեռնարկված գործողության հետևանքով ստեղծված իրավիճակը։  Ադրբեջանի ԱԳՆ-ի փոխանցմամբ՝ Ջեյհուն Բայրամովը մտահոգություն է հայտնել տարածաշրջանում իրավիճակի սրման վերաբերյալ, ցավակցություն հայտնել Իրանին՝ Գլխավոր շտաբի պետի, մի շարք պաշտոնյաների և քաղաքացիների մահվան կապակցությամբ։  Ադրբեջանի արտաքին գործերի նախարարության ղեկավարը նաև նշել է, որ միջուկային օբյեկտների շուրջ ստեղծված իրավիճակը մտահոգիչ է և ընդգծել է առկա խնդիրները միջազգային իրավունքի նորմերի և սկզբունքների շրջանակներում՝ երկխոսության և դիվանագիտական ​​մեթոդներով լուծելու կարևորությունը։  «Ադրբեջանը երբեք թույլ չի տա, որ իր տարածքը օգտագործվի երրորդ երկրների, այդ թվում՝ հարևան և բարեկամ Իրանի վրա հարձակումների համար»,-հավելել է Բայրամովը։  Վերջինս նաև ընդգծել է, որ Իրանի օդային տարածքի փակման պատճառով Ադրբեջանը պայմաններ է ստեղծել տարբեր երկրների և Իրանի ներկայացուցիչների՝ ցամաքային սահմանը հատելու համար։  Կողմերը նշել են դիվանագիտական ​​ջանքերի վերսկսման կարևորությունը՝ հաշվի առնելով հակամարտության՝ ավելի լայն տարածաշրջան տարածման վտանգը։

Հայլուր 18։30 Պատերազմն ավելի դաժան է դառնում. անմեղ զոհեր՝ Իրանում և Իսրայելում

Այսօր՝ հունիսի 14-ին, ավտովթար է տեղի ունեցել Կոտայքի մարզում։ Ժամը 15։10-ի սահմաններում Երևան-Սևան-Իջևան ավտոճանապարհի 35 կմ հատվածում բախվել են Կոտայքի մարզի բնակիչներ 35-ամյա Կառլեն Շ․-ի վարած «Mercedes Viano» մակնիշի և 33-ամյա Հարություն Գ․-ի վարած «Opel Astra» մակնիշի ավտոմեքենաները, ինչի հետևանքով վերջինը դուրս է եկել երթևեկելի գոտուց և հայտնվել ծառերի մեջ։ Ինչպես հայտնում է ֆոտոլրագրող Գագիկ Շամշյանը, վթարի հետևանքով 4 հոգի, որոնց մեջ կա նաև անչափահաս, տեղափոխվել են «Չարենցավան» բժշկական կենտրոն։ Հրշեջ-փրկարարները հոսանքազրկել են ավտոմեքենաները և փակել «Opel Astra»-ի գազի բալոնի փականը։ Վթարի փաստով Չարենցավանի քննչական բաժնում նախաձեռնվել է քրեական վարույթ, որտեղ էլ պարզում են վիրավորների ինքնությունը։

Հայաստանում Ուրուգվայի Արևելյան Հանրապետության նորանշանակ արտակարգ և լիազոր դեսպան Սիլվանա Լեսկա Բարոլինը հունիսի 13-ին այցելել է Հայոց ցեղասպանության հուշահամալիր: Այս մասին հայտնում են Հայոց ցեղասպանության թանգարան-ինստիտուտից։

Ինքնաթիռում եղել է 242 մարդ՝ 230 ուղևոր, երկու օդաչու և անձնակազմի 10 անդամ։ Նրանցից միայն մեկը՝ հնդկական ծագումով բրիտանացի քաղաքացին է ողջ է մնացել։ 

Այսօր Դուբայի Մարինա թաղամասի «Marina Pinnacle» երկնաքերում հրդեհ է բռնկվել։ 

Այսօր՝ հունիսի 14-ին, արտակարգ դեպք է տեղի ունեցել Կոտայքի մարզում և շնորհիվ Աբովյանի բժշկական կենտրոնի շտապօգնության բժիշկների ու ՀՀ ներքին գործերի նախարարության փրկարար ծառայության Աբովյանի հրշեջ-փրկարարական ջոկատի փրկարարների ու փրկարար ծառայության հատուկ նշանակության փրկարարական աշխատանքների իրականացման կենտրոնի հատուկ փրկարարների օպերատիվ աշխատանքի՝ քաղաքացու կյանքը հնարավոր է եղել փրկել:   Ինչպես հայտնում է ֆոտոլրագրող Գագիկ Շամշյանը, ժամը 15:30-ի սահմաններում ՀՀ ներքին գործերի նախարարության փրկարար ծառայությա 9-11 ճգնաժամային կառավարման ազգային կենտրոն ահազանգ է ստացվել, որ Աբովյան քաղաքի «Սիրիուս» գործարանի տարածքում գործող արհեստանոցներից մեկի հաստոցի սռնիներում աշխատակցի ոտքն արգելափակվել է և նա չի կարողանում տեղաշարժվել:    Մինչ փրկարարների և շտապօգնության ժամանումը՝ քաղաքացուն օգնություն են ցուցաբերել նշված գորածարանի աշխատակիցները, ապա ժամանած բժիշկները նախ տեղում օգնություն են ցուցաբերել, իսկ փրկարարներ էլ, օգտագործելով հատուկ տեխնիկա, կարողացել են տուժածի ոտքը դուրս բերել վտանգավոր հատվածից ու պատգարակով մոտեցրել են շտապօգնության ավտոմեքենային, ինչից հետո վիրավորը տեղափոխվել է հիվանդանոց:  Դեպքի փաստով ոստիկանության Կոտայքի բաժնում փաստաթղթեր են ձևակերպվում, որտեղ էլ պարզվում է վիրավորի ինքնությունը: 

«Հունիսի լույս 13-ի գիշերը Իսրայելի ռազմաօդային ուժերը զանգվածային հարվածներ են հասցրել Իրանի Իսլամական Հանրապետությանը՝ թիրախավորելով միջուկային էներգիայի ենթակառուցվածքների օբյեկտները, զինվորական հրամանատարությանը, գիտնականների, քաղաքացիական շինություններ և ենթակառուցվածքներ։

Այսօր՝ հունիսի 14-ին, ավտովթար է տեղի ունեցել Վայոց ձորի մարզում։ Ժամը 11։40-ի սահմաններում Երևան-Մեղրի ավտոճանապարհի 105 կմ հատվածում՝ Արենի գյուղի վարչական տարածքում, Արմավիրի մարզի բնակիչ 42-ամյա Կարեն Գևորգյանը իր վարած «Mercedes» մակնիշի ավտոմեքենայով, դեռևս անհայտ հանգամանքներում, դուրս է եկել երթևեկելի գոտուց և հայտնվել ջրատարում։ Ինչպես հայտնում է ֆոտոլրագրող Գագիկ Շամշյանը, վթարի հետևանքով վարորդ Կ․ Գևորգյանը մարմնական վնասվածքներով տեղափոխվել է «Եղեգնաձոր» բժշկական կենտրոն։ Վթարի փաստով կայազորի քննչական բաժնում նախաձեռնվել է քրեական վարույթ։ Գ․ Շամշյանի տեղեկություններով՝ վարորդը ՀՀ ՊՆ զինծառայող է, կոչումով՝ մայոր։