Լրահոս

«Կարծում եմ, որ նոր ղեկավարությունը կարող է շանս դառնալ պատերազմի դադարեցման համար։ Ներկայումս նոր վարչակազմը ղեկավարվում է ժամանակավոր «եռյակի» կողմից։ Մինչև նոր առաջնորդի ընտրությունը նրանց որոշումների կայացման մեխանիզմը կարող է հնարավորությունների պատուհան բացել պատերազմի դադարեցման համար», - ասել է Ֆիդանը։

Նա ընդգծել է՝ հատկապես մարզերում սուր է աշխատատեղերի պակասի խնդիրը։

Իրանի Փորձագետների խորհուրդը, որն ընտրում է իսլամական հանրապետության գերագույն առաջնորդին, շուտով կհնչեցնի պետության նոր ղեկավարի անունը, պնդում է գործակալությունը: Ըստ նրա աղբյուրների՝ Խորհրդի նիստերն անցնում են «բնականոն հունով, անվտանգ միջավայրում» և մոտենում են ավարտին: Գործակալությունը ենթադրում է, որ քվեարկության արդյունքները կարող են հայտարարվել «առաջիկա օրերին կամ նույնիսկ ժամերին»: Խամենեին կենդանության օրոք չէր նշել իր հավանական հաջորդի անունը և այդ հարցի քննարկումը թողել էր փորձագետների խորհրդի իրավասությանը:

ԱՄՆ նախագահ Դոնալդ Թրամփի վարչակազմը դիտարկում է Հորմուզի նեղուցով անցնող նավթ և գազ տեղափոխող տանկերներին ռազմական պաշտպանություն տրամադրելու տարբերակը։ Ինչպես փոխանցում է ՏԱՍՍ-ը, այս մասին հայտնել է Politico հրատարակությունը՝ հղում անելով իր աղբյուրներին։ ԱՄՆ կառավարությունը քննարկում է նաև մի տարբերակ, ըստ որի՝ ինքը հանդես կգա որպես ապահովագրական ընկերություն՝ նեղուցով լցանավերի անարգել անցումն ապահովելու համար: Նման որոշումը բացատրվում է Մերձավոր Արևելքի ճգնաժամի ֆոնին էներգակիրների գների աճը զսպելու փորձերով։

«Մենք կրիտիկական օրեր ենք ապրում։ Պատերազմը չսահմանափակվեց միայն Իրանով, իրավիճակը վատ է, թե որքան կտևի պատերազմը՝ դեռևս բաց հարց է։ Մեզ անհանգստացնում է հակամարտության ընդլայնման հնարավորությունը։ Մենք աշխատում ենք թույլ չտալու իրավիճակի հետագա վատթարացումը», - ասել է Ֆիդանը։

Ժողովրդական հայտնի «թիթեռ նկարել» խոսքը վերափոխվում է: Մեր օրերում ավելի ակտուալ է դառնում «պերաշկի ուտել» տարբերակը: Այս խոսքը ևս նախորդի պես օգտագործվում է այն դեպքերում, երբ մեկը զբաղված է անկարևոր գործով, այն էլ՝ հույժ կարևոր պահին: Տարածաշրջանային արյունահեղության օրերին ուրախ ավտոբուսում պերաշկի ուտող Նիկոլ Փաշինյանին շատ ասելիք ունեն Երևանի բնակիչները:

Հակակոռուպցիոն քաղաքացիական դատարանը՝ դատավոր Լիլի Դրմեյանի նախագահությամբ, կարճել է գեներալներ Մովսես Հակոբյանից և Արմեն Հարությունյանից որպես գույքային վնաս 4 մլրդ 370 մլն 985,000 դրամի բռնագանձման գործը՝ բավարարելով պատասխանող կողմի միջնորդությունը՝ հայցային վաղեմություն կիրառելու մասին, գրել է «Փաստինֆո»-ն։

Ռազմական փորձագետները կարծում են՝ միայն ցամաքային ներխուժմամբ կկարողանա Միացյալ Նահանգները հաջողության հասնել Իրանում: Օդային պատերազմի դեպքում՝ տարիներ պետք կլինեն: Պաշտոնական Վաշինգտոնը չի բացառել ցամաքային պատերազմի սցենարը: Հարց է մնում, թե արդյոք Իրանի հարևանները կհամաձայնեն հակաիրանական գործողության պլացդարմ դառնալ:

Եվրոպայի առաջնության՝ օդամղիչ ատրճանակ կանանց սոլո մրցաձևում Հայաստանի ներկայացուցիչ Էլմիրա Կարապետյանը, հաղթահարելով որակավորման, ապա՝ կիսաեզրափակիչ փուլերը, եզրափակչում մրցել է Հունգարիայի ներկայացուցիչ՝ Օլիմպիական խաղերի բրոնզե մեդալակիր Վերոնիկա Մայորի հետ և 12:15 հաշվով զիջել մրցակցին՝ բավարարվելով արծաթե մեդալով: Այս մասին տեղեկացնում են ԿԳՄՍՆ-ից: «Ուրախ եմ և ոգևորված: Արդյունքից էլ եմ գոհ: Հետաքրքիր մրցակցություն էր: Հունգարիայի ներկայացուցիչը շատ լավ կրակեց: Լարվածություն չկար, պարզապես լավ մրցակցություն էր: Շատ ուրախ և հպարտ եմ, որ Երևանում կարողանում ենք այսպիսի առաջնություն հյուրընկալել: Առաջին անգամ, երբ մտել եմ հրաձգարան, առաջինը հարցրել եմ՝ ինչո՞ւ մենք չեն ընդունում միջազգային մրցաշարեր: Ինձ համար շատ կարևոր էր այս մրցմանը մեդալ նվաճելը»,- նշել է մեր մարզուհին: Էլմիրա Կարապետյանը դարձել է Եվրոպայի առաջնության կրկնակի փոխչեմպիոն: Նա Եվրոպական խաղերի արծաթե մեդալակիր է, աշխարհի գավաթի խաղարկության կրկնակի ոսկե մեդալակիր:

2026 թվականի փետրվարի 23-ին Պաշտպանության նախարարությունում ռազմարդյունաբերական համալիրի ընկերությունների ղեկավարների հետ հանդիպման ժամանակ բացահայտ հայտարարել են, որ 2026 թվականի պայմանագրերը կստորագրվեն հունիսին՝ ընտրությունների թեժ փուլում։

Պերաշկի-կուկուրուզ փի առ ակցիայից երկու օր հետո Ալեն Սիմոնյանը նորից է հիշել մաշված այն միտքը, թե երկրորդ նախագահ Ռոբերտ Քոչարյանը «Հայր մեր»-ը չգիտի: Քոչարյանի գրասենյակի ղեկավար Բագրատ Միկոյանը երկու հարց ունի՝ Էրդողանի գիրքը պինդ գրկած խաչակնքելիս չի՞ խանգարում ու «Հայր մեր»-ը ասելո՞վ են հայկական եկեղեցիները տվել ադրբեջանցիներին:

«Ինչ վերաբերում է Ռուսաստանին ու Ուկրաինային և թե հատկապես որտեղ է դա իմ առաջնահերթությունների ցանկում՝ շատ բարձր», - ասել է նա Սպիտակ տանը Գերմանիայի կանցլեր Ֆրիդրիխ Մերցի հետ հանդիպման ժամանակ։

Հայաստանի Հանրապետության ԱԳ նախարար Արարատ Միրզոյանը հեռախոսազրույց է ունեցել Քուվեյթի ԱԳ նախարար Շեյխ Ջարրահ Ջաբեր Ալ-Ահմադ Ալ-Սաբահի հետ:

«Երեկ հարցազրույցներից մեկում ես դա անվանեցի ԱՄՆ-ի անընդունակություն՝ պայմանավորվելու իրանական միջուկային ծրագրի վերաբերյալ։ Այս գնահատականը համապատասխանում է իրականությանը։ Ամերիկացիների հետ այս թեմայով խոսելը մեծ իմաստ չունի։ Համենայն դեպս՝ առայժմ», - ասել է նա։ Փետրվարի 28-ին ԱՄՆ-ն և Իսրայելը ռազմական գործողություն են սկսել Իրանի դեմ։ Հարվածների տակ են հայտնվել իրանական խոշորագույն քաղաքները, այդ թվում՝ Թեհրանը։ Սպիտակ տանը հարձակումը հիմնավորել են հրթիռային և միջուկային սպառնալիքներով, որոնք իբր բխում են Թեհրանից։ Իսլամական հեղափոխության պահապանների կորպուսը հայտարարել է լայնամասշտաբ պատասխան գործողության մասին՝ գրոհելով Իսրայելի օբյեկտները։ Հարվածների են ենթարկվել նաև ԱՄՆ օբյեկտները Բահրեյնում, Հորդանանում, Կատարում, Քուվեյթում, ԱՄԷ-ում և Սաուդյան Արաբիայում։ Իրանին հասցված հարվածների հետևանքով զոհվել են գերագույն առաջնորդ այաթոլա Ալի Խամենեին և իսլամական հանրապետության ղեկավարության մի քանի այլ առանցքային դեմքեր։

Հայաստանի Հանրապետության արտաքին գործերի նախարար Արարատ Միրզոյանը հեռախոսազրույց է ունեցել Ֆրանսիայի Հանրապետության Եվրոպայի և արտաքին գործերի նախարար Ժան-Նոել Բարոյի հետ։

Միացյալ Նահանգներում Թրամփի քննադատության ալիք է սկսվել: Ակտիվացել են դեմոկրատները: Կալիֆորնիայի նահանգապետ Նյուսոնը չափազանց խիստ քննադատել է նախագահ Թրամփին ամերիկացի զինվորների զոհվելու, ռազմական կորուստների, Պարսից ծոցի արաբական դաշնակիցներին հարվածի տակ դնելու համար:

«Դե ո՞նց չասես. դուք մի հատ Կալիգուլայի ձիու կարգավիճակից դուրս եկեք, նոր խոսեք։ Ինքնուրույն տեսակետ, ինքնուրույն միտք, ինքնուրույն գոնե մեկ անգամ քվեարկելու իրավունք ձեռք բերեք, հետո նոր ուրիշների մասին խոսեք։ Դուք սկի ինքնուրույն քավոր չեք կարում պահեք։ Ձեզ համար նույնիսկ պատարագ ու քահանա են ընտրում ու ուղղորդում, թե ո´ր եկեղեցին գնաք կամ չգնաք, դուք խոսելու իրավունք ունե՞ք։

Նիկոլ Փաշինյանը Վրաստանում է, իսկ հայ վարորդները, խորհրդարանական ընդդիմության համոզմամբ, շարունակում են կաշառք տալու միջոցով հատել Ռուսաստան-Վրաստան ու Վրաստան-Հայաստան անցակետը: Էկոնոմիկայի նախարարի պնդմամբ՝ կաշառքի փաստը հաստատող որևէ տվյալ չկա, ինքը իրավապահներին է անգամ դիմել:

«Միացյալ Թագավորությունը լիովին հավատարիմ է Կիպրոսի և այնտեղ տեղակայված բրիտանացի զինծառայողների անվտանգությանը։ Մենք շարունակում ենք մեր պաշտպանական գործողությունները։ Հենց նոր ես զրույց ունեցա Կիպրոսի նախագահի հետ՝ նրան տեղեկացնելու համար, որ մենք ուղղաթիռներ ենք ուղարկում, որոնք ընդունակ են խոցել անօդաչու սարքեր։ Տարածաշրջանում կտեղակայվի HMS Dragon-ը։ Մենք միշտ գործելու ենք ի շահ Միացյալ Թագավորության և մեր դաշնակիցների», - X-ի իր էջում գրել է բրիտանական կառավարության ղեկավարը։

Խավարման հիմնական փուլը դիտվել է տեղական ժամանակով 18:04-ից մինչև 19:05-ը (Մոսկվայի ժամանակով՝ 14:04-ից 15:05-ը): Լուսինը լավագույնս հնարավոր է եղել տեսնել սկսած 18:15-ից (Մոսկվայի ժամանակով՝ 14:15-ից): Հաջորդ լուսնի լիակատար խավարումը սպասվում է միայն 2028 թվականի դեկտեմբերի 31-ից 2029 թվականի հունվարի 1-ի Ամանորի գիշերը: Թաիլանդի Աստղագիտական հետազոտությունների ազգային ինստիտուտի (NARIT) տվյալներով՝ այն նույնպես կտևի մոտ մեկ ժամ: Երեքշաբթի օրը Թաիլանդում նշվում է հինգ մեծ բուդդայական տոներից առաջինը՝ Մակխա Բուչայի օրը: Տոնը կապված է Բուդդայի քարոզի հետ, որը նա կարդացել է 1250 աշակերտների համար: Այս օրը բուդդայականները տոնում են իդեալական և օրինակելի համայնքի ստեղծումը: