Լրահոս

Կոտայքի բաժնի ոստիկաններն ու քննչական բաժնի քննիչները մանրամասներ են պարզել Աբովյանում տեղի ունեցած ողբերգական վթարից, գրում է shamshyan.com-ը։ Ըստ աղբյուրի՝ 06-ը վարել է Չարենցավան քաղաքի բնակիչ, 46-ամյա Վաչագան Պետրոսյանը, ուղևորները եղել են Չարենցավան քաղաքի բնակիչներ, 40-ամյա Արմինե Պետրոսյանը, 17-ամյա Վահե Պետրոսյանը, 65-ամյա Գյուլնարա Պետրոսյանը, Բյուրեղավան քաղաքի բնակիչ, 34-ամյա Մելինե Գասպարյանը: Վերջիններս տեղում մահացել են, իսկ 06-ի մյուս ուղևորը՝ 15-ամյա Վանուհի Պետրոսյանը, «ծայրահեղ ծանր» ախտորոշմամբ տեղափոխվել է «Աբովան» բժշկական կենտրոն, որտեղից էլ Երևանի «Սուրբ Աստվածամայր» բժշկական կենտրոն: Աղբյուրը հայտնում է, որ մահացածները ընտանիքի անդամներ էին: Պարզվել է՝ Opel-ը վարել է Բյուրեղավան քաղաքի բնակիչ, 60-ամյա Վալիշան Կարապետյանը, իսկ վթարից որոշ ժամանակ անց ոստիկաններին է ներկայացել Բյուրեղավան քաղաքի բնակիչ, 53-ամյա Սամսոն Դավթյանը և հայտնել, որ BMW X5-ը ինքն է վարել: Աղբյուրը հայտնում է նաև, որ ոստիկաններն ու քննիչներն ունեն կասկածներ, որ BMW-ն նա չի վարել:

44-օրյա պատերազմի հանգամանքներն ուսումնասիրող ԱԺ քննիչ հանձնաժողովի նախագահ Անդրանիկ Քոչարյանը հայտարարում է, որ եթե ԳՇ նախկին պետ Մովսես Հակոբյանը չմասնակցի հանձնաժողովի նիստերին, ապա նա ստիպված կլինի հանրայնոերն պատասխանել իրեն ուղղված հարցերին․ «Ինքը ժամանակ կունենա իր հայտարարությունը հետ վերցնելու, որովհետև այս աշխատանքների բարոյական կարևորությունը շատ մեծ է, և պարոն Հակոբյանը անպայման, համոզված եմ, կգա հանձնաժողով։ Հակառակ դեպքում, ինքը պետք է հանրայնորեն պատասխանի այն հարցերին, որոնք իրեն պետք է տրվեր։ Էնպես չի, որ իր ֆիզիկական ներկայությամբ ա դա լինելու։ Պարոն Հակոբյանին կոչ եմ անում այդպիսի հայտարարություններ չանի, և որևէ պաշտոնյայի՝ անկախ իր նախկինում զբաղեցրած պաշտոնից՝ լինի նախագահ, վարչապետ, թե զորքերի հրամանատար։ Տեսաք՝ Արցախի Հանրապետության նախագահը ողջունեց հանձնաժողովի ստեղծումը, և պատրաստակամություն հայտնեց բոլոր այն պաշտոնյաների անունից, որոնք կհրավիրվեն, որ բոլորը, ովքեր բան ունեն ասելու այս հանձնաժողովին, պետք է ներկայանան։ Եթե Մովսես Հակոբյանը օր առաջ այդպիսի հայտարարություն է անում, ես էլ կարամ ենթադրություն անեմ, որ ընդդիմության մասնակցելու փորձել լեգիտիմացնելու Մովսես Հակոբյանի հայտարարությանը»,- ասել է Քոչարյանը։ Ապա հայտարարությանը միջամտել է Սամվել Բաբայանը՝ ասելով, որ «այդ բոլոր գեներալներն էլ մասնակից են եղել»։ Անդրանիկ Քոչայնաը նաև հայտարարեց՝ «Կհրավիրենք, կգան՝ կգան, չեն գա, մենք կորոշենք՝ ոնց ենք հրավիրում, որ չխուսափեն գալուց»։ © ORAGIR.NEWS https://oragir.news/hy/material/2022/02/21/32539

Մարտի 1-ից Երևանում ևս երկու երթուղի կշահագործվի նոր Zhong Tong մակնիշի ավտոբուսներով։ Այս մասին այսօր՝ փետրվարի 21-ին, Երեւանում կայացած խորհրդակցության ժամանակ նշել է «Երևանի ավտոբուս» ՓԲԸ տնօրեն Էլբակ Թարփոշյանը։ Նրա խոսքով՝ նոր ավտոբուսները կսպասարկեն այն երթուղիները, որտեղ «գազելներն» այլևս շահագործման ենթակա չեն, և մարտի 1-ին այդ գծերը փակվելու են։ Երևանի քաղաքապետ Հրաչյա Սարգսյանի հարցին, թե արդյոք գործընթացն առաջիկայում կշարունակվի, Թարփոշյանը պատասխանեց, որ ապրիլի 1-ին և մայիսի 1-ին նոր ավտոբուսները կսկսեն սպասարկել ևս 4 երթուղիներ։ Հիշեցնենք` մայրաքաղաքի բյուջեով ձեռք բերված նոր ավտոբուսների առաջին խմբաքանակը՝ 63 ավտոբուս, 2021–ի դեկտեմբերի 12–ից սկսել է աշխատանքը 3, 20, 97, 99 համարների երթուղիներով։ Բոլոր 211 ավտոբուսներով փոխարինվելու է ընդհանուր շուրջ 17 երթուղի: Երևան քաղաքը համայնքի բյուջեով ևս 100 ավտոբուս կգնի 2022 թվականին: Բացի այդ, Եվրամիության գործընկերների հետ վարկային և դրամաշնորհային ծրագրերով կգնվի ևս 100 ավելի մեծ՝ 12-մետրանոց ավտոբուս:

zham.am-ը գրել է. «Ադրբեջանական լրատվամիջոցները օպերատիվ և ուրախ արձագանքեցին Փաշինյանի «Քաղաքացիական պայմանագիր» խմբակցության որոշմանը` հրաժարվելու աջակցել «Հայաստան» խմբակցության նախաձեռնությանը և դատապարտել հակահայկական «Շուշայի հռչակագիրը», որը վավերացվել է փետրվարին Ադրբեջանի և Թուրքիայի խորհրդարանների կողմից։ «Հայաստան» խմբակցության պատգամավոր, «Քաղաքացիական պայմանագիր» խմբակցության կողմից մերժված հայտարարության հեղինակ Անդրանիկ Թեւանյանը, մեկնաբանելով իշխող խմբակցության այս որոշումն, ասաց, որ քաղաքացիները պետք է իմանան, որ ՀՀ իշխանությունը նախապատրաստում է 1915 թ-ի կրկնություն»:

Երեկ՝ փետրվարի 20-ին, ավտովթար է տեղի ունեցել Տավուշի մարզում: Ժամը 17:00-ի սահմաններում Մ-6 ավտոճանապարհի 85-րդ կմ հատվածում Երևանի բնակիչ, 41-ամյա Սարգիս Յազիչյանը իր վարած Mitsubishi Pajero մակնիշի ավտոմեքենայով Բագրատաշենի մաքսատան հարևանությամբ դուրս է եկել ճանապարհի երթևեկելի գոտուց, բախվել ճամփեզրի քարե շինությանը: Ինչպես հայտնում է ֆոտոլրագրող Գագիկ Շամշյանը, վթաի հետևանքով վարորդ Ս. Յազիչյանը մարմնական վնասվածքներով տողափոխվել է «Նոյեմբերյան» բժշկական կենտրոն: Դեպքի վայր են ժամանել ճաապարհային ոստիկանության 2-րդ սպայական գումարտակի 5-րդ վաշտի 2-րդ դասակի ծառայողները՝ վաշտի հրամանատար Գարիկ Մարտիրոսյանի գլխավորությամբ: Տեղում հետաքննական աշխատանքները ղեկավարել է նույն վաշտի ավագ հետաքննիչ Ապրիկյանը, ում կողմից փաստի առթիվ նյութեր են նախապատրաստվում: Գ. Շամշյանի տեղեկություններով՝ վարորդ Ս. Յազիչյանը Վրաստանի Հանրապետությունում հայկական եկեղեցու թեմի առաջնորդի տեղակալն է: © shamshyan.com https://shamshyan.com/hy/article/2022/02/21/1207435/

Երգչուհի Սիրուշոն ինստագրամյան իր էջում տեսանյութ է հրապարակել դրան՝ կից հուզիչ գրառում անելով. «Մեր հարազատները պատերազմում կորցրեցին իրենց 20-ամյա որդուն: 40 օր առաջ ծնվեց նրանց աղջիկը՝ Նելլին»:

Փետրվարի 20-ին՝ ժամը 20.00-ի սահմաններում, Աբովյան-Արզնի խճուղում իրար են բախվել «ԲՄՎ X5» և «ՎԱԶ-2106» մակնիշի ավտոմեքենաներ, ինչից հետո «ԲՄՎ»-ն բախվել է «Օպել» մակնիշի ավտոմեքենայի: «ՎԱԶ-2106»-ի վարորդ 45-ամյա Վաչագան Պետրոսյանը և չորս ուղևորները՝ 39-ամյա Արմինե Պետրոսյանը, 16-ամյա Վահե Պետրոսյանը, 64-ամյա Գյուլնարա Պետրոսյանը և 34-ամյա Մելինե Գասպարյանը, մահացել են, իսկ 14-ամյա ուղևորուհին մարմնական վնասվածքներով տեղափոխվել է հիվանդանոց: Դեպքի վայրում ոստիկանության ծառայողներին է ներկայացել 53-ամյա մի տղամարդ և հայտնել, որ ինքն է «ԲՄՎ X5»-ի վարորդը։ Ոստիկանությունից հայտնում են, որ ձեռնարկված օպերատիվ-հետախուզական և քննչական միջոցառումների արդյունքում պարզվել է, որ վթարի ժամանակ «ԲՄՎ X5»-ի ղեկին եղել է 29-ամյա այլ տղամարդ, որը փետրվարի 21-ին՝ ժամը 04.30-ին, Արմավիր քաղաքի Երևանյան փողոցի տներից մեկում հայտնաբերվել և բերման է ենթարկվել ոստիկանության Կոտայքի բաժին, ապա ներկայացվել նախաքննությունն իրականացնող մարմնին, տվել է խոստովանական ցուցմունք և ձերբակալվել: Կատարվում է նախաքննություն:

Ադրբեջանցի պատգամավորներն արդեն ժամանել են Հայաստան, ԱԺ-ում լրագրողների հետ զրույցում ասաց ՔՊ-ական պատգամավոր Մարիա Կարապետյանը։ «Եկել են երկու պատգամավոր և մեկ ուղեկցող։ Որքան հիշում եմ մի պատգամավորն անկուսակցական է, մյուսը «Նոր Ադրբեջան» կառավարող ուժի անդամ է», - ասաց Մարիա Կարապետյանը։ Հարցին, թե ադրբեջանցի պատգամավորների հետ շփումներ կլինե՞ն, Մարիա Կարապետյանը պատասխանեց. «Այն ինստիտուցիոնալ ֆորմատներում, որոնցում Հայաստանի պատգամավորները շփվում են բոլոր երկրների պատգամավորների, այդ թվում՝ ադրբեջանցի պատգամավորների հետ, երբ մեկնում եք գործուղումների, նման ֆորմատով ինստիտուցիոնալ ներկայություն, բնականաբար, այս անգամ ևս լինելու է։ Անհնար է ակնկալել հակառակը»։ Ավելի վաղ հայտնել էինք, որ Եվրանեսթ խորհրդարանական վեհաժողովի բյուրոյի և հանձնաժողովների նիստերին մասնակցելու համար Երևան կժամանեն Ադրբեջանի խորհրդարանի պատգամավորներ։

Սուրբ Աստվածամայր ԲԿ-ի մամուլի խոսնակ Գևորգ Դերզյանն իր ֆեյսբուքյան էջում գրել է․ «Աբովյանում տեղի ունեցած ողբերգական վթարից հետո գանգուղեղային ծանր վնասվածքներով «Սուրբ Աստվածամայր» ԲԿ է տեղափոխվել 15-ամյա աղջիկ երեխա: Ունի գլխուղեղի և թոքերի սարջարդ, ազդրոսկրերի կոտրվածքներ: Գտնվում է վերակենդանացման բաժանմունքում: Անգիտակից է, միացված է արհեստական շնչառության սարք: Բժիշկները պայքարում են նրա կյանքի համար»: © ORAGIR.NEWS https://oragir.news/hy/material/2022/02/21/32534

Հայաստանում փետրվարի 21-ին՝ ժամը 11:00-ի դրությամբ նոր կորոնավիրուսով վարակվելու 293 նոր դեպք է գրանցվել, վարակվածների ընդհանուր թիվը հասել է 415757 դեպքի: Այս մասին հայտնում են ՀՀ ԱՆ հիվանդությունների և վերահսկման և կանխարգելման ազգային կենտրոնից: Ընդհանուր թեստերի թիվը կազմում է 2864871 վերջին մեկ օրում` 3192 նոր թեստավորում: Փաստացի այս պահին բուժվում է 13749 պացիենտ: Մեկ օրում նվազել է 1197-ով: Վերջին տվյալներով ապաքինվել է 392080 անձ` վերջին մեկ օրում 1474 անձ: Մեկ օրում կորոնավիրուսի հետևանքով մահացել է 16 քաղաքացի, մահացածների թիվը 8338 է: Այլ պատճառով մահերի թիվը 1590 է, ունեցել է կորոնավիրուսային վարակ, սակայն մահը վրա է հասել այլ հիվանդության պատճառով: © shamshyan.com https://shamshyan.com/hy/article/2022/02/21/1207432/

Ոստիկանության տարածքային ստորաբաժանումների հերթապահ մասերում իրավախախտումների վերաբերյալ փետրվարի 14-ից 21-ն ընկած ժամանակահատվածում ստացվել է ընդհանուր 73 հաղորդում։ Նախորդ շաբաթվա համեմատ 22 -ով ավելացել է իրավախախտումների վերաբերյալ հաղորդումների քանակը: Հերթապահ մասերում ստացված բոլոր ահազանգերի հետքերով անմիջապես դեպքի վայրեր են մեկնել ոստիկանության տարածքային ստորաբաժանումների օպերատիվ խմբերը և օրենքով սահմանված կարգով ընթացքավորել դրանք։ Շաբաթվա ընթացքում ճանապարհային ոստիկանության օպերատիվ կառավարման կենտրոնում գրանցվել է ճանապարհատրանսպորտային 18 պատահար, որից 13-ը նյութական վնասով, 5-ը՝ մարմնական։ Բուժհաստատություն է դիմել 5 քաղաքացի։ Յոթ օրվա ընթացքում առանց վարորդական վկայականի տրանսպորտային միջոց է շահագործել 38 վարորդ, 17-ը եղել է անսթափ վիճակում, 394 վարորդ գերազանցել է սահմանված արագությունը: Տրանսպորտային միջոցում հրդեհ բռնկվելու մասին 1 դեպք է արձանագրվել՝ Ստեփանակերտ քաղաքում: Տուժածի առողջական վիճակը բավարար է: Առանց վարորդական վկայականի տրանսպորտային միջոց է շահագործել 38 վարորդ, 26-ը եղել է անսթափ վիճակում, 394 վարորդ գերազանցել է սահմանված արագությունը: Մեկ շաբաթվա ընթացքում բացահայտվել է նախկինում կատարված 7 հանցագործություն: Ոստիկանության ծառայողների համար սկզբունքային է. Անբացահայտ հանցագործություն չի մնալու: Բացահայտվել են 2020 թվականի պատերազմի ընթացքում կատարված գողության 4 դեպք: Հայտնաբերվել է նաև հետախուզման մեջ գտնվող մեկ քաղաքացի: Փետրվարի 14-ից 21-ն ընկած ժամանակահատվածում Ադրբեջանի զինված ուժերը հրադադարի պահպանման ռեժիմը խաղաղ բնակավայրերի ուղղությամբ խախտել են 3 անգամ՝ խոչնդոտելով գյուղատնտեսական աշխատանք իրականացնող քաղաքացիների աշխատանքը, իսկ Թաղավարդում՝ կրակել են բնակելի տների ուղղությամբ: Ոստիկանության շրջանային բաժինների ծառայողներն անմիջապես դեպքի վայր են մեկնել, արձանագրված դեպքի վերաբերյալ իրականացրել ստուգումներ, հավաքագրված փաստերը ներկայացրել ռուս խաղաղապահներին, այնուհետև վերջիններիս ուղեկցությամբ՝ ադրբեջանական կողմի հետ վարել բանակցություններ: Ըստ ոստիկանության օպերատիվ հաղորդագրությունների ամփոփագրերի` անցած շաբաթվա ընթացքում գրանցվել է խարդախության 2, մարմնական վնասվածք հասցնելու 7, անձնական ունեցվածքի գողության 5 և գույքի դիտավորությամբ ոչնչացման 1 դեպք։ Ոստիկանության քրեական հետախուզության վարչության և տարածքային ստորաբաժանումների ծառայողների կողմից թմրամոլության դեմ ուժեղացված պայքարի արդյունքում բացահայտվել է թմրամիջոցների ապօրինի աճեցման և իրացման 4 դեպք: Թմրանյութի կամովին հանձնման դեպք է գրանցվել Մարտունու շրջանում: Բնակչության հետ մշտապես տարվող բացատրական աշխատանքներն արդյունք են տալիս։

ՀՀ կրթության, գիտության, մշակույթի և սպորտի նախարարությունում խորհրդակցություն է տեղի ունեցել զանգվածային սպորտի և ֆիզիկական դաստիարակության բնագավառում 2022 թվականին տարվող աշխատանքների վերաբերյալ: Խորհրդակցությանը մասնակցել են ԿԳՄՍ նախարարի տեղակալ Կարեն Գիլոյանը, ԿԳՄՍՆ սպորտի քաղաքականության վարչության պետ Նարինե Շահբազյանը, վարչության պետի տեղակալ Դավիթ Բաղումյանը, սպորտի և ֆիզիկական դաստիարակության բաժնի պետ Սերգեյ Աբրահամյանը, ինչպես նաև ՀՀ մարզերի ու Երևան քաղաքի սպորտի պատասխանատուները: ԿԳՄՍ նախարարի տեղակալ Կարեն Գիլոյանն ընդգծել է՝ այս պահին աշխատում են մասսայականությունը մարզեր տարածելու նշանաբանով, առհասարակ մասսայականությունն ավելացնելու առաքելությամբ. այդ տեսլականն է առավել ընդունելի։ «Կան մարզեր, որոնց հետ խնդիր չկա՝ Շիրակը, Լոռին, Վայոց Ձորը, Գեղարքունիքը, բայց մարզեր էլ կան, որոնց հետ պետք է ավելի սերտ համագործակցություն ապահովենք և բացառենք բոլոր խնդիրները։ Այս տարի «Վարչապետի գավաթի» 4 սիրողական մրցաշար ենք անցկացնելու՝ նախորդ տարվա երկուսի փոխարեն։ Այդ 4 խոշոր մրցումներից մեկն արդեն մեկնարկել է` սեղանի թենիսի սիրողական մրցաշարը, որի մարզային փուլն ընթացքի մեջ է: Մրցումներից հետո բոլոր սեղանները, որոնք շատ բարձր կարգի պրոֆեսիոնալ սեղաններ են, տրամադրելու ենք մարզերին ու Երևանին»,- նշել է Կարեն Գիլոյանն ու բարձրացրել նաև մրցաշարի մասնակցության ցուցանիշի հարցը, որը, ԿԳՄՍ նախարարի տեղակալի խոսքով, այնքան էլ բարձր չէ: Կարեն Գիլոյանը նաև նշել է՝ «Վարչապետի գավաթի» շրջանակում Գեղարքունիքի մարզն այս տարի երկու մրցում կընդունի, լողի և հեծանվավազքի սիրողական մրցաշարերը: Բացի դրանից՝ այս տարի ևս կանցկացվի կրոսավազքի մրցաշարը. «Դեռևս հստակություն չկա՝ այն որ մարզում կանցկացնենք՝ Արմավիրում, թե Արարատում: Արտաշատի մարզադաշտն ենք նորոգում: Հնարավոր է՝ այս տարի կրոսավազքի մրցաշարն Արարատի մարզում անցկացնենք, եզրագիծն էլ այդ մարզադաշտում հատենք: Մասսայական մրցաշարերի ցանկում հնարավոր է նաև դահուկավազքն ավելացնենք: Շիրակի մարզը կարող է արդեն աստիճանաբար պատրաստվել, գուցե դեկտեմբերին նաև դա կազմակերպենք»: Սպորտի և ֆիզիկական դաստիարակության բաժնի պետ Սերգեյ Աբրահամյանն էլ նշել է՝ այս տարի ևս երեք մասսայական միջոցառում է նախատեսվում արդեն դպրոցականների համար. «1-3-րդ և 4-6-րդ դասարանցիների համար կկազմակերպվի սպորտլանդիա, իսկ 7-12-րդ դասարանցիների համար՝ սպարտակիադա: Այս տարի կանցկացվեն նաև ռազմամարզական խաղերը: Սրանք ավանդույթ ունեցող մրցաշարեր են, պարզապես պետք է ժամանակացույցի հարցում համաձայնության գալ»: ԿԳՄՍ նախարարի տեղակալ Կարեն Գիլոյանը ՀՀ մարզերի սպորտի պատասխանատուներին հորդորել է սերտ համագործակցել մրցումների կազմակերպման հարցում. «Ձեր աջակցությունը շատ կարևոր է: Շատ կցանկանամ, որ մեր համագործակցությունը դրական արդյունք տա, և ստանանք այն, ինչը նպատակ ենք համարում ի սկզբանե»:

Ազգային ժողովի «Հայաստան» խմբակցության պատգամավոր Անդրանիկ Թևանյանի կարծիքով՝ Ազգային ժողովում այսօր իշխանությունը «խայտառակ ու ամոթալի» որոշում կայացրեց։ «Որ ասեմ շատ անսպասելի էր, սուտ կլինի, բայց որ այսքան բացահայտ ու այսքան ակնհայտ ողջունվի իշխող խմբակցության կողմից թուրքամետ քաղաքականությունը, նույնիսկ ես չէի սպասում, որ իրենց շատ լավ գիտեմ ուղնուծուծով», - լրագրողների հետ զրույցում հայտարարեց Թևանյանը։ Նա նշեց, թե «Քաղաքացիական պայմանագիր»-ը, փաստացի, կողմ արտահայտվեց «Շուշիի հռչակագրին»։ «Կողմ արտահայտվեցին Արցախը Ադրբեջանի կազմում թողնելուն, կողմ արտահայտվեցին Հայոց ցեղասպանության միջազգային ճանաչումից հրաժարվելուն, կողմ արտահայտվեցին «Զանգեզուրի միջանցքին», կողմ արտահայտվեցին թուրք-ադրբեջանական բոլոր նախապայմաններին. սա բերելու է նոր ողբերգության, մեր քաղաքացիները պետք է իմանան, որ 1915 թվականի կրկնությունը նախապատրաստվում է հիմա ՀՀ իշխանությունների կողմից», - ասաց ընդդիմադիր պատգամավորը։ Անդրանիկ Թևանյանի խոսքով՝ Հայաստանի իշխանությունը համագործակցաբար Թուրքիայի ու Ադրբեջանի հետ Հայաստանը տանում է նոր կապիտուլացիայի։ Հիշեցնենք՝ Ազգային ժողովի Արտաքին հարաբերությունների մշտական հանձնաժողովի նիստում քննարկվեց «Հայաստան» խմբակցության առաջարկը՝ հայտարարություն տարածել Թուրքիայի ու Ադրբեջանի խորհրդարանների կողմից վավերացված «Շուշիի հռչակագրի» կապակցությամբ։ «Քաղաքացիական պայմանագիր» խմբակցությունը ձեռնպահ քվեարկեց «Հայաստան» խմբակցության առաջարկած նախագծին։ Ազգային ժողովն այս օրակարգով փետրվարի 23-ին արտահերթ նիստ կհրավիրի:

Մարտի 27-ին Արարատի մարզի Վեդի խոշորացված համայնքում տեղի են ունենալու ՏԻՄ ընտրություններ։ Երեկ լրացավ կուսակցությունների, կուսակցությունների դաշինքների գրանցումը։ ԿԸՀ կայքից պարզ է դառնում, որ առաջիկա ընտրություններին մասնակցելու են «Իմ հզոր համայնք» և «Քաղաքացիական պայմանագիր» կուսակցությունները։ Նշենք, որ դեկտեմբերի 5-ին կայացած ընտրություններում մասնակցում էին 3 ուժեր՝ «Քաղաքացիական պայմանագիր», «Հանրապետություն» և «Իմ հզոր համայնք» կուսակցությունները: Ամենաշատ ձայներ էր հավաքել «Իմ հզոր համայնքը», սակայն որևէ ուժ բավարար ձայներ չէր ստացել միայնակ իշխանություն ձևավորելու համար: Դեկտեմբերի 16-ին «Քաղաքացիական պայմանագիր» և «Հանրապետություն» կուսակցությունների ավագանու բոլոր անդամներն ինքնաբացարկի դիմումներ ներկայացրին: Իսկ նախկին մարզպետ Գարիկ Սարգսյանը, ով ՔՊ-ի թեկնածուն էր, մեկ ամիս անց նշանակվեց համայնքի ղեկավարի ժ/պ։ Հիշեցնենք, որ «Իմ հզոր համայնք» կուսակցության հիմնադիր, Սիսավան համայնքի նախկին ղեկավար Սպարտակ Թաթիկյանը, ով հայտնի «Ավշարի» Գրիգորյանների հետ ազգակցական կապ ունի։ Նա Սիսավան համայնքի 13 տարվա ղեկավարն էր։

«Երևանտրանս» ՓԲԸ-ի տնօրենն այսօր՝ փետրվարի 21-ին, գործակարգավարական խորհրդակցության ժամանակ Քաղաքապետ Հրաչյա Սարգսյանին զեկուցեց, որ Երևանի կանգառներն ամբողջությամբ մաքրվել են: «Չէ, չի մաքրվել կամ դուք չեք աշխատում կամ հին նկարներ են, «Սանիտեկի» վախտվա հին նկաներ են ուղարկում: Աղբի մեջ կորում ա կանգառասրահները: Վարչական շրջանի ղեկավարներ, խնդրում եմ գույքագրեք ձեր կանգառասրահներում մաքրությունը և տեղեկատվությունը տրամադրեք «Երևանտրանսին»: Շատ վատ, կեղտոտ վիճակում է կանգառները: Էտ կանգառներն իրենցով մի բան չեն ու շատ վատ կեղտոտ վիճակում են»,-ասաց Հրաչյա Սարգսյանը: Հիշեցնենք, որ փետրվարի 7-ի գործակարգավարական խորհրդակցության ժամանակ քաղաքապետը վարչական շրջանների ղեկավարներին զգուշացրեց, որ կանգառները փնթի, կեղտոտ վիճակում են և պետք է հետևել, որ պատասխանատու աշխատողնեևը մաքրեն։

«Հայաստան» խմբակցության պատգամավոր Գեղամ Մանուկյանը գրում է․ «Այսօր քպ-ական մեծամասնությունը միացավ թուրք-ադրբեջանական տանդեմին ու համաձայնությունը տվեց հակահայկական Շուշիի թյուրքական հռչակագրին։ Ու դա արեց ժողովրդի վրա, նրա տված քվեի վրա հղում անելով։ Դրա պատասխանը չի ուշանա։ Այսօր իշխանականները համաձայնվեցին թուրքական նախապայմանների հետ...»։

34 տարի առաջ պետության վերածննդի հիմքում միացումն էր։ Պարզ գաղափար էր, որը ենթադրում էր միասնական ջանք, նպատակներ, դժվարություններ, ապրումներ և այլն։

​SHAMSHYAN.com -ը ներկայացնում է տեսանյութ՝ ինչպես է երեկ՝ փետրվարի 20–ին, Կոտայքի մարզի Աբովյան քաղաքի սկզբնամասում՝ Արզնու խճուղում, տեղի ունեցել խոշոր ու ողբերգական ավտովթարը, ինչի հետևանքով ընտանիքի 5 անդամներ տեղում մահացել էին, իսկ անչափահաս երեխան ծայրահեղ ծանր ախտորոշմամբ տեղափոխվել է հիվանդանոց: Ինչպես հայտնում է ֆոտոլրագրող Գագիկ Շամշյանը, փաստի առթիվ Հայաստանի քննչական կոմիտեի Կոտայքի մարզային քննչական վարչության Աբովյանի քննչական բաժնի պետ Գառնիկ Մաթևոսյանի որոշմամբ հարուցվել է քրեական գործ՝ ՀՀ քր օր-ի 242 հոդվածի 3-րդ մասի (ճանապարհատրանսպորտային պատահար, որն անզգուշությամբ առաջացրել է 2 և ավելի մարդու մահ) հատկանիշներով: Գ. Շամշյանի տեղեկություններով՝ հարուցված քրեական գործի շրջանակում ձերբակալվել է Բյուրեղավան քաղաքի բնակիչ, 29-ամյա Ռազմիկ Դավթյանը, ում հայրը փորձում էր ոստիկաններին և քննիչներին մոլորեցնել, թե վարորդը ինքն է եղել:

««Շուշիի հռչակագրում» հիշատակվում է «Զանգեզուրի միջանցք» ձևակերպումը և նշվում է արդեն որպես կայացած փաստ, որ էդ «Զանգեզուրի միջանցք»-ով ամբողջ թուրքական աշխարհը կապվելու է իրար հետ, այսինքն՝ այն դիտարկվում է որպես նվաճողական քաղաքականության գործիք պանթուրքիսատական ծավալապաշտական ծրագրեր իրականացնելու համար»,- այսօր՝ ԱԺ արտաքին հարաբերությունների մշտական հանձնաժողովի արտահերթ նիստում՝ «Հայաստան» խմբակցության նախաձեռնած «Շուշիի հռչակագիրը» դատապարտող հայտարարության քննարկման ժամանակ, ասաց նույն խմբակցության պատգամավոր Անդրանիկ Թևանյանը։ «Եթե մինչև 44-օրյա պատերազմը պանթուրքիստական մոտեցումը զուտ տեսական գաղափարական վեճի առարկա կարող էր դիտարկվել, ապա պանթուրքիզմը «Շուշիի հռչակագրով» ստանում է շատ առարկայական գործնական քաղաքականության տեսք, և իրենք արձանագրում են, որ Սյունիքի էդ միջանցքով իրենք քաղաքական և աշխարհագրական միասնական համակարգ են ստեղծելու»,- նկատեց Թևանյանը՝ ընդգծելով, որ դա սպառնալիք է Հայաստանի ինքնիշխանությանը և տարածքային ամբողջականությանը։