Լրահոս

Հայ-թուրքական սահմանի «Ալիջանի» սահմանային անցակետում աշխատանքները 90%-ով ավարտված են։ Այս մասին հայտնում է Anadolu-ն։

Պետության կողմից երաշխավորված անվճար հիմունքներով սպասարկվելու է մինչև 8 կանչը: 8-ից ավել կանչ տվող բուժառուների համար կանչը դառնալու է վճարովի: Կան որոշ բացառություններ՝ ցրտահարություն, դանակահարություն և այլն: 9 կանչի համար գինը սահմանվել է 10,000 դրամ: Այս մասին ասուլիսի ժամանակ ասել է «Շտապբուժօգնություն» ՓԲԸ տնօրեն Ռուբեն Գրիգորյանը:

ՀՀ հակակոռուպցիոն կոմիտեում քննված քրեական վարույթով իրականացված նախաքննությամբ պարզվել է, որ ՀՀ քաղաքացին ժամանակավոր ներմուծման ընթացակարգով ՀՀ տեղափոխած տրանսպորտային միջոցը սահմանված ժամկետում չարտահանելու համար վարչական տուգանքի չենթարկվելու նպատակով ՊԵԿ մաքսային ծառայողին կաշառք տալու հարցի շուրջ պայմանավորվածություն է ձեռք բերել ապահովագրական ընկերության աշխատակից ներկայացած անձի հետ:

ԿԳՄՍ նախարարի հրամանով հաստատվել են 2026 թվականի 1-ին քննաշրջանի դրսեկության ձևով (էքստեռն) ավարտական քննությունների կազմակերպման ու անցկացման աշխատակարգը և ժամանակացույցը:

Արդարադատության նախարար Սրբուհի Գալյանը լրագրողների հետ զրույցում հայտարարեց, որ փոխնախարարի պաշտոնում նշանակվող անձ է եղել, ով հրաժարվել է պաշտոնից՝ աշխատավարձի քիչ լինելու պատճառով։

Yerkir.am-ի տեղեկություններով Հայաստանի ազգային ագրարային համալսարանի ղեկավարությունը ուսումնական պլաններից հանել է «Հայոց լեզու» և «Հայոց պատմություն» առարկաները:

Երևանի քաղաքապետարանում ևս 2026 թվականին պարգևավճարների պակաս չի լինի, դրա համար մեծ գումար է առանձնացվել: «Հալուրի» հարցմանն ի պատասխան քաղքապետարանից տեղեկացնում են, որ պարգևավճարների ֆոնդը կազմում է 1 միլիարդ 127 մլն 934 հազար դրամ

Իրավիճակը շարունակում է անհանգստացնող մնալ Իրանում: Ըստ որոշ իրանագետների՝ այդ երկրի զինուժը պատերազմի է պատրաստվել այն բանից հետո, երբ Թրամփը հայտարարել է, որ օգնությունը ճանապարհին է:

Yerevan.today-ի հարցին, թե լուրեր են տարածվում, որ իշխանության ուժային կառույցները բացահայտ ճնշումներ են գործադրում ՀՀ ԶՈւ հոգևոր սպասավորություն իրականացնող գնդերեցների նկատմամբ և  սպառնալիքներով պարտադրում են վերջիններիս միանալ ՀՀ վարչապետի և տասը եպիսկպոսների նախաձեռնած հակաեկեղեցական արշավին՝ Մայր Աթոռի տեղեկատվական համակարգից հաստատեցին, որ նման մտահոգիչ տեղեկություններ և ահազանգեր ստացվել են և երևույթը միանշանակ դատապարտելի է և անընդունելի է Մայր Աթոռի համար։

Մամուլի տեսություն 14.1.2026

Թուրքիայի ԱԳ նախարար Հաքան Ֆիդանը և Իրանի ԱԳ նախարար Աբբաս Արաղչին հեռախոսազրույց են ունեցել, որի ընթացքում քննարկել են Իսլամական Հանրապետությունում տեղի ունեցող վերջին զարգացումները։ Այս մասին ասվում է Թուրքիայի արտաքին գործերի նախարարության հայտարարության մեջ։

Խորին ափսոսանքով տեղեկացնում ենք, որ Հայաստանի ազգային հավաքականի գեղասահորդներ Սիմոն Դանիլյանցը և Կարինա Ակոպովա և Նիկիտա Ռախմանին զույգը չեն մասնակցի Գեղասահքի Եվրոպայի Առաջնությանը՝ 2025-2026 մրցաշրջանի ամենակարևոր մրցաշարերից մեկին, հայտարարություն է տարածել Հայաստանի Գեղասահքի ֆեդերացիան։

Խոսելով Իրանի բողոքի ակցիաների մասին, դեսպանը նշել է, որ հաջողելու դեպքում պարտվող կողմ է լինելու նաև Հայաստանը։

Ակնկալվում է, որ ընկերությունը պատասխանատու կլինի TRIPP զարգացման համար 49 տարի նախնական ժամկետով, Հայաստանն ԱՄՆ-ին առաջարկելու է TRIPP զարգացման ընկերության 74 տոկոս բաժնեմասը՝ իրեն պահելով 26 տոկոսը: Ակնկալվում է, որ այս համագործակցությունը կերկարաձգվի ևս 50 տարով, եթե կողմերից որևէ մեկը առարկություն չունենա և բավարարված լինի համագործակցությունից: Այս համագործակցությունը 49 տարին լրանալուց հետո կերկարաձգվի ևս 50 տարով՝ Հայաստանի կառավարությանը հավելյալ սեփականության տրամադրմամբ՝ նրա մասնաբաժինը դարձնելով 49 տոկոս: Այս մասին TRIPP-ի վերաբերյալ ստորագրված ՀՀ-ԱՄՆ հայտարարության մասին ասուլիսում ասել է ԱԳ նախարար Արարատ Միրզոյանը:

Հայլուր 12։30 Հույժ գաղտնի պարգևավճարներ. «Իշխանության» սկանդալային բացահայտումը

Մամուլում այսօր տեղեկություն հրապարակվեց, որ Մայր Աթոռի թանգարանների ու արխիվների տնօրեն Հայր Ասողիկը հրավիրվել է քննչական կոմիտե հարցաքննության, ըստ մամուլի տեղեկությունների՝ գործը կապված է Սուրբ Գեղարդից ինչ-որ մասի ենթադրյալ վաճառքի հետ, ինչի մասին անընդհատ խոսում են կարգալույծ արված հոգևորականները: 

Հունվարի 13-ի ժամը 08։00-ից մինչև հունվարի 14-ը ժամը 08։00-ն ՆԳՆ ՓԾ Ճգնաժամային կառավարման ազգային և մարզային փրկարարական վարչությունների ճգնաժամային կառավարման կենտրոններ ահազանգեր են ստացվել ձյան առատ տեղումների հետևանքով տրանսպորտային միջոցների արգելափակումների վերաբերյալ։ Այս մասին տեղեկանում ենք ՆԳՆ փրկարար ծառայությունից։

Սահմանդրական իրավունքի փորձագետ, «Մեր ձևով շարժման» անդամ Գոհար Մելոյանը, արձագանքելով Միրզոյան-Ռուբիո հանդիպմանը հաջորդած հայտարարությանը։

«Սիրելի՛ հոգևոր հայրեր և եղբայրներ, հայ ժողովրդի հավատավոր զավակներ, սիրելի՛ ինձ ծանոթ և ոչ ծանոթ եկեղեցասեր և ազգասեր հայորդիներ, սրտի ցավով ենք հետևում եկեղեցու սրտում բույն դնող պառակտողական երևույթներին։ Ինձ համար եկեղեցու` պատմության մեջ արձանագրված բոլոր պառակտումները միշտ սրտի կսկիծ են առաջացրել, որովհետև մեր Տեր Հիսուս Քրիստոսի հիմնած եկեղեցու կարևոր բաղադրիչներից մեկը միասնականությունն է, իսկ մենք` որպես Քրիստոսի զինվորներ` զինված աստվածային սիրով, պարտավոր ենք ամուր պահել այդ միասնության խորհուրդը, անկախ տարաձայնությունների և այլևայլ միջանձնային հակառակությունների։

Երեկ՝ հունվարի 13-ին, ողբերգական դեպք է տեղի ունեցել Երևանում։ Ժամը 23:20-ի սահմաններում ՀՀ Ներքին գործերի նախարարության Փրկարար ծառայության 911 ճգնաժամային կառավարման ազգային կենտրոն ահազանգ է ստացվել, որ Կիևյան կամրջի տակ՝ Հրազդան գետում, դի կա։