Լրահոս

Հունիսի 20-ի ընտրություններով «Արժանապատիվ խաղաղության» բանաձևը չի դրվել կասկածի տակ, չի մերժվել, չի կորցրել իր բացառիկ արժեքը։ Պարզապես այս բանաձևը ժամանակի սղության և այլ պատճառներով չի մտել հանրային և անհատական գիտակցություն։

Փոխհրաձգություն է տեղի ունեցել երեկ գիշեր այն դիրքի ուղղությամբ, որտեղ  մարտական գործողություններ են տեղի ունեցել, մեկ վիրավոր ունենք, վիրավորումը ուսի շրջանում է, նրան վիրահատել են, ամեն ինչ նորմալ է։ Այս մասին լրագրողների հետ ճեպազրույցի ժամանակ ասաց Գեղարքունիքի մարզպետ Գնել Սանոսյանը։

Զոհված զինծառայողների աճյունների որոնողական աշխատանքներն այսօր՝ հուլիսի 29–ին, շարունակվում են Ջրականի (Ջաբրայիլ) շրջանում։ Ավելի ուշ կտրամադրվի հավելյալ տեղեկություն։

ՀՀ մարդու իրավունքների պաշտպանի աշխատակազմի Խոշտանգումների և վատ վերաբերմունքի կանխարգելման վարչությունը (Կանխարգելման ազգային մեխանիզմ) և կանխարգելման ազգային մեխանիզմի փորձագետները, Պաշտպանի որոշմամբ, 2021 թվականի հուլիսի 23-ին չհայտարարված մշտադիտարկման այցեր են իրականացրել Արագածոտնի և Շիրակի մարզերի ազատությունից զրկման վայրեր:

44-օրյա պատերազմին հաջորդած հրադադարի հայտարարության  կնքումից ի վեր Ադրբեջանը ամենալայնամասշտաբ ռազմական էսկալացիան է սանձազերծել  հայ-ադրբեջանական սահմանին: 3 զոհ ունենք, 5 վիրավոր: Գիշերը  թշնամին հարձակվել է Գեղարքունիքի վրա, մի դիրք իրենով արել, բայց հայկական ստորաբաժանումները կարողացել են հետ վերցնել դիրքը, ռուսական կողմի միջնորդությամբ պայմանավորվել հրադադարի մասին:

Մեր թշնամիները հայտարարել են համատեղ թուրանական բանակ ստեղծելու մասին: Այժմ Ադրբեջան-Թուրքիա բնակցությունների վերջնական փուլն է: Թուրքիայի խորհրդարանի ղեկավարը Մուստաֆա Շենթոպը այս կապակցությամբ Բաքվում է: Շենթոպի խոսքով համատեղ բանակը ստեղծվում է՝ ռազմարդյունաբերական համագործակցությունը խորացնելու նպատակով :

Աֆղանստանի տարածքի 85 տոկոսը վերահսկող թալիբները շարունակում են հարձակվել երկրի տարբեր շրջանների վրա, բայց ոչ մի կերպ չեն կարողանում  գրավել Թալեքան քաղաքը: Աֆղանստանի սահմանապահ զորքերը ատամներով պահում են այն: Գիշերը հերթական գրոհի ժամանակ աֆղանցի զինյալներին հաջողվել է հետ շպրտել թալիբ զինյալներին: Վերջին 24 ժամում աֆղանական բանակը ոչնչացրել է Թալիբան շարժման 189 գրոհայինի:

Մինչև հրադադարի մասին տեղեկությունը Բաքուն Երևանին կոչ էր արել սահմանի դելիմիտացիայի շուրջ բանակցություններ սկսել՝ դադարեցնելով ռազմական սադրանքները: Մոսկվայում այսօր նախատեսված է եռակողմ հանդիպում Հայաստանի, Ադրբեջանի և Ռուսաստանի պաշտպանության նախարարների մասնակցությամբ։  Հայաստանի պաշտպանության նախարարության այսօրվա հաղորդագրություններից մեկում գրված էր, որ Ռուսաստանի մայրաքաղաքում նախատեսվող բանակցություններից առաջ է Ադրբեջանի զինուժը նախահարձակ եղել:

Գիշերը, երբ թշնամին սկսել է կրակել, Սոթքի ոսկու հանքի աշխատանքը կանգնեցվել է, շուրջ 150 աշխատակից է տարհանվել: «Գեոպրոմայնինգ գոլդ» ընկերության ներկայացուցիչը լրատվամիջոցներին հայտնել է, որ աշխատակիցներից որևէ մեկը չի տուժել։ Անվտանգության համար հանքի այն տեխնիկան, որ շատ մոտ է եղել ադրբեջանական դիրքին, մի քիչ հետ են քաշել՝ դեպի անվտանգ տարածք, քանի որ վառելիքով լիցքավորված ցիստեռները կարող են բռնկվել:

Գեղարքունիքում գիշերային կրակոցներից ժամեր առաջ, կութեցիներն ասել են, որ արդեն 3 ամիս է ապրում են իրենց արոտավայրերում դիրքավորված ադրբեջանցիների քթի տակ և ամեն օր էլ սպասում են հարձակման:  Թշնամին իր գրաված բարձունքից հետևում է Կութի նիստուկացին: Երեք օր առաջ՝ օդ էին կրակել՝ վախեցրել՝ կովերին արածացնելու տարած  երեխաներին:

Գիշերը 3:40-ից սկսված ու մոտ 6 ժամ շարունակված մարտերի մասին Զինուժի տեսախցիկի առաջ պատմել են վիրավորված  տղաները: Մութ է եղել, մառախուղ, թշնամին անսպասելի սկսել է հարվածել ականանետով:

Ռուսաստանի Դաշնությունը, որը սերտ կապեր ունի ինչպես Հայաստանի, այնպես էլ Ադրբեջանի հետ, հատուկ ուշադրություն է հատկացնում իրավիճակին հայ-ադրբեջանական սահմանին և Ղարաբաղում, որտեղ գտնվում է ռուսական խաղաղապահ զորախումբը: 

Անթույլատրելի է համարվել ՀՀ ԱԳՆ-ի կողմից «Լեռնային Ղարաբաղի Հանրապետություն» հասկացության փոխարեն «Լեռնային Ղարաբաղի տարածք» բառակապակցության գործածման ընդգծումը:

Ռուսաստանի Դաշնության նախագահ Վլադիմիր Պուտինն օպերատիվ խորհրդակցություն է անցկացրել Անվտանգության խորհրդի մշտական անդամների հետ՝ ի թիվս այլ հարցերի քննարկելով իրադրությունը հայ-ադրբեջանական սահմանին:

Հանդիպման ընթացքում քննարկվել են ՀՀ ինքնիշխան տարածք ներխուժած ադրբեջանական ռազմական ստորաբաժանումների կողմից հայկական դիրքերի վրա հարձակման, դրա հետևանքով ՀՀ Զինված ուժերի կրած կորուստների, ինչպես նաև սահմանի ամբողջ երկայնքով իրավիճակի սրման հետ կապված հարցեր։