Լրահոս

Թեհրանում է «Հայլուրի» թղթակից Ծովինար Բարխուդարյանը: Նա այնտեղից մանրամասներ է հայտնել այսօր սկսված արարողությունների վերաբերյալ ու զրուցել իրանցի փորձագետ, լրագրող Խայալ Մուազզիմի հետ:

Եթե Հայաստանը հիմա կա այս սահմաններով, այսպիսի բնակչության համամասնությամբ դա Արցախյան շարժման արդյունք է։ Մենք սխալվել ենք մեր անվտանգության հարցը լոկալիզացնելով ու խոսույթ ստեղծելով, որ զրկանքներ ենք կրում Արցախի համար։ Դա եղել է Հայաստանի համար։ Այս մասին գրել է ԱԺ «Հայաստան» խմբակցության պատգամավոր Քրիստինե Վարդանյանը։

Քրեական ոստիկանության թմրամիջոցների անօրինական շրջանառության դեմ պայքարի վարչության ծառայողները ստացած հերթական տեղեկությունն իրացրին հուլիսի 2-ին։ Համագործակցելով մայրաքաղաքի պարեկների հետ՝ քրեական ոստիկանները մաքսանենգ ճանապարհով ներկրված թմրամիջոց ձեռք բերելու և իրացնելու կասկածանքով ձերբակալեցին երևանցի երեք տղամարդու՝ 31, 38 և 50 տարեկան։ Վերջինիս վարած ավտոմեքենայով հանդերձ նրանք տեղափոխվեցին Համայնքային ոստիկանության Շենգավիթի բաժին։ «Շևրոլե» մակինիշի մեքենայում հայտնաբերվել է 4 կիլոգրամ 200 գրամ մարիխուանա, որն, ըստ նախնական տեղեկության, տղամարդիկ պետք է իրացնեին։ Տղամարդիկ ներկայացվել են Քննչական կոմիտեի տնտեսական հանցագործությունների և մաքսանենգությունների քննության գլխավոր վարչություն։ Նախաքննությամբ հանգամանքները պարզվում են։

Հինգշաբթի օրը Guardian թերթը հայտնել էր, որ Համայնքների պալատի 50 պատգամավորներից բաղկացած խումբը պահանջել է արգելել մուլտֆիլմը՝ դրա մեջ տեսնելով «ռուսական քարոզչություն»։ Առաջարկը հնչել է այն բանից հետո, երբ ամերիկյան Netflix ընկերությունը ձեռք է բերել «Մաշան և Արջը» մուլտֆիլմի ևս երկու եթերաշրջանի իրավունքները։ «Մաշան և Արջը» մուլտֆիլմն արգելելու գաղափարը բուռն արձագանք է առաջացրել X սոցցանցի օգտատերերի շրջանում. առաջարկը որակել են որպես մանրախնդիր, իսկ այն առաջ քաշած պատգամավորներին անվանել «անհաջողակներ»։

Հերթական իրավական արշավը ազատ խոսքի դեմ. այսպես է որակել քաղաքագետ, «Մայր Հայաստան» կուսակցության վարչության անդամ Երվանդ Բոզոյանն այսօր առավոտյան իր նկատմամբ իրականացրած իրավապահների գործողությունները: Նրա բնակարանը խուզարկել են, տարել հարցաքննության՝ վկայի կարգավիճակով: Թե ինչ քրեական վարույթով է հարցաքննվել Բոզոյանը, միայն կարելի է ենթադրություններ անել. ոչ փաստաբանը, ոչ էլ Քննչական կոմիտեն չեն բացահայտում՝ նախաքննական գաղտնիքով պայմանավորված:

Բաքվի վերաքննիչ դատարանում այսօր շարունակվել է Արցախի նախկին ղեկավարների՝ Արայիկ Հարությունյանի, Արկադի Ղուկասյանի, Բակո Սահակյանի, ինչպես նաև Դավիթ Իշխանյանի, Դավիթ Բաբայանի, Լևոն Մնացականյանի և այլոց գործերով վերաքննիչ բողոքների քննությունը։ Այս մասին հայտնում են ադրբեջանական լրատվամիջոցները։ Դատական նիստի ընթացքում ԱՀ ազգային ժողովի նախկին նախագահ Դավիթ Իշխանյանի պաշտպանական կողմը ներկայացրել է դատական արձանագրությունների վերաբերյալ իրենց դիտողությունները, որոնք դատարանը կցել է գործին։ Միաժամանակ, նախկին արտգործնախարար Դավիթ Բաբայանի փաստաբանը ևս հանդես է եկել ելույթով՝ շեշտելով, որ իր պաշտպանյալի վերաքննիչ բողոքը լիովին հիմնավորված է։ Հաջորդ դատական նիստը նշանակվել է հուլիսի 7-ին

Կիևի և Վարշավայի միջև հակամարտությունը սրվել է մոտ մեկ ամիս առաջ։ Տարաձայնությունների պատճառը դարձել է Զելենսկու՝ մայիսին կայացրած որոշումը՝ Ուկրաինայի զինված ուժերի ստորաբաժանումներից մեկին «ՈՒՊԱ-ի հերոսների» (Ուկրաինական ապստամբական բանակ, որը ՌԴ-ում ճանաչված է որպես ծայրահեղական և արգելված) անունը շնորհելու մասին։ Դրանից հետո Լեհաստանի նախագահ Կարոլ Նավրոցկին Զելենսկուն զրկել է երկրի բարձրագույն պետական պարգևից՝ Սպիտակ արծվի շքանշանից։

Հայլուր 20։30 Առեղծվածային դեպք՝ Սևանի գերեզմանատանը. երիտասարդի դի են գտել՝ մեքենայում

Այսօր հրավիրված դատավորների ընդհանուր ժողովը Էթիկայի և կարգապահական հարցերի հանձնաժողովի դատավոր չհանդիսացող անդամներ է ընտրել՝ «Իրավական ուղի»իրավապաշտպան հասարակական կազմակերպության ներկայացուցիչ Արմինե Թումասյանին, «Խաղաղության երկխոսություն» հասարակական կազմակերպության ներկայացուցիչ Մելիք Մելիքյանին և «Իրավունքների պաշտպանություն առանց սահմանների» հասարակական կազմակերպության ներկայացուցիչ Հասմիկ Հարությունյանին։ Շնորհավորում ենք հանձնաժողովի նորընտիր անդամներին և մաղթում արդյունավետ ու բեղմնավոր աշխատանք։

Այսօր՝ հուլիսի 3-ին, խոշոր հրդեհ է տեղի ունեցել Արմավիրի մարզում։ Ժամը 18:00-ի սահմաններում ՀՀ ներքին գործերի նախարարության 112 օպերատիվ կառավարման կենտրոն ահազանգ է ստացվել, որ Մայիսյան գյուղում այրվում է չոր խոտածածկ տարածք և կրակը մոտենում է տանը։

Այն նաև պնդում է, որ գագաթնաժողովի բոլոր մասնակիցները, ներառյալ ԱՄՆ-ը, նույն փաստաթղթում խոստանում են հայտարարել ՆԱՏՕ-ին իրենց «երկաթյա հավատարմության» մասին։

Վարչապետ Նիկոլ Փաշինյանը վերջերս կրկին անդրադարձել է Գյումրիում արտահերթ ընտրություններ անցկացնելու մտադրությանը՝ հայտարարելով. «Եթե անհրաժեշտ է, իհարկե, ես ասել եմ, որ կարծում եմ, որ Գյումրիում պետք է մենք հնարավորինս արագ ունենանք արտահերթ ընտրություններ»: Չնայած այս հայտարարությանը, վարչապետը չի հստակեցրել, թե ինչ իրավական տարբերակներ են դիտարկվում անցած տարի` 2025 թվականին օրինական կարգով ընտրված և օրինական կարգով գործող ավագանու լուծարման համար, և թե ինչ ժամկետներ է ենթադրում «հնարավորինս արագ» ձևակերպումը։

Այսօր «Քաղաքացիական պայմանագիրը» 8-րդ գումարման Ազգային ժողովի վերջին նիստում վերջին հակաօրենսդրական փոփոխությունն է արել՝ ըստ խորհրդարանի «Հայաստան» խմբակցության: Ընդդիմադիր պատգամավորները պնդում են, որ հակասահմանադրական են խորհրդարանական ընտրությունների ու հանրաքվեի մասին օրենքներում կատարված փոփոխությունները, ըստ որի սահմանափակվում է Հայաստանի քաղաքացիների ընտրելու իրավունքը: Այս փոփոխությունն անելուց հետո ՔՊ-ականները հրաժեշտ են տվել Ալեն Սիմոնյանին, որ պատգամավորի մանդատ էլ չի պատրաստվում վերցնել: Սիմոնյանի հրաժեշտը Ռուբեն Ռուբինյանն է կազմակերպել, որ հաջորդ խորհրդարանի նախագահն է լինելու: Ալեն Սիմոնյանին հոտնկայս չի ծափահարել միայն Հայկ Սարգսյանը:

Կոտայքի մարզային քննչական վարչությունում նախաձեռնվեց քրեական վարույթ, որի շրջանակում Հրազդանի համայնքային ոստիկանների ձեռնարկած միջոցառումներն արագ արդյունք տվին Համայնքային ոստիկանության Մասիսի բաժնի գործընկերների և Արարատի մարզի պարեկների հետ համագործակցության շնորհիվ։

Հարևան Իրանում սկսվել են ավելի քան 4 ամիս առաջ սպանված գերագույն հոգևոր առաջնորդ Ալի Խամենեիի հրաժեշտի և հուղարկավորության զանգվածային արարողությունները։ Խամենեին սպանվել էր իսրայելա-ամերիկյան հենց առաջին հարվածներից՝ Թեհրանի իր նստավայրում: Նրան հողին կհանձնեն իր ծննդավայր Մաշհադ քաղաքում: Առավոտյան պաշտոնական պատվիրակություններ են ժամանել Իրան, այնտեղ է մեկնել նաև Նիկոլ Փաշինյանը:

Այսօր՝ հուլիսի 3-ին, ավտովթար է տեղի ունեցել Կոտայքի մարզում։ Ժամը 15:30-ի սահմաններում «Lada» մակնիշի ավտոմեքենան Երևան-Սևան-Իջևան ավտոճանապարհի Չայնիի ոլորաններում դուրս է եկել երթևեկելի գոտուց և բախվել երկաթե արգելապատնեշին։

Հուլիսի 3-ին՝ ժամը 17:07-ին, Լոռու մարզային օպերատիվ կառավարման կենտրոն ահազանգ է ստացվել, որ Վանաձոր քաղաքի Բաղրամյան պողոտայում գտնվող գազալցակայաններից մեկում տեղի է ունեցել պայթյուն։

Հայլուր 18։30 Հրաժեշտ՝ Ալեն Սիմոնյանին և խորհրդավոր շնորհավորանք՝ Ռուբինյանին. ինտրիգներ՝ ԱԺ-ում

Այսօր՝ հուլիսի 3-ին, առեղծվածային ու ողբերգական դեպք է տեղի ունեցել Գեղարքունիքի մարզում։ Ժամը 16:30-ի սահմաններում տեղեկություններ են ստացվել, որ Սևան քաղաքի հոգեկան առողջության կենտրոնի հարևանությամբ գտնվող գերեզմաններում ավտոմեքենա կա կայանված, որի մեջ էլ՝ դի։

Զապորոժիեի «Տոկմակ» շուկայի վրա ուկրաինական զինուժի հարվածների հետևանքով 5 մարդ զոհվել է, 18-ը՝ վիրավորվել: Բուժօգնության ու հոգեբանական օգնության համար հատուկ շտաբներ են ձևավորվել, «իրավիճակն իմ անձնական վերահսկողության տակ եմ պահում». հայտարարել է նահանգապետ Եվգենի Բալիցկին: Ուկրաինայի մայրաքաղաքի ուղղությամբ ռուսական ամենամասշտաբային հարվածներից հետո՝ այսօր առավոտյան Կիևը նաև Բելգորոդի էներգետիկ օբյեկտներին է հարվածել: