Լրահոս

Հայկական ճարտարապետությունն ուսումնասիրող հիմնադրամի երևանյան գրասենյակի նախագահ Սամվել Կարապետյանի հարազատները տեղեկացրել են, որ անվանի մշակութային գործչի հոգեհանգստի արարողությունը տեղի կունենա Շահումյանի «Զոլեր» սգո սրահում՝ ժամը 18:00-ին, հայտնում է Yerkir.am-ը:

Խաչատուր Աբովյանի անվան Մանկավարժական համալսարանում ՊՎԾ-ն ուսումնասիրություններ է իրականացրել եւ հայտնաբերել խախտումներ։ Այս մասին տեղեկանում ենք ՊՎԾ-ի լրատվությունից։

Ի՞ՆՉ ԿԼԻՆԻ ՁԻԱՀ-Ի ԿԱՆԽԱՐԳԵԼՄԱՆ ԿԵՆՏՐՈՆԻ ՀԵՏ

Հայլուրի տաղավարում է ՁԻԱՀ-ի կանխարգելման հանրապետական կենտրոնի բժիշկ-համաճարակաբան Ռուբեն Հովհաննիսյանը

Ամսվա երկրորդ կեսին առանձին օրեր հանրապետության հովտային գոտում ցերեկային ժամերին օդի ջերմաստիճանը կհասնի +20․․․+25, նախալեռնային գոտում +18․․․+20, լեռնային գոտում +10․․․․+15 աստիճանի։

Անցած տարի 4 հարյուրը անցնող վարորդի զրկել է վարորդական իարվունքիցց եւ նրանց հաշվառել հոգեբուժական և թմրաբանական բուժհիմնարկներում: Ճանապարհային ոստիկանության պետ այդ մասին խորհրդարանում է ասել: «Երթեւեկության խնդիրների մասին» լսումներ էր հրավիրել Բարգավաճ Հայաստան խմբակցությունը: Արդարադատության նախարարի տեղակալն էլ բալային համակարգին է անդրադարձել Երեւանում ու մարզերում պատահարների պատկերն է ներկայացրել:

Հեմոդիալիզի գործով դատավարությանն այսօր գրավոր փաստաթղթերն են ներկայացրել: Պարզվել է, որ մրցույթում հաղթած ընկերությունը կեղծ հավաստագիր է ներկայացրել: Պետական վերահսկողական ծառայության՝ կասեցված լիազորություններով ղեկավար Դավիթ Սանասարյանը դեռ փորձում է հասկանալ, թե ինքն ինչ կապ ունի այս գործի հետ:

Արցախում համապետական ընտրությունների երկրորդ օրն է: Հայկական երկրորդ հանրապետությունում միաժամանակ խորհրդարանական ու նախագահական ընտրություններ են նշանակված մարտի 31-ին: Նախագահի թեկնածուներն այստեղ 14-ն են: Թե ինչ խոստումներով են հանդիպում ընտրողների հետ:

Վրաստանում, որի հետ այս պահին միակ լիարժեք բաց սահմանն ունենք նոր կորոնավիրուսի առաջին դեպքն է գրանցվել: Մեր հարեւան երկրի 50-ամյա քաղաքացին Ադրբեջանով Իրանից է ժամանել ու միանգամից մեկուսացվել է:

Իտալիայում մեկ օրում 470-ից ավելի մարդ է վարակվել կորոնավիրուսով: Ու եթե մեր երկրում կորոնավիրուս հայտնաբերված երկրից ժամանողների ջերմությունն են չափում եւ բարի ճանապարհ ասում, Իտալիայում, որը վարակից մահվան դեպքերի թվով երրորդն է, մի ամբողջ շենք են առանձնացրել նման մարդկանց համար: Այդ շենքում ապրում են 2 շաբաթ, վերահսկվում զինվորների կողմից անգամ եթե ջերմություն չունեն: Մեր արտգործնախարարությունը հորդորում է քաղաքացիներին առայժմ չմեկնել Իրան, Չինաստան, Ճապոնիա, Հարավային Կորեա և Իտալիա:

Բռնության կոչն ու ատելության խոսքը քրեականացնող օրինագիծ է շրջանառվում: Արդարադատության փոխնախարարի նախագիծը խորհրդարանում մեծ աղմուկ է բարձրացրել: ԲՀԿ-ական պատգամավոր Գեւորգ Պետրոսյանի կարծիքով, եթե նախագիծը օրենք դառնա երկրում ամեն 5-րդը ատասխանատվության կենթարկվի: Պետաիրավական հարցերի հանձնաժողովում նախագիծը պատգամավորների մեծամասնության դժգոհությունն է առաջացրել:

ՁԻԱՀ-ի կանխարգելման հանրապետական կենտրոնի աշխատակիցները բողոքի ակցիա են արել կառավարության դիմաց: Նրանք դեմ են առողջապահության նախարարի ՁԻԱՀ-ի կենտրոնը «Նորք» ինֆեկցիոն հիվանդանոցին միացնելու որոշմանը այդպես հնարավոր չէ պահպանել սպիդով հիվանդների անհայտ մնալու իրավունքը: Երկու օր առաջ աշխատանքից հեռացվել է կենտրոնի տնօրենը, իսկ փոխտնօրենին երեկ բերման էին ենթարկել, այն բանից հետո, երբ նա հրաժարվել էր ժամանակավոր պաշտոնակատարին հանձնել հիմնարկության կնիքը, որոշ փաստաթղթեր ու աշխատասենյակի բանալին:

Խորին ցավով տեղեկացնում ենք, որ այսօր կյանքից անժամանակ հեռացել է Հայկական Ճարտարապետությունն ուսումնասիրող (RAA) հիմնադրամի նախագահ, երախտավոր հուշարձանագետ, մեր սիրելի Սամվել Կարապետյանը։