Լրահոս

Փաշինյանը երեկ Գերմանիայում պատասխանել է մի ադրբեջանցու այն հարցին, թե ինչ նկատի ուներ Հայաստանի վարչապետը, երբ ասում էր, որ «Արցախը Հայաստան է և վերջ»: «Ղարաբաղի վրա Ադրբեջանի հարձակումը մենք կընկալենք որպես հարձակում Հայաստանի վրա»: Այսպես է պատասխանել վարչապետը:

Միջազգային քննադատություններով ականջները չխլացնելու շատ հետաքրքիր մեթոդ է որդեգրել Նոր Հայաստանի իշխանությունը: Տեքստը բնօրինակից թարգմանելիս պարզապես չեն թարգմանում այն հատվածները, որոնք քննադատություն են պարունակում:  

Չինացի բժիշկները կորոնավիրուսը բուժելու այլընտրանքային միջոց են գտել. Հիվանդներին փոխներարկում են կորոնավիրուսից ապաքինված դոնորների արյան պլազմա: Այս մեթոդը թույլ է տվել փրկել ծայրահեղ ծանր վիճակում գտնվող արդեն տասնյակից ավելի հիվանդի: Բայց զոհերի թիվը շարունակում է աճել: Մեկ օրում 116 մարդ է մահացել:

Դավիթ Սանասարյանի ու մյուսների գործով դատավարությունը կշարունակվի, գործը կարճեկլու միջնորդությունը դատարանը մերժել է: Պաշտպանների հիմնավորումները, թե այն պետք է ԱԱԾ-ն քններ դատախազն անհիմն է որակել: Ինչպես հիշում եք պետական վերահսկողական ծառայության լիազորությունները կասեցված պետին մեղադրանք է առաջադրվել պաշտոնեական դիրքը չարաշահելու համար:

Տարեվերջին Մեղրիի անցակետը արդիականացնելու են, համապաստախանեցնելու միջազգային չափանիշներին: Այս մասին այսօր ՊԵԿ նախագահի տեղակալն է հայտնել: Շուշանիկ Ներսիսյանը նաեւ հայտնել է, որ ներմուծած մեքենաները մաքսազերծելու ժամկետը երկարացնելու համար լուծումներ են փնտրում:

Այս արկածախնդրության միակ նպատակը հլու-հնազանդ Սահմանադրական դատարան ունենալն է, ինչը ոչ միայն չի լուծելու Հայաստանի Հանրապետության քաղաքացիների առջև ծառացած բազմաթիվ իրական խնդիրները, այլև  պետականությունը քանդելու հերթական քայլն է:

Այսօր տիրոջն ընդառաջ գնալու օրն է: Տյառնընդառաջի տոնը սկսվել է առավոտյան աղոթքով, երեկոյան բակերում նորապսակների համար խարույկներ են վառվել: Այս առիթով հրաշալի հորդորակ է տարածել Այրվածքաբանության ազգային կենտրոնը: «Հորդորում ենք բարձր չթռչել: Հորդորը շրջանցելու դեպքում հիշե՛ք, որ Կենտրոնը աշխատում է ՇՈՒՐՋՕՐՅԱ և բուժումն ԱՆՎՃԱՐ Է»: Ավանդությունն ասում է՝ բախտավորության նշան է, եթե տերենդեզի կրակից շորի ծայրն այրվում է:

Աննախադեպ ազատ մամուլի երկրում երկու հեռուստաաալիքի սեփականատերերից մեկը շարունակում է մնալ կալանքի տակ: 8 օրից կլրանա 5-րդ ալիքի սեփականատեր Արմեն Թավադյանի կալանավորման երկու ամիսը: Փաստաբան Հովհաննես Խուդոյանին ի սկզբանե իրավապահների գործողությունները հուշում են, որ Թավադյանի կալանավորումը մեր հեռուստաընկերությանը վնասելու միտում ունի:

Կորոնավիրուսի դեմ պայքարում բժիշկներն առաժմ պարտվում են: Չինաստանի Հուբեյ նահանգում նախօրեին արձանագրվել է կորոնավիրուսից մահացության 242 դեպք: Սա համաճարակի բռնկումից հետո մահերի ամենաբարձր ցուցանիշն է:

Որտե՞ղ ու ե՞րբ է սկսվել Արցախյան շարժումը: Տարբեր վարկածներ կան: Այս թեմայով արցախցիները հաճախ են կատակներ անում: Վարկածներից մեկի համաձայն՝ Արցախին անկախություն նվիրած շարժումը սկսվել է պաշտոնական մեկնարկից 3 տարի առաջ 1985-ի, երբ Հադրութցիները որոշեցին պաշտոնական Մոսկվայից ալեհավաք խնդրել՝ հայկական հեռուսատեսություն դիտելու համար:

Վերջին երկու ամսում բանակում մահվան դեպքերը հասնում են վտանգավոր չափերի: Ահազանգում են իրավապաշտպանները: Վերջին ողբերգական լուրերը չորեքշաբթի Արցախից եկան: Այնտեղ դեռևս չպարզված հանգամանքներում երկու զինվոր էր մահացել հարավային և հյուսիսայի սահմանին մարտական դիրքում: Երկուսն էլ գլխի շրջանում հրազենային վիրավորում էին ստացել: Հայաստանի ղեկավարը ասում է, որ սա քրեական ենթամշակույթի հետևանքն է: Այն թափանցել է բանակ ու միջազնձնային կոնֆլիկտների հիմնական պատճառ դարձել: Խորհրդարանում այսօր առաջարկ է հնչել մահվան դեպքերի քննող հանձնաժողով ստեղծել:

Խորհրդարանական ընդդիմությունից «Բարգավաճ Հայաստանը» միայն վաղը կարող է ասել զբաղվելո՞ւ է ոչի քարոզով: Որոշումը կկայացնեն կուսակցության քաղխորհրդի նիստում: Լուսավոր ընդդիմությունը որոշեց Ոչ-ի շտաբը չձևավորել, որպեսզի հեռու մնա ատելության թիրախ դառնալուց: Սակայն իմքայլականների հետ լեզու գտել չի հաջողվում: Իշխանության պատգամավորները՝ չեն կարողանում մոռանալ փետրվարի 6-ին Մարուքյանի պատասխանը Նիկոլ Փաշինյանին: