Լրահոս

Սահմանադրության 123-րդ հոդվածի 2-րդ մասի համաձայն` Դուք պետք է հետևեք Սահմանադրության պահպանմանը:

«Հունվարի 29-ից սկսած գիշերային այս ցրտերը էականորեն մեղմվում են։ Ընդհանուր առմամբ հուվարի 29-31-ին գիշերները այսօրվա հետ համեմատ աստիճանաբար տաքանում են մոտ 8-10 աստիճանով»,- ֆեյսբուքի իր էջում գրել է ԱԻՆ օդերևութաբանական ծառայության պետ Գագիկ Սուրենյանը:

 

Հունվարի 29-ին և 30-ին ՀՀ ԱԳ նախարար Զոհրաբ Մնացականյանը Ժնևում հանդիպումներ կունենա ԵԱՀԿ Մինսկի խմբի համանախագահների և վերջիններիս միջնորդությամբ և մասնակցությամբ՝ Ադրբեջանի ԱԳ նախարարի հետ։ Անդրադարձ է կատարվելու ԼՂ խաղաղ կարգավորմանն առնչվող հարցերի լայն շրջանակի։

Ինչպե՞ս ապրել 117 տարի: Աշխարհի ամենատարեց բնակչուհին իր երկարակեցության գաղտնիքը բացահայտել է ծննդյան տարեդարձի օրը: Նա այս ամիս նշել է 117-ամյակը ու գրանցվել ռեկորդների գրքում: Ճապոնացի Կանե Տանակայի դարից երկար ապրելու բանաձևը լավ քունն է, դիետան: Լավ ընտանիքը և հույսը, որը նա երբեք չի կորցրել անգամ 103 տարեկանում, երբ բժիշկներն հայտնաբերեցին, որ նա քաղցկեղ ունի: Ճապոնուհին չհանձնվեց, հաղթեց հիվանդությանը:

Այս շաբաթ էլ հետաձգվեց սահմանադրական դատարանի առումը: Ուրբաթ առավոտ կանուխ ՀՔԾ քննիչները խուզարկության գնացին բարձր դատարանի նախագահ Հրայր Թովմասյանի բնակարան: Խուզարկելուց և ոչինչ չհայտնաբերելուց հետո, Թովմասյանը լրագրողներին հայտարարեց, որ իշխանությունը ցանկանում է իրենից արագ ձերբազատվել: Խուզարկությունից երկու օր առաջ վարչապետը խորհրդարանի ամբիոնից նոր մեղադրանք էր հնչեցրել բարձր դատարանի հասցեին՝ ասելով, թե սահամանդրական դատարանը սպասում է, երբ է բոլոր կոռուպցիոներներին պատասխանատվությունից ազատելու: Փաշինյանի այս հայտարարությանը առնվազն տարակուսել է օրենքի տեսանկյունից քանի , որ Սահմանադրությամբ բարձր դաատարանը երբեւէ օժտված չի եղել նման լիազօրություններով:

Ղասաբների ինքնագործունեության դեմ ու հանուն բոյնիների. կառավարության ընդունած որոշումը այս շաբաթ ոտքի հանեց հանրապետության ֆերմերներին: Հունվարի 15-ից ուժի մեջ մտած որոշումը արգելում է անասուններին բակերում մորթել, ու պարտադիր է դառնում մորթը բոյնիներում՝ սպանդանոցներում: Երկուշաբթի տեղի ունեցած իրադարձությունների գլխավոր հասցեն նորից Երևանի կենտրոնն էր: Հանրապետության հյուսիսից, հարավից մայրաքաղաք հասած անասնապահները կառավարության դիմաց բազմամարդ ցույց արեցին: Ապակենտրոն բողոքի ակցիայի ընթացքում նաև միջպետական ու հանրապետական մի շարք ճանապարհներ փակվեցին:

Այս շաբաթ պայթեց հայ-ղազախական սկանդալ, որի կենտրոնում ավտոբիզնեսով զբաղվող Հայաստանի այն քաղաքացիներն են, որոնք մեքենաներ են ներկրել ղազախների պատվերով: Մինչև այս տարվա հունվարի մեկը ԵԱՏՄ անդամ Հայաստան երրորդ երկրից մեքենա կարելի էր ներկրել՝ արտոնյալ պայմաններով. մաքասազերծումը էժան էր: Մեքենաները արտասահմանի քաղաքացիներին վաճառել չէր կարելի, բայց տարբեր ճանապարհներով դրանց մեծ մասը վաճառվել է ԵՏԱՄ այլ պետությունների, մասնավորապես՝ Ղազախստանի քաղաքացիներին: Հիմա այդ երկրում իսկական քաոս է:

Հինգշաբթի զինված քաղաքացին Երևանում մտավ Էրեբունի պլազա բիզնես կենտրոն, կրակոցներ արձակեց, պատանդառեց մի քաղաքացու ու պահանջեց ցույց տալ Ռոբերտ Քոչարյանի գրասենյակի տեղը: Ոստիկանապետի ժամանակավոր պաշտոնակատարի հետ բանակցությունից հետո, քաղաքացին համաձայնեց հանձնել զենքը, հանձնվել՝ պայմանով, որ իրեն ձեռնաշղթաներ չեն հագցնի: Նա դեպքի վայրից հեռացավ ոստիկանապետի ժամանակավոր պաշտոնակատարի ծառայողական մեքենայով:

Անցած շաբաթ հիվանդներից վարակված չինացի բժիշկը այսօր մահացել է: Նոր կորոնավիրուսը հատել է Չինաստանի սահմանը, վարակակիրներ կան նաեւ Ամերիկայում ու Եվրոպայում: Վիրուսի զոհերի թիվը անցնում է 4 տասնյակը:

Շուշիում վերականգնում են Կովկասում հայտնի թառահար Բալա Մելիքյանի տունը: Տան հայտնի կամարները Շուշիում կամարներ կառուցող հեղինակավոր վարպետն է նորոգում: Թառահարի տունը շվեյցարացիների աջակցությամբ է վերականգնվում:

Արցախում հրազենից վիրավորված Հենրի-Հայկ Սիմոնի Զաքարեանին բժիշկները հրաշքով են փրկել: Պաշտպանության նախարարն այսօր հայտարարել է, որ զինվորն ինքն է իր վրա կրակել: Այլ մանրամասներ Տոնոյանը չի հայտնել:

Կապանում Փաշինյանն ասյօր այդպես էլ հստակ չի ասել, հիմա էլ է կարծում, որ ապրիլյան քառօրյան Ռուսաստանի համաձայնությամբ է եղել: Փաշինյանը այսօր հայտարարել է, որ կշարունակի Արցախի շուրջ բանակցել Սերժ Սարգսյանի թողած կետից, եթե արցախցիները դրան համաձայնեն: Այս հայտարարությունից առաջ հղում տալով մամուլի հրապարակումներին նորից նախկիններին մեղադրել է հողեր հանձնելու համար: ՀՀԿ-ից պատասխանել են Փաշինյանին:

Գեղարքունիքի մարզի լեռներում վատառողջ ռուս դահուկորդը տեղափոխվել է հիվանդանոց: Փրկարարները նրան տարհանել են ահազանգից մեկ օր անց: Մյուս 5 դահուկորդները կշարունակեն վայելել ձմեռը Վարդենյանց լեռնանցքում: Մանրամասները ռեպորտաժում:

Թուրքիայի արևելքում 6,8 մագնիտուդով երկրաշարժ է գրանցվել: 21 մարդ մահացել է, 722-ը տուժել: Մալաթիայում և Էլյազիգում փլատակների տակ են մնացել մի քանի տասնյակ մարդ:

Կապանում վարչապետին բողոքի ցույցով են դիմավորել: Ինչպես գիտեք Նիկոլ Փաշինյանը Սյունիքի շրջկենտրոնում է ասուլիս հրավիրել: Բակում մի խումբ քաղաքացիներ նրանից պահանջել են հեռանալ պաշտոնից, նշելով, որ Փաշինյանը մի շարք հարցերում ստել է: Կա բերման ենթարկված:

Լույս է տեսել քաղաքագետ Էդգար Էլբակյանի ու թյուրքագետ Վարուժան Գեղամյանի համահեղինակած «Ժամանակակից Ադրբեջան» գիրք-շտեմարանը: Ադրբեջանի մասին կարեւոր տվյալներով այս գիրքը հատկապես նրանց համար է, ովքեր ինչ-որ ձեւով առնչվում են այդ երկրի հետ: «Ժամանակակից Ադրբեջան» գիրքը վաճառքում չի լինի, այն տեղեկատվական նպատակներով կտարածվի մասնագետների շրջանում: