Լրահոս

Ռուսաստանը նոր վարչապետ ունի: Ոչ մի դեմ ձայնով Պետդուման հաստատել է Միխայիլ Միշուստինի թեկնածությունը երկրի կառավարության ղեկավարի պաշտոնում: Նրա թեկնածությունը առաջարկել էր Վլադիմիր Պուտինը: Նախկին վարչապետ Մեդվեդևը նոր պաշտոնի է անցել: Վարչապետի պաշտոնում ընտրվելու առիթով Միշուստինին շնորհավորել է Նիկոլ Փաշինյանը:

Այսքանով առողջապահության նախարարությունը չի բավարարվել: Ժամեր անց հայտարարություն է տարածել մեզ հորդորելով զսպել քաղաքական դիվիդենտներ հավաքելու անհագ ցանկությունը և վտանգի չենթարկել մարդկանց առողջությունը։ Հայտարարությունում նաև երկար նկարագրություն է, այն մասին, թե ի՞նչ վտանգներ կարող են լինել, երբ լրագրողը առանց դիմակի և գլխարկի մասնակցում է, ինչպես նախարարության հայատարարությունում է գրված «ծննդատան ծննդաբերության գործընթացին»:

Կառավարության հերթական որոշումը գլխացավանք է դարձել անասնապահների համար: Հունվարի 15-ից նրանք պարտավոր են իրենց անասունների մորթը կազմակերպել սպանդանոցում: Այսօր ?առավարության դիմաց բողոքի ակցիայի եկած ֆերմերները հայտարարել են, որ գոնե ամեն համայքն պետք է մի սպանդանոց ունենա: Ըստ մամուլի՝ Հանրապետության ամբողջ տարածքում այժմ մոտ երեսուն սպանդանոց է գործում:

Արդեն 24-րդ օր է մեր հեռուստաընկերության սեփականատեր Արմեն Թավադյանը անազատության մեջ է: Այսօր մամուլը գրեց, որ Երևանի պետհամալսարանի ռեկտորի ժամանակավոր պաշտոնակատարը հանձնարարել է չեղարկել «Հրապարակ» օրաթերթի առաքումը համալսարան: Այս ամենի ֆոնին դժվար է հասկանալ, թե ի՞նչ չափանիշներով է Հայաստանի վարչապետը որոշում մեր երկրի ժողովրդավարության մակարդակը ու հայտարարում, թե այն այնքան բարձր է, որ անգամ կոռուպցիոներները հեռուստաընկերություններ ունեն:

Որոշ հեռուստաընկերությունների աշխատանքից դժգոհ քաղաքական մեծամասնության նախաձեռնությամբ, այսօր խորհրդարանում լսումներ են հրավիրել ու քննարկել «Հեռուսատատեսության և ռադիոյի մասին» օրենքի փոփոխությունների հարցը: Երկրի թիվ մեկ քաղաքկան ամբիոնից խոսել են հեռուստաընկերություններին լիցենզազվորման, հեռուստատեսային դաշտը կարգավորող նոր օրենքի անհրաժեշտության մասին: Իշխող թիմի ներկայացուցիչները պարբերաբար կրկնել են, որ նախատեսվող փոփոխությունները քաղաքական ենթատեքստ չունեն, խոսքի ազատությունը սահմանափակելու նպատակ չկա:

Մեկ տարվա ընթացքում ՎԵՏՕ շարժման ղեկավար Նարեկ Մալյանը այսօր հոբելյանական 100-րդ անգամ գնացել է քննչական բաժին: Մալյանը իրավապահներին այցելել է Ջորջ Սորոսի ու նրա հիմանդրած Բաց հասարակությունների հիմնադրամի Հայաստանյան գրասենյակի ղեկավարի նկարով տորթով, շամպայնով, ծաղիկներով ու հատուկ նվերով: Ահա, թե ինչպես է դա եղել:

Վերակենդանացման բաժանմունքում գտնվող Մանվել Գրիգորյանի վիճակը շարունակում է ծայրահեղ ծանր մնալ: Սրտի սուր առիթմյան դեռ պահպանվում է: Ինչպես հիշում եք Մանվել Գրիգորյանին դատարանը չորեքշաբթի երեկոյան ազատ էր արձակել՝ երկրից չհեռանալու մասին ստորագրությամբ:

Հունվարի 15-ին, ժամը 16.30-ի սահմաններում, ՀՀ հյուսիսարևելյան ուղղությամբ տեղակայված զորամասերից մեկի մարտական դիրքում, ըստ նախնական տվյալների, հակառակորդի կողմից ՍՎԴ տեսակի դիպուկահար հրազենից արձակված կրակոցից հրազենային բեկորային վիրավորում է ստացել պայմանագրային զինծառայող, շարքային Արթուր Հրաչիկի Մեժլումյանը (Տավուշի ԶԿ):

Հայաստանի առողջապահության նախարարությունը խիստ մտահոգված է, որ «5-րդ ալիքի» լրագրողն առանց դիմակի եւ գլխարկի ուղիղ եթերում ներկայացրել է «հատված Աչաջրի ծննդատան ծննդաբերության գործընթացից»: Անկեղծ ասած, ցուցադրել ենք մի դրվագ ԿՆՈՋ ծննդաբերության ընթացքից, ոչ թե «հատված՝ ԾՆՆԴԱՏԱՆ ծննդաբերության գործընթացից

Երկրում կա ինֆորմացիոն հոսքերը վերահսկելու հստակ գործառույթ և պետք չի թաքցնել` մենք գիտենք, որ այդ գործառույթը կա, և այդ գործառույթը գտնվում է Հանրապետության նախկին ղեկավարության հետ կապված անձանց, ընտանեկան կապեր ունեցող անձանց վերահսկողության ներքո և մենք, ինչպես մեր քաղաքական ռազմավարությունը որդեգրել ենք նախկինում, պետք է այս ուղղությամբ շարունակենք աշխատանքը․․․

7 ծննդատուն փակելու առողջապահության նախարարության որոշումը հանգիստ չի տալիս այդ 7 բնակավայրերի քաղաքացիներին ու բուժանձնակազմին: Սկզբում որոշումը մեկնաբանվում էր որպես անբեկանելի է, իսկ ավելի ուշ պարզվեց բեկանելի է, ավելին 7-ից առնվազն երկու ծննդատունը դեռևս չի փակվի: Խոսքը հավանաբար՝ Եղվարդի և Մարալիկի ծննդատների մասին է: Փակվելու վտանգի առաջ է նաև Աչաջուրի ծննդատունը:

Հայաստանի վարչապետը այսօր երկուսուկես ժամ հարցաքննությունների է մասնակցել Քննչական կոմիտեում: Այդ մասին առաջինն իմացանք քննիչի հետ վարչապետի սելֆիից, որը առավոտյան հրապարակվել էր Փաշինյանի ֆեյսբուքյան էջում: Մի քանի ժամ անց, Քննչական կոմիտեն պարզաբանեց, որ կառավարության ղեկավարին հարցաքննել են գաղտնալսումների հայտնի գործերով: Մի դեպքում, որպես վկա, մյուս դեպքում, որպես տուժող: Ըստ պաշտոնական աղբյուրի, հարցաքննվել են նաև Արթուր Վանեցյանն ու Սասուն Խաչատրյանը: