Լրահոս

Երրորդ նախագահին մեղադրանք առաջադրելով իշխանությունը ցանկանում է Հայաստանին և Արցախին սպառնացող վտանգների ֆոնին լռեցնել քաղաքական ընդդիմախոսներին: ՀՀԿ փոխնախագահ Արմեն Աշոտյանի կարծիքն է: Ըստ նրա Սերժ Սարգսյանի դեմ հարուցված քրեական գործը օդ է:

Հանրապետության երկրորդ նախագահի փաստաբանների բողոքը Վերաքննիչում այսօր չքննվեց: Մեղադրող դատախազը նիստի սկզբում ինքնաբացարկի միջնորդություն հայտնեց դատավոր Մխիթար Պապոյանին պատճառաբանելով, թե նա չի կարող անաչառ քննություն իրականացնել: Դատախազի միջնորդության հիմքում մամուլի մի հրապարակում է:

Խորհրդարանը 77 կողմ, 37 դեմ ձայներով ընդունել է Բյուջե-2020-ի նախագիծը: Խորհրդարանական ընդդիմությունը, ինչպես եւ հայտարարել էր դեմ է քվերակել: Ոչ ԲՀԿ-ն, ոչ էլ՝ Լուսավորը տնտեսական հեղափոխություն անելու կառավարության մտադրության մասին տողեր չեն գտել:

Շնչառական հիվանդություններրի սեզոնը բացված է: Բժիշկները զգուշացնում են վիրուսի դեպքում տանից դուրս չգալ, բայց եթե ստիպված եք դիմակ կրեք: Անգամ ամենատաք ձմռանը տաք հագուստը պարտադիր է:

Հիվանդանոցից նորածինների անհետացման դեպքերը բացահայտելու համար Հայաստանում ձևավորվել է նոր շարժում: «Հայ մայրերն» այսօր առաջին անգամ հավաքվել են դատախազության դիմաց: Նրանց հետ հանդիպման իջաց գլխավոր դատախազի խորհրդականը ապշել է՝ լսելով նորածինների անհետացման դեպքերի վիճակագրությունը:

Նորքի ինֆեկցիոն հիվանդանոցի տնօրեն Մհեր Դավիդյանցի շուրջ սկանդալ է հասունանում: Armlur.am-ը տեսանյութ է հրապարակել, որտեղ տնօրենը իր աշխատակիցներից մեկի հետ խոսում է «այլ ծախսեր» անվան տակ դուրս գրվող փողերի մասին, որը պետք է հավաքել ու դնել սեյֆում: Լրատվամիջոցը իրավապահ մարմիններին խնդրել է սա ընդունել որպես հաղորդում հանցագործության մասին: Առողջապահության նախարարությունը դեռ չի մեկնաբանում այս տեսանյութը, քանի որ նախարար Արսեն Թորոսյանը երկրում չէ: Ըստ մամուլի՝ Մհեր Դավիդյանցը առողջապահության նախարարի մտերիմ ընկերն է:

Յուքմի նախաամանորյա առաջարկների մասին:

Ֆրանսիայում նորից անհանգիստ է: Երկում համընդհանուր գործադուլ է՝ նախագահ Էմանուել Մակրոնի առաջարկած կենսաթոշակային բարեփոխումների դեմ: Ֆրանսիայում գործում են կենսաթոշակային տասնյակ համակարգեր:

Պատերազմից փրկված արծվաշենցիների բողոքը մեկ տարի անց նորից հասել է Երևան: Նրանք պետությունից պահնաջում են փախստականի, բռնի տեղահանվածի կարգավիճակ տալ իրենց: Ակցիայի մասնակիցներից մեկն ակնարկել է, թե այդ կարգավիճակն իրենց պետք է Հայաստանից արտագաղթելու համար:

Աջ ղեկով մեքենաներ չներկրելու հարցի վերաբերյալ որոշում Հայաստանի կառավարությունը այդպես էլ չի կարողանում ընդունել: Այսօրվա նիստում դարձյալ որոշել են աջ ղեկով մեքենաների ներկրումը ժամանակավորապես թույլատրել, մինչև կհասկանան, թե ի՞նչ է հնարավոր անել: Կարծես թե բոլորը կողմ են, որ աջ ղեկով մեքենա չլինի հանրապետությունում, սակայն չգիտեն՝ ինչպես դա արգելել, որ ավտոբիզնեսը չտուժի, արհեստավորն անգործ չմնա:

Հայաստանի և Ադրբեջանի արտգործնախարարների հանդիպումից ժամեր առաջ Սերժ Սարգսյանին առաջադրված մեղադրանքը, քաղաքական մեկնաբանները, պատահականություն չեն համարում: Սերժ Սարգսյանը մոտ երկու շաբաթ առաջ Զագրեբում հայտարարեց, որ Արցախը երբեք չի լինելու Ադրբեջանի կազմում:

Խորհրդարանական ընդդիմությունը դեմ է քվերակելու Բյուջե-2020-ի նախագծին: Բարգավաճ Հայաստանն այդ մասին հայտարարել էր բյուջեի առաջին քննարկման ժամանակ: Լուսավոր Հայաստանը հայտարարել է այսօր, երբ պարզել է, որ ներկայացրած բազմաթիվ առաջարկներից և ոչ մեկը կառավարությունը չի ներառել երկրի գլխավոր ֆինանսական փաստաթղթում: