Լրահոս

Երկրաշարժից 31 տարի անց: Երեկ նորից հիշեցինք, որ մեր քթի տակ դեռ կա աղետի գոտին 7219 տնակով, որոնց միայն մի փոքր մասն է լքված: Մյուսներում ապրում են ընտանիքներ: Շատ լրագրողների պես ես էլ իմ գյումրեցի գործընկերոջ հետ գնացի Գյումրի, բայց որոշեցի այս անգամ Ձեզ ուրիշ պատմություն պատմել քաղաքի մասին որը չի սպասում օգնող ձեռքի, որ ապրում է՝ շատ լավ հիշելով պատահածը:

Այս շաբաթ Նոր Հայաստանի մասին 7 օրվա համար չափազանց շատ միֆեր ապամիֆականացվեցին:

Բժիշկներն ասում են, որ մինչև 1 տարեկան՝ երեխան բազմոցից, պատից աթոռից կամ այլ բանից բռնվելով, կարողանում է նստած տեղից վեր կենալ։ Կարողանում է ծնկները խորը ծալել նստելու համար։ Երեխաներից շատերն այս տարիքում անկառավարելիորեն արագ սողում են տնով մեկ։ Որևէ մեկի ձեռքից բռնած՝ այս տարիքի երեխան կարող է նաև քայլել։ Բացառիկ փոքրիկներ կան, որ այս տարիքում են անում առաջին ինքնուրույն քայլերը։ Քաղաքականության մեջ էլ ասում են մարդը նույն փուլերն է անցնում:

Լեռնային Ղարաբաղում էսկալացիայի իրական վտանգի մասին ԵԱՀԿ գործող նախագահ Միրոսլավ Լայչակի հայտարարության, հրադադարի խախտումների կտրուկ աճի ու բանակցային փակուղու մասին հայտարարությունների ֆոնին այս շաբաթ մեղադրանք առաջադրվեց 10 տարի Ադրբեջանի հետ բանակցություններ վարած նախագահին: Սերժ Սարգսյանի խափանման միջոց ընտրվեց ստորագրությունը չհեռանալու մասին զագրեբյան ելույթից երկու շաբաթ հետո, երբ նա ասաց, որ Արցախը երբեք չի լինելու Ադրբեջանի կազմում և այն նույն օրը, երբ Բրատիսլավայում հանդիպեցին Հայաստանի ու Ադրբեջանի արտգործնախարարները:

Այս շաբաթ Ռոբերտ Քոչարյանի մասնակցությամբ երկու դատավարություն տեղի ունեցավ: Վերաքննիչում պաշտպանները բողոքարկում են ընդհանուր իրավասության դատարանի որոշումը երկրորդ նախագահին անազատության մեջ թողնելու մասին: Իհարկե բուն հարցի քննությանը դատարանը դեռ չի հասել: Դատախազը դատավոր Պապոյանին ինքնաբացարկ հայտնելու միջնորդություն է ներկայացրել:  

Սպիտակում 88-ի երկրաշարժի ժամանակ 4 հազար մարդ մահացավ: Այսօր էլ դեռ անօթեւաններ կան: 1200 մարդ քաղաքում դեռ տուն չունի: Սրանք թարմ տվյալներ են, որոնք Սպիտակի քաղաքապետն այսօր ներկայացրել է վարչապետին: Սպիտակցիներն իրենց անտեսված են զգում՝ երկրի իշխանությունն իրենց խնդիրների մասին տարին մեկ են հիշում: Վարչապետ Փաշինյանն այսօր Սպիտակում հարգանքի տուրք է մատուցել զոհվածների հիշատակին: Քաղաքում բացվել է ամերիկահայ բարերար Քըրք Քըրքորյանի կիսանդրին:

Սահմանադրական դատարանի դատավորներին վաղաժամ թոշակի ուղարկելու նախագիծը եկող շաբաթ քննարկելու են քառօրյայի հերթական նիստում: Պետաիրավական հանձնաժողովում խորհրդարանական ընդդիմությունը հայտարարեց, որ դեմ է կառավարության առաջարկությանը:

Գյումրիում դեռ վագոն-տնակներ կան, որտեղ երեխաներ են մեծանում: Այս տարի աղետի գոտում անօթեւան մնացածների թիվը չպակասեց, բայց հաջորդ տարվա համար կառավարությունը 227 ընտանիքի ուզում է տնով ապահովել:

Հիշատակի միջոցառումներ են եղել նաեւ Գյումրիում: Քաղաք է այցելել նախագահ Արմեն Սարգսյանը: Առավոտյան Գյումրու Սուրբ Ամենափրկիչ եկեղեցու բակում տեղադրված «Անմեղ զոհերին, բարեգութ սրտերին» հուշարձանի մոտ ծաղկեպսակ է դրվել նաեւ հանրապետության երկրորդ նախագահի անունից:

Տեղափոխվենք Արցախ, այստեղ պատրաստվում են համապետական ընտրությունների: 2020-ի գարնանը նոր խորհրդարան ու նախագահ են ընտրելու արցախցիները: 2020-ի ընտրություններին ընդառաջ Արցախում Հայլուրի թղթակից Ծովինար Բարխուդարյանը պարզել է, թե ինչ օրակարգով են թեկնածուները մասնակցում ընտրություններին:

Բրատիսլավայում Մնացականյան- Մամեդյարով հանդիպումից հետո, ԵԱՀԿ Մինսկի խմբի համանախագահները խոսում են անհապաղ առարկայական բանակցություններ սկսելու մասին: Այդ հանդիպումից առաջ, Բաքուն հայտարարել էր, թե Բրատիսլավայում տրվելու է բովանդակային բանակցությունների մեկնարկը:

Հայաստանի զինված ուժերը պատրաստ են բանակցային գործընթացի ցանկացած ելքի: Այսօր հայտարարել է պաշտպանության փոխնախարարը: Գաբրիել Բալայանի խոսքով Արցախում էսկալացիայի սպառնալիք միշտ կա, որը վերահսկվում է առաջնագծում իրավիճակը Հայաստանի ու Արցախի Զինված ուժերն են թելադրում:

Երեւանի քաղաքապետարանը կարծում է, որ 50 մլն. դրամով նոր տարի չեն անում: Ամանորյա միջոցառումների բյուջեն 270 մլն. դրամով ավելացնում են: Ընդդիամդիրը զայրացել է, բայց նախագիծն ընդունվել է:

Քենիայում 132 մարդ սողանքների տակ է մնացել: Գյուղերից մեկում հորդառատ անձրեւներն ավերել են անգամ գերեզմանները: Գյուղացիները տեղափոխվում են բարձրադիր գոտիներ: