Լրահոս

Հայաստանում այսօր սկսվել է ստորագրահավաք ի աջակցություն Ռոբերտ Քոչարյանի: «Հաղթանակ» կոչվող շարժմանը արդեն միացել են 30-ից ավելի քաղաքական-հասարակական գործիչներ: Նրանք ստորագրել են հայտարարության տակ, որը դատապարտում է Հայաստանի իշխանության ճնշումները դատաիրավական համակարգի նկատմամբ:

Արցախը հայկական հող է, որի վրա հենց հիմա հասնում է մրգերի արքան: Նռան այգիների սահմանները անընդհատ մեծանում են հայկական երկրորդ հանրապետությունում: Արցախից Ծովինար Բարխուդարյանի ռեպորտաժի հերոսը 28-ամյա Արենն է: Նրա հաջողության պատմությունը կարող է ձեզ օգնել, եթե հենց հիմա նոր բիզնեսի մասին եք մտածում:

Նաիրի Հունանյանին երկու ժամ տեսակցած անկախ պատգամավոր Արման Բաբաջանյանը անընդհատ հարցազրույցներ է տալիս՝ պատմելով, թե ինչպե՞ս, ինչո՞ւ հանդիպեց պետական ութ գործչի սպանած ահաբեկչական խմբի պարագլխին: Բաբաջանյանը, որ սկզբում պնդում էր, թե ակաբեկիչը մեզնից էլ ադեկվատ է: Վերջին հարցազրույցում ասել է, որ իրենց հանդիպման ժամանակ ներկա էին բանտի անվտանգության աշխատակիցներ, որպեսզի կանխեին Հունանյանի կտրուկ գործողությունները: Քաղաքագետների, նաև սպարապետ Վազգեն Սարգսյանի եղբոր կարծիքով՝ Հունանյանին կարող են նորից օգտագործել քաղաքական նպատակների համար:

Հայաստանի արտգործնախարար Զոհրաբ Մնացականյանը բարդ զրույց է ունեցել BBC-ի լրագրող Սթիվըն Սակուրի հետ: Նա Մնացականյանին հարցրել է հին ու Նոր Հայաստանների, կոռուպցիայի, Արցախյանի հարցի մասին: Սուր հարցերին մեր արտգործնախարարի պատասխանները անհանգստացրել են հայ վերլուծաբաններին: Մասնավորապես, Արցախյան հարցի վերաբերյալ հայկական կողմի դիրքորոշման մասին Մնացականյանը տվել է ոչ հստակ պատասխաններ, կրկնել վարչապետ Փաշինյանի խաղաղասիրական թեզը: Ինչին հաղորդավարը հակադարձել է իր ուղիղ հարցով՝ արդյոք վարչապետ Փաշինյանը խաղաղություն է ուզում, երբ Ստեփանակերտում հայտարարում է, որ Արցախը Հայաստան է և վերջ:

Հումանիտար աղետի զոհերը վերադառնում են Սիրիա: Երկրի հյուսիսայի շրջաններում հրադադար է, բայց պատերազմի հետեւանքով փախստական դարձած մարդիկ չեն շտապում վերադառնալ տուն:

Այս պատմությունը ապրիլյան պատերազմի հերոս Նիկոլայ Օսեպյանի մասին է:

Հանրային ծառայությունները կարգավորող հանձնաժողովը «Անի» ընկերությանը պարտավորեցրել է 1 մլն. դրամ վճարել պատվարի տարածքն անօրինական զավթելու համար: Այս ընկերությունը Շիրակի մարզում հիդրոէլեկտրակայան է շահագործում: Ընկերության ղեկավարը այս որոշումը քաղաքական հետապնդում է որակում:

Հայլուրի թղթակիցը կպատմի Երեւանում բացված Յուքոմի նոր սպասարկման սրահի մասին:

Թողարկումը սկսենք Լոռու մարզում տեղի ունեցած արտակարգ պատահարով: Բազումի լեռնաշղթայի անտառներում բռնկված խոշոր հրդեհը մարելու ժամանակ ստացած այրվածքներից հրշեջ-փրկարար է մահացել: Եվս մեկը լուրջ այրվածքներ է ստացել՝ բժիշկները վիճակը ծանր են գնահատում: Մահացածը՝ 22-ամյա Սամվել Դեւելյանը, նորեկ էր հրշեջ-փրկարարական ջոկատում, լավ չի տիրապետել հրդեհը մարելու հմտություններին: ԱԻՆ-ում ապշած են. հրշեջներն այրվել են բաց տարածության մեջ: Ինչ-որ պահի նրանք քամու պատճառով հայտնվել են կրակի շրջափակման մեջ:

Խորհրդարանի պատգամավորների մեծ մասը պատրաստ չէ հետեւել Արման Բաբաջանյանի օրինակին եւ այցելել հոկտեմբերի 27-ի գործով ահաբեկչական խմբավորման ղեկավար Նաիրի Հունանյանին: Նրանք անգամ պատրաստ չեն Հունանյանին ազատության մեջ տեսնել: Ինչպես գիտեք, ահաբեկչական խմբավորման պարագլուխը՝ վաղաժամկետ ազատ արձակման խնդրագրով դիմել է իշխանություններին: Քրեակատարողական ծառայությունը բացասական եզրակացություն է տվել դիմումին:

Ազգային ժողովի աշխատակազմի ղեկավարի նախկին տեղակալ Արսեն Բաբայանի կալանավորումը՝ արտախորհրդարանական ուժերը քաղաքական պատվեր են որակում: Խորհրդարանական բոլոր խմբակցությունները չեն շտապում գնահատել իրողությունը: Սպասում են՝ իրավական լուծումների:

Սահմանադրական դատարանի նախագահ Հրայր Թովմասյանը չի կարծում, որ Բարձր դատարանում ճգնաժամ կա: Թովմասյանը ծավալուն հարցազրույց է տվել 168.am կայքին: Նշել, որ ինքն իր աշխատանքն է կատարում, եթե դրա անունը պայքար է, ապա ՝ դա արժանապատիվ ապրելու, սեփական խղճի հետ գործարքի չգնալու և անկախ դատական համակարգ ունենալու պայքար է: Ինչ վերաբերում է իրեն կալանավորելուն, ապա, ըստ Թովմասյանի՝ դրան նախ համաձայնություն պետք է տա Սահմանադրական դատարանը: