Լրահոս

Հայաստանի խորհրդարանը օրենսդրական նոր նախաձեռնությամբ պատասխանում է Ռուսաստանին: Այսօր ազգային ժողովում շրջանառության մեջ է դրվել մի օրինագիծ, որն արգելում է արտասահմանյան վարորդական վկայականով վարորդ աշխատել Հայաստանում: Ոստիկանության պաշտոնյայի խոսքով՝ այս արգելքը չի կիրառվի ԵԱՏՄ անդամ պետությունների վրա փոխադարձության կարգով: Այլ կերպ ասած՝ եթե այդ երկրները ճանաչեն հայկական վարորդական իրավունքը, մենք էլ կճանաչենք նրանցը:
Խորհրդարանում հայ-ռուսական հարաբերությունների թեման այսօր սրել է նաև ՀԱՊԿ կանոնադրությանը վերաբերող մի համաձայնագիր:

Գեղարքունիքի մարզի Կուտական գյուղում կորած 15-ամյա Արեգային այսօր մահացած են գտել։ Փրկարարները երեխայի մարմինը կեսօրին մոտ գտել են Կուտական և Կախակն գյուղերի դաշտամիջյան հատվածում: Աղջիկը անհետացել էր սեպտեմբերի 6-ին: Նա էպիլեպսիա ուներ:

Սանիթեքի վարորդները, բանվորներն ու քաղաքի մաքրուհիները այսօր բողոքի ակցիա էին կազմակերպել նախ աղբահավաք ընկերության, ապա քաղաքապետարանի դիմաց: 10 օրից ավելի է անգործ են մնացել, իսկ օգոստոսի աշխատավարձն ընդհանրապես չեն ստացել: Ընկերությունից հայտնել են, որ քաղաքապետարանը ծառայության դիմաց չի փոխանցել գումարը: Քաղաքապետը կտրուկ հրաժարվել է, թե ինքը կապ ունի այս խնդրի հետ:

Մասնավորապես` պարզվել է, որ թեև ըստ իրավական ընթացակարգերի ենթակապալառու կազմակերպությունների ընտրությունը գլխավոր կապալառու իսպանական կազմակերպության կողմից պետք է կատարվեր Ծրագրի ինժեների և պատվիրատուի՝ ՀՀ կապի և տրանսպորտի նախարարության համապատասխան պաշտոնատար անձանց համաձայնությամբ, սակայն փաստացի այդ գործընթացները ղեկավարվել են ՀՀ հատուկ հանձնարարություններով դեսպան, ՀՀ երրորդ նախագահ Սերժ Սարգսյանի եղբոր՝ Լյովա Սարգսյանի կողմից, ով այդ գործընթացները կազմակերպել և իրականացրել է Ծրագրում որպես ենթակապալառու հանդիսացող «ՊՈԼԻՏՐԱՆՍՊՈՐՏ» ՍՊ ընկերության սեփականատերեր Սուրեն և Գևորգ Վարդանյանների հետ:

«Վարչապետ Փաշինյանին ձեռնտու է Լիդիանի հավաստիացումներին հավատալը»,- այս կարծիքին է քաղաքագետ Հայկ Մարտիրոսյանը: Նրա խոսքով՝ Փաշինյանի իշխանությունը հստակ որոշել է, որ պիտի շահագործվի հանքը ու դրա համար պատրաստ է, անգամ, անհրաժեշտության դեպքում հանքի ճանապարհը փակ պահող ակտիվիստների դեմ ուժ կիրառել:

Սիրո ու համերաշխության իշխանափոխություն արած իմքայլականները այսօր չեն հասցնում հերքել չորս կողմից եկող լուրերը, թե իշխանական խմբակցությունը պառակտման եզրին է: Ամուլսարի, Ստամբուլյան կոնվենցիայի թեման փորձություններ են իշխողների համար ու կարծես թե այս փորձությունը ծանր են տանում նրանք: Իմ քայլը խմբակցությունը լքել է առաջին պատգամավորը: Պատճառը Ամուլսարն է:
 

Ռոբերտ Քոչարյանի ֆրանսահայ փաստաբանը զեկույց է ներկայացրել Էմանուել Մակրոնին՝ երկրորդ նախագահի դեմ բացված քրեական գործի մասին: Ֆրանսիայի նախագահին ուղարկած փաստաթղթի վերաբերյալ Քոչարյանի ֆրանսահայ պաշտպանը hայտնել է, որ Ելիսեյան պալատը դեռ անցած տարվա հուլիսից է ակտիվ հետևում այս քրեական գործի ընթացքին:

Սեպտեմբերի 8-ին Վանա լճի Աղթամար կղզու պատմական Սուրբ Խաչ եկեղեցում 7֊րդ անգամ մատուցվեց պատարագ։  Պոլսո Հայոց պատրիարքի տեղապահ Սահակ եպիսկոպոս Մաշալյանի գլխավորությամբ մատուցված պատարագին ներկա էին հարյուրավոր հայեր Հայաստանից, Թուրքիայից և Սփյուռքից:

Այսօր՝ սեպտեմբերի 10-ին, շարունակել են 15-ամյա աղջնակի որոնողական աշխատանքները։ Ինչպես հայտնում է mamul.am կայքը՝ հղում անելով shamshyan.com կայքին, քիչ առաջ երեխայի դին հայտնաբերվել է Կուտական գյուղից դեպի Կախակն գյուղի հարակից տարածքի սարալանջի հատվածում։

Հայաստանի Հանրապետության երկրորդ նախագահ Ռոբերտ Քոչարյանի փաստաբանները Մարդու իրավունքների պաշտպանին հասցեագրել են նրա իրավունքների հետ կապված բողոքներ:

Սեպտեմբերի 10-ին, ժամը 10:20-ին վերսկսվել են Կուտական գյուղում կորած երեխայի որոնողական աշխատանքները: Աշխատանքներում ներգրավված են 7 փրկարար, ոստիկանության 60 աշխատակից և հարակից գյուղերից մոտ 200 բնակիչ:

Աշխարհահռչակ Քիմ Քարդաշյան-Վեսթը նորից կգա Հայաստան: WCIT 2019-ի կազմակերպիչները հայտարարել են, որ հոկտեմբերի 6-9-ին Տեղեկատվական տեխնոլոգիաների 23-րդ համաշխարհային համաժողովին Քիմը կմասնակցի որպես հիմնական զեկուցող: Կազմակերպչական կոմիտեի նախագահ Ալեքսանդր Եսայանը հայտարարել է, որ Քարդաշյան-Վեսթը սոցցանցերում ամենամեծ լսարանն ունեցող մարդկանցից է՝ մեր ժամանակաշրջանի ամենաազդեցիկ ձայներից մեկը և առանց նրա մասնակցության հնարավոր չէ լուրջ զրույց ծավալել այս թեմայի շուրջ։  Քիմը նախնինների հայրենիքում առաջին անգամ եղել է 2015-ի ապրիլին՝ Ցեղասպանության 100-րդ տարելիցին ընդառաջ: