Լրահոս

Քննչական կոմիտեն նորից Ամուլսարի թեմայով ասուլիսի է կանչել լրագրողներին: Ու գրեթե նորություն չի հայտնել: Մի քիչ մանրամասնել է «Էլարդի» եզրակացության անհանգստացնող տողերը, բայց նորից վստահեցրել՝ հանքի շահագործումը վտանգավոր չէ բնությանն ու մարդկությանը, եթե Լիդիանը ռիսկերի մեղմման պահանջները կատարի: 

Արցախում ավարտվեց Հաղթանակած-2019 երիտասարդկան հավաքը: Ճամբարային կյանքի վերջին օրը երիտասարդներին է այցելել նախագահ Բակո Սահակյանը՝ հորդորել սիրել Արցախը, բայց ոչ հեռվից:

Մեր երկրում հանցագործությունների դեպքերը աճել են: Սրա մասին ոստիկանությունից են հայտնում, որի նկատմամբ նույնպես հանցագործության դեպքերն աճել են: Դրա պատճառը քաղաքական իշխանության որդեգրած թավշյա գործելաոճն է:  

Հայաստանում օրը 100 հրդեհ է լինում: Սրա մասին Գյումրիում Արտակարգ իրավիճակների նախարարն է ասել: Կրակի պատճառներն էլ տարբեր են: Շիրակի մարզի Բագրավան համայնքում երկու հարեւանի հավաքած մեկ տարվա անասնակերը րոպեների ընթացքում մոխիր է դարձել՝ հոսանքի կարճ միացումից հարեւանությամբ կուտակված աղբ բռնկման պատճառով:

Ֆրանսիայում ընթացող Մեծ յոթնյակի գագաթնաժողովին Մակրոնի առաջարկով Ամազոնի անտառային հրդեհների հարցն են քննարկել: Օրակարգում նաեւ Իրանի հարցն էր: Ու մինչեւ ներսում համաշխարհային նշանակության հարցեր էին քննարկում՝ դրսում ցուցարարները Ֆրանսիայի նախագահին հիշեցնում էին խոստումների մասին:

2 զինվորի ու հերոսաբար զոհված հետախույզի ընտանիքը ամեն օր պայքարում է 4 պատի համար: Սեփական ուժերով տուն են գնել, բայց միմյանց հաջորդած դժբախտ դեպքերը ամեն օր Ալեքսանյաններին մոտեցրել են տունը կորցնելու վտանգին:

Կառավարությունը նորից հետ քայլ է անում: Ժողովրդական դժգոհություններից ու բողոքի ակցիաներից հետո՝ իշխանությունը այս անգամ էլ հետաձգել է Ստամբուլյան Կոնվենցիայի վավերացումը: Արդարադատության նախարարի խոսքով՝ կոնվենցիան մինչև 2020-ի հունվար Ազգային ժողով չի մտնի:

Գյումրեցին Գյումրին սիրում է տարին 12 ամիս, անկախ նրանից՝ ինչպես են իշխանությունները բնութագրում իրենց քաղաքը: Դարբինները սիրո խոստովանություն են անում մուրճի ամեն զարկով: Ֆայտոնչին՝ գյումրվա կոլորիտը պահպանած ֆայտոնով՝ հյուրերին փողոցից-փողոց տանելով: 

Աշխարհահռչակ դերասան Լեոնարդո Դի Կապրիոյի «Երկրի դաշինք» բնապահպանական հիմնադրամը 5 միլիոն ԱՄՆ դոլլար է նվիրաբերել՝ Ամազոնի անտառային հրդեհների մարման համար, տեղեկացնում է Insider-ը: Ըստ հիմնադրամի տվյալների, այս տարի Բրազիլիայում գրանցվել է 72,000 հրդեհ, որը գերազանցում է նախորդ տարվա թվին, երբ գրանցվել էր 40,000 հրդեհի դեպք:

Պեկինի 39-հարկանի երկնաքերը վաճառվել է առցանց՝ 734 միլիոն ԱՄՆ դոլլարով, տեղեկացնում է CNN-ը: Շենքը պատկանել է մի միլիարդատիրոջ, ով այժմ գտնվում է հետախուզման մեջ, եւ վաճառքի է հանվել վերջինից առգրավվելուց հետո: Աճուրդի տները այդ շենքը գնահատել են 1,05 միլիարդ ԱՄՆ դոլլար: Շենքը այժմ ծառայում է որպես Ամերիկյան IBM ընկերության գլխամաս:

Մեծ Յոթնյակի գագաթնաժողովի ավարտին տեղի է ունեցել ավանդական լուսանկարահանումը, որին մասնակցել են աշխարհի ղեկավարներն իրենց կանանց եւ ամուսինների հետ, տեղեկացնում է Daily Mail-ը: 

Պաշտպանի աշխատակազմը հարցը քննարկել է Մարզպետարանի, Այրում խոշորացված համայնքի ղեկավարի, ինչպես նաև գյուղի վարչական շրջանի ներկայացուցչի հետ։

Հուլիսին սկսված ու դեռ շարունակվող հորդառատ անձրեւների հետեւանքով՝ Սուդանում տուժել է մոտ 200,000 բնակիչ: Ըստ պաշտոնական տվյալների՝ 62 մարդ մահացել է: Մարդիկ տարհանվել են ավելի քան 15 քաղաքից: Օդերեւութաբանները հայտնել են, որ արձրեւները շարունակվելու են մինչ հոկտեմբեր, տեղեկացնում է BBC-ն:

Այս տարի մեր երկրի տարածքում արդեն բռնկվել է կրակի մոտ 7200 օջախ: Թիվը, որ անցյալ տարվա տվյալից ավելի է մոտ 60 տոկոսով՝ կարող է փոխվել ամեն րոպե: Վերջին զարգացումը մի քանի ժամ առաջ եղավ: Բռնկված ու դեռ չմարված հրդեհներին ավելացավ Մալաթիա մոլ ընկած կրակը: Այս պահին էլ հրշեջները շարունակում են պայքարել ոչ միայն այս, այլ նաև «Խոսրավի անտառ» արգելոցի հարակից Մեղրասար կոչվող տարածքն այրող կրակի դեմ, դեռ անօգուտ: 4 օր անց մարված է Ձյունիկ սառնարանի հրդեհը: Ընկերությունը 250 հազար դոլարի վնաս է կրել ու ակնկալում է պետական աջակցություն: