Լրահոս

Մի քանի ամիս թեժ վեճերից հետո հազիվ հանդարտված խուլ ու համրերի տուն նորից կռիվ է ընկել: Չեն կարողանում հասկանալ, թե ինչպես է Գրիգոր Գրիգորյանն իրենց միության նախագահ ընտրվել, եթե իրենք չեն ընտրել նրան: Օր օրի՝ ձայն բարձրացնող համր վեճին Լիլիթ խալաթյանն է հետևում:

Այս տարվա առաջին կիսամյակում ՊԵԿ-ը գերակատարել է պլանը, հարկահավաքության գործին նոր զարկ տալու համար շարունակում են սխեմաներ մշակել՝ շոու բիզնեսի աստղերին հարկելու համար: ՊԵԿ նախագահն այսօր զգուշացրել է՝ եկամուտները չհայտարարագրող, անբարեխիղճ աստղերը, հնարավոր է, անվանական նամակներ ստանան Ազգային անվտանգության ծառայությունից:

Ընդհանուր այս տարվա առաջին կիսամյակում ճանապարհային վթարներից ու պատահարներից 152 մարդ է մահացել, թիվը գերազանցում է նախորդ տարիների ցուցանիշը, անհանգստացնում մասնագետներին:

ՀՅԴ Արցախի կազմակերպության Շրջանային ժողովը հանդես է եկել Արցախում կայանալիք ընտրությունների վերաբերյալ հայտարարությամբ:

Հայաստանի Հանրապետության ազգային անվտանգության ծառայությունը կոռուպցիայի դեմ պայքարին ուղղված իր գործառույթների իրականացման շրջանակներում ձեռնարկված օպերատիվ-հետախուզական միջոցառումների արդյունքում բացահայտել է ՀՀ ՊԵԿ աշխատակցի կողմից կաշառք պահանջելու և ստանալու դեպք:

Արարատի Զոդի կամրջի վրա 6 մարդու կյանք խլած ավտովթարի գործով ձերբակալվել է ՙՏոյոտայի՚ վարորդը: Նա կասկածվում է ճանապարհային երթևեկության, տրանսպորտային միջոցների շահագործման կանոնները խախտելու մեջ: Նրան սպառնում է մինչև 10 տարի ազատազրկում: 
Շաբաթ երեք մեքենայի մասնակցությամբ տեղի ունեցած ավտովթարի հետևանքով տուժել էր 13 մարդ: Նրանցից մեկի՝ 13-ամյա երեխայի վիճակը ծայրահեղ ծանր է:

Աղբի հոտից բացի, ամռանը սրվում է նաև հրդեհավտանգ իրավիճակը: Կրակի օջախաները այս տարի ռեկորդային քանակությամբ են եղել ամբողջ հանրապետությունում: Արտակարգ իրավիճակների նախարարը այսօր վիճակագրություն է ներկայացրել: Խոսել կրակի բըռընկման պատճառների մասին:

Այսօր կեսօրից հետո Երևան են տեղափոխել վրացական Գորիի մոտակայքում կիրակի վթարի ենթարկված մեքենայի երեք հայ ուղևորները: Մյուս երկուսը՝ դեռ կմնանան Թբիլիսիի հիվանդանոցում: Նրանց վիճակը ծայրահեղ ծանր է: 
Ըստ արտակագ իրավիճակների նախարարի՝ վթարի մեղավորը վարորդն է: Նա խախտել է ուղևորափոխադրման կանոնները: 

Վրաց-ռուսական լարված հարաբերությունների ֆոնին կայծակի պես պայթել է նոր սկանդալ: ՙՌուսթավի - 2՚ հեռուստաալիքի հաղորդավարը ուղիղ եթերում հայհոյել է Ռուսաստանի նախագահին: Դեպքի առթիվ քրեական գործ է հարուցվել հաղորդավարի նկատմամբ: Հեռուստաընկերության դիմաց գիշերով վրացիները բողոքի ակցիա են կազմակերպել: Նրանք տեղի ունեցածը սադրանք են համարում, որն առաջին հերթին հարվածում է Վրաստանի շահերին: