Լրահոս

Նախագահ Արմեն Սարգսյանը ցավակցություն է հայտնել Մեծ Բրիտանիայի և Հյուսիսային Իռլանդիայի Միացյալ Թագավորությունում Հայաստանի Հանրապետության արտակարգ և լիազոր դեսպան Արման Կիրակոսյանի մահվան կապակցությամբ:

Նախագահ Արմեն Սարգսյանը աշխատանքային այցով Սյունիքում է: Այցը սկսել է տեղի մարտական դիրքերից: Նախագահը ողջունել է սահմանապահներին և նշել, որ խորհրդանշական է Սահմանադրության օրը սահմանին գտնվելը: Այնտեղից Արմեն Սարգսյանը ուղևորվել է ՄԵղրի: Եղել 2017-ին բացված Մեղրիի ազատ տնտեսական գոտում: Վերջում պարել թթի փառատոնի մասնակիցների հետ:

Համազգային թատրոնի՝ օրերս հրաժարական տված փոխտնօրեն Մանուկ Նիգոյանը ֆեյսբուքյան գրառմամբ մեղադրել է փոխքաղաքապետին՝ քաղաքի գրպանին մոտ 8 մլն դրամի վնաս հասցնելու համար: Խնդիրը Կենդանաբանական այգու սրճարանների աճուրդն է, որը, ըստ Նիգոյանի՝ քաղաքապետարանը անհիմն ձգձգում է: Ի դեպ՝ նա ևս տարիներ առաջ սրճարանների վարձակալներից է եղել: 

Կալիֆոռնիան երեկվանից ցնցումների մեջ է: 6.4 մագնիտուդով երկրաշարժից հետո, որը վերջին 25 տարում ամենաուժգինն էր դարձել, այսօրվա հետցնցումը գերազանցել է այն: Երկրաշարժի էպիկենտրոնը՝ խոշոր քաղաքներից՝ մոտ է Լոս Անջելեսին: Չնայած մոտ 9 բալանոց երկրաշարժին՝ լուրջ վնասներ նահանգում չկան:

Երկրորդ նախագահի փաստաբանները կարծում են, որ վերաքննիչ դատարանը ձգձգում է Քոչարյանի գործը՝ կալանավորման որոշումից հետո՝ նյութերը չուղարկելով Առաջին ատյանի դատարան: Վճռաբեկ դիմելուց բացի՝ փաստաբանները նոր դիմումներ են պատրաստում ուղարկելու Մարդու Իրավունքների եվրոպական դատարան:

Խաղաղությունը պաշտպանելու են գնում նաև Արցախում: Այնտեղ շարունակվում է ամառային զորակոչը: Զորամասեր նոր հասածներն էլ արդեն զինվորական երդման տողերն են սովորում:

Առանց դատական վճռի՝ գույքի բռնագանձման նախագծի բուռն վեճերը չավարտված՝ նախարարությունը ևս մեկ քայլ է անում: Հանրությանը իրազեկող հոլովակ է հրապարակվել: Բայց որքան էլ փորձեն հանրությանը՝ առաջին հայացքից պարզ բացատրել՝ նախագիծը անհասկանալի է մնում իրավաբանների համար:

Սևանի ջուրը խմելուց հետո՝ սատկած անասունների խնդիրը վեճի առիթ է դարձել բնապահպանների ու մասնագետների միջև: Բնակիչները պատմել են, որ իրենց աչքով են տեսել, թե ինչպես են կովերը՝ լճի կանաչած ջուրը խմելուց հետո սատկել: Գյուղացիները չեն վստահում նաև Սննդի անվտանգության ծառայության պնդմանը, թե կենդանիների սատկելու պատճառը թաց առվույտն է:

Հուլիսի 6-ին, ժամը 15:15-ին «911» ծառայությանը տեղեկություն է հաղորդվել, որ Արարատի մարզում Զոդի կամրջին տեղի է ունեցել ՃՏՊ. բախվել է երեք ավտոմեքենա: Ըստ նախնական տվյալների՝ կան 6 զոհ և 11 տուժած. անհրաժեշտ է փրկարարների օգնությունը:

Կաննի միջազգային կինոփառատոնում «Ոսկե արմավենու ճյուղ» մրցանակի այս տարվա դափնեկիր Չուն-հո Պոնի «Մակաբույծը» (Հարավային Կորեա) ֆիլմով կտրվի Երևանի 16-րդ «Ոսկե ծիրան» միջազգային կինոփառատոնի մեկնարկը: Այս մասին փառատոնի մեկնարկին նվիրված մամուլի ասուլիսին նշեց «Ոսկե ծիրան» միջազգայինփառատոնի ծրագրերի տնօրեն Կարեն Ավետիսյանը:

Սևանա լճի վերաբերյալ վերջին օրերի մամուլի հրապարակումների վերաբերյալ Առողջապահության նախարարությունն իր լիազորությունների շրջանակներում մշտապես իրականացնում է լճի ափամերձ տարածքների և ջրի սանիտարահամաճարակային վիճակի մոնիտորինգ և անհրաժեշտության դեպքում իրազեկում համապատասխան գերատեսչություններին և բնակչությանը դրա փոփոխությունների վերաբերյալ։

Մելանիա Թրամփի ծննդավայր Սլովենիայում տեղադրվել է նրա փայտե արձանը: Արձանի հեղինակը նմանացրել է Մենալիայի՝ 2017 թվականի նախագահական երդմնակալության օրվա կերպարին, տեղեկացնում է Daily Mail-ը: 

Հուլիսի 6-ին, ժամը 04:55-ին «911» ծառայությանն ահազանգ է ստացվել, որ Լոռու մարզում Օձուն-Վանաձոր ավտոճանապարհին տեղի է ունեցել քարաթափում. ճանապարհը միակողմանի փակվել է. անհրաժեշտ է փրկարարների օգնությունը:

Հինավուրց Մեզոպոտամիայի քաղաք Բաբելոնը ընդգրկվել է UNESCO-ի համաշխարհային ժառանգության ցանկում: 1983 թվականից ի վեր Իրանի կառավարությունը լոբբինգ էր անում՝ 4000 տարեկան կոթողը UNESCO-ի պատվավոր ցանկում ներառելու համար: Բաբելոնը հայտնի է Կախովի այգիներով, որոնք աշխարհի յոթ հրաշալիքներից մեկն են: Բաբելոնի տաճարը շատ է վնասվել, նախ՝ Սադամ Հուսեյնի դղյակի կառուցման հետեւանքով, եւ ԱՄՆ-ի՝ որպես ռազմաբազա օգտագործումից, տեղեկացնում է BBC-ն: 

Սահմանադրությունը պետականության աստվածաշունչն է, բայց իրավունքի մասնագետներն ու քաղաքական գործիչները այսօվա Հայաստանում շատ են վտանգներ են տեսնում՝ մայր օրենքի նկատմամբ: Այս մտահոգությունները հնչել են մեր 24-ամյա սահմանադրության մասին քննարկման ժամանակ: Այդ հավաքին մասնակցել է նաև Հայաստանի երրորդ հանրապետության սահմանադրության գերմանացի համահեղինակը: