Լրահոս

Միացյալ Նահանգները  հաջորդ շաբաթ հնարավոր է զենքի նոր խմբաքանակ ուղարկի Ուկրաինա՝ այդ թվում համազարկային կրակի ռեակտիվ համակարգեր: Վերջին մեկ շաբաթում Ուկրաինայի իշխանությունները պահանջում են Վաշինգտոնից նոր զենքեր տալ իրենց, քանի որ իրավիճակը Դոնբասում  չափազանց ծանր է:  Ուկրաինայի նախագահն ու արտգործնախարարը նույնիսկ նշել են այն զենքի տեսակները, որոնք պետք են իրենց պատերազմում բեկում մտցնելու համար: Միացյալ Նահանգները անընդհատ ձգձգում է զենքի նոր խմբաքանակի մատակարարումը:  Արևմտյան լրատվամիջոցները հայտնում են, որ Վաշինգտոնը մտավախություն ունի, որ Ուկրաինայի զինված ուժերը հարձակումներ կսկսեն Ռուսաստանի տարածքի վրա։

Երևանում պաշտպանության նախարար Սուրեն Պապիկյանն ընդունել է Արցախում ռուս խաղաղապահների  հրամանատար Անդրեյ Վոլկովին:  Գեներալ-մայորը Պապիկյանին է ներկայացրել Արցախում ռուսական ստորաբաժանման պատասխանատվության գոտում տիրող իրավիճակը և ընթացիկ զարգացումները:  Պաշտոնական աղբյուրը նաև հայտնում է, որ զրուցակիցները բարձր են գնահատել տարածաշրջանում ռազմաքաղաքական իրավիճակը կայունացնելու համար Ռուսաստանի ջանքերը, Արցախում խաղաղապահ առաքելության արդյունավետությունը:

Արևմուտքը տոտալ պատերազմ է հայտարարել ռուսական աշխարհին, հայտարարել է Ռուսաստանի արտգործնախարար Սերգեյ Լավրովը։ «Արևմուտքը մեզ, ամբողջ ռուսական աշխարհին տոտալ պատերազմ է հայտարարել։ Դա հիմա արդեն ոչ ոք չի թաքցնում, արդեն աբսուրդի է հասնում, մինչև Ռուսաստանի մշակույթի չեղարկումն ու այն ամենը, ինչ կապված է մեր երկրի հետ։ Արգելքի տակ են դասականները՝ Չայկովսկին, Դոստոևսկին, Տոլստոյը, Պուշկինը։  Հալածանքների են ենթարկվում նաև ազգային մշակույթի և արվեստի գործիչները, որոնք այսօր ներկայացնում են մեր մշակույթը»,- «Ռիա Նովոստի» գործակալության փոխանցմամբ՝ ասել է նախարարը։ Հիշեցնենք, որ Ռուսաստանի նախագահ Վլադիմիր Պուտինը փետրվարի 24-ին հայտարարել է Ուկրաինայում ռազմական գործողություն սկսելու մասին՝ ի պատասխան Դոնբասի հանրապետությունների ղեկավարների օգնության խնդրանքի:  Նա ընդգծել է, որ Մոսկվայի պլանների մեջ չի մտնում Ուկրաինական տարածքների օկուպացիան, իսկ նպատակներն են երկրի ապառազմականացումն ու ապամիջուկայնացումը: ԱՄՆ-ն և նրա դաշնակիցները ի պատասխան ՌԴ-ի դեմ լայնածավալ պատժամիջոցներ են սահմանել և ակտիվացրել են Կիևին զենքի մատակարարումը։

Պահեստազորային Նվեր Տոնապետյանը «Հետք»-ին պատմում է 2020 թ-ի նոյեմբերի 3-ի լույս 4-ի գիշերվա մարտերի մասին, որոնք տեղի են ուենցել Շուշի-Լիսագոր ճանապարհին՝ էլեկտրակայանի հարևանությամբ։

Լարված իրավիճակ է եղել Վարդենիսում: Այնտեղ նույնպես քաղաքացիները ճանապարհ են փակել:

ՀՀ Ազգային ժողովի նախկին պատգամավոր Գևորգ Պետրոսյանի վերաբերյալ քրեական գործը դատարանում է։ Այս մասին տեղեկանում ենք Դատական տեղեկատվական համակարգից։ Նա մեղադրվում է տեղեկատվական տեխնոլոգիաների օգտագործմամբ, անձի՝ հանրային գործունեությամբ պայմանավորված, ծայրահեղ անպարկեշտ եղանակով նրա արժանապատվությունը վիրավորելու և անձի վերաբերյալ ծանր վիրավորանք պարունակող նյութ տարածելու համար։ Պետրոսյանի նկատմամբ որպես խափանման միջոց է ընտրվել ստորագրությունը չհեռանալու մասին։

Մայիսի 26-ին ԱԺ նախագահի գլխավորած պատվիրակության այցը Լիբանան ամփոփվել է «Շաղզոյյան» կենտրոնում ՀՅԴ Լիբանանի կենտրոնական կոմիտեի անդամների հետ կայացած հանդիպմամբ։  Ինչպես տեղեկացրին ԱՀ ԱԺ լրատվության և հանրության հետ կապերի բաժնից, ՀՅԴ Լիբանանի կենտրոնական կոմիտեի ներկայացուցիչ, երեսփոխան Հակոբ Բագրատունին, ողջունելով Արցախի պատվիրակությանը, վստահեցրել է, որ Արցախի ուղղությամբ ՀՅԴ Լիբանանի կառույցների աշխատանքները շարունակական են լինելու։   Արթուր Թովմասյանն իր հերթին երախտագիտություն է հայտնել ջերմ ընդունելության համար և պատվիրակության անունից արժևորել լիբանանահայ համայնքի, հատկապես Լիբանանի դաշնակցական կառույցների Արցախի Հանրապետության կայացմանն ուննեցած անսակարկելի գործունեությունը։   Միաժամանակ Արցախի խորհրդարանի նախագահը Հակոբ Բագրատունուն առաջարկել է ստեղծել Արցախ- Լիբանան բարեկամական շրջանակ, որի կազմում կարող են ընդգրկվել պատգամավորներ, գործող ու նախկին նախարարներ և այլ բնագավառի ներկայացուցիչներ։   Հակոբ Բագրատունին մեծ խանդավառությամբ է ընդունել առաջարկը և պատրաստակամություն է հայտնել այդ ուղղությամբ գործուն քայլեր ձեռնարկել։

Շարունակվել են արձանագրվել դեպքեր, երբ կալանքը որպես խափանման միջոց կիրառելու կամ կալանքի ժամկետը երկարացնելու վերաբերյալ քննչական մարմնի, դատախազության կողմից ներկայացվող հիմնավոր միջնորդությունները դատարանների կողմից մերժվելու արդյունքում մեղադրյալները կատարում են նոր հանցագործություններ:

ԱՄՆ Փենսիլվանիա նահանգի Փոթսթաուն քաղաքում բնակելի շենքի պայթյունի հետևանքով զոհվել է առնվազն չորս մարդ, ևս մի քանիսը հայտնվել են թակարդում։ Միջադեպը տեղի է ունեցել հինգշաբթի՝ մայիսի 26-ին, հայտնում է Fox News-ը։ «Առնվազն երկու մարդ դեռևս անհայտ կորած է համարվում հինգշաբթի ուշ երեկոյան, քանի որ անձնակազմը շարունակում է աշխատանքը փլատակների մեջ»,- ասվում է գրառման մեջ: Դեպքի վայրում են շտապօգնության ծառայությունները, դեպքի հանգամանքները պարզվում են։ Մարտի 4-ին Հնդկաստանի Բիհար նահանգի Բհագալպուր քաղաքում բնակելի շենք է պայթել, որի հետևանքով յոթ մարդ է մահացել, այդ թվում՝ վեց ամսական երեխա։ Առնվազն հինգ հոգի ծանր վիրավորվել են։ Իրավապահ մարմինների տվյալներով՝ առաջին հարկում պայթուցիկ է պայթել, քանի որ տեղի բնակիչը զբաղվում էր ճայթուկների և հրավառության ապօրինի արհեստագործական արտադրությամբ։

Արագածոտնի մարզում 31-ամյա վարորդը Skoda-ով բախվել է ապառաժ քարերին

Համաժողովրդական պայքարի հաղթանակից հետո կձևավորվի Ազգային համաձայնության ժամանակավոր կառավարություն, որի կազմում չի լինելու որևէ օդիոզ դեմք։ Այս մասին հայտարարություն է տարածել «Հայաստան» դաշինքը։ «Հիմնովին բարեփոխվելու է կառավարման համակարգը․ ներգրավվելու են բարձրակարգ մասնագետներ, ովքեր իրենց աշխատասիրությամբ, պետականամետ մտածողությամբ նպաստելու են երկրի զարգացմանը, տնտեսության վերականգնմանը։ Պոպուլիզմի, ստի, կեղծիքի, անգործության և կոռուպցիայի փոխարեն նոր կառավարության քաղաքականությունն ուղղված է լինելու քաղաքային և գյուղական համայնքների բնակիչների բարեկեցության ապահովմանը-նշվում է հայտարարության մեջ։

Արցախի ՄԻ պաշտպան Գեղամ Ստեփանյանը հանդես է եկել հայտարարությամբ՝ կապված արդար դատաքննության իրավունքի  պատշաճ իրացմանը խոչընդոտող որոշ խնդիրների հետ:

«Հայկական արբանյակն արդեն աստղային պատերազմների թեմա է դարձել», ասում են փորձագետները՝ հիշեցնելով երեկվանից համացանցում ու ԶԼՄ-ներում տեղ գտած հրապարակումների մասին:

Աշխարհը նոր կրոն է որոնում։ Այս մասին ֆեյսբուքյան իր էջում գրել է քաղաքագետ Ստեփան Դանիելյանը։

Մայիսի 13-ին ՔՈԳՎ թմրամիջոցների անօրինական շրջանառության դեմ պայքարի, Երևան քաղաքի ու Արարատի մարզային վարչությունների, ինչպես և Արտաշատի բաժնի ծառայողները համատեղ միջոցառմամբ ապօրինի թմրաշրջանառության հերթական դեպքն են բացահայտել:

ՀՀ սննդամթերքի անվտանգության տեսչական մարմնի Լոռու մարզային կենտրոնի տեսուչները վերահսկողական միջոցառումներ են անցկացրել անհատ ձեռնարկատեր Հակոբ Պողոսյանին պատկանող հանրային սննդի օբյեկտում (Վանաձոր-Երևան մայրուղու Ջրաշենի ոլորանի հատված): Պարզվել է, որ այստեղ խախտվել են իրավական ակտերով սահմանված սանիտարահիգիենիկ նորմերը, մասնավորապես՝ արտադրական, օժանդակ, կենցաղային սենքերը մաքուր, նորոգ և պատշաճ վիճակում չեն եղել, աշխատանքային գործիքների և պարագաների լվացման, ախտահանման և պահման համար համապատասխան տարածքներ և անհրաժեշտ հարմարություններ նախատեսված չեն եղել, արտադրամասն ապահովված չի եղել կենցաղային տարածքներով (սանհանգույցը գտնվում է տարածքից դուրս, ապահովված չէ մշտական հոսող ջրով, չկա լվացարան, չկա անձնակազմի համար հանդերձարան), չեն ձեռնարկվել համապատասխան միջոցներ՝ կանխելու կենդանիների մուտքը սննդամթերքի պատրաստման, մշակման, պահման և տեղափոխման տարածքներ, իսկ սննդի շղթայում ներգրավված անձնակազմը չի ենթարկվել պարտադիր նախնական և պարբերական բժշկական զննությունների, չեն ունեցել սանիտարական (բժշկական) գրքույկներ: Հանրային սննդի օբյեկտի արտադրական գործունեությունը կասեցվել է, սահմանվել է խախտումները վերացնելու ժամկետ:

Երևան քաղաքի առաջին ատյանի ընդհանուր իրավասության դատարան է ներկայացվել միջնորդություն՝ «Ազատագրկում» շարժման առաջնորդ Միքայել Բադալյանի նկատմամբ ընտրված խափանման միջոցը՝ կալանավորումը գրավով փոփոխելու վերաբերյալ։ Այս մասին հայտնում է փաստաբան Էրիկ Ալեքսանյանը։

Մայիսի 26-ին, ժամը 00.05-ին, ոստիկանության ՊԾ Երևանի գնդի 3-րդ գումարտակի 1-ին վաշտի ծառայողները Հյուսիս-Հարավ մայրուղուց, գողության փորձի կասկածանքով, «Նիսան» մակնիշի մեքենայով հանդերձ, ոստիկանության Մաշտոցի բաժին բերման են ենթարկել 21-ամյա երիտասարդի: Նա տվել է խոստովանական բացատրություն, որ Հյուսիս-Հարավ մայրուղում փորձել էր գողանալ ուղևորի պայուսակը, սակայն հանցագործությունն ավարտին չէր հասցրել: Նախապատրաստվում են նյութեր:

ՀՀ երկրորդ նախագահ Ռոբերտ Քոչարյանի որդին՝ Լևոն Քոչարյանը, անդրադառնալով ԶԼՄ-երից մեկի հրապարակմանը, գրել է.