Լրահոս

«Պատիվ ունեմ» խմբակցության ղեկավար, «Հայրենիք» կուսակցության նախագահ Արթուր Վանեցյանը բոլորին այսօր՝ ժամը 18:00-ին, հրավիրում է Ազատության հրապարակ՝ ամփոփելու մեկ շաբաթվա ակցիան: «Կխոսենք, թե ինչ ձեռքբերումներ ենք ունեցել, ինչ պետք է անենք, կխոսենք ապագա մեր պլանների մասին, որից հետո միասի կշարժվենք Հանրապետության հրապարակ՝ միանալու ջահերով երթին»,-ուղիղ եթերի ժամանակ հայտարարեց Վանեցյանը:

«Հայրենիք» կուսակցության մամուլի խոսնակ Սոս Հակոբյանի կարծիքով՝ վարչապետ Նիկոլ Փաշինյանը կփորձի կարճ ժամանակով «նորից թմրեցնել հասարակությանը»:

Երեկ երեկոյան Ազատության հրապարակից բերման ենթարկված քաղաքացիներից մեկն ազատ է արձակվել: Մյուս քաղաքացուն՝ «Ազատագրում» շարժման հիմնադիր Միքայել Բադալյանին իրավապահները կեսգիշերից հետո ձերբակալել են:

Այսօր սպասվում է ամենկարևոր իրադրաձություններից մեկը, ժամը 18:00-ին մենք կհավաքվենք Ազատության հրապարակում, և երթով կմիանանք Հանրապետության հրապարակ՝ ջահերով երթ իրականացնող մեր մյուս հայրենակիցներին: Ազատության հրապարակում լրագրողի հարցին ի պատասխան ասաց «Հայրենիք» կուսակցության անդամ Արսեն Բաբայանը: «Բոլորին սպասում ենք Ազատության հարպարակում, որպեսզի ամփոփենք այս օրերի ընթացքում մեր կատարածը, մեր ապագա անելիքները և շարժվենք ջահերով երթ իրականացնենք»: Ինչ վերաբերում է նրան՝ արդյոք պայքարը չի բաժանվում, երբ տարբեր խմբեր են մասնակից, Բաբայանն ասաց. «Բոլորովին, որովհետև, ի վերջո, բոլորի նպատակը մեկն է՝ պահպանել Հայաստանի Հանրապետությունն ու Արցախը»:

Ապրիլի 22-ին Վարդանիձոր գյուղի մերձակա սարալանջին՝ առվակի մեջ, հայտնաբերվել են մարդու մասունքներ ու քրքրված հագուստ: Ոստիկանության Սյունիքի մարզային վարչության, Մեղրիի բաժնի և մարզային քննչական վարչության ծառայողների համատեղ ձեռնարկած օպերատիվ-հետախուզական միջոցառումների և քննչական գործողությունների շնորհիվ պարզվել է, որ հայտնաբերվածը անցած տարվա օգոստոսի 22-ից ոստիկանության Մեղրիի բաժնի կողմից որպես անհետ կորած որոնվող Լյուդվիգ Սարգսյանի մասունքներն են։ Նշանակվել է դատաբժշկական փորձաքննություն: Կատարվում է նախաքննություն։

Ուկրաինայի նախագահ Վլադիմիր Զելենսկին հայտարարել է, որ օտարերկրյա գործընկերները սկսել են երկիր ուղարկել «հենց այն զենքերը, որոնք իրենք խնդրել են»։ Համապատասխան տեսաուղերձը հրապարակվել է նրա թելեգրամյան ալիքում։ «Ես շնորհակալ եմ մեր բոլոր գործընկերներին, որոնք վերջապես լսեցին մեզ: Որոնք մեզ տալիս են հենց այն, ինչ մենք խնդրել ենք»,- ասել է Ուկրաինայի ղեկավարը։ Միաժամանակ Զելենսկին չի հստակեցրել, թե ինչ զինատեսակների մասին է խոսքը։

Հայաստանում, ապրիլի 23-ի դրությամբ, հաստատվել է կորոնավիրուսի 8 նոր դեպք: Երեկ կատարվել է 2428 թեստավորում, առողջացել է 13 քաղաքացի: Մահվան դեպք չի արձանագրվել: Հայաստանում կորոնավիրուսով վարակվածների ընդհանուր թիվը 422 հազար 822 է: Կորոնավիրուսի հետևանքով Հայաստանում մահացել է ընդհանուր 8622 մարդ:

Ապրիլի 23-ին Արցախի Հանրապետության պաշտպանության նախարար, ՊԲ հրամանատար, գեներալ-լեյտենանտ Կամո Վարդանյանը ընդունել է Կարմիր Խաչի միջազգային կոմիտեի Լեռնային Ղարաբաղի առաքելության պատվիրակությանը՝ ղեկավար Նիկոլաս Ֆլյորիի գլխավորությամբ: Հանդիպման ընթացքում քննարկվել են հումանիտար բնույթի լայն շրջանակի հարցեր, երկուստեք ձեռք է բերվել պայմանավորվածություն՝ համագործակցության հետագա խորացման ուղղությամբ: Կամո Վարդանյանը Նիկոլաս Ֆլյորիին շնորհակալություն է հայտնել Արցախում իրականացվող մարդասիրական տարբեր ծրագրերի և հատկապես հետպատերազմական իրողություններով պայմանավորված խնդիրների լուծման համար և պատրաստակամություն հայտնել այսուհետ ևս ամեն ինչ անել առաքելության գործունեությանը աջակցելու համար:

Այսօր, ապրիլի 23-ին, հերթական վանդալիզմն է տեղի ունեցել։ shamshyan.com-ի հաղորդմամբ կոտրել են Դավիթ Բեկի փողոցում, Սուրբ Հարություն եկեղեցի տանող մուտքի կամարին տեղադրված Հիսուս Քրիստոսի բազալտե արձանը, կոտրել են արձանի ոտքերը, վնասվել ձեռքերը, գլխի հատվածը։ Հանցագործները թողել են նաև գրառում։ Փաստի առթիվ ոստիկանության Էրեբունու բաժնում նյութեր են նախապատրաստվում։

Երեկ երեկոյան Արցախի Սանասար (Կուբաթլու) շրջանում ականի պայթյուն է տեղի ունեցել: Դրա հետևանքով վիրավորում է ստացել 1993 թվականին ծնված Բեյբալի Նասիբովը: Այս տեղեկությունը հայտնում է շրջանի դատախազությունը՝ մանրամասնելով, որ պայթել է հակահետևակային ական:

Այսօր, ապրիլի 23-ին, «Արմավիր» բժշկական կենտրոնի վերակենդանացման բաժանմունքում, գիտակցության չգալով, մահացել է Արմավիրի մարզի Մեծամոր խոշորացված համայնքի Նալբանդյան բնակավայրի բնակիչ 72-ամյա Սիրվարդ Հարությունյանը, Ինչպես փոխանցում է Shamshyan.com-ը, վերջինս հիվանդանոց էր տեղափոխվել իր փեսայի կողմից հրազենային վնասվածքներ ստանալուց հետո։ Հիշեցնենք, որ երեկ՝ ապրիլի 22-ին հրազենի գործադրմամբ սպանություն և սպանության փորձ էր տեղի ունեցել Արմավիրի մարզում։ Shamshyan.com-ի փոխանցմամբ՝ Ժամը 00։15-ի սահմաններում ոստիկանության Արմավիրի բաժին ահազանգ է ստացվել, որ Նոր Արմավիր գյուղից դեպի Նալբանդյան գյուղ տանող ճանապարհահատվածում կրակոցներ են հնչել, և ըստ ահազանգողի՝ 1 հոգի տեղափոխվել է հիվանդանոց, 1 հոգի էլ գետնին ընկած է։ Պարզվել է, որ նույն օրը, ժամը 00։05-ի սահմաններում Արմավիրի մարզի Մեծամոր համայնքի Նալբանդյան բնակավայրի բնակիչ 44-ամյա Լաերտ Հարությունյանն իր աներոջ՝ Նալբանդյան բնակավայրի բնակիչ 69-ամյա Էդիկ Մարտիրոսյանի տան բակում կենցաղային հարցերի շուրջ վիճաբանել է Է․ Մարտիրոսյանի, նրա որդու՝ Նալբանդյան բնակավայրի բնակիչ 41-ամյա Արամ Մարտիրոսյանի հետ, որի ժամանակ, ըստ նախնական տեղեկությունների՝ հայհոյանքներ է հնչեցվել Լ․ Հարությունյանի հասցեին (որը քննչական վարչությունը պարզում է), ինչի ժամանակ էլ Լ․ Հարությունյանն իր մոտ եղած ողորկափող հրացանով կրակոցներ է արձակել Ա․ և Է․ Մարտիրոսյանների, ինչպես նաև Է․ Մարտիրոսյանի կնոջ՝ Նալբանդյան բնակավայրի բնակիչ 72-ամյա Սիրվարդ Հարությունյանի ուղղությամբ։ Կրակոցների հետևանքով Է․ Մարտիրոսյանը գլխի շրջանում ստացված հրազենային վնասվածքից տեղում մահացել է, իսկ Ա․ Մարտիրոսյանն ու Ս․ Հարությունյանը հրազենային վնասվածքներով տեղափոխվել են «Արմավիր» բժշկական կենտրոն։ Հարուցվել է քորեական գործ, կասկածյալ Լ․ Հարությունյանը ձերբակալվել է։

Արցախի ԱԺ խմբակցությունների ներկայացուցիչները հանդիպել են Ստեփանակերտի քաղաքապետարանի պատասխանատուների, ավագանու անդամների, կրթադաստիարակչական հիմնարկների ղեկավարների հետ: Քննարկվել են արտաքին մարտահրավերների, Արցախի կարգավիճակի, անվտանգային խնդիրների հետ կապված հարցեր: Քաղաքային իշխանական ներկայացուցիչները՝ քաղաքապետ Դավիթ Սարգսյանի գլխավորությամբ, բարձրացրել են իրենց մտահոգող հարցերը: Խորհրդարանական ուժերը համատեղ այցելություններ են կատարել նաև հանրապետության շրջաններ, հանդիպել ընտրողների հետ, ներկայացրել մեր երկրի առջև ծառացած խնդիրները, տվել համապատասխան գնահատականներ։ Պատգամավորները հավաստիացրել են, որ պատրաստ են համախմբվել առկա մարտահրավերների հաղթահարման շուրջ և կոչ են արել լինել միասնական և համախմբված։

Ապրիլի 23-ին, ժամը 01:06-ին Գեղարքունիքի մարզային ճգնաժամային կառավարման կենտրոն ահազանգ է ստացվել, որ Դպրաբակ գյուղում այրվում է առանձնատուն: Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ: Պարզվել է, որ հրդեհը բռնկվել է 2-րդ փողոցի տներից մեկին օժանդակ շինությունում։ Հրդեհը մեկուսացվել է ժամը 03:35-ին, մարվել՝ 04:25-ին: Այրվել են օժանդակ շինությունը (մոտ 65 քմ)՝ գույքով և առանձնատան տանիքի փայտե կառուցատարրերը, վնասվել են տանիքի մետաղյա թիթեղները (մոտ 45 քմ):

«Փաստ» օրաթերթը գրում է․ Այսօր ժամը 19:15-ին Հանրապետության հրապարակից մեկնարկելու է ավանդական համազգային ջահերով երթը: ԱԺ «Հայաստան» խմբակցության պատգամավոր Քրիստինե Վարդանյանը «Փաստի» հետ զրույցում նախ նշել է, որ այն Դաշնակցության երիտասարդական միության կողմից կազմակերպվում է արդեն 23 տարի: Նա ծիծաղելի է համարում վերջին մի քանի օրերին իշխանական շրջանակների այն դիտարկումները, թե երթը այսուհետ քաղաքականացված է: «Հասկանալի է, թե ինչ են փորձում ասել: Իրականում բազմիցս, նաև այս տարի, որպես կազմակերպիչներ, փաստում ենք, որ սա միասնականության, ազգային միասնության երթ է: Խոսքը մի թեմայի մասին է, որի շահառուները մենք բոլորս ենք: Բոլորի նախնիներին էլ առնչվել է Հայոց ցեղասպանությունը: Հիմա իշխող ուժը փորձում է ամենատարբեր մանիպուլ յացիաներն օգտագործել՝ ասելով, թե երթը քաղաքական է, կուսակցական է: Եթե այդպես նայենք, այո՛, սա ամենաքաղաքական թեման է այն իմաստով, որ Հայոց ցեղասպանությունն իրականացվել է քաղաքական որոշման արդյունքում: Այն ժխտելը ևս քաղաքական որոշման հետևանք է: Բայց այստեղ կրկին հարկ է նշել թեմայի վերկուսակցական լինելու մասին. Հայոց ցեղասպանության թեման որևէ ուժի սեփական թեման չէ: Եվ, ընդհանրապես, ծիծաղելի են այն մեթոդները, որոնցով իշխանությունը փորձում է այնպես անել, որ ապրիլի 23-ին քիչ մարդ լինի»: Անդրադառնալով արդեն բուն երթին ու խորհրդին հատկապես այս փուլում՝ նա հավելեց. «Ցեղասպանության համատեքստում մեր հետ կատարվածը հիշելու, արդար հատուցում պահանջելու խորհուրդն ունի ջահերով երթը: Այդ խորհուրդը չի փոխվել: Ի տարբերություն ապրիլի 24-ի, ապրիլի 23-ի երթը բացառապես պահանջատիրական է, այնտեղ կա պայքար: Ջահը, որը երիտասարդները տանում են Ծիծեռնակաբերդ, հենց այդ պայքարն է խորհրդանշում: Այս տարի հատկապես վերջին իրադարձությունների համատեքստում մասնակցությունը ջահերով երթին էլ ավելի է կարևորվում, որովհետև 2020 թվականի պատերազմից ի վեր կատարվողը Հայոց ցեղասպանական նույն ծրագրի իրականացման հերթական փորձերի տրամաբանության մեջ է: Թշնամիները չեն փոխվել, թշնամական ծրագիրը՝ ևս: Մինչդեռ տպավորություն է, թե մենք, կարծես, չենք հասկացել՝ ինչ է տեղի ունեցել մեզ հետ 107 տարի առաջ, և որ հիմա այդ ծրագիրը շարունակվում է»: Շեշտելով նաև այսօր առկա հայ-թուրքական հարաբերությունների կարգավորում կոչված գործընթացների, դրանց շուրջ քննարկումների մասին՝ նա հավելեց. «Հայաստանը ներկայացնողներն ասում են, որ իրենց համար թշնամու կողմից ներկայացված նախապայմաններում որևէ խնդիր չկա: Այս իմաստով ևս բոլորիս պարտականությունն է մասնակցել երթին՝ ասելու, որ մենք համաձայն չենք այդպես անզեն, բաց ձեռքերով ու գլուխներս կախ հանձնվել Թուրքիայի ու Ադրբեջանի «գթասրտությանը»»: Նշենք, որ մինչև ապրիլի 24-ը իշխող ուժը հրաժարվել է Ազգային ժողովում «Հայաստան» խմբակցության նախաձեռնած լսումների համար տրամադրել ԱԺ դահլիճը: Անդրադառնալով նման մոտեցմանն ու հաշվի առնելով, որ լսումները վերաբերելու էին Հայաստան-Թուրքիա հարաբերությունների կարգավորման վերաբերյալ հայտարարության նախագծին, պատգամավորը հավելեց. «Մենք, ցավոք, պետք է արձանագրենք, որ մեր երկրի, պետության, մեր բոլոր քաղաքացիների ու հայրենակիցների համար այս վճռորոշ պահին ունենք իշխանության ղեկին գտնվողներ, որոնք նաև օբյեկտիվ ու սուբյեկտիվ կաշկանդումներ ունեն: Իրենք պարտության փաստաթուղթ են ստորագրել, իրենք պարտության ու ամոթի մարմնացումներ են, որոնք հիմա շարունակում են բանակցությունները: Իրենք մարդիկ են, որոնց թշնամական պետությունների ղեկավարները դիմել են ամենատարբեր անուններով, ու մինչ օրս այդ վերաբերմունքը շարունակվում է: Եվ այս պայմաններում ակնհայտ է, որ կան չհրապարակված նախապայմաններ, որոնք փորձում են բավարարել ու այդպիսով փորձել պահպանել միայն սեփական իշխանությունը: Այդ նախապայմաններից է Արցախ չգնալը, Արցախից հրաժարվելը, Հայոց ցեղասպանության համատեքստում պահանջատիրությունից հրաժարվելը, ընդհանրապես, Հայոց ցեղասպանություն, Արցախի Հանրապետություն տերմինները չօգտագործելը: Նշված լսումներն ապօրինի կերպով արգելելը փաստում է, որ, երևի, վերջին բանակցություններում իրենք պարտավորվել են չարծարծել, չբարձրաձայնել թեման, այնպես անել, որ Հայաստանում թեման մոռացության մատնվի և կարողանան իրենց կողմից «քաղաքակիրթ» որակված գործընկերների հետ ասել, որ հայ ժողովուրդը չի հիշում ու չի պահանջում: Սա է պատճառը, որ մեր գործողությունները ճիշտ հակառակի մասին պետք է լինեն»: Այս համատեքստում անդրադառնալով նաև առաջիկայում՝ ապրիլի 25-ից սպասվելիք լայնամասշտաբ գործողություններին, նաև արդեն առկա ապակենտրոն պայքարին՝ պատգամավորը նշեց. «Մեզ միավորող հանգամանքներն ավելի շատ են, քան բաժանարար գծերը: Որքան էլ փորձեն մեզ հակառակում համոզել, իրականում հայ ժողովրդի զավակների բացարձակ մեծամասնությունն ուզում է պետություն ունենալ, ապրել անվտանգ երկրում, հայկական Արցախ ունենալ, ուզում է նաև, որ իր իրավունքները պաշտպանված լինեն: Հետևապես, եթե ամրագրում ենք այս հաստատումները, ապա նշվածներին հասնելու միակ ձևը համախմբումն է, որովհետև Հայաստանում մեկ քաղաքական ուժ, մեկ անձ չկա, որը կարող է միայնակ այս ճգնաժամը հանգուցալուծել: Հետևապես՝ ճգնաժամի հանգուցալուծման միակ ճանապարհը համախմբումն է. բոլոր կարող անհատների և կարող ուժերի պարտականությունն այդ համախմբումն ապահովելն է դառնում: Պայքարը պետք է լինի ոչ թե որևէ այլ բանի, այլ նպատակի համար, որովհետև մենք նախ պետք է տուն ունենանք, որ հետո այդ տանը կարողանանք մեր հարցերը լուծել»:

Լուսանկարները՝ «5165» շարժման ֆեյսբուքյան էջից։

Գլխավոր դատախազ Արթուր Դավթյանը, որը տեւական ժամանակ չէր երեւացել եւ մի քանի ամսից հրաժեշտ է տալու պաշտոնին` պաշտոնավարման ժամկետի ավարտի կապակցությամբ, նկատելի է նաեւ, որ որոշակիորեն կորցրել է իշխանական վերնախավի վստահությունը: Ճիշտ է` նա 2018-ից հետո հսկայական ծառայություններ է մատուցել Նիկոլ Փաշինյանին ու նրա թիմին, կատարել է բոլոր հրահանգները, բայց նրանց, միեւնույն է` դա չի բավարարում: Նրանք Սասուն Խաչատրյանի հավատարմությունն են պահանջում, Կարեն Անդրեասյանի կույր սերը, Վահագն Ալեքսանյանի անձնազոհությունը եւ այլն: Մինչդեռ գլխավոր դատախազը հակասությունների մեջ է մտել Արգիշտի Քյարամյանի Քննչական կոմիտեի եւ Սասուն Խաչատրյանի Հակակոռուպցիոն կոմիտեի հետ: Այս կառույցները սկսել են հրապարակային «բոչկա գլորել» միմյանց վրա: Դա երեւաց Վովա Գասպարյանի գործով, ապա՝ Հովիկ Աբրահամյանի, որին Սասուն Խաչատրյանի հիմնարկն աջակցել էր, որ իր միլիոնանոց դղյակն արագ վերաձեւակերպի եւ փրկի պետականացումից: Երեկ Արթուր Դավթյանը, իհարկե, ԱԺ-ում կրծքով պաշտպանում էր Նիկոլ Փաշինյանին՝ նրա ելույթներում որեւէ հանցակազմ պարունակող տարր կամ խնդրահարույց բան չհայտնաբերելով, չնայած զոհվածների ծնողները դիմել են դատախազություն՝ պահանջելով քրգործ հարուցել ԱԺ-ում ելույթի առիթով, որտեղ նա ասում է, որ կարող էր կանխել պատերազմը, բայց «արդունքում կունենայինք նույն իրավիճակը, իհարկե՝ առանց զոհերի»։ Այստեղ դատախազ Դավթյանը որեւէ հանցակազմ չի տեսնում եւ փորձում էր դա հիմնավորել մասնագիտորեն։ Փոխարենը նա փիլիսոփայորեն փորձեց մեկնաբանել մեր այն դիտարկումը, թե քննչական եւ հակակոռուպցիոն կոմիտեներն իր դեմ «բոչկա են գլորում»։ «Սովորաբար, գլորում են վերեւից ներքեւ, իսկ դատախազությունը վերեւում է, հետեւաբար, «բոչկեքը» վերեւ չեն կարող բարձրանալ»,- ասաց Դավթյանը՝ փաստացի շեշտելով, որ Սասուն Խաչատրյանն ու Արգիշտի Քյարամյանն ավելի ցածր կարգավիճակ ունեն, քան ինքը։ Արթուր Դավթյանին հիշեցրինք նաեւ իր նախկին կոլեգաների՝ նախկին դատախազներ Աղվան Հովսեփյանի եւ Գեւորգ Կոստանյանի նկատմամբ իր հարուցած քրեական հետապնդումների մասին, որոնց արդյունքում Հովսեփյանն արդեն քանի ամիս կալանքի տակ է, իսկ Կոստանյանը՝ հետախուզման մեջ, չնայած խնդրել էր հետախուզումը վերացնել` պատրաստակամություն հայտնելով գալ եւ մանրակրկիտ ցուցմունք տալ Մարտի 1-ի գործով, որով իրեն մեղադրանք են առաջադրել։ Հիշեցրինք նաեւ Վանաձորի քաղաքապետ Մամիկոն Ասլանյանին անհասկանալի քրգործով կալանքի տակ պահելու, նաեւ Նարեկ Մանթաշյանին «դրոշ տեղադրելու համար» ազատությունից զրկելու մասին։ Դավթյանը փորձեց իրավաբանորեն արդարացնել՝ բնականաբար բացառելով, որ այդ ամենում քաղաքական մոտիվացիա կա՝ ուղղորդված իշխանությունների կողմից։ Նրան փորձեցինք մասնագիտականից բերել բարոյական ու մարդկային դաշտ՝ նկատելով, որ այսօր ինքն է իր նախկին կոլեգաների դեմ քրեական հետապնդում իականացնում, մեկին կարողանում է նստեցնել՝ Աղվան Հովսեփյանին, մյուսին՝ Գեւորգ Կոստանյանին, թեեւ չի կարողանում կալանավորել տալ, բայց հետապնդում է, մտավախություն չունի՞, որ իրենից հետո եկող դատախազն էլ իր հետ նման կերպ կվարվի, եւ ինքն էլ նույն ճակատագրին կարժանանա, ինչ իր նախկին կոլեգա դատախազներն այսօր։ Դավթյանը հեգնանք տեսավ մեր արձանագրած փաստի մեջ, որ չի կարողանում կալանավորել Կոստանյանին, փոխարենը՝ հետը միջոցառման է մասնակցում, եւ արձագանքեց․ «Ես ոչ միայն մտավախություն չունեմ, այլեւ կուզեմ, որ իմ վերաբերյալ, եթե էսպիսի հարցեր քննարկվեն, դատախազական հսկողություն իրականացնող անձը մտածի ու վարվի ինձ նման»։ Ամբողջական հոդվածը կարող եք կարդալ այս հասցեով՝ : https://hraparak.am/post/6b03cdfa58e920df413ecf6e41e3e84f?fbclid=IwAR0YTJAuf155XAPmqqXD6z-zOMWmDskmflXWX6JvucuNG7OaQI5OyMX1HpU © 2008 - 2021 «Հրապարակ օրաթերթ»

Ականջները կախ Ազգային ժողովում լսում էին, թե ինչպես էր իրենց թիմակից պատգամավորը հայտարարում, որ Արցախը Ադրբեջանի կազմում ապագա ունի, իսկ հիմա էլ թե բա՝ մեզ ճիշտ չեն հասկացել, ճիշտ չեն մեկնաբանել, երբ մենք ասում ենք նշաձողի իջեցում... Հետաքրքրական էր, որ այա անփառունակ քարոզչությանն առավել ակտիվ ներգրավել են հարակից ծաղրածուներին, որովհետև հասկանում են, որ ով սրա տակ մտնի քաղաքականապես, բարոյապես ոչնչանալու է։ Մի մասը Արցախի ու Հայաստանի հանձնումը արդարացնելով, մի մասը լռելով փորձում են ապահովել Հայաստանի ու Արցախի ամբողջական թրքացումը։