Լրահոս

Մեր երկրում կորոնա-վարակակիրների մոտ 14 տոկոսը բուժաշխատողներ են: Նրանցից մեկը նեղացած է հատկապես մարդկանց վերաբերմունքից:

Նիկոլ Փաշինյանն այսօր, ում ասես, չի մեղադրել, որ երկրում կորոնավիրուսի ճգնաժամ է: Մեղավոր չէ ինքը, որ կորոնավիրուսը շան տեղ չէր դնում: Մեղավոր չէ առողջապահության նախարարը, որ վիրուսի դեմ հատուկ միջոցառումների կարիք չէր տեսնում: Մեղավոր է մեկ մարդ, և այդ մեկ մարդը դու ես. հպարտ քաղաքացի, որ լուրջ չես վերաբերվել, որոշ մասնագետների պնդմամբ, խիստ ուշացած սահմանափակումներին: Եվ այսպես՝ բոլորիս հետևից սխալներն ուղղելով 24/7 ռեժիմով աշխատում է վարչապետը: Համենայն դեպս, ինքը պնդում է, որ ճ կլասի մեր երկրում զրոյից իրավապահ համակարգ, արտաքին քաղաքականություն է սարքում:

Մի խոսքով տանը մնալու հորդորը դեռ ակտուալ է: Եթե նման ճոխություն կարող եք ձեզ թույլ տալ, մնացեք տանը և գիրք կարդացեք: Ի դեպ արդեն հասանելի է Սևակ Արծրունիի «Մեր հնարավոր ապագան» գրքի էլեկտրոնային տարբերակը:

Աշխարհում կորոնավարակակիրների թիվը մոտենում է 4 միլիոնի: Մոտ 260 հազար մարդու կյանք խլած հիվանդության դեմն առնող ոչ մի պաշտոնական պատվաստանյութ ու դեղամիջոց դեռ չկա, բայց պետությունների ղեկավարները հրաժարվում են լսել բժիշկների խնդրանքները, ամեն օր ավելի ու ավելի են թեթևացնում սահմանափակումները տնտեսական մեծ ճգնաժամից խուսափելու համար: Մարդկանց առողջության ու տնտեսական կայունության մեծ դիլեմայում աշխարհը դեռ ընտրում է փողը:

Բարձրացված հարցադրումներն ընդհանրապես վերանում են, եթե ուսումնասիրում ենք հիմնադրամի տարեկան հաշվետվությունները, այլ ոչ թե եռամսյակային կամ ամսական: Նշված հաշվետվությունը, որում արտացոլվում են Հիմնադրամի թե մուտքերը և թե ելքերը, Հիմնադրամը պարտադիր հրապարակում է ամեն տարի և հասանելի է յուրաքանչյուր շահագրգիռ քաղաքացու համար:

Մայիսի 8-ին կայանալիք նիստում դատավորը անհապաղ պետք է քննի և բավարարի խափանման միջոցի փոփոխության հարցը` երաշխավորելով Հայաստանի երկրորդ նախագահի` կոնվենցիոն իրավունքների լիաժեք և արդյունավետ իրացումը, առավել ևս արտակարգ դրության պայմանաններում։

Երկրորդ նախագահ Ռոբերտ Քոչարյանը մոտ 2 տարի է կալանավորված է մի գործով, որի քննությունը փաստաբանների պնդմամբ կարող է տեւել մինչեւ 5 տարի: 

Հայրենական մեծ պատերազմի վետերանները հիմա էլ կռիվ են տալիս կորոնավիրուսի դեմ, որի պատճառով Մոսկվայում չեղարկվել է հաղթանակի 75-ամյակի շքերթը: 96-ամյա Վալենտինա տատիկը կարծում է, համավարակի պատճառով, կորցրեց շքերթին մասնակցելու իր վերջին շանսը:

Կորոնավիրուսից ամենաշատը տուժած 58 երկրները չնայած վիրուսի տարածմանը կարանտինը մեղմացնելու որոշում են կայացրել: Այլեւս հնարավոր չէ մարդկանց տներում պահել, տնտեսությունն էլ կոլապսի առաջ է կանգնում:

Վարակակիրների մոտ 14 տոկոսը բուժաշխատողներ են: Առողջապահության նախարարը կիրակի պաշտոնական տվյալներ ներկայացրեց, ասելով որ դրանից խուսափել հնարավոր չէ, բժիշկներն անմիջապես վարակակիրների հետ են շփվում: Բժիշկների աշխատանքին հետեւելու, նրանց հետ խոսելու հնարավորություն անկախ լրագրողերը չունեն:

Պետական օգնության ծրագրերը իսկական գլխացավանք են դարձել որոշ քաղաքացիների համար: Կառավարության նկարագրած պահանջներով մարդիկ հայտեր են լրացնում, վստահ, որ հենց իրենք են շահառուն: Բայց համակարգը անհասկանալի պատճառներով մերժում է: Լինում է նաեւ հակառակը, հայտը հաստատում են, գումորը փոխանցում, հետո զանգում-ասում են, թե սխալվել են: Լուսավոր Հայաստանից պատգամավոր Սրբուհի Գրիգորյանը վստահ է, որ այս խառնաշփոթի պատճառն այն է, որ աշխատանքի եւ սոցիալական հարցերի նախարարությունում գոյություն չունի անապահովների բազա:

Պետական վերահսկողական ծառայության պետի պաշտոնից ազատվելուց հետո, մեկ օրվա ընթացքում Արգիշտի Քյարամյանը նշանակվել է երկու պաշտոնի: Բայց, բարեբախտաբար, երկուսը միասին չի զբաղեցնի: Նա նախ նշանակվել է Քննչական կոմիտեի նախագահի տեղակալ, մեկ օր չանցած ազատվել եւ դարձել ԱԱԾ տնօրենի տեղակալ: Սա այս ժամին, մեր ունեցած վերջին տվյալն է:

Առաջատար տեխնոլոգիաների ձեռնարկությունների միության գործադիր տնօրենի հասցեին առողջապահության նախարարի գրառումը ցնցել է իրավապաշտպաններին: Ժաննա Ալեքսանյանը չի պատկերացնում, թե ինչպես կարող է բժշկի մասնագիտություն ունեցող մարդը նման չարությամբ խոսի մեկ այլ մարդու մասին: Արսեն Թորոսյանը երեկ Կարեն Վարդանյանի հիվանդությունը շահարկող գրառում էր արել, որ եթե քրոնիկ հիվանդություն ունեցող Վարդանյանը հանկարծ վարակվի կորոնավիրուսով, ելքը կարող է խիստ բացասական լինել:Կարեն Վարդանյանը պատասխանել է Արսեն Թորոսյանին: Վիրավորանքի համար իրավապահներին չի դիմի, իմաստ չի տեսնում: