Լրահոս

Տաքությունից վախեցող կորոնավիրուսից վախենում են նույնիսկ տաք Աֆրիկայում:

Ֆրանսիայում առաջին դեռահասն է մահացել կորոնավիրուսից: 16-ամյա աղջնակը, ըստ հարազատների, առողջական լուրջ խնդիրներ չի ունեցել: Բժիշկները զարմացած են, որովհետեւ խիստ հազվադեպ են կորոնավիրուսի ծանր դեպքերը երիտասարդների շրջանում: Ֆրանսիայում, կորոնավիրուսը բուժելու համար արդեն պաշտոնապես կարող են օգտագործել սկանդալային քլորոքինը: Սակայն, պետության այդ որոշումից հետո էլ շատ մասնագետներ չեն վստահում դեղամիջոցի արդյունավետությանը:

Իսկ Չինաստանում կորոնավիրուսից հետո գարուն է եկել: Մինչ հին աշխարհում մարդիկ մեկուսանում են, չինացիները զբոսնում են ծաղկած սակուրաների այգում:

Իսկ Չարենցավանի թոշակառուներին կամավորներն են սուպերմարկետից անվճար սնունդ տանում: Իրենք էլ ջահելներին օրհնում են վարակը հեռու մնա նրանցից: Ինչ տեսք ունեն Չարենցավանի փողոցները այն բանից հետո, երբ պարզվեց՝ կորոնավիրուսը իրենց քաղաք է մտել:

ՀՀ երրորդ նախագահ, Արցախի հերոս Սերժ Սարգսյանը հանդես է եկել արցախցիներին ուղղված ուղերձով:

Հայաստանում օրավարձով աշխատողներ, այնուամենայնիվ, կան: Այսօր նրանց հանդիպել է իմ գործընկեր Գայանե Բալայանը: Գործազուրկ դարձած այդ մարդիկ ապրուստը հոգալու խնդիր ունեն եւ հույսով նայում են պետության ձեռքին: Հիշեցնեմ, երեկ խորհրդարանի ամբիոնից վարչապետն էր հայտարարել, որ Հայաստանում գոյություն չունի «օրավարձով աշխատող» հասկացություն: Նա նկատի ուներ, որ այդ մարդիկ ստվերում են աշխատել եւ նրանց օգնելու մեխանիզմներ չկան:

Աշխարհի գիտական միտքը փնտրում է կորոնավիրուսը բուժող դեղամիջոց: Այսօր ամենաքննարկվողը քլորոքինն է: Գիտնական- բժիշկների մի մասը այն համարում է «հրաշք դեղամիջոց», մի մասն էլ՝ անընդհատ խոսում է դրա մահացու վտանգների մասին: Առողջապահության նախարար Արսեն Թորոսյանը այսօր, պատասխանելով «Հայլուրի» հարցին, ասել է, որ քլորոքին օգտագործում են նաեւ Հայաստանում:

Արվեստի ուժով մարդկանց տանն են պահում դասական երաժշտության համաշխարհային աստղերը: Մեկուսացաների համար նրանք օնլայն-համերգներ են տալիս:

Կրթության և գիտության նախարարության հետ ձեռք բերած պայմանավորվածության համաձայն յուքոմը կօգնի հեռավար կրթության կազմակերպմանը; Կապի օպերատորի հեռուստատեսային ծրագրերին կավելանան հավելվածներ՝ ըստ դասարանների ու առարկաների:

Մեր երկրում կորոնավիրուսով վարակված դեռահասների կյանքին վտանգ չի սպառնում: Այսօր վստահեցրել է առողջապահության նախարարը: Նա նաեւ հայտնել է, որ եւս մեկ բժիշկ եւ Շտապ օգնության վարորդ վարակված են կորոնավիրուսով:

Ինքնամեկուսացման կանոները խախտելու համար Հնդկաստանում կալանավորել են 3 հազար մարդու: Ոստիկանությունը սպառնացել է կրակ բացել օրինազանցների վրա: Մինչեւ կտրուկ քայլերի դիմելը, այդ երկրում պարզապես ծնկի էին բերում մեկուսացման կանոնները խախտողներին եւ ստիպում՝ ներողություն խնդրել: Ինչպե՞ս է աշխարհը դիմանում կորոնա-ճգնաժամին ու փորձում պաշտպանվել մահացու վիրուսից:

Կառավարության այսօր հաստատած ծրագրերից մեկը Նիկոլ Փաշինյանը համարում է պատմական հնարավորություն՝ գուղատնտեսությունում որակական փոփոխությունների համար: Արարատի մարզի Մրգավան գյուղում՝ անկախ կառավարության «պատմական» որոշումից և կորոնավիրուսի բացած հնարավորությունից, սովորականի պես սկսել են գարնան վարուցանքը:

Կառավարությունը միանվագ նպաստ կտա այն ընտանիքներին, որոնք ունեն աչփահաս երեխա և մարտի 15-ից հետո կորցրել են աշխատանքը: Սա կառավարության սոցիալական աջակցության ծրագրերից մեկն է: Ամբողջ փաթեթն ընդունվել է այսօր գործադիրի նիստում: Ի՞նչ աջակցություն է նախատեսել պետությունը համավարակի պատճառով փող կորցրած բիզնեսին, անապահով մարդկանց: