Լրահոս

ՀՀ ԱՆ մամլո խոսնակ Ալինա Նիկողոսյանը տեղեկացրել է, որ մարտի 30-ի դրությամբ կա կորոնավիրուսային հիվանդության հաստատված 50 նոր դեպք:

Թուրքիայի արտգործնախարարության հայտարարությունը Լեռնային Ղարաբաղում անցկացվող ընտրությունների վերաբերյալ հայ ժողովրդի հանդեպ այդ երկրի թշնամական քաղաքականության հերթական արտահայտությունն է: Այս մասին հայտարարություն է տարածել ՀՀ ԱԳՆ:

Աշխարհի գերտերություններն անգամ ծնկի բերած վիրուսը դեռ անհաղթ է: Եթե զարմանում եք՝ տեսնելով փողոցներում անհոգ զբոսնողների, դուք մենակ չեք: Չգիտես ինչու մարդիկ աշխարհի բոլոր անկյուններում ամբողջ սրությամբ չեն զգում կորոնա-սարսափի վտանգը:  

Կյանքը թանկանում է, ապրուստը պակասում: Աննախադեպ վատ վիճակում են հայտնվել նրանք, ովքեր չգրանցված աշխատող չեն եղել, աշխատել են օրավարձով: Նրանց համար ոչ մի օգնություն չի նախատեսում՝ կառավարության՝ այսօր հրապարակած սոցիալական փաթեթը:

Արցախին ճգնաժամերին դիմակայելու ունակություն ունեցող նախագահ է պետք: Վստահ է Հայաստանի երկրորդ եւ Արցախի առաջին նախագահ Ռոբերտ Քոչարյանը: Նա արցախցիներին միասնականության կոչ է արել:

Հայաստանում կորոնավիրուսի զոհերին հերձել չեն կարող: Խորհրդարանն առաջին ընթերցմամբ ընդունել է Կառավարության առաջարկը: Պատճառաբանում են, որ չկան համապատասխան պայմաններ չնայած առողջապահության համաշխարհային կազմակերպության նախագահը արդեն հայտարարել է, որ կորոնավիրուսից մահացածի մարմինը վտանգավոր չէ առողջ մարդկանց համար: Իսկ մեր որոշ պատգամավորները մտավախություն ունեն, որ առանց դիահերձման հնարավոր չէ հստակ ասել, թե ի վերջո ինչից է մահացել մարդը:

Ազատություն կամ առողջություն: Մեր կառավարությունն առաջարկում է ընտրել այս երկուսի մեջ: Խորհրդարանն առաջին ընթերցմամբ ընդունել է մի սկանդալային նախագիծ, որով հսկողության տակ են պահելու բոլորիս հեռախոսազանգերը իմանալու են ո՞վ ու՞ր է գնում՝ ու՞մ հետ է հանդիպում: Ասում են սա կորոնավիրուսի դեմ պայքարն ավելի արդյունավետ դարձնելու համար է: Խորհրդարանական ընդդիմությունը կասկածում է: Պատգամավորներից մեկը զրուցել է օմբուդսմենի հետ ու իմացել, որ նախագիծը խնդրահարույց է մարդու ազատությունների սահմանափակման իմաստով:

Կորոնա-վարակակիրների հետ շփվածներին, գիտենք՝ մեկուսացնում են հյուրանոցներում, թե որ որևէ բաց ինֆորմացիա չկա: Գիտենք միայն Ծաղկաձորի Գոլդըն Փելըս հյուրանոցի անունը: Մեր երկրում ու ամբողջ ախարհում կանգնել է տուրիստական զարկերակը: Համաճարակը արդեն մոտ 135 միլիոն դոլարի շահույթից է զրկել Հայաստանը:

Մարդու իրավունքների պաշտպանի աշխատակազմը ահազանգ է ստացել 48-ամյա Տիգրան Կարապետյանի ենթադրյալ խոշտանգման մասին: Տղայի փաստաբանի պնդմամբ իր վստահորդին ոստիկանությունում ծեծել ու նվաստացրել են: Օմբուդսմեն Արման Թաթոյանը զրուցել է ոստիկանապետի հետ: Նա հայտնել է, որ արդեն հանձնարարել է ստուգել մանրամասները, հարուցված է քրեական վարույթ։

Մեր նկարահանող խումբը այսօր էլ քաղաքում շրջելիս ՝ հանդիպել է շատ մարդկանց, որ 4 պատի մեջ փակված մնալ չեն կարող, որովհետև գործ չկա, փող էլ չկա: Բանկերի առաջ շատերը հերթ են կանգնում՝ վարկ ձևակերպելու հույսով՝ նույնիսկ չիմանալով հետո կարողանալու՞ են մարել բանկային պարտքը:

Եթե ուզում եք Ձեր փոքրիկ ներդրումն ունենալ, որ աշխարհի թոքերը շուտ մաքրվեն այս վիրուսից, պարզապես մնացեք տանը, հաճախ լվացեք ձեռքերը, ախտահանեք այն մակերեսները, որոնց հաճախ եք կպչում:

Ո՞ր մի ֆրանսահայի մտքով կանցներ, որ ինչ-որ վախերի պատճառով ինքը չի գնա վերջին հրաժեշտ տալու Պատրիկ Դևեջյանին: 

Ֆրանսիայի Կլամար քաղաքում ապրող հայերը կորոնավիրուսի օրերին բարության օրինակ են դարձել բոլորի համար: Մի քանի երիտասարդ իրենց գրպանի փողով դիմակներ են գնում եւ բաժանում հիվանդանոցներում: Այդ երկրում շատ սուր է բժշկական դիմակների դեֆիցիտը: Շաբաթական արտադրվում է ընդամենը 8 միլիոն դիմակ, այն դեպքում, երբ օգտագորվում է 40 միլիոնը: Ֆրանսիական կառավարությունը Չինաստանին պատվիրել է մեկ միլիարդ դիմակ:

ՀՀ երկրորդ նախագահ Ռոբերտ Քոչարյանի անունից ցավակցական հեռագիր է հղվել՝ սփյուռքահայ նշանավոր քաղաքական և պետական գործիչ Պատրիկ Դևեջյանի անժամանակ մահվան կապակցությամբ: Այս մասին տեղեկացնում է ՀՀ Երկրորդ Նախագահի գրասենյակը։